TITUS
Dadestan-i denig
Part No. 91
Previous part

Chapter: 90  
Paragraph: l     90-om pursišn ud pāsox ān ī pursēd kū asmān az čē kardag ast pad čē winnārd ēstēd
Paragraph: 2     pāsox ēd kū asmān ast gird ud frāx ud buland u-š andaron wēhm frāx ud xāyag-dēs u-š stī-rōšnīh sag ī hamāg sagān saxtom ud hu-čihrtom u-š mēnōg arwand ud amāwand ud hu-kirb čēōn gurd ī tagīg artēštārān
Page of ed.: 109 
Paragraph: 3     ān stī ī asmān tā madan ī ān druǰ ī čandēnāg ast abē-niyāz būd az winnārāg
Paragraph: 4     dānāgān čēōn-išān guft kū xrad abar gugāy kū kē tan ī xwad nē čandēnāg u-š nē ast čandēnāg a-niyāz az winnārāg
Paragraph: 5     čē rōšn ō dānāgān kū tisān frawarēnd <pad> snāh ī dō ēwēnag ǰumbag-iz ǰumbāgān ud nē-ǰumbāgān
Paragraph: 6     čēōn ǰumbāgīh abar mēnōgān ud a-ǰumbāgīh abar gētīgān gōwīhēd
Paragraph: 7     nē-ǰumbāgān nē ǰumbīhēnd tā-šān ǰumbēnēnd ǰumbāgān pad ǰumbišn zōr ud ān ǰumbāgān āōn ǰumbēnāg
Paragraph: 8     pas ǰumbēnāgān ǰumbēnd xwad ud pas ǰumbēnēnd a-ǰumbāg ǰumbišnīg čē nē ādūg ǰumbēnīdan ī any <bē> pad ǰumbišn ī xwēš
Paragraph: 9     čēōn ǰumbišn kunišn ast kunišn nē bawēd bē pas az ān paydāgīhēd pad xrad kū ǰumbēnāgān ǰumbēnāgīh pēš az ǰumbišn pad kunišn būd hēnd a-ǰumbēnīd pasīhā pad kunišn ǰumbēnīd hēnd ǰumbēnāgān pasīhātar pad-išān ǰumbēnāgīh-zōr ǰumbēnīdan ī a-ǰumbēnāgān
Paragraph: 10     az-iš ēwarīhēd ka ǰumbišn kunišn ast kunišn nē bawēd bē pasīhā ī ān
Page of ed.: 110 
Paragraph: 11     pēš az kunišn tāštīgīhā winnardag ud a-ǰumbīd bawēd gōhrān bē az niyāz ī az ranǰ ī winnārdār
Paragraph: 12     az-iš ǰudāgīhēd kū ǰumbišn pad barw kunišn bawēd a-ǰumbēnāgīhā winnardagīh bē-z az any kunišn ī ka pad any kunišn a-ǰumbīhist xwad ast a-ǰumbišn ud a-čandišn a-ǰumbīdīhā winnardag
Paragraph: 13     ka mad ō asmān ān ī čandēnāg kōxšīdār druz u-š čandēnīd asmān čē andar asmān paywast ān ī and wisp-čār dādār pad xwēš wisp-tuwānīgīh ud ān ī hudāhag ud tagīg wād ī čēr ud abarwēz ašōān frawaxš ud wasān mēnōgān ī weh-xwarrah abāgīhā payrāst ō winnārišn ī asmān
Paragraph: 14     čē ān ī xwad nē čandēnāg ka ast čandēnāg niyāzīg ō winnārāg pad winnārišn ī ōy wisp-dānāg ō stī ī asmān gumēxt ān ī abarwēz ōzōmand mēnōg kē-š ast čihrīg-čandišnīh ud kāmag-čandišnīh
Paragraph: 15     ud az ērīh ul-āhang az ulīh ēr-āhang kard kū pad ān čihrīg-čandišnīh ham-āhangīh bawēd bam-winnard ēstādagīhā ud a-čandišnīg pad ān zōr ī kāmag-čandišnīh ī ast ēn agar-iz az-iš kām ī dādār ī wisp-wehīh
Paragraph: 16     hangirdīg gōwīhēd kū-asmān andar petyāragōmandīh čandēnīd druz winnard wād ud frawahrān pad xwarrah ī dādār andar a-petyāragīh ka-š nēst čandēnāg winnardag pad xwad-čihrīh ud xwad-\zōrīh Page of ed.: 111  ī winnārāg ranǰ ī winnārišn nē ǰumbīhēd bē pad nām ī dahmān ud kām ī āfurāg

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.