TITUS
Dadestan-i denig
Part No. 92
Previous part

Chapter: 91  
Paragraph: 1     91-om pursišn ud pāsox ān ī pursēd kū ābīhā ud rōdīhā kadām meh ud weh ardwīsūr āb ayāb abārīg āb ayāb weh-āb ud abārīg ardwīsūr kū gyāg ast
Paragraph: 2     pāsox ēd kū āb ī ardwīsūr and mehīh ast čand ī hamāg āb ī andar gēhān ǰud az arang
Paragraph: 3     <andar> ān ī frāx-kard zrēh pādixšā abar bazār ābdān ud hazār war ī ābān u-š wāspuhragānīgtar gyāg ānōh
Paragraph: 4     tazēd ān ī ardwīsūr āb andar wēšag ī wan ī harwisp tōhmag kē-š pad-iš ast wisp sardagān urwarān ud wisp ēwēnagān bēšazān gumēzīhēd az bēšaz-urwarān was zōr ī bēšazišnīh ō yōǰdāhrān ābān
Paragraph: 5     čēōn ast sagēn-gōhr kē hāzēd āhan ō xwēš ēdōn-iz ast gōhr kē hāzēd āb ō xwēš
Paragraph: 6     pad ān ī āb-āhang zōr abar tazēd ān ī ardwīsūr āb pad barborz tā-z bālāy ī star-pāyīg tazēd andar yōǰdāhrīh ud bēšazīšnīh tā-z ō hugar ī buland ī harwisp-pēsīd ī bāmīg az ānōh nigōnīhēd ud rēzišn pad hazār wīr-bālāy ō borz kōf ī usindom ī ast pad mayān ī zrēh ī frāx-kard
Page of ed.: 112 
Paragraph: 7     ud az ān rēzišn ī ābān ud ān ī wād damišn ud wāyišn harw šab andar bām ī ōš be rasēd nam paššinǰišn pad haft-kišwar be rasēd u-š az-iš waxšišn ī urwarān yōǰdāhrīh ud bēšazišn bawēd ī hammis dāmān ān nam ud srešk xwānīhēd āb ī asp-kirbām

Next part


This text is part of the TITUS edition of Dadestan-i denig.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.