TITUS
Vetus Testamentum graece iuxta LXX interpretes
Part No. 801
Previous part

Chapter: 12 
Verse: 1  ῾Υπολαβὼν δὲ Ιωβ λέγει
Verse: 2  Εἶτα ὑμεῖς ἐστε ἄνϑρωποι·
ἦ μεϑ' ὑμῶν τελευτήσει σοϕία.
Verse: 3  κἀμοὶ μὲν καρδία καϑ' ὑμᾶς ἐστιν.
Verse: 4  δίκαιος γὰρ ἀνὴρ καὶ ἄμεμπτος ἐγενήϑη εἰς χλεύασμα·
Verse: 5  εἰς χρόνον γὰρ τακτὸν ἡτοίμαστο πεσεῖν ὑπὸ ἄλλους
οἴκους τε αὐτοῦ ἐκπορϑεῖσϑαι ὑπὸ ἀνόμων.
Verse: 6  οὐ μὴν δὲ ἀλλὰ μηδεὶς πεποιϑέτω πονηρὸς ὢν ἀϑῷος ἔσεσϑαι,
ὅσοι παροργίζουσιν τὸν κύριον,
ὡς οὐχὶ καὶ ἔτασις αὐτῶν ἔσται.
Verse: 7  ἀλλὰ δὴ ἐπερώτησον τετράποδα ἐάν σοι εἴπωσιν,
πετεινὰ δὲ οὐρανοῦ ἐάν σοι ἀπαγγείλωσιν·
Verse: 8  ἐκδιήγησαι δὲ γῇ ἐάν σοι ϕράσῃ,
καὶ ἐξηγήσονταί σοι οἱ ἰχϑύες τῆς ϑαλάσσης.
Verse: 9  τίς οὐκ ἔγνω ἐν πᾶσι τούτοις
ὅτι χεὶρ κυρίου ἐποίησεν ταῦτα;S
Verse: 10  εἰ μὴ ἐν χειρὶ αὐτοῦ ψυχὴ πάντων τῶν ζώντων
καὶ πνεῦμα παντὸς ἀνϑρώπου;
Verse: 11  οὖς μὲν γὰρ ῥήματα διακρίνει,
λάρυγξ δὲ σῖτα γεύεται.
Verse: 12  ἐν πολλῷ χρόνῳ σοϕία,
ἐν δὲ πολλῷ βίῳ ἐπιστήμη.
Verse: 13  παρ' αὐτῷ σοϕία καὶ δύναμις,
αὐτῷ βουλὴ καὶ σύνεσις.
Verse: 14  ἐὰν καταβάλῃ, τίς οἰκοδομήσει;
ἐὰν κλείσῃ κατὰ ἀνϑρώπων, τίς ἀνοίξει;
Verse: 15  ἐὰν κωλύσῃ τὸ ὥδωρ, ξηρανεῖ τὴν γῆν·
ἐὰν δὲ ἐπαϕῇ, ἀπώλεσεν αὐτὴν καταστρέψας.
Verse: 16  παρ' αὐτῷ κράτος καὶ ἰσχύς,
αὐτῷ ἐπιστήμη καὶ σύνεσις.
Verse: 17  διάγων βουλευτὰς αἰχμαλώτους,
κριτὰς δὲ γῆς ἐξέστησεν.
Verse: 18  καϑιζάνων βασιλεῖς ἐπὶ ϑρόνους
καὶ περιέδησεν ζώνῃ ὀσϕύας αὐτῶν.S
Verse: 19  ἐξαποστέλλων ἱερεῖς αἰχμαλώτους,
δυνάστας δὲ γῆς κατέστρεψεν.
Verse: 20  διαλλάσσων χείλη πιστῶν,
σύνεσιν δὲ πρεσβυτέρων ἔγνω.
Verse: 21  ἐκχέων ἀτιμίαν ἐπ' ἄρχοντας,S
ταπεινοὺς δὲ ἰάσατο.
Verse: 22  ἀνακαλύπτων βαϑέα ἐκ σκότους,
ἐξήγαγεν δὲ εἰς ϕῶς σκιὰν ϑανάτου.
Verse: 23  πλανῶν ἔϑνη καὶ ἀπολλύων αὐτά,S
καταστρωννύων ἔϑνη καὶ καϑοδηγῶν αὐτά.
Verse: 24  διαλλάσσων καρδίας ἀρχόντων γῆς,
ἐπλάνησεν δὲ αὐτοὺς ὁδῷ, ᾗ οὐκ ᾔδεισαν·
Verse: 25  ψηλαϕήσαισαν σκότος καὶ μὴ ϕῶς,
πλανηϑείησαν δὲ ὥσπερ ὁ μεϑύων.

Next part


This text is part of the TITUS edition of Vetus Testamentum graece iuxta LXX interpretes.

Copyright TITUS Project, Frankfurt a/M, 5.5.2019. No parts of this document may be republished in any form without prior permission by the copyright holder.