TITUS Texts: Codex Marianus

TITUS
Text collection: NT
Codex Marianus

On the basis of the edition by
V. Jagić,
Quattuor evangeliorum versionis palaeoslovenicae codex Marianus glagoliticus,
Berolini / Sanktpeterburg 1883
prepared by Jouku Lindstedt,
Helsinki 1994;
TITUS version by Jost Gippert,
Frankfurt a/M, 28.2.1998 / 21.6.1998 / 1.6.2000 / 31.8.2002 / 15.2.2004 / 9.12.2008 / 14.8.2010

[The file is not meant to be completely self-explanatory: it must be used with the edition.]

[The lines in the files do not correspond to the manuscript lines, being arranged according to Gospel chapters and verses.]

[In the beginning of each Gospel (except for Matthew, the beginning of which is missing in the codex) there is a "0-chapter, 0-verse" section into which the pericope lists found in the codex are placed. In these passages the line division does correspond to that of the codex.]

[Linked texts: Greek NT, Codex Assemanianus, Codex Zographensis, Savvina Kniga, Russian NT.]

Book: Mt.
Evangelium secundum Matthaeum

Chapter: 5

Verse: 23

-то на тѧ
-ⱅⱁ ⱀⰰ ⱅⱔ

Verse: 24

остави тоу даръ твои прѣдъ олътаремъ · ꙇ шедъ прѣжде съмири сѧ · съ братромъ своимъ · и тогда пришедъ принеси даръ твои ··
ⱁⱄⱅⰰⰲⰻ ⱅⱆ ⰴⰰⱃⱏ ⱅⰲⱁⰻ ⱂⱃⱑⰴⱏ ⱁⰾⱏⱅⰰⱃⰵⰿⱏ · ⰺ ⱎⰵⰴⱏ ⱂⱃⱑⰶⰴⰵ ⱄⱏⰿⰻⱃⰻ ⱄⱔ · ⱄⱏ ⰱⱃⰰⱅⱃⱁⰿⱏ ⱄⰲⱁⰻⰿⱏ · ⰻ ⱅⱁⰳⰴⰰ ⱂⱃⰻⱎⰵⰴⱏ ⱂⱃⰻⱀⰵⱄⰻ ⰴⰰⱃⱏ ⱅⰲⱁⰻ ··

Verse: 25

Бѫди оувѣщаѩ сѧ съ сѫпьремь своимь скоро · доньдеже еси на пѫтисъ нимь · да не прѣдастъ тебе сѫдии · ꙇ сѫдии тѧ прѣдастъ слоуѕѣ · ꙇ въ темьницѫ въвръжетъ тѧ ·
Ⰱⱘⰴⰻ ⱆⰲⱑⱎⱅⰰⱗ ⱄⱔ ⱄⱏ ⱄⱘⱂⱐⱃⰵⰿⱐ ⱄⰲⱁⰻⰿⱐ ⱄⰽⱁⱃⱁ · ⰴⱁⱀⱐⰴⰵⰶⰵ ⰵⱄⰻ ⱀⰰ ⱂⱘⱅⰻⱄⱏ ⱀⰻⰿⱐ · ⰴⰰ ⱀⰵ ⱂⱃⱑⰴⰰⱄⱅⱏ ⱅⰵⰱⰵ ⱄⱘⰴⰻⰻ · ⰺ ⱄⱘⰴⰻⰻ ⱅⱔ ⱂⱃⱑⰴⰰⱄⱅⱏ ⱄⰾⱆⰷⱑ · ⰺ ⰲⱏ ⱅⰵⰿⱐⱀⰻⱌⱘ ⰲⱏⰲⱃⱏⰶⰵⱅⱏ ⱅⱔ ·

