TITUS
Dadestan-i denig
Part No. 82
Previous part

Chapter: 81  
Paragraph: 1     81-om pursišn ud pāsox ān ī pursēd mard-ē yazišn-ē be framāyēd drahm be dahēd ud mard kē-š yazišn padīrift u-š drahm stad yazišn kard ēg-iš dādestān čē ud mard yazišn framūd ēg-iš dādestān čē
Paragraph: 2     
pāsox ēd kirbag kard rawāgīhēd ud ō ruwān ī padīriftar kē-š xwāstag stad ud ān-iz ī framūdār kē-š xwāstag dād rasēd
Paragraph: 3     
ōy ī framūdār az ān čēōn-iš menišnīg-kirbagīh ēdōn ōstīgān ī-š xwāstag dād az ōy tuwān mānd ī-š kirbag menišnīgīhā xwēš az ān čēōn-iš xwāstag dastwarīhā pad kirbag dād ēg-iš dādestān ēdōn čēōn kē-š dēn rāy pad kirbag kard zyān rasēd
Paragraph: 4     
guft ēstēd kū-š yazadān ēdōn pādāšnēnēnd ī-š pad zyān abārīg hangārēnd čand-iš xwāstag pad mizd ī yazišn dād ēg-iš rāmišn be ō ruwān rasēd čand gētīgīhā az ān xwāstag nīrmad šāyist būdan
Paragraph: 5     
ōy kē-š xwāstag stad u-š yazišn kard āōn čēōn-iš and šnāyišn čand az ān yazišn šāyist būdan az yazadān ud frawahrān appurd ud škast u-š pad-iš āstārēd pad ruwān tōzēd

Next part



This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.