TITUS
Dadestan-i denig
Part No. 69
Previous part

Chapter: 68  
Paragraph: 1     68-om pursišn ud pāsox ān ī pursēd kū māh ud xwaršēd ka frāz gīrēd ēg-iš wihān čē ast az čē be hamē gīrēd
Paragraph: 2     pāsox ēd kū dōān gōzihrān ī tār az dūr azēr ī xwaršēd ud māh rawēnd ud gardēnd ud hamē ka andar gardišn ī spihr azēr ī xwaršēd ayāb azēr ī māh widerēnd nihumbišn bawēd ī xwaršēd abar tad ēstēd ast ī ka nē wēnīhēd xwaršēd ud māh
Paragraph: 3     ān ī harw dōān gōzihrān ī ēk-sar ud ēk-dumb xwānīhēd u-šān rawišn andar hangārag ī axtarmārān paydāg bē pad ān ī rōšnān ēstādan ud ān nihumbišn kardan andar ān nihumbišn nē hāzēnd ō awēšān rōšnān
Paragraph: 4     az ān rōšnān andar abēzagīh ud a-pētyāragīh gyāg ī ān nihuftārān dūr azēr ī awēšān ud abar awēšān rōšnān ēč ǰuttarīh nē bawēd bē ēn kū rōšnīh ī ō gēhān spōzēnd u-šān wāspuhragānīhā xwēškārīh ān and zamān rōšnīh-madārīh ī ō būm nē spurrīg

Page of ed.: 78 
Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.