Verse: 26

аминь гл҃ѭ тебѣ не изидеши отъ тѫдѣ · доньдеже въздаси послѣдьнии кодрантъ ··
ⰰⰿⰻⱀⱐ ⰳⰾ҃ⱙ ⱅⰵⰱⱑ ⱀⰵ ⰻⰸⰻⰴⰵⱎⰻ ⱁⱅⱏ ⱅⱘⰴⱑ · ⰴⱁⱀⱐⰴⰵⰶⰵ ⰲⱏⰸⰴⰰⱄⰻ ⱂⱁⱄⰾⱑⰴⱐⱀⰻⰻ ⰽⱁⰴⱃⰰⱀⱅⱏ ··

Verse: 27

Слышасте ѣко речено бы^с̑ древънимъ · не прѣлюбы сътвориши ·
Ⱄⰾⱏⰹⱎⰰⱄⱅⰵ ⱑⰽⱁ ⱃⰵⱍⰵⱀⱁ ⰱⱏⰹ^ⱄ̑ ⰴⱃⰵⰲⱏⱀⰻⰿⱏ · ⱀⰵ ⱂⱃⱑⰾⱓⰱⱏⰹ ⱄⱏⱅⰲⱁⱃⰻⱎⰻ ·

Verse: 28

азъ же гл҃ѭ вамъ · ѣко вьсѣкъ иже вьзьритъ на женѫ съ похотиѭ ·юже любы сътвори съ неѭ въ ср҃дци своемь ·
ⰰⰸⱏ ⰶⰵ ⰳⰾ҃ⱙ ⰲⰰⰿⱏ · ⱑⰽⱁ ⰲⱐⱄⱑⰽⱏ ⰻⰶⰵ ⰲⱐⰸⱐⱃⰻⱅⱏ ⱀⰰ ⰶⰵⱀⱘ ⱄⱏ ⱂⱁⱈⱁⱅⰻⱙ ·ⱓⰶⰵ ⰾⱓⰱⱏⰹ ⱄⱏⱅⰲⱁⱃⰻ ⱄⱏ ⱀⰵⱙ ⰲⱏ ⱄⱃ҃ⰴⱌⰻ ⱄⰲⱁⰵⰿⱐ ·

Verse: 29

аще же око твое десное съблажнаатъ тѧ · ꙇзьми е и връзи отъ тебе · оунѣе бо ти естъ да погыблетъ единъ оудъ твоихъ ·а не вьсе тѣло твое въвръжено бѫдетъ въ ђеонѫ ·
ⰰⱎⱅⰵ ⰶⰵ ⱁⰽⱁ ⱅⰲⱁⰵ ⰴⰵⱄⱀⱁⰵ ⱄⱏⰱⰾⰰⰶⱀⰰⰰⱅⱏ ⱅⱔ · ⰺⰸⱐⰿⰻ ⰵ ⰻ ⰲⱃⱏⰸⰻ ⱁⱅⱏ ⱅⰵⰱⰵ · ⱆⱀⱑⰵ ⰱⱁ ⱅⰻ ⰵⱄⱅⱏ ⰴⰰ ⱂⱁⰳⱏⰹⰱⰾⰵⱅⱏ ⰵⰴⰻⱀⱏ ⱆⰴⱏ ⱅⰲⱁⰻⱈⱏ ·ⰰ ⱀⰵ ⰲⱐⱄⰵ ⱅⱑⰾⱁ ⱅⰲⱁⰵ ⰲⱏⰲⱃⱏⰶⰵⱀⱁ ⰱⱘⰴⰵⱅⱏ ⰲⱏ ⰼⰵⱁⱀⱘ ·

