TITUS
Dadestan-i denig
Part No. 68
Previous part

Chapter: 67  
Paragraph: 1     67-om pursišn ud pāsox ān ī pursēd ēn ī ka xwaršēd ud māh harw ul āyēd māh pēš az rōz-āmadan abar āyēd pad nōgīh ka nōg bawēd mardōmān az rōz ī frōd-šudan xwāhēnd az ān gyāg paydāg bawēd čē ast ka zamān ē-čand būd pas az rōz ul āyēd ud bawēd čē ast u-š pad šab ud rōz rawišn čēōn ast
Paragraph: 2     
pāsox ēd xwaršēd ud māh hamē ānōh wēnīhēnd ēstēnd ud ō mardōmān handēmān hēnd xwaršēd az māh tēz-rawišntar harw rōz andak-iz ō pēš bawēd pad nōg māh xwaršēd pēš ud māh az pas ud nirfsišn ud bārīkīh ī māh rāy andar freh-rawišnīh ud rōšnīh ī xwaršēd rāy paydāg
Paragraph: 3     
čēōn xwaršēd frōd šawēd rōšnīh ī freh paydāg ud māh ēdōn frōd šawēd māh wēnīhēd ud rōz rōz māh waxšēd az xwaršēd pastar abar āyēd pastar frōd šawēd ān rāy wēš wēnīhēd ka waxšēd ō purr rasišn ud Page of ed.: 77  hamwarīh ī xwaršēd ēbārag āyēd ud hām šab wēnīhēd nōgīhā nirfsēd ud abāz rasēd ō hamwarīh ī xwaršēd šawēd ō brāh ī xwaršēd

Next part



This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.