TITUS
Dadestan-i denig
Part No. 83
Previous part

Chapter: 82  
Paragraph: 1     82-om pursišn ud pāsox ān ī pursēd kū ōy moγmard hamāg-dēn ud abārīg yazišn abāyēd padīriftan ayāb čēōn bawēd
Page of ed.: 99 
Paragraph: 2     pāsox ēd kū moγmard hamāg-dēn ud abārīg yazišnīhā padīriftan frēzwānīgīhā čē xūbīh ud nē xūbīh ud šāyist nē šāyist ī yazišn ud wizīn ud passand ī yazišngarān ham moγmardān weh šnāsēnd
Paragraph: 3     ka padīriftar ud rāyēnīdār ī hamāg-dēn ōy ī moγmard bawēd pad xūbīh ud rawāgīh ēmēdīgtar
Paragraph: 4     ān moγmard kē hamāg-dēn padīrēd agar-iš az bahr ī mānbedīh ud wisbedīh ud zandbedīh ud dehibedīh dēn-burdārīh niyābag ān nīrmad ēstēd pad-iš hu-zīwišn u-š ō bahr ī hamāg-dēn nē niyāz ēg-iš ān mizd ud pādāšn ī hamāg-dēn be ō yaštārān handāxtan ēwēn
Paragraph: 5     agar-iš niyābag ī moγmardīh čēōn sazēd nē windād ēstēd u-š hu-ziwišnīh nē mad ēstēd u-š be ō nīrmad ī ān hamāg-dēn niyāz ēg-iš pad kār ī dastwarīh-kardārīh ud arzānīgīh rāyēnīdārīh sazāg
Paragraph: 6     ka ēdōn kunēd ān hamāg-dēn xūbīhātar rāyēnīhēd ud rōz-ē yaštārān pad pāyag ī moγmardīh az sar-āwurd ī hamāg-dēn bahr ī sazāgīhā stānēnd dastwarīhā u-š pad-iš arzānīgīh

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.