TITUS
Dadestan-i denig
Part No. 65
Previous part

Chapter: 64  
Paragraph: 1     64-om pursišn ud pāsox ān ī pursēd kū bun-tōhmag ī xwēdōdah gōwēnd kū az čē be būd ud az čē gyāg be būd
Paragraph: 2     pāsox ēd kū fradom warzišn ī xwēdādahīh az ān būd ī mašē ud mašyānē kard kē āgenēn brād ud xwāh būd hēnd u-šān pus-warzišnīh ham-gumēzišnīh kard čēōn fradom xwēdōdah-warzišnīh ud fradom ham-gumēzišnīh ī mard abāg zan awēšān kard paywand ī mardōmān ud hāmōyēn purr-rawišnīh ī tōhmagān az ān be būd hamāg mardōmān ī gēhān az ān tōhmag
Paragraph: 3     rāstīhā guft ēstēd kū xwadāy dādār pas az dām[ān]-dahišnīh urwāhmanīh būd u-š az ān warzišn kē-š purr-rawišnīh dāmān az-iš būd
Page of ed.: 70 
Paragraph: 4     u-š bawišn-iz abar gugāy kū dādār ī āfūrāg kāmag *ast *wihān ī zāyišn ud purr-rawišnīh ī pāšom dām ī xwēš kē-š andar *dēn wāxt zāyišn ī čand
Paragraph: 5     hōšang kē-š dō-srišwadag dēw ōzad ud tahmurip kē pad nērōg ī yazadān ahreman nigūnēnīd ud ǰam kē-š paymān winnārd u-š margīh ōgārd ud frēdōn kē-š az ī dahāg bast az-iš drōšag az gēhān wišāyist ud wasān kayān ud yalān ud mēnōg-dastwarān būd ud hēnd ud bawēnd

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.