TITUS
Pahlavi Rivayat
Part No. 43
Previous part

Chapter: 43 
Ch. 43


Paragraph: 1    mard-ē ka zan gīrēd ud pašt ī pad zanīh abāg ziyānag sālār kard rādīhā ahlāyīh kirbag ōh bawēd

Paragraph: 2    ka-š daštān māh wizārd ā-š harw bār-ē +sē-sad kirbag būd dastwar kē-š guft kū bār-ē kirbag

Paragraph: 3    ka ābustan bawēd kirbag

Paragraph: 4    daštān māh harw māh ēk bār pad rāh nē pādixšāy

Paragraph: 5    ud ka frazand ī zāyēd purnāy bawēd harw kār ud kirbag ī ān frazand kunēd pid ud mād harw dō ēdōn bawēd čēōn ka-šān pad dast ī xwēš kard hē

Paragraph: 6    ud paywand ī gētīg ud rāmišn ī paywand ī gētīg ud abārīg-iz nīrmad ī az ān ǰud šāyēd būd hamāg ēdōn

Paragraph: 7    harw čē pad zīwišn ī zan ud frazand uzēnag kunēd rādīhā ahlāyīh kirbag ōh bawēd

Paragraph: 8    ēd kū zan ka rawišn kunēd ā wināh ud čē uzdes-paristagīh ud drō-gōwišnīh ud abārīg wināh ī-š andar dahēd ā-š ō bun ān ī ōh stānēd ā-š padiš apparag +yazišn ī drōn ī az ān tis kunēd dēw-ēzagīh ud kirbag nē bawēd ud ōy-iz kē tis ō ōy dahēd ā-š wināh bawēd


Next part


This text is part of the TITUS edition of Pahlavi Rivayat.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.