Verse: 30

ꙇ аште десна твоѣ рѫка съблажнаатъ тѧ оусѣци ѭ · и връзи отъ себе · оунѣе бо ти естъ да погыблетъ единъ оудъ твоихъ ·а не вьсе тѣло твое идетъ въ ђеонѫ ··
ⰺ ⰰⱎⱅⰵ ⰴⰵⱄⱀⰰ ⱅⰲⱁⱑ ⱃⱘⰽⰰ ⱄⱏⰱⰾⰰⰶⱀⰰⰰⱅⱏ ⱅⱔ ⱆⱄⱑⱌⰻ ⱙ · ⰻ ⰲⱃⱏⰸⰻ ⱁⱅⱏ ⱄⰵⰱⰵ · ⱆⱀⱑⰵ ⰱⱁ ⱅⰻ ⰵⱄⱅⱏ ⰴⰰ ⱂⱁⰳⱏⰹⰱⰾⰵⱅⱏ ⰵⰴⰻⱀⱏ ⱆⰴⱏ ⱅⰲⱁⰻⱈⱏ ·ⰰ ⱀⰵ ⰲⱐⱄⰵ ⱅⱑⰾⱁ ⱅⰲⱁⰵ ⰻⰴⰵⱅⱏ ⰲⱏ ⰼⰵⱁⱀⱘ ··

Verse: 31

речено же быстъ · ꙇже аште поуститъ женѫ своѭ ·да дастъ еи кънигы распоустъныѩ ·
ⱃⰵⱍⰵⱀⱁ ⰶⰵ ⰱⱏⰹⱄⱅⱏ · ⰺⰶⰵ ⰰⱎⱅⰵ ⱂⱆⱄⱅⰻⱅⱏ ⰶⰵⱀⱘ ⱄⰲⱁⱙ ·ⰴⰰ ⰴⰰⱄⱅⱏ ⰵⰻ ⰽⱏⱀⰻⰳⱏⰹ ⱃⰰⱄⱂⱆⱄⱅⱏⱀⱏⰹⱗ ·

Verse: 32

азъ же гл҃ѭ вамъ · ѣко вьсѣкъ поуштаѩи женѫ своѭразвѣ словесе любодѣинааго · творитъ ѭ прѣлюбы дѣати ·ꙇ иже подъпѣгѫ поемлетъ прѣлюбы творитъ ·
ⰰⰸⱏ ⰶⰵ ⰳⰾ҃ⱙ ⰲⰰⰿⱏ · ⱑⰽⱁ ⰲⱐⱄⱑⰽⱏ ⱂⱆⱎⱅⰰⱗⰻ ⰶⰵⱀⱘ ⱄⰲⱁⱙⱃⰰⰸⰲⱑ ⱄⰾⱁⰲⰵⱄⰵ ⰾⱓⰱⱁⰴⱑⰻⱀⰰⰰⰳⱁ · ⱅⰲⱁⱃⰻⱅⱏ ⱙ ⱂⱃⱑⰾⱓⰱⱏⰹ ⰴⱑⰰⱅⰻ ·ⰺ ⰻⰶⰵ ⱂⱁⰴⱏⱂⱑⰳⱘ ⱂⱁⰵⰿⰾⰵⱅⱏ ⱂⱃⱑⰾⱓⰱⱏⰹ ⱅⰲⱁⱃⰻⱅⱏ ·

Verse: 33

пакы слышасте · ѣко речено бы^с̑ древьниимъ · не въ лъжѫ клънеши сѧ · въздаси же г҃ви клѧтвы твоѩ ·
ⱂⰰⰽⱏⰹ ⱄⰾⱏⰹⱎⰰⱄⱅⰵ · ⱑⰽⱁ ⱃⰵⱍⰵⱀⱁ ⰱⱏⰹ^ⱄ̑ ⰴⱃⰵⰲⱐⱀⰻⰻⰿⱏ · ⱀⰵ ⰲⱏ ⰾⱏⰶⱘ ⰽⰾⱏⱀⰵⱎⰻ ⱄⱔ · ⰲⱏⰸⰴⰰⱄⰻ ⰶⰵ ⰳ҃ⰲⰻ ⰽⰾⱔⱅⰲⱏⰹ ⱅⰲⱁⱗ ·

