Paragraph: 1ʼ | ||
Line: 1 | -- | dtelipinuš[ ... ] |
Line: 1 | Variant: A | Item: Vs._I_1ʼ ⌐dte¬-li-⌐pí-nu-uš¬[ ... ] |
Line: 2 | -- | lē=wa kurkuriške[ttati] |
Line: 2 | Variant: A | Item: Vs._I_2ʼ le-e-wa kur-ku-ri-iš-ki[t₉-ta-ti] |
Line: 3 | -- | [ ... ] GÙB-lit ḫuinut |
Line: 3 | Variant: A | Item: Vs._I_2ʼ [ ... ] Item: Vs._I_3ʼ GÙB-li-it ḫu-i-nu-ut |
Line: 4 | -- | GÙB-l[a- ... ] |
Line: 4 | Variant: A | Item: Vs._I_3ʼ GÙB-l[a- ... ] Item: Vs._I_4ʼ x[ ... ] ̣̣̣ |
Paragraph: 2ʼ | ||
Line: 5 | -- | GIŠluttāuš kammarāš IṢBAT |
Line: 5 | Variant: A | Item: Vs._I_5ʼ GIŠlu-ut-ta-a-uš kam-ma-ra-a-aš IṢ-BAT |
Line: 6 | -- | É-er ⌐tuḫḫuiš¬ [IṢBAT] |
Line: 6 | Variant: A | Item: Vs._I_5ʼ É-er ⌐túḫ-ḫu-iš¬ [ ... ] |
Line: 7 | -- | INA GUNNI=ma kalmīšeniš wišūriyantat[i] |
Line: 7 | Variant: A | Item: Vs._I_6ʼ ⌐I¬-NA GUNNI-ma kal-mi-i-še-ni-iš ú-i-šu-u-ri-ya-an-ta-t[i] |
Line: 8 | -- | [ištananaš anda] DINGIRMEŠ wišūriyantati |
Line: 8 | Variant: A | Item: Vs._I_6ʼ [ ... ] Item: Vs._I_7ʼ DINGIRMEŠ ú-i-šu-u-ri-ya-an-ta-ti |
Line: 9 | -- | INA TÙR anda UDUḪI.A KI.MIN |
Line: 9 | Variant: A | Item: Vs._I_7ʼ I-NA TÙR an-da UDUḪI.A KI.MIN |
Line: 10 | -- | INA ⌐É.GU₄¬ andan GU₄ḪI.A wišūriyantati |
Line: 10 | Variant: A | Item: Vs._I_7ʼ I-NA ⌐É.GU₄¬ Item: Vs._I_8ʼ an-da-an GU₄ḪI.A ú-i-šu-u-ri-ya-an-ta-ti |
Line: 11 | -- | UDU-uš=za SILA₄-SU mimmaš |
Line: 11 | Variant: A | Item: Vs._I_8ʼ UDU-uš-za SILA₄-SÚ mi-im-ma-aš |
Line: 12 | -- | GU₄=ma AMAR-ŠU mimmaš |
Line: 12 | Variant: A | Item: Vs._I_9ʼ GU₄-ma AMAR-ŠU mi-im-ma-aš ̣̣̣ |
Paragraph: 3ʼ | ||
Line: 13 | -- | dtelipinuš=a arḫa iyanniš |
Line: 13 | Variant: A | Item: Vs._I_10ʼ dte-li-pí-nu-ša (Rasur) ar-ḫa i-ya-an-ni-iš |
Line: 14 | -- | ḫalkin dimmarnin šalḫiantin mannittin išpiyatarr=a pēdaš gimri wēllui marmaraš andan |
Line: 14 | Variant: A | Item: Vs._I_10ʼ ḫal-ki-in dim-mar-ni-(Rasur)in Item: Vs._I_11ʼ ša-al-ḫi-an-ti-en ma-an-ni-it-ti-en*1 iš-pí-ya-tar-ra pé-e-da-aš Item: Vs._I_11ʼ gi-im-ri Item: Vs._I_12ʼ ⌐ú¬-e-el-lu-i mar-mar-aš an-da-an |
