TITUS
Dadestan-i denig
Part No. 89
Previous part

Chapter: 88  
Paragraph: 1     88-om pursišn ud pāsox ān ī pursēd kū mard-ē ka andar xwēštan abar menēd kū wahmān gāh be ō pārs šawēm and xwāstag pad dastwarīh ī dastwarān ātaxšān rāy ud abārīg dar mad ī čēōn meh-sūdtar bawēd be dahēm
Paragraph: 2     ka xwad be ō pārs nē āyēd ud xwāstag čēōn-iš menīd pad abzōn az ān be ō dastwarān frēstēd kū čēōn meh-sūdīhātar ast pad hāmōyēn ātaxšān ud abārīg dar uzēnag kunēd ēg-iš raftārīh ī frēstādan ō pārs ān kār rāy wināh bawēd ayāb nē
Paragraph: 3     pāsox ēd kū agar-iš madārīh frēzwānīg ud be pad menišn padīrift ēg-iš xwad menišnīg-padīrišn frazāmēnīdan frēzwānīg bē pad a-čāragīh tā nē rāyēnēd nē bōzišnīg
Page of ed.: 107 
Paragraph: 4     ka-z-iš xwad rasišn nē čār kas pad gyāg ī ōy ī ō mar abērtar frēstēd nē pad padīrišn ī dāšn andar weh-menišn nē-z frārāst-padīrišnīg bē kirbag-ārzōgīhā ud uskārišnīg-hu-dāšnīhā harw gāh abar kirbag šāyēd kardan ast ī gumānīg nē šāyēd kardan hu-dāšn-uskārišn ārzōgēnīd čimīg ud frārōn
Paragraph: 5     ān ī ka-š tuwān kunēd burzišnīg kā nē hu-čārag pad-iš bōzišnīg u-š nē frēzwānīg čē kirbag nē paydāgēnēd ka xwad tuwān rāyēnīdan weh ka-š ǰuttar awēstwār ī passazag abar gumārdan ud wizīdār-kunišnīh frazāmēnīdan sazāg

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.