TITUS
Dadestan-i denig
Part No. 90
Previous part

Chapter: 89  
Paragraph: l     89-om pursišn ud pāsox ān ī pursēd kū awēšān kē a-ōš hēnd ud a-marg dād ēstēnd kē ud čand hēnd u-šān a-ōšīh tā čē sāmānag ast harw ēk pādixšāyīh kū gyāg dārēnd ud ān gyāg kū pādixšāyīh dārēnd mardōm hāmōyēn weh-dēn hēnd ayāb čēōn hēnd ātaxš ī wahrām yašt kard būd ayāb čēōn bawēd u-šān ēk ēk pādixšāyīh tā čē sāmānag
Paragraph: 2     pāsox ēd kū xwadāy ī a-ōš ī xwarrah<ōmand> ī kišwar ī xwanirah haft guft ēstēd ēk yōšt ī friyānān ēk abestāgīg ašem yahmāyī ūštā nām ud ham-friyān pus ēk fraṮĠāxšti nām ud xumbīgān pus ēk ašavazdaŎïh nām pūr-dāštān pus ēk wan ī ǰud bēš ēk gōbadšā ēk pišišōtan kē az čihrōmayān xwānīhēd
Page of ed.: 108 
Paragraph: 3     gōbadšā xwadāyīh abar gōbad-būm ham-wimand ī ō ērān-wēz pad bār ī āb ī dāiti abar nigāh dārēd ān ī gāw ī haṮĠayōš kē-š pad-iš bawēd spurr-sagrīh ī hammis mardān
Paragraph: 4     pišišōtan xwadāyīh pad kang-diz ānōh mānēd pad kang-diz ī bāmīg ī-š pad dast kard āzādag siyāwaš ī bāmīg ī kayusān xwānīhēd kang ī raftār u-š pad mēnōg-nērōgīg warz winnārd
Paragraph: 5     ud xwadāyīh ī kay-husraw pad burz bālist ī kōfān andar ērān ud tūrān deh ānōh ast wuzurg xwarrah ud ātaxš ī wahrām abēzagīh srāyišn ī mānsar ud warzišn ī dēn payrāst ēstēd andar-iz ōy war xwarrah pad hazaŎïrō.zamān ī brēn ham-ayār ud hambār andar-iz abārīg ān kustag wuzurg ast rawāgīh ī dēn ud kirbag bē kū-š gyāg gōkān ī-šān čēōnīh ast ī-m an-uskārd ēd-iz čē-m an-ayād

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.