TITUS
Denkard Book 7
Part No. 12
Previous part

Chapter: 11  

Paragraph: 0   abar abdīh ī pas az hazangrōzem ī ōšīdarmāhān sar ud rasišn ī sūdōmand pērōzgar tā panǰāh ud haft sāl ī sōšāns sar ud frašagird dahišnīh ī andar axwān.



Paragraph: 1     abdīh ī sōšāns pad tan, warz, xwarrah, rāy gōwēd kū: ka az awēšān āwām-wardišnīh ī ōšēdarmāhān ān ī abdom wardišn rasišn, ān mard ul zāyēd sōšāns ī mēnōg xwarišn, xwaršēd kirb; kū-š tan ēdōn rōšn čiyōn xwaršēd, ēn-iz kū ān nigerēd pad šaš dōiysarīh az harwisp nēmag abar wēnēd ān ī druǰ bēš čārag.

Paragraph: 2     ēn-iz kū-š abāg bawēd kayān xwarrah ī pērōzgar kē-š burd tagīg frēdōn, ka-š az ī dahāg zanēd; u-š burd kayhusrō, ka-š tūr zad frangrāsyāg; u-š burd frangrāsyāg, ka-š drō zēnagyāg zad, burd kaywištāsp ka ō ahlāyīh ān be haxtēd pad ān druz be burd az ēn ī ahlāyīh gēhān.

Paragraph: 3     ud ēn-iz kū andar panǰāh ud haft sāl ī ōy bawēd abaydāgišn ī dō-zang-tōhmag abārīg druzīh ud wīmārīh ud zarmānīh margīh ud bēš ud hamist Page of ed.: 444  anāgīh sāstārīh ud ahlomōgīh ud wattarīh bawēd hamēšag urwar zar-gōn waxšišn xām dahišn urwāhmanīh bawēnd haft dah sāl urwar-xwarišn sīh sāl āb-xwarišn dah sāl mēnōg-xwarišn

Paragraph: 4     ud hamāg warz ud xwarrah ud ōz ī abar har warzāwandān xwarrahōmandān ōzōmandān būd, pad ōy [ī] abar ō ham rasēd ud ō ān ī ōy ka-š was kay ud nērōg ī warzāwand ōzōmand hangēzīhastan pad ān ī awēšān ōz ud xwarrah hamāg druz ud gurdīh wānīhēd.

Paragraph: 5     ud wisp madōm abar ēk hamīh ī pad ān ī ohrmazd dēn ēstēnd; az dādār kām ud framān ō awiš ham-hāgān abzārīh.

Paragraph: 6     pad frazān ī panǰāh ud haft sāl druz ī ahreman abesīhēd, frašagird, tan ī pasēn bawēd.

Paragraph: 7     hamāg ī weh dahišn pad abēzagīh porušēdāyīh winārīhēnd.

Paragraph: 8     čiyōn dēn gōwēd kū ka ān hazangrōzem be sazēd ī sidīgar pad dēn ī māzdēsnān, ēg ān māzdēsn frāz rawēd az āb ī kanmāsē, kē ast perōzgar nām abāg ē-hazār ham-hāg ud bēl pad čašm ud kōr-iz an-rāh ud mardōm druwand ī sāstār zanēd u-šān abēsihēnēd

Paragraph: 9     ēg awēšān māzdēsn zanēnd u-šān ne zadārōmand.

Paragraph: 10     ēg awēšān māzdēsn frašagird andar axwān pad kāmag dahēnd, hamē zīndag ud hamē sūd ud kāmag-xwadāy.

Paragraph: 11     ēg man kē ohrmazd hōm frašagird pad kāmag andar axwān dahōm hamē zīndag ud hamē sūd, hamē kāmag xwadāy.


This text is part of the TITUS edition of Denkard Book 7.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.