Line: 15 | -- | dtelipinuš=a pait marmarri andan ulišta |
Line: 15 | Variant: A | Item: Vs._I_12ʼ dte-li-pí-nu-ša pa-it Item: Vs._I_12ʼ mar-mar-ri an-da-an Item: Vs._I_13ʼ ú-li-iš-ta |
Line: 16 | -- | šēr=a=šši=ššan ḫalenzu ḫuwaīš |
Line: 16 | Variant: A | Item: Vs._I_13ʼ še-e-ra-aš-še-iš-ša-an ḫa-le-en-zu ḫu-wa-i-iš |
Line: 17 | -- | nu namma ḫalkiš ZÍZ-tar UL māi |
Line: 17 | Variant: A | Item: Vs._I_13ʼ nu nam-ma Item: Vs._I_14ʼ ḫal-ki-iš ZÍZ-tar Ú-UL ma-a-i |
Line: 18 | -- | nu=za namma GU₄ḪI.A UDUḪI.A DUMU.LÚ.U₁₉.LUMEŠ UL armaḫḫanzi |
Line: 18 | Variant: A | Item: Vs._I_14ʼ nu-za nam-ma GU₄ḪI.A UDUḪI.A DUMU.LÚ.U₁₉.LUMEŠ Ú-UL Item: Vs._I_15ʼ ar-ma-aḫ-ḫa-an-zi |
Line: 19 | -- | armauwanteš=a kwieš |
Line: 19 | Variant: A | Item: Vs._I_15ʼ ar-ma-u-wa-an-te-ša ku-i-eš |
Line: 20 | -- | nu=za ape=ya UL ḫaššanzi |
Line: 20 | Variant: A | Item: Vs._I_15ʼ nu-za a-pé-ya Ú-UL ḫa-aš-ša-an-zi ̣̣̣ |
Paragraph: 4ʼ | ||
Line: 21 | -- | [nu? ḪU]R.SAGDIDLI.ḪI.A ḫāter |
Line: 21 | Variant: A | Item: Vs._I_16ʼ [*2 ḪU]R.SAGDIDLI.ḪI.A ḫa-a-te-er |
Line: 21 | Variant: B | Item: Vs._I_1ʼ [ ... ] |
Line: 22 | -- | GIŠḪI.A-ru ḫāzta |
Line: 22 | Variant: A | Item: Vs._I_16ʼ GIŠḪI.A-ru ḫa-a-az!-ta |
Line: 22 | Variant: B | Item: Vs._I_1ʼ [ ... ] |
Line: 23 | -- | n=ašta par(a)šduš UL wēzzi |
Line: 23 | Variant: A | Item: Vs._I_16ʼ na-aš-ta pár-aš-du-uš Ú-UL Item: Vs._I_17ʼ ⌐ú¬-e-ez-zi |
Line: 23 | Variant: B | Item: Vs._I_1ʼ [n]a-aš-⌐ta¬ [ ... ] Item: Vs._I_2ʼ [ ... ] |
Line: 24 | -- | wešaeš ḫāter |
Line: 24 | Variant: A | Item: Vs._I_17ʼ ú-e-ša-e-eš ḫa-a-te-er |
Line: 24 | Variant: B | Item: Vs._I_2ʼ [ ... ] |
Line: 25 | -- | PÚḪI.A ḫāzta |
Line: 25 | Variant: A | Item: Vs._I_17ʼ PÚḪI.A ḫa-a-az-ta |
Line: 25 | Variant: B | Item: Vs._I_2ʼ [ ... ] |
Line: 26 | -- | nu KUR-ya andan [k]āšza kīšati |
Line: 26 | Variant: A | Item: Vs._I_17ʼ nu KUR-ya an-da-an Item: Vs._I_18ʼ [k]a-a-aš-za ki-i-ša-ti |
Line: 26 | Variant: B | Item: Vs._I_2ʼ [n]u KUR!-ni a[n!?*3-da-an ... ] Item: Vs._I_3ʼ [ ... ] |
Line: 27 | -- | DUMU.LÚ.U₁₉.LUMEŠ DINGIRMEŠ-ešš=a kištantit ḫarkiyanzi |
