TITUS
Dadestan-i denig
Part No. 88
Previous part

Chapter: 87  
Paragraph: 1     87-om pursišn ud pāsox ān ī pursēd xānagdān-dūdag ī amā ērān weh-dēnān pēš harw ēk hamāg-dēn ī pad zōhr pad būm ī pārs be yašt hēnd ēg-išān dāšn ī čahār-sad drahm kamist sē-sad ud panǰāh drahm awiš hamē dād hēm
Paragraph: 2     
nūn ast grōh-ē ī ka-šān dāšn az čahār-sad drahm ayāb az sē-sad ud panǰāh drahm tis-ē abāz kāhēnēm ēg-imān az-iš padīrēnd ud gōwēnd kam az čahār-sad ayāb az sē-sad ud panǰāh drahm padīrēm
Page of ed.: 104 
Paragraph: 3     
ast grōh-ē kē-mān xwad awiš hamē āyēnd ud hamē gōwēnd pad sē-sad ud panǰāh drahm hamāg-dēn ī pad zōhr čēōn-imān pēš pad čahār-sad hamē framūd hēd be rāyēnēm be ō amā framāyēd
Paragraph: 4     
ud grōh-ē az moγmardān hamē gōwēnd awēšān dastwarīhā ayāb
Paragraph: 5     
pāsox ēd ān ī hērbed ī pēšēnīgān abar hamāg-dēn-ē ī pad zōhr dāšn ī čahār-sad ayāb sē-sad ud panǰāh dād čimīg ud frārōn ud ōstīgān dāštan sazāg
Paragraph: 6     
ka-š any tis andar nēst ān rāy ǰuttar hamāg-dēn ī pad zōhr kē-š čahār gōspand ī pāk pad-iš gīrēnd ēdōn čēōn dastwarān čāštag harw ēk ātaxš az ēk gōspand ēk zōhr dahēnd ud pardaxtan ī zōhr be ō ātaxš kē-š zōhr az-iš xward be ō any ātaxš az ān ī zōhr ud zōhr pādyābīh pad paymānīh pad gām dārēnd pad passand ud awestwār ud abarmad-sālārān yazēnd ka andar gyāg padīriftan rāyēnēnd ka az šahr-ē dūr padīrift sē-sad ud panǰāh drahm mizd tarāzēnīdārīhā
Paragraph: 7     
andar ardaxšīr-xwarrah pad ayādagīh ī man ān kē-š kam az sē-sad drahm padīrēnd frahang kardan pad ayād dāštan hamāg-dēn ī sāxtag ē-sad ud panǰāh drahm rasm būd az dēwān ī ardaxšīr-xwarrah paydāg
Paragraph: 8     
hu-fraward-iz ādur farnbay ī farrōxzādān ī abartar hu-dēnān pēšōbāy būd ham-gōnag wizīrēnīd
Page of ed.: 105 
Paragraph: 9     
ud nūn-iz pad ē-sad ud panǰāh drahm ayāb pad-iz ē-sad ud wīst drahm ān ī pad-zōhr hamē rāyēnēnd u-š čim niyāzōmandīh ī hāwištān ān niyāz rāy pad ēmēd ī kār ī wēš ayāftan hamē kāhēnēnd ud kam-mizdīhā rāy niyāzōmandtar ud a-čārtar ud pad kamist-mizdīh widwartar hamē bawēnd ud pad rāh ī abzār-kunišnīh ud hamāg-dēn xwāhišnīh kār ud bār ī hāwištīh hamē ānābīhēd
Paragraph: 10     
ān pad sē-sad ud panǰāh drahm hamāg-dēn rāyēnīdan padīrēd agar-iš ō hamāg-dēn-yazišnīh hamē dahīhēd sē-sad ud panǰāh drahm ast ēk hamāg-dēn-ē rāyēnēd ud ēk-ē hamāg-dēn padīrēd ham-āon xūb-kārīhā ud hu-padistīhā čēōn ān ēk hamē padīrēd ud *dō hamāg-dēn rāyēnīhēd ud awestwārīhēd kirbag ī az rawāg-yazišnīh ī yazdān rāy ō ān hamāg-dēn yazēnd framūdan dastwarānīhātar
Paragraph: 11     
ō pad sē-sad ud panǰāh drahm hamāg-dēn padīrēd agar-iš az xwēš xwāstag awiš nihēd tā-š ān raftan passand čēōn andar gūr rāyēnēnd rāyēnīdan tuwān ma agar az ān čimīhā padīrēd ī-mān pad any dar nibišt abērtar ō niyāzōmandīh mānāgtar
Paragraph: 12     
andar pēšēn zamānag būd az hāwištān kē-šān āgenēn duš-sazāgīh ud hamēmālīh kard čēōn andar ēwēn-nāmag nibišt az gōwišn ī handarzēnāg-ē be ō hāwištān arēškēnīh ud sūrkēnīh ud duš-sazāgīh pad ašmā kam-brazišnīgtar ud abar ašmā kōxšīdārtar u-š abāg be Page of ed.: 106  kōxšēd andar ān zamānag wuzurg bahrīh būd kē-šān ān ī wuzurgīh ud wasīh ī bahr rāy pad arēšk nibardēd ēk ō did u-š nūn-iz kam-bahrīh
Paragraph: 13     
kē-šān az ān be niyāz āōn ī āzwarīh rāy ud rāh ī gyān-bōzišnīh rāy hamē čehēnēnd čēōn-im andar any dar hangōšīdag nimūd
Paragraph: 14     
ka awēšān niyāz ī kēš ayāb niruzdīh ī xrad rāy āgenēn hamēmālīh kunēnd ud dēn-dōstān ō harw kustag abaxšāyišnōmandīhā ud hu-čašmīhā ud raftan ī passandīgān pad ōstīgān-kārīh nigerīdan čimīg

Next part



This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.