TITUS
Denkard Book 4
Part No. 77
Previous part

Chapter: 82-85 
Paragraph: A    čiyōn wizīdārīh ī kadār-iz-ē(w) pad xweškārān az pōryōtkēšān abārīg az-išān abārīg-iz ī awizīrišnīg, andar rāyēnīdārīh abar astišnīh awiš frēzwānišnīh ī u-š frēzwānišnīhā pōryōtkēšīhā pōryōtkēšīh, mard ka-š abestāg zand drust āwāzīhā pād, u-š paydāgīh ō gēhānīgān āgāhēnīdan ud frāxīhā wizārdan ud ǰud pahikārān ērangīh paydāgēnīdan, niyāzišnīg handāxtan ud hixtagīh huškīh ud namakīh, yazišn yazdān, dastwarīh dahibidān wizīr ud dādwarīh ī kišwarīgān kardan.

Paragraph: B    ud čahār pēšag mardōm pad xwēškārīh wizīdār, pad pursišn passōx ī čimīg abē-āhōg ud čāšīdārīh ud yaštārīh ud abārīg āsrōnān niyābag rawāg dāštan spurrīgīhēd šāyistan.

Paragraph: C    pad xūb afragud u-š ārāstag dāštan, az hamēšag griftārīh pad-iš abzōn xwāhišnīh ī dēn āgāhīh ī rāyēnīdārīh ud abārīg ān xīr ud abēzagīhā dārišnīh ī harwisp āgāh ī gumān wizār ī driyōšān šnāyēnīdār māzdēsn dēn u-š abē-niyāz nōg mādayān niwēyišnīh pad xwēš nam ārāstan, pardazišn ud nixwārišn nē būd nē hangrāyīdan pad padēxīh ud abē-bēmīh ī tanīg ud abārīg bandagīh kam-iz dahišnīg dāštan.

Paragraph: D    pad abaxšāyišn kirbag mizd, appārīh wināh, pas-iz tōzišnīh čim ēk xwēšīh ī mizd ud axwēšīh tōzišn guft čim-išān pad framān spōzīh dahibidān marg puhl arzānīgīh.

Paragraph: E    was u-š ēk wišād ī pad framān spōzīh band ī hamāg wināh ī pad ruwān, framānīh ī xwadāyīh-iz ud dast az-iš bast ēstēd ān ī adastwarīh grāyīh ān garānīh.

Paragraph: F    ēk abāg hištan dēnīh brīd rāhīh ī az bēšāzēnīdār ī ruwān bizišk guft.

Next part


This text is part of the TITUS edition of Denkard Book 4.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.