Line: 27 | Variant: A | Item: Vs._I_18ʼ DUMU.LÚ.U₁₉.LUMEŠ DINGIRMEŠ-eš!-ša ki-iš-ta-an-ti-it ḫar-ki-ya-an-zi |
Line: 27 | Variant: B | Item: Vs._I_3ʼ [ ... ḫar-k]i-ya-an-zi |
Line: 28 | -- | GAL-iš=za dUTU-uš EZEN₄-an yēt |
Line: 28 | Variant: A | Item: Vs._I_19ʼ GAL-iš-za dUTU-uš EZEN₄-an i-e-et |
Line: 28 | Variant: B | Item: Vs._I_3ʼ GAL-i[š-za ... ] Item: Vs._I_4ʼ [ ... ] |
Line: 29 | -- | nu=za 1 LIM DINGIRMEŠ ḫalzaīš |
Line: 29 | Variant: A | Item: Vs._I_19ʼ nu-za 1 LI-IM DINGIRMEŠ ḫal-za-i-iš |
Line: 29 | Variant: B | Item: Vs._I_4ʼ [ ... ḫal-za-i-i]š |
Line: 30 | -- | eter |
Line: 30 | Variant: A | Item: Vs._I_19ʼ e-te-er |
Line: 30 | Variant: B | Item: Vs._I_4ʼ e-te-er |
Line: 31 | -- | n=e UL išpiyēr |
Line: 31 | Variant: A | Item: Vs._I_20ʼ ne Ú-UL iš-pí-i-e-er |
Line: 31 | Variant: B | Item: Vs._I_4ʼ ne Ú-U[L ... ] |
Line: 32 | -- | ekwiēr=ma |
Line: 32 | Variant: A | Item: Vs._I_20ʼ e-ku-i-e-er-ma |
Line: 32 | Variant: B | Item: Vs._I_5ʼ [ ... ] |
Line: 33 | -- | n=e=za UL ḫašš[i]kker |
Line: 33 | Variant: A | Item: Vs._I_20ʼ ne-za Ú-UL ḫa-aš-š[i-i]k-ke-er ̣̣̣ |
Line: 33 | Variant: B | Item: Vs._I_5ʼ [ ... ḫa-aš-ši-i]k-ke-er ̣̣̣ |
Paragraph: 5ʼ | ||
Line: 34 | -- | nu=za dIM-aš dtelipinun DUMU-ŠU kappuwēt |
Line: 34 | Variant: A | Item: Vs._I_21ʼ nu-za dIM-aš d⌐te¬-li-pí-nu-un DUMU-ŠU kap-pu-u-e-et |
Line: 34 | Variant: B | Item: Vs._I_6ʼ [ ... kap-pu-u]-⌐e¬-et |
Line: 35 | -- | dtelipinuš=wa DUMU-YA andan NU.GÁL |
Line: 35 | Variant: A | Item: Vs._I_21ʼ dte-li-pí-nu-uš-wa Item: Vs._I_22ʼ [DU]MU-YA an-da-an NU.GÁL |
Line: 35 | Variant: B | Item: Vs._I_6ʼ dte-li-pí-nu-uš-wa DUMU-Y[A] Item: Vs._I_7ʼ [ ... ] |
Line: 36 | -- | šāyet=war=aš=za |
Line: 36 | Variant: A | Item: Vs._I_22ʼ ša-a-i-et-wa-ra-aš-za |
Line: 36 | Variant: B | Item: Vs._I_7ʼ [ ... ] |
Line: 37 | -- | nu=wa=z ḫūman āššu pētaš |
Line: 37 | Variant: A | Item: Vs._I_22ʼ nu-wa-⌐az¬ ḫu-u-ma-an a-aš-šu pé-e-ta-aš |
Line: 37 | Variant: B | Item: Vs._I_7ʼ [nu-wa-a]z ḫu-u-ma-an a-aš-šu pé-e-da-aš |
