TITUS
Dadestan-i denig
Part No. 70
Previous part

Chapter: 69  
Paragraph: 1     69-om pursišn ud pāsox ān ī pursēd kū ēn *wizandagīhā čē bawēd u-š wihān če ast az čē hamē bawēd čē rāy harw gyāg kū kōf nē bawēd *wizandag nē bawēd
Paragraph: 2     pāsox ēd kū gyāg-iz kū kōf paydāg nēst *wizandag bawēd *eškafēd *pad-iz dēn rōšn paydāg kū pēš-iz az rōyišn ī kōfān ka būm hamāg hāmōn būd pad gēhān-čandēnīdārīh hām gēhān *wizandag būd
Paragraph: 3     frāsyāb-iz tūr ānōh kū *kōfōmand ud *wiyābān-iz kē škōf andar nēst u-š pad ǰādūgīh čandēnīd
Paragraph: 4     ud meh wihān ī čandišn ud *wizandag-kardārīh mādagwarīhā az bastag kardan ī widarag ī ōzōmand wād ud a-rastag būdan ī wād andar škaft ī kōfān ud drayāb ud any-iz *tazišn ud tundišn ud āhanǰišn ī wād pad tundīh ī andar zamīg ud spōzišn ī-š pad widarag-xwāyišnīh
Page of ed.: 79 
Paragraph: 5     čēōn ast zamīg ud xānīg ī ābān ēdōn-iz ast andar zamīg az *tazišn ud damišn ōzōmand ī purr-zōr ud ka zamān ī-š ō bērōn ī škaft widarag bastag kunēd pad tazišn ī-š andarōn ud spōzišn ī-š ō bērōn ī škaft čandīhēd būm

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.