TITUS
Pahlavi Rivayat
Part No. 59
Previous part

Chapter: 59 
Ch. 59


Paragraph: 1    ēn kū gōspandān ud gāwān ud abārīg čahār-pāyān handām ēk ēk kādām yazad xwēš ud ǰud ǰud čēōn abāyēd yaštan

Paragraph: 2    kōfīg hamāg ēdōn bawēd čēōn kadīg gāw gāw xar gōr mēš pāzen ud warāz hūg āhūg harw sardag hunī nē rōšnag kū ham-sardag kadār

Paragraph: 3    ka kušt bawēd ā-š gōšudāg ēdōn baxšišn ērwārag uzwān ud čašm ī hōy hēm yazad xwēš +gardan ašawahišt yazad xwēš sar way yazad xwēš arm ī dašn +aredwīsūr yazad xwēš arm ī hōy druwāsp yazad xwēš haxt ī dašn frawahr ī ǰāmāsp xwēš haxt ī hōy frawahr ī wištāsp xwēš pušt ratwobarzad xwēš pahlūg mēnōgān ī mādagān ī ārdā fraward ī mardōmān mādagān xwēš aškamb spandarmad xwēš gund wanand star xwēš gurdag haftōringān xwēš sēnag frawahr ī āsrōnān xwēš suš frawahr ī artēštārān xwēš ǰagar šahrewar xwēš spul mānsarspand xwēš čarb ī rōdīg ārdā fraward ī narān xwēš dumīzag frawahr ī zarduxšt spitāmān xwēš dumbag wād ī ārdā yazad xwēš harw čē az awēšān be parrēzād abārīg amahraspandān xwēš būd kē be gōšudāg guft


Next part


This text is part of the TITUS edition of Pahlavi Rivayat.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.