TITUS
Dadestan-i denig
Part No. 86
Previous part

Chapter: 85  
Paragraph: 1     85-om pursišn ud pāsox ān ī pursēd kū dāšn ī yazišn kāhēnēnd zyān čē šāyēd būd
Paragraph: 2     pāsox ēd kū čēōn xūb-dāšnīh ī yazišn rāy hamāg-dēn padīriftāran nīrmadōmand ud yaštāran-iz bahrōmand ud harw dō hu-zīwišn bawēnd
Paragraph: 3     frazandān ī hāwištān ō wāz xwastan ud passand xwāstan āhangīgtar bawēnd framāyišn ud padīrišn ī yazišn ī hamāg-dēn rawāgtar bawēd
Paragraph: 4     ēdōn-iz ka xušk-wāzargānīhā yazišn mizd ud dāšn kāstan rāy padīrift šawēnd ud az padīriftan ud abāz framūdan ī pad dūr rāh and Page of ed.: 102  bahr nē ayābēnd čēōn az karbās xrīdan ud abāz frōxtan ī andar xwēš šahr
Paragraph: 5     yazišngarān-iz kē pad was ranǰ wāz xwastan passand handōxtan ud mizd ī ruwānīg-iz ast yazišn andak pad uzīdan ayābēnd ī pad-iš tang-zīwišn ī az burd-ranǰ pašēmān az ham pēšag afsard-menišn bawēnd
Paragraph: 6     ud frazandān-iz ī hāwištān be ō mizdwarīh karbās frōšēnd ud ān ī abārīg pēšag ī kam-ranǰīhā šāyēd hammōxtan urwāzēnd ud nōg-madagān az wāz xwastan xwast-wāzān az passand xwāstan ud passandīgān az hamāg-dēn padīriftan ēdōn afsard ud abāz-āhang bawēnd
Paragraph: 7     ān-iz ī kē xwad pad framūdan taftīg-menišn padīriftār ī hamāg-dēn kam ayābēnd ud ān-iz ī sazāg nē ayāft *rāy ast-iz ī kē ō *drōzanān framāyēnd
Paragraph: 8     ud afsard-menišn<īh> ī kirbag framāyīdārān ud dusrawīh ī pēšag ī hāwištān abzōn az-iš ud kam-rawāgīh ī yazadān-yazišnīh ud stardīh bawēd wehān ō ruwān bōzišnīh ī az ān mar

Page of ed.: 103 
Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.