Line: 38 | -- | [DIN]GIRMEŠ GAL.GAL DINGIRMEŠ TUR dtelipinun šanḫiškiuwan dayer |
Line: 38 | Variant: A | Item: Vs._I_23ʼ [DIN]GIRMEŠ GAL.GAL DINGIRMEŠ TUR dte-li-pí-nu-un ša-an-ḫi-iš-ki-u-wa-an da-i-er |
Line: 38 | Variant: B | Item: Vs._I_8ʼ [ ... ša-an-ḫ]i-iš-ki-u-wa-an da-i-er |
Line: 39 | -- | dUTU-uš ḫārananMUŠEN lēliwandan IŠPUR |
Line: 39 | Variant: A | Item: Vs._I_23ʼ dUTU-uš Item: Vs._I_24ʼ ⌐ḫa¬-a-ra-na-anMUŠEN le-e-li-wa-an-da-an IŠ-PUR |
Line: 39 | Variant: B | Item: Vs._I_9ʼ [ ... le-e-li-wa-an-d]a-an IŠ-PUR |
Line: 40 | -- | īt=war=ašta pargamuš ḪUR.SAGDIDLI.ḪI.A šā(n)ḫ(a) |
Line: 40 | Variant: A | Item: Vs._I_24ʼ i-it-wa-ra-aš-ta pár-ga-mu-uš Item: Vs._I_25ʼ ḪUR.SAGDIDLI.ḪI.A ša-a-aḫ ̣̣̣ |
Line: 40 | Variant: B | Item: Vs._I_9ʼ i-it-wa-ra-aš-ta*4 (Rasur) Item: Vs._I_10ʼ [ ... ša-an]-(Rasur)ḫa ̣̣̣ |
Paragraph: 6ʼ | ||
Line: 41 | -- | ḫāriyuš=kan ḫalluwamuš šāḫ |
Line: 41 | Variant: A | Item: Vs._I_26ʼ ⌐ḫa¬-a-ri-i-uš-kán ḫal-lu-[w]a-⌐mu¬-uš ša-a-aḫ |
Line: 41 | Variant: B | Item: Vs._I_11ʼ [ ... ḫal]-⌐lu-wa-mu-uš KI.MIN¬ |
Line: 42 | -- | ḫuwanḫueššar=kan kuwāliu šāḫ |
Line: 42 | Variant: A | Item: Vs._I_26ʼ ḫu-wa-an-ḫu-eš-šar-kán ku-wa-a-li-ú ša-a-aḫ |
Line: 42 | Variant: B | Item: Vs._I_11ʼ ⌐ḫu-wa-an¬-ḫu-eš-šar-kán (Rasur) ku-wa-li-ú KI.MIN |
Line: 43 | -- | ḫārašMUŠEN pait |
Line: 43 | Variant: A | Item: Vs._I_27ʼ ⌐ḫa¬-a-ra-ašMUŠEN pa-it |
Line: 43 | Variant: B | Item: Vs._I_12ʼ [ ... pa]-it |
Line: 44 | -- | n=an UL wemiyat |
Line: 44 | Variant: A | Item: Vs._I_27ʼ [n]a-an Ú-UL ú-e-mi-ya-at |
Line: 44 | Variant: B | Item: Vs._I_12ʼ na-an Ú-UL ú-e-mi-ya-at |
Line: 45 | -- | nu EGIR-pa dUTU-i ḫalukan pēdaš |
Line: 45 | Variant: A | Item: Vs._I_27ʼ nu EGIR-pa dUTU-i Item: Vs._I_28ʼ ⌐ḫa¬-lu-kán pé-e-da-aš |
Line: 45 | Variant: B | Item: Vs._I_12ʼ nu dUTU-i EGIR-pa ḫa-lu-kán Item: Vs._I_13ʼ [ ... ] |
Line: 46 | -- | UL=war=an wemiyanun dtelipinun nakkin DINGIR-LAM |
Line: 46 | Variant: A | Item: Vs._I_28ʼ Ú-UL-wa-ra-an ú-e-mi-ya-nu-un dte-li-pí-nu-un Item: Vs._I_29ʼ ⌐na¬-ak-ki-in DINGIR-LAM |