Verse: 34

азъ же гл҃ѭ вамъ · не клѧти сѧ отънѫдъ ·ни н҃бмь ѣко прѣстолъ естъ бж҃ии ·
ⰰⰸⱏ ⰶⰵ ⰳⰾ҃ⱙ ⰲⰰⰿⱏ · ⱀⰵ ⰽⰾⱔⱅⰻ ⱄⱔ ⱁⱅⱏⱀⱘⰴⱏ ·ⱀⰻ ⱀ҃ⰱⰿⱐ ⱑⰽⱁ ⱂⱃⱑⱄⱅⱁⰾⱏ ⰵⱄⱅⱏ ⰱⰶ҃ⰻⰻ ·

Verse: 35

ни землеѭ ̑· ѣко подъножие естъ ногама его ·ни и҃ерслмъмъ ѣко гр҃дъ естъ великааго цс҃рѣ ·
ⱀⰻ ⰸⰵⰿⰾⰵⱙ ̑· ⱑⰽⱁ ⱂⱁⰴⱏⱀⱁⰶⰻⰵ ⰵⱄⱅⱏ ⱀⱁⰳⰰⰿⰰ ⰵⰳⱁ ·ⱀⰻ ⰻ҃ⰵⱃⱄⰾⰿⱏⰿⱏ ⱑⰽⱁ ⰳⱃ҃ⰴⱏ ⰵⱄⱅⱏ ⰲⰵⰾⰻⰽⰰⰰⰳⱁ ⱌⱄ҃ⱃⱑ ·

Verse: 36

ни главоѭ своеѭ клъни сѧ ·ѣко не можеши власа единого бѣла ли чръна сътворити ·
ⱀⰻ ⰳⰾⰰⰲⱁⱙ ⱄⰲⱁⰵⱙ ⰽⰾⱏⱀⰻ ⱄⱔ ·ⱑⰽⱁ ⱀⰵ ⰿⱁⰶⰵⱎⰻ ⰲⰾⰰⱄⰰ ⰵⰴⰻⱀⱁⰳⱁ ⰱⱑⰾⰰ ⰾⰻ ⱍⱃⱏⱀⰰ ⱄⱏⱅⰲⱁⱃⰻⱅⰻ ·

Verse: 37

бѫди же слово ваше еи ей · ῾ꙇ ни ни · лихое бо сеѭ отъ неприѣзни естъ ·
ⰱⱘⰴⰻ ⰶⰵ ⱄⰾⱁⰲⱁ ⰲⰰⱎⰵ ⰵⰻ ⰵⰻ̆ · ῾ⰺ ⱀⰻ ⱀⰻ · ⰾⰻⱈⱁⰵ ⰱⱁ ⱄⰵⱙ ⱁⱅⱏ ⱀⰵⱂⱃⰻⱑⰸⱀⰻ ⰵⱄⱅⱏ ·

Verse: 38

Слышасте ѣко речено бы^с̑ · око за око и зѫбъ за зѫбъ ·
Ⱄⰾⱏⰹⱎⰰⱄⱅⰵ ⱑⰽⱁ ⱃⰵⱍⰵⱀⱁ ⰱⱏⰹ^ⱄ̑ · ⱁⰽⱁ ⰸⰰ ⱁⰽⱁ ⰻ ⰸⱘⰱⱏ ⰸⰰ ⰸⱘⰱⱏ ·

Verse: 39

азъ же гл҃ѭ вамъ · не противити сѧ зълоу ·Нъ аще кто тѧ оударитъ въ деснѫѭ ланитѫ · обрати емоу и дроугѫѭ ̑·
ⰰⰸⱏ ⰶⰵ ⰳⰾ҃ⱙ ⰲⰰⰿⱏ · ⱀⰵ ⱂⱃⱁⱅⰻⰲⰻⱅⰻ ⱄⱔ ⰸⱏⰾⱆ ·Ⱀⱏ ⰰⱎⱅⰵ ⰽⱅⱁ ⱅⱔ ⱆⰴⰰⱃⰻⱅⱏ ⰲⱏ ⰴⰵⱄⱀⱘⱙ ⰾⰰⱀⰻⱅⱘ · ⱁⰱⱃⰰⱅⰻ ⰵⰿⱆ ⰻ ⰴⱃⱆⰳⱘⱙ ̑·

