TITUS
Dadestan-i denig
Part No. 64
Previous part

Chapter: 63  
Paragraph: 1     63-om pursišn ud pāsox ān ī pursēd kū fradom dahišn ī mardōmīh az čē kard bun-tōhmag ī mardōmān čēōn-iz būd az gayōmard kē be āmad ud čē be būd mašē ud mašyānē az kē be būd hēnd
Paragraph: 2     pāsox ēd kū ohrmazd ī wisp-xwadāy az ān ī a-sar rōšnīh brēhēnīd āsrō-kirb kē-š dām ān ī ohrmazd ud rōšnīh ān ī ātaxš ud a-sōzišnīh būd čēōn anaγr-rōšn ud abzōnīgīh čēōn zamīg ī hu-bar u-š andar ān ī āsrō-kirb dād mardōm ī xwānīhēd stī
Paragraph: 3     sē-hazār sāl ka nē raft u-š nē xward nē xuft u-š nē guft bē-š ahlāyīh mēnīd ī pahlom dēn ī rāst ī abēzag stāyišnīh ud kāmag ī dādār
Paragraph: 4     pas mihrōdruz ī kōxšišngar az-iš wināhīd zīndagīh kard garān margōmandīh xwānīhēd gayōmard ī wizārīhēd zīndagīh ī mērāg
Paragraph: 5     az gayōmard pad be widerišnīh frāz tazīd šuhr ī zīndagīh gōhr mad be ō zamīg ī spēnāg-dād pāyīhīd andar zamīg pad ān ī yazadān Page of ed.: 69  pādārīh u-š hambusīhist pus ud duxt ī mardōm rust hēnd abar bum windād ō ǰumbišn ud rawišn mad hēnd be ō-z ham-gumēzišnīh ud zāyēnīdārīh
Paragraph: 6     az ān zamīg kū gayōmard gyān be šud zarr ud az abārīg bum kū handām handām awiš mad čand ēwēnag ayōxšustān ī brāzīyāg frāz tazīd guft ēstēd

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.