Line: 46 | Variant: B | Item: Vs._I_13ʼ [Ú-UL-w]a-ra-an ú-e-mi-ya-nu-un dte-li-pí-nu-un na-ak-ki-in DINGIR-LAM |
Line: 47 | -- | dIM-aš dNIN.TU-ni tēt |
Line: 47 | Variant: A | Item: Vs._I_29ʼ dIM-aš dNIN.TU-ni te-e-et |
Line: 47 | Variant: B | Item: Vs._I_14ʼ [ ... dNIN.T]U-ni te-et |
Line: 48 | -- | māḫḫan iyaweni |
Line: 48 | Variant: A | Item: Vs._I_29ʼ ma-a-aḫ-ḫa-an i-ya-u-e-ni |
Line: 48 | Variant: B | Item: Vs._I_14ʼ ma-a-aḫ-ḫa-an i-ya-u-e-ni |
Line: 49 | -- | kištantit ḫarkweni |
Line: 49 | Variant: A | Item: Vs._I_30ʼ ⌐ki¬-iš-ta-an-ti-it ḫar-ku-e-ni |
Line: 49 | Variant: B | Item: Vs._I_14ʼ ki-iš-ta-an-ti-it Item: Vs._I_15ʼ [ ... ] |
Line: 50 | -- | DINGIR.MAḪ-aš dIM-ni tet |
Line: 50 | Variant: A | Item: Vs._I_30ʼ DINGIR.MAḪ dIM-ni te-et |
Line: 50 | Variant: B | Item: Vs._I_15ʼ [DINGIR.MA]Ḫ?*5-aš dIM-ni te-et |
Line: 51 | -- | iya kwitki dIM-aš |
Line: 51 | Variant: A | Item: Vs._I_30ʼ i-ya ku-it-ki Item: Vs._I_31ʼ ⌐dIM¬-aš |
Line: 51 | Variant: B | Item: Vs._I_15ʼ i-ya ku-it-ki dIM-aš |
Line: 52 | -- | nu īt dtelipinun zikila šanḫ(a) |
Line: 52 | Variant: A | Item: Vs._I_31ʼ nu i-it dte-li-pí-nu-un zi-ki-la ša-an-ḫa ̣̣̣ |
Line: 52 | Variant: B | Item: Vs._I_16ʼ [ ... ] ⌐d¬te-li-pí-nu-un zi-ki-la ša-an-aḫ ̣̣̣ |
Paragraph: 7ʼ | ||
Line: 53 | -- | ⌐pait?¬ dIM-aš dtelipinun šanḫiškiuwan daiš |
Line: 53 | Variant: A | Item: Vs._I_32ʼ ⌐pa?-it?¬*6 dIM-aš dte-li-pí-nu-un ša-an-ḫi-iš-ki-u-wa-an da-iš |
Line: 53 | Variant: B | Item: Vs._I_17ʼ [ ... ] ⌐dte¬-[li-p]í-nu-un ša-an-ḫe-eš-ki-u-wa-an da-iš |
Line: 54 | -- | INA URU-ŠU KÁ.GAL [we]z[z]i |
Line: 54 | Variant: A | Item: Vs._I_32ʼ I-NA URU-ŠU KÁ.GAL Item: Vs._I_33ʼ [ú-e]z-[z]i |
Line: 54 | Variant: B | Item: Vs._I_17ʼ I-NA URU-ŠU KÁ.GAL Item: Vs._I_18ʼ [ ... ] |
Line: 55 | -- | nu UL tarḫuzzi ḫāši |
Line: 55 | Variant: A | Item: Vs._I_33ʼ nu Ú-UL tar-ḫu-uz-zi ḫa-a-ši |
Line: 55 | Variant: B | Item: Vs._I_18ʼ [ ... tar-ḫu-u]z-⌐zi¬ ḫa-⌐a¬-ši |
Line: 56 | -- | nu GIŠNÍG.GUL-ŠU GIŠGAG-ŠU duwarnet |
Line: 56 | Variant: A | Item: Vs._I_33ʼ nu GIŠNÍG.GUL-ŠU GIŠGAG-ŠU du-wa-ar-né-et |