Verse: 40

ꙇ хотѧщоумоу сѫдъ приѩти съ тобоѭ и ризѫ твоѭ възѧти ·отъпоусти емоу и срачицѫ твоѭ ·
ⰺ ⱈⱁⱅⱔⱎⱅⱆⰿⱆ ⱄⱘⰴⱏ ⱂⱃⰻⱗⱅⰻ ⱄⱏ ⱅⱁⰱⱁⱙ ⰻ ⱃⰻⰸⱘ ⱅⰲⱁⱙ ⰲⱏⰸⱔⱅⰻ ·ⱁⱅⱏⱂⱆⱄⱅⰻ ⰵⰿⱆ ⰻ ⱄⱃⰰⱍⰻⱌⱘ ⱅⰲⱁⱙ ·

Verse: 41

и аще къто поиметъ тѧ по силѣ · попьрище едино · ꙇди съ нимь дьвѣ ··
ⰻ ⰰⱎⱅⰵ ⰽⱏⱅⱁ ⱂⱁⰻⰿⰵⱅⱏ ⱅⱔ ⱂⱁ ⱄⰻⰾⱑ · ⱂⱁⱂⱐⱃⰻⱎⱅⰵ ⰵⰴⰻⱀⱁ · ⰺⰴⰻ ⱄⱏ ⱀⰻⰿⱐ ⰴⱐⰲⱑ ··

Verse: 42

Просѧштоумоу оу тебе даи · ꙇ хотѧштаго отъ тебе заѩти не отъврати ·
Ⱂⱃⱁⱄⱔⱎⱅⱆⰿⱆ ⱆ ⱅⰵⰱⰵ ⰴⰰⰻ · ⰺ ⱈⱁⱅⱔⱎⱅⰰⰳⱁ ⱁⱅⱏ ⱅⰵⰱⰵ ⰸⰰⱗⱅⰻ ⱀⰵ ⱁⱅⱏⰲⱃⰰⱅⰻ ·

Verse: 43

слышасте ѣко речено естъ · възлюбиши искрьнѣго своего · ꙇ вьзненавидиши врага своего ·
ⱄⰾⱏⰹⱎⰰⱄⱅⰵ ⱑⰽⱁ ⱃⰵⱍⰵⱀⱁ ⰵⱄⱅⱏ · ⰲⱏⰸⰾⱓⰱⰻⱎⰻ ⰻⱄⰽⱃⱐⱀⱑⰳⱁ ⱄⰲⱁⰵⰳⱁ · ⰺ ⰲⱐⰸⱀⰵⱀⰰⰲⰻⰴⰻⱎⰻ ⰲⱃⰰⰳⰰ ⱄⰲⱁⰵⰳⱁ ·

Verse: 44

азъ же гл҃ѭ вамъ · любите врагы вашѧ · б҃лагслвите клънѫштѧѩ вы ·добро творите ненавидѧштиимъ васъ ꙇ молите за творѧщѧѩ вамъ напасти ·и изгонѧщѧѩ вы ·
ⰰⰸⱏ ⰶⰵ ⰳⰾ҃ⱙ ⰲⰰⰿⱏ · ⰾⱓⰱⰻⱅⰵ ⰲⱃⰰⰳⱏⰹ ⰲⰰⱎⱔ · ⰱ҃ⰾⰰⰳⱄⰾⰲⰻⱅⰵ ⰽⰾⱏⱀⱘⱎⱅⱔⱗ ⰲⱏⰹ ·ⰴⱁⰱⱃⱁ ⱅⰲⱁⱃⰻⱅⰵ ⱀⰵⱀⰰⰲⰻⰴⱔⱎⱅⰻⰻⰿⱏ ⰲⰰⱄⱏ ⰺ ⰿⱁⰾⰻⱅⰵ ⰸⰰ ⱅⰲⱁⱃⱔⱎⱅⱔⱗ ⰲⰰⰿⱏ ⱀⰰⱂⰰⱄⱅⰻ ·ⰻ ⰻⰸⰳⱁⱀⱔⱎⱅⱔⱗ ⰲⱏⰹ ·

