TITUS
Dadestan-i denig
Part No. 85
Previous part

Chapter: 84  
Paragraph: 1     84-om pursišn ud pāsox ān ī pursēd dāšn ī yazišn kāhēnēnd ud pad abzōn dahēnd ēg-iš meh-sūdīh pad čē ēwēnag ud čē rāy pad čand dar šāyēd būd
Paragraph: 2     
pāsox ēd pad hāwand-rawāgīh ī yazišn ī yazadān čand dāšn ī purrtar dahīhēd kirbag ud meh-sūdīh wēš u-š čim was u-š ēn xwāstag ī ō dar ī kirbag mad ud kām-šnāyišn ī yazadān ud hu-zīwišnīh ī ī-šān yaštārān abzāyēnēd frārōn az meh-dādestānīh kāstan abārōn
Paragraph: 3     
ka dāšn ī yazišn frāxīhā dādīhēd yazišngarān kē-šān pad was ranǰ ud uzēnag abestāg xwast ud gāhān srūd u-šān yašt az mizd ī yaštārīh bahr ayābēnd ud hu-zīwišn ī padēx ud wābarīgān bawēnd ud hamāg-dēn-iz padīriftārān ēmēd ī frārōn sūd rāy pad dūr ud bīmgēn gyāg ud rāh ēwarzēnd ahlāyīh-kāmagān be ō dēn hāzēnd ud kirbag ayābēnd
Page of ed.: 101 
Paragraph: 4     
hamāg-dēn ī yazišn ī yazadān padīrēnd az frārōn tuxšāgīh bahr ī nīrmad āšnāg abar padīriftārān ud yaštārān ī hamāg-dēn sūdōmandīh ud wuzurg-bahrīh wēš windīhēd ud wēnīhēd abārīg pēšag frazandān-iz ī hērbedān ud hāwištān ō wāzag xwastan tuxšāyēnd
Paragraph: 5     
u-šān yaštan ārzōgtar ud was-iz ō hamāg-dēn *padīriftan nixwārišnīgtar bawēnd ud *nām frārōn ī pattāyišnīgtar ud abzōnīgtar wehān rāh ī ō ruwān-bōzišnīh frāxtar bawēd

Next part



This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.