TITUS
Dadestan-i denig
Part No. 71
Previous part

Chapter: 70  
Paragraph: 1     70-om pursišn ud pāsox ān ī pursēd tis ī be ō mardōmān rasēd pad baxt bawēd ayāb pad kunišn ud tuxšišn brēhēnišn ayāb ǰud-brēhēnišn ǰud az brēhēnišn tis be ō mardōmān rasēd ayāb čē ēwēnag bawēd
Paragraph: 2     
ān ī gōwēnd ka mard be ō wināhgārīh wardēd ēg-iš nōg nōg ōš brēhēnēnd ān ī gōwēnd tis ī ō mardōmān rasēd kār ī māh ud harw nēkīh ō māh bast ēstēd ēn hamāg nēkīh čē ēwēnag baxšēd čēōn ud čē ēwēnag ast gōwizārīhā wizīrēnīd framāyēd pad yazadān-kām
Paragraph: 3     
pāsox ēd dastwarān ēdōn guft ēstēd tis-ē ast ī pad brēhēnišn <tis-ē> ast ī pad kunišn u-šān ēdōn be wizīrēnīd zīndagīh ud zan ud frazand ud xwadāyīh ud xwāstag pad brēh ud āsrōrīh ud artēštārīh ud wāstaryōšīh ud ahlawīh ud druwandīh pad kunišn
Paragraph: 4     
u-šān ēn-iz ēdōn guft ān ī andar gētīg ō mard brēhēnīd ēstēd rasēd ān ī brēhēnīd ēstēd ast ī tuxšišn rāy pēš be rasēd ast ī pad wināhgārīh ud aǰgahānīh aziš appārīhēd ān ī tuxšišn rāy pēš be rasēd čēēn ō padīrag ī nēkīh šawēd ayāb wēmār ud margarzān wēmārīh rāy pēš mīrēd
Page of ed.: 80 
Paragraph: 5     
ān ī pad wināhgārīh ud aǰgahānīh az-iš appārīhēd čēōn zan kunēd ēwar frazand zāyēd ayāb čēōn tan be ō ōzanišn dahēd az-iš zīndagīh appārīhēd

Next part



This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.