TITUS
Pahlavi Rivayat
Part No. 42
Previous part

Chapter: 42 
Ch. 42


Paragraph: 1    ēd kū wāzāragānīh čēōn bawēd +kū-š wināh andar nēst

Paragraph: 2    ka pad šahr-ē ǰāmag-ē tāg ī čahār drahm arzēd pad čahār drahm be xrīnēd ud be ō any šahr barēd ud gyāg kū +barēd dah drahm arzēd pad dah drahm be dahēd ud mizd ud rōzīg ī xwēš ud stōr aziš ul stānēd ud parrēxtag pad ahlaw-dād be dahēd kirbag-ē wuzurg

Paragraph: 3    ud ka parrēxtag pad ahlaw-dād nē dahēd pad ān zamān pādixšā ka-š pad warzīgarīh ud pasuš-hurōnīh xwāstag kardan nē tuwān

Paragraph: 4    ēn ān +kē-š xwāstag weh-zīwišnīh rāy andar abāyēd weh-zīwišnīh rāy tā +sē-sad pādixšāy handōxtan az ān frāz ka bar ī-š andar āyēd ān ǰud az uzēnag ī xwēš ī parrēxtag pad ahlaw-dād be dahēd

Paragraph: 5    ka-z-iš xwāstag abēr was ast ēg-iz šāyēd ud ēn pad ān zamān ka mardōmān pad dānišn ī ōy adwdād nē mad estēd tā ka mardōmān adwdād mad estēd ā-š pad bun ud bar hangārišn be abāyēd kardan

Paragraph: 6    az harw čē-š ast and kū-š xwēš ud mardōmān ī andar sālārīh ēw-sālag andar abāyēd az ān ī-š andar abāyēd ka ē kardag kam ayāb wēš +ka gōšt ē kardag čēōn pad-iz and ī ē drahm kam ā-š adwdād ī mard ē ōh abāyēd kard

Paragraph: 7    ka rāst ā-š ān ī dō mard abāyēd kard

Paragraph: 8    ka-š ē kardag wēš ā-š ān ī panǰ mard ōh abāyēd kardan

Paragraph: 9    ud pas harw ē kardag-ē wēš ā-š ān ī mard-ē ōh abāyēd kard

Paragraph: 10    būd kē-š guft kū pad bar hangārišn ōh abāyēd kardan

Paragraph: 11    ud ka-š pad margīh ud rēštagīh andar abāyēd ēk sālag tis-iz āmār nēst

Paragraph: 12    čē harw kē-š ēmēd ō pēš ast kū-m tis rasēd harw ān ī-š az xwēš ud mardōmān ī andar sālārīh parrēxtag be dahišn

Paragraph: 13    ud ka-š ēmēd tā ō pēš nēst and čand aziš pad xwēš ud mardōm ī andar sālārīh andar abāyēd tā ān ka-š ān ēmēd rasēd pādixšā ka nē dahēd


Next part


This text is part of the TITUS edition of Pahlavi Rivayat.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.