Line: 56 | Variant: B | Item: Vs._I_18ʼ nu GIŠNÍG.⌐GUL¬-ŠU GIŠGAG-ŠU du-wa-⌐ar-né-et¬ |
Line: 57 | -- | [ ... ] dIM-aš |
Line: 57 | Variant: A | Item: Vs._I_34ʼ [ _ _ _ ]x dIM-aš |
Line: 57 | Variant: B | Item: Vs._I_19ʼ [ ... ] |
Line: 58 | -- | nu=za=kan anda kariyēt |
Line: 58 | Variant: A | Item: Vs._I_34ʼ nu-za-kán an-da ka-ri!*7-i-e-et |
Line: 58 | Variant: B | Item: Vs._I_19ʼ [ ... ]⌐ka¬-ri-i-e-et |
Line: 59 | -- | š=aš ešati |
Line: 59 | Variant: A | Item: Vs._I_34ʼ ša-aš e-ša-ti |
Line: 59 | Variant: B | Item: Vs._I_19ʼ ša-aš e-ša-⌐ti¬ |
Line: 60 | -- | dNIN.TU-aš [NIM.LÀL-an IŠPU]R |
Line: 60 | Variant: A | Item: Vs._I_34ʼ dNIN.TU-aš Item: Vs._I_35ʼ [ ... IŠ-PU]R |
Line: 60 | Variant: B | Item: Vs._I_19ʼ [ ... ] Item: Vs._I_20ʼ [ ... ] |
Line: 61 | -- | īt=wa dtelipinun zik šanḫ(a) |
Line: 61 | Variant: A | Item: Vs._I_35ʼ i-it-wa dte-li-pí-nu-un zi-ik ša-an-ḫa ̣̣̣ |
Line: 61 | Variant: B | Item: Vs._I_20ʼ [ ... dt]e-li-pí-nu-un zi-ik ša-⌐an-ḫa¬ === |
Vs. I bricht ab. | ||
Paragraph: 8ʼ | ||
Line: 62 | -- | [dIM-aš DINGIR.MAḪ mem]išta |
Line: 62 | Variant: A | Item: Vs._I_36ʼ [ ... me-mi]-iš-ta |
Line: 63 | -- | nu=war=an DINGIRMEŠ GAL.GAL DINGIRMEŠ TUR šanḫišker |
Line: 63 | Variant: A | Item: Vs._I_36ʼ nu-wa-ra-an DINGIRMEŠ GAL.GAL DINGIRMEŠ TUR ša-an-ḫi-iš-ke-er |
Line: 64 | -- | nu=war=an [UL wemiēr] |
Line: 64 | Variant: A | Item: Vs._I_36ʼ nu-wa-ra-an Item: Vs._I_37ʼ [ ... ] |
Line: 65 | -- | nu=war=⌐an¬ paizzi kāš [NIM.LÀL-aš wemiyazi]*8 |
Line: 65 | Variant: A | Item: Vs._I_37ʼ (Rasur) nu-wa-⌐ra-an¬ pa-iz-zi ka-a-aš Item: Vs._I_38ʼ [ ... ] |
Line: 66 | -- | [pa]rtauwa=ššet=wa amiyanta |
Line: 66 | Variant: A | Item: Vs._I_38ʼ [pá]r-⌐ta¬-u-wa!-aš-še-et-wa a-mi-ya-an-ta |
Line: 67 | -- | apašš=a=uwa*9 amiyanza |
Line: 67 | Variant: A | Item: Vs._I_38ʼ a-pa-aš-ša-u-wa a-mi-ya-an-za!*10 |
Line: 68 | -- | [ ... ] |
Line: 68 | Variant: A | Item: Vs._I_39ʼ [ ... ] |
Line: 69 | -- | namma=war=aš ḫanti tuḫšanzi |
Line: 69 | Variant: A | Item: Vs._I_39ʼ nam-ma-wa-ra-aš ḫa-an-ti túḫ-ša-an-zi ̣̣̣ |
Ende von Vs. I. | ||
Paragraph: 9ʼʼ | