TITUS
Denkard Book 4
Part No. 76
Previous part

Chapter: 81 
Paragraph: A    pad frihbūd ud wany(b)ūd wišōbišn az-iš būd čim, ēk astīh ǰud dahišn ōz nē, hamāg ēk ō did padīragīg ham-ēstārīg.

Paragraph: B    ast kē hambadīgīhā kō(x)šīdārīh, bē ǰud ǰud ān ī ō xwaš wāspuhragān padīrag hambadīg.

Paragraph: C    čiyōn sard ō garm ud hušk ō xwēd nāmčištīg spōxtārīh ud abāg ān ī kustagīg ham-ēstār rasišn ān-iz ī nē, spōzišnīg ud bē pādīrān kārīg andar ham-ǰādūgīh ud xōn pad ham-šōn huškīh abāg garmīh sardīh abāg xwēdīh, ham-dahišnīh hu-sāzagīh ī garmīh abāg xwēdīh ud sardīh abāg huškīh hambast ī-šān duš-wizār az āginēn pad ān bun āmēzišn huškīh abāg garmīh ud sardīh abāg xwēdīh rāy ōwōn garmīh abāg sardīh ud xwēdīh abāg-iz huškīh nazdist pattūdan šāyēd ud abāg-iz ham-wārīhā kō(x)šēd, ī-šān nūn-iz ēk ō did čand pattūgīh ud awardišnīg ēstād.

Paragraph: D    nē šāyistan ī pad-iz ham-čim tanān andar gumēzagīh, pas-iz pad ēd šōn hambadīgān āginēn asāzišnīgīhā ud andar-iz ē tan hamēšag kō(x)šīdārīhā kardan ham-parwandīh ud ān wišōbišn <az> ān ī az wināhišn-kārān pad frāyīh az stōwēnīdārīh ī-š ān bawišn-kār ī padīrag hambadīg.

Paragraph: E    pad kamīh az hambandīhā bē kō(x)šēd ī-š az ān bawišn-kār ī hamīg ān ī az bawišn-kārān pad kamīh az ānābišn ī xwad bār ī bawišn-kār ud pad frāyīh az abāgīh ī wināhišn-kār ī-š hamīg andar stōwēnīdārīh.

Paragraph: F    ī-šān ham-ēstārān abāg ānābišn, ī-šān hambadīgān pad-iz bē kō(x)šīdārīh, ī-šān ǰud dahišnān ī hamāg ud abārīg čand ēwēnag margīh ud wišōbišn, ī nē az ēd ōwōn wihān bawišn ī nē az hambadīgān guft.

Next part


This text is part of the TITUS edition of Denkard Book 4.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.