სიტყუაჲ, ქმნილი იერემიაჲს მიმართ ყოველსა ზედა ერსა წელსა მეოთხესა იოაკიმისსა, ძისა იოსიაჲსსა, მეფისა იუდაჲ[სასა], ესე წელიწადი პირველი ნაბუქო[დო]ნოსორ მეფისა ბაბილონისაჲ.
სიტყუაჲ, რომელ თქუა იერემია წინაჲსწარმეტყუელმან ყოვლისა მომართ ერისა იუდეაჲსსა და დამკჳდრებულთა მიმართ იერუსალიმისათა, მეტყუელმან:
მეათცამეტით წლითგან იოსია, ძისა ამონისსა, მეფისა იუდაჲსსა, და ვიდრე დღისამდე ამის ოცსა და სამსა წელსა იქმნა სიტყუაჲ უფლისაჲ ჩემდამო, და ვიტყოდე თქუენდამი, აღმსთობი და მეტყუელი, და არა ისმინეთ
და მივავლინენ თქუენდამი მონანი ჩემნი წინაჲსწარმეტყუელნი, ცისკარს მიმავლენდ, და არა ისმინეთ და არა მოჰყვენთ ყურნი Page of ms. Ga: 234v თქუენნი სმენად და ვთქუ.
მოიქეცით კაცადი გზისაგან თჳსისა ბოროტისა და ბოროტთაგან სიმარჯუეთა თქუენთა და დაემკჳდრენით ქუეყანასა ზედა, რომელი მიგეც თქუენ და მამათა თქუენთა საუკუნითგან და ვიდრე საუკუნომდე.
და ნუ ხუალთ უკუანა ღმერთთა უცხოთა მსახურებად მათდა და თაყუანისცემად, რაჲთა არა განმარისხოთ მე საქმეთა მიერ ჴელთა თქუენთაჲსა განბოროტებად თქუენდა.
და არა ისმინეთ ჩემი, იტყჳს უფალი, რამეთუ განმარისხეთ მე საქმეთა მიერ ჴელთა თქუენთა განსაბოროტებელად თქუენდა.
ამისთჳს ამათ იტყჳს უფალი ძალთაჲ, ვინაჲთგან არა ირწმუნეთ სიტყუათა ჩემთაჲ.
აჰა მე მიმავლენ და მოუწოდო ყოველთა ტომთა ბღუარისათა, იტყჳს უფალი, და ნაბუქოდონოსორ, მეფე ბაბილონისაჲ, მონაჲ ჩემი. და მოვაწინე იგინი ქუეყანასა ამას ზედა და დამკჳდ\რებულთა Page of ed. 1709: 94a ზედა მისთა და ყოველთა ზედა ნათესავთა გარემოჲსთა მისთა და მოვაოჴრნე იგინი და მივსცნე იგინი. უჩინო საქმნელად და სასტჳნველად და საყუედრელად საუკუნოდ.
და წარვწყმიდო მათგან ჴმაჲ სიხარულისაჲ და ჴმაჲ შუებისაჲ, ჴმაჲ სიძისაჲ და აი სძლისა და ჴმაჲ საფქველსაჲ და ნათელი ბაზმაკისაჳ.
და იყოს ყოველი ესე ქუეყანაჲ განსაქარვებლად. და ჰმონებდენ წარმართჲა შორის მეფისა ბაბილოვნისასა სამეოც და ათ წელ,
და-რაჲ-ესრულნენ სამეოც და ათნი წელნი, შური ვიძიო მეფესა ზედა ბაბილოვნელთასა და ნათესავისა მის. იტყჳს უფალი, და დავსხნე იგინი განსაქარვებლად საუკუნოდ.
და მოვაწინე ქუეყანასა მას ზედა ყოველნი სიტყუანი ჩემნი, რომელთა ვიტყოდე ძჳნად მისსა, და ყოველნი დაწერილნი წიგნსა Page of ms. Ga: _ ამას და რაოდენი წინაჲსწარმეტყუელნა ძჳნად ყოველთა ნათესავთა.
Page of ms. Ga: 236r რამეთუ ჰმონეს მათ შორის, რამეთუ დაიმონენ იგინიცა ნათესავთა მრავალთა და მეფეთა დიდთა, და მივაგო მათ საქმეთა მათთაებრ და სიმარჯუეთა.
Page of ms. Ga: 236v ესრეთ თქუა უფალმან ღმერთმან ისრაილისამან ჩემდამო: მიიღე სასუმელი ღვინისა ურწყოჲსა ამის ჴელისაგან ჩემისა და ასუა ყოველთა ნათესავთა, რომელთა მიმართ მიგავლენ შენ მათდამი.
და სუან, დასთხიონ და განბორგნენ პირისაგან მახჳლისა, რომელსა მე მიმავლენ შორის მათსა.
და მოვიღე სასუმელი ჴელისაგან უფლისა და ვასუ ყოველთა ნათესავთა, რომელთა მიმართ მიმავლინა მე უფალმან მათ ზედა.
იერუსალიმსა და ქალაქთა იუდა[ჲსთა] და მეფეთა მისთა და მთავართა მისთა დასხმად იგინი მოსაოჴრებელად და უვალად და სასტჳნველად და საწყევარად დღისა ამისებრ.
და ფარაოს, მეფესა ეგჳ\პტისასა Page of ed. 1709: 94b და ყრმათა მისთა და დიდ-დიდთა და ყოველსა ერსა მისსა.
და ყოველთა თან-მრევლთა მისთა და ყოველთა მეფეთა ქუეყანისა უცხო ტომთაჲსათა და ასკალონსა და ღაზასა და აკკარონსა და ნეშტსა აზოტისასა.
და იდუმეასა და მოაბიტელსა და ძეთა ამმონისთა.
და ყოველთა მეფეთა ტჳროსისა და სიდონისათა და ყოველთა მეფეთა ჭალაკთასა წიაღ კერძოთა ზღჳსათა.
და დედანსა და თემანსა და როსსა და ყოველსა გლისპსა პირისპირ მისსა
და ყოველთა მეფეთა არაბიაჲსათა და ყოველთა თან-მრევ[ლ]თა, რომელნი მევანეობენ უდაბნოსა შინა,
და ყოველთა მეფეთა ზამვრისთა და ყოველთა მეფეთა ელამისთა და ყოველთა მეფეთა მიდთა და სპარსთასა
და ყოველთა მეფეთა აპლთიოტაჲსათა, მახლობელთა და შორიელთა, კაცადსა ძმისა მიმართ მისისა და ყოველთა მეფობათა პირის ზედათა ქუეყანისათა, და მეფემან სისახ სუას შემდგომად მათსა.
და სთქუა მათდა მიმართ: ამათ იტყჳს უფალი ღმერთი ისრაილისაჲ ყოვლისა მპყრობელი: სუთ და დაითრვენით, დასთხიეთ და დაეცენით და არა აღსდგეთ პირისაგან მახჳლისა, რომელი მე მოვავლინო საშუალ თქუენსა.
და იყოს, ოდეს არ ენებოსყე მიღებაჲ სასუმელისაჲ ჴელისაგან შენისა, რაჲთა სუან, და ჰრქუა მათ: ესრეთ თქუა უფალმან: მსმელთა სუთ,
რამეთუ აჰა ქა\ლაქისაგან, Page of ms. Ga: 237r რომელსა ზედა იწოდა სახელი ჩემი მის ზედა. მისგან ვიწყო მე ბოროტებად, და თქუენ განწმენდითა განწმდით; არავე განსწმდეთ, რამეთუ მახჳლსა მოუწეს მე ყოველთა ზედა მსხდომარეთა ქუეყანასა ზედა, თქუა უფალმან ძალთამან.
და შენ წინაჲსწარმეტყუელებდი მათ ზედა სიტყუათა ამათ ჩემთა, და სთქუა მათდა მიმართ: უფალი მაღლით გამოცხადება-ჰყოფს და წმიდისაგან Page of ed. 1709: 95a სამკჳდრებელისა მისისა მოსცეს ჴმაჲ თჳსი, სიტყუასა გამოცხადება-ჰყოფს ადგილისაგან თჳსისა და იგინიცა, ვითარცა საწნეხლის მწნეხელნი მიუგებდენ: ყოველთა მიმართ მსხდომარეთა ქუეყანასა ზედა [31], მუნ მოსრვაჲ.
კერძოსა ზედა ქუეყანისასა, რამეთუ სასჯელი უფლისაჲ წარმართთა შორის საჯოს მან ყოვლისა მიმართ ჴორცისა, ხოლო უთნონი მიეცნეს მახჳლსა, იტყჳს უფალი.
ესრეთ თქუა უფალმან ძალთამან: აჰა ჭერნი მოვლენ ნათესავისაგან ნათესავისა მიმართ, და გრიგალი დიდი გამოვალს დასასრულით ქუეყანისაჲთ,
და იყვნენ წყლულებანი უფლისა მიერ დღესა შინა უფლისასა კერძოჲსაგან ქუეყანისა მიკერძოდმდე ქუეყანისა; არა დაშურენ, არცა შეკრბენ და არა დაეფლნენ, ვითარცა სკორენი ქუეყანისანი იყვნენ.
ღაღად-ყავთ მწყემსთა და ჴმაყავთ, და იტყებდით, ვერძნი ცხოვართანი, რამეთუ სრულ იქმნნეს დღენი თქუენნი დაკლვადნი და განბნევანი თქუენნი, და დაეცნეთ, ვითარცა ვურ/ძნი რჩეულნი.
და წარწყმდეს სილტოლაჲ მწყემსთაგან და მაცხოვარებაჲ ვერძთაგან ცხოვართაჲსა.
ჴმაჲ ღაღადებისა მწყემსთაჲსაჲ და ღაღადებაჲ ვერძებისა ცხოვართაჲსაჲ, რამეთუ მოსპნა უფალმან საძოარნი მათნი.
და დააცხრვნა კეთილნი მშჳდობისანი პირისაგან რისხვისა გულისწყრომისა უფლისა.
დაუტევა კაცადმან, ვითარცა ლომმან, საყუდელო თჳსი, რამეთუ იქმნა ქუეყანაჲ მათი უვალ პირისაგან რისხვისა მახვილისა დიდისა და პირისაგან რისხვისა გულის-წყრომისა მისისა.