Verse: 45

да бѫдете сн҃ве от҃ца вашего иже естъ на н҃ебсхъ · ѣко слъньцесвое сьѣатъ на зълы и благы · ῾ꙇ дъждитъ на праведъны и на неправедъны ·
ⰴⰰ ⰱⱘⰴⰵⱅⰵ ⱄⱀ҃ⰲⰵ ⱁⱅ҃ⱌⰰ ⰲⰰⱎⰵⰳⱁ ⰻⰶⰵ ⰵⱄⱅⱏ ⱀⰰ ⱀ҃ⰵⰱⱄⱈⱏ · ⱑⰽⱁ ⱄⰾⱏⱀⱐⱌⰵⱄⰲⱁⰵ ⱄⱐⱑⰰⱅⱏ ⱀⰰ ⰸⱏⰾⱏⰹ ⰻ ⰱⰾⰰⰳⱏⰹ · ῾ⰺ ⰴⱏⰶⰴⰻⱅⱏ ⱀⰰ ⱂⱃⰰⰲⰵⰴⱏⱀⱏⰹ ⰻ ⱀⰰ ⱀⰵⱂⱃⰰⰲⰵⰴⱏⱀⱏⰹ ·

Verse: 46

аще бо любите любѧщѧѩ вы · кѫѭ ̑мъздѫ имате · не и мытаре ли тожде творѧтъ ·
ⰰⱎⱅⰵ ⰱⱁ ⰾⱓⰱⰻⱅⰵ ⰾⱓⰱⱔⱎⱅⱔⱗ ⰲⱏⰹ · ⰽⱘⱙ ̑ⰿⱏⰸⰴⱘ ⰻⰿⰰⱅⰵ · ⱀⰵ ⰻ ⰿⱏⰹⱅⰰⱃⰵ ⰾⰻ ⱅⱁⰶⰴⰵ ⱅⰲⱁⱃⱔⱅⱏ ·

Verse: 47

ꙇ аще цѣлоуете дроугы вашѧ · токъмо что лихо творите · не и мытаре ли тако творѧтъ ·
ⰺ ⰰⱎⱅⰵ ⱌⱑⰾⱆⰵⱅⰵ ⰴⱃⱆⰳⱏⰹ ⰲⰰⱎⱔ · ⱅⱁⰽⱏⰿⱁ ⱍⱅⱁ ⰾⰻⱈⱁ ⱅⰲⱁⱃⰻⱅⰵ · ⱀⰵ ⰻ ⰿⱏⰹⱅⰰⱃⰵ ⰾⰻ ⱅⰰⰽⱁ ⱅⰲⱁⱃⱔⱅⱏ ·

Verse: 48

бѫдѣте оубо вы съвръшени · ѣко и отецъ вашъ н҃бскы съвръшенъ естъ ··
ⰱⱘⰴⱑⱅⰵ ⱆⰱⱁ ⰲⱏⰹ ⱄⱏⰲⱃⱏⱎⰵⱀⰻ · ⱑⰽⱁ ⰻ ⱁⱅⰵⱌⱏ ⰲⰰⱎⱏ ⱀ҃ⰱⱄⰽⱏⰹ ⱄⱏⰲⱃⱏⱎⰵⱀⱏ ⰵⱄⱅⱏ ··

This text is part of the TITUS edition of Codex Marianus.

Copyright TITUS Project, Frankfurt a/M, 1.6.2018. No parts of this document may be republished in any form without prior permission by the copyright holder.