TITUS
Dadestan-i denig
Part No. 72
Previous part

Chapter: 71  
Paragraph: 1     71-om pursišn ud pāsox ān ī pursēd grāy-wināhīh ī kūn-marz kardan čē ast ud ōy kūn-marz kunēd ēzišn abāyēd framūdan kardan kunēd ayāb-iš pad-iš kunēnd ēg-iš ham-nišastagīh ud ham-xwarišnīh abāg abāyēd kardan ayāb
Paragraph: 2     
pāsox ēd duš-warzišnīh andar grāyān-wināhān ī abēr grāy ī andar dēn ī māzdesnān az haft bazakkar ī grāy-wināh kē-šān ahreman-warzišn-nazdīkīh ō ahreman hāwand u-š ān ī guft ēstēd pad ham-wināh ālūd
Paragraph: 3     
az ān haft bazakkar ēk az ī dahāg kē-š fradom ǰādūgīh stāyīd u-š ān ī duš-pādixšāyīhā xwadāyīh kard u-š a-mardōmīh kāmist ō gēhān
Paragraph: 4     
ēk az ī srūwar kē-š andar gēhān ān ī sahmgēnīhā-rāh-dārīh ud rāh-bīmēnīdārīh ud asp- ud mard-ōbārīh kard
Paragraph: 5     
ēk wadag ī dahāg mād kē-š fradom rōspīgīh kard u-š wisp-tōhmagīh āšōft ud abarmāndīh bandēnīd ud abē-dastwarīh ī šōy abāg pus ham-gumēzišn būd
Page of ed.: 81 
Paragraph: 6     
ēk wīftag-nar kē-š a-zāyišnīh xwāst ī mardōmān u-š fradom narān-marzišn-rāh ī zahag murnǰēnišnīh be ō narān nimūd
Paragraph: 7     
ēk wifdēnīdag-nar kē-š fradom andar nar ān ī mādagān-kār āwurd u-š ǰuxt ān ī zahag-parwardār mādagān-gabr ud ān ī zahag-murnǰēnāg-guhdān pad muhrišn awiš rēzišnīh ō narān abēspārdan pad dēwīg-warzišnīg-kār a-parwarišnīh ī zīndagān tōhm āhanǰīd ud āhō(g)ēnīd
Paragraph: 8     
ēk tūr ī brādarwaxš ī karab ī duš-dēn ī ǰādūg kē-š ān ī pāšom az mardōmān margēnīd
Paragraph: 9     
ēk ān kē-š ahlomōγ-dēnīhā kāmist ō dād-ē stūd ēwāz pad frēftārīh wardēnīd abestāg ud zand az xwēš wimand ud ān agar-iš bunīg čār ayāft a-frazāmīh būd ī *a-bōxtišn bāzīhēnd pad ān ī weh ahlāyīh ī az ān abēzag-dēn dānišnān ī pāšom
Paragraph: 10     
ud ān ālūdag pad gand ī grāyīh pad-iš mēhmān hēnd dēwān ud druzānīhā dūr hēnd weh-mēnōgān ham passazag az awēšān dūrīh niyābag pad ham-nišastagīh ud ham-xwarišnīh
Paragraph: 11     
čāragōmand pad waštan ī az wināhīhā pad pahikārišn ud wāz rāyēnišn ī abar wardēnīdan az a-frayād kardan a-dastwarīhā
Paragraph: 12     
agar kard-petītīhā mīrēd ēg-iš pas az stōš yazišn kardan Page of ed.: 82  dastwarīhā čē darmān ast ī wināh-wizārišnīh ka zīndag pad bōxtišn ī az wēmārīh pad ēwēnag ēmēdwar u-š az-iš bandišn rūrag ī bēšaz ud ēn ōh-iz yazišn kār ud kirbag ī ruwān frayādišn

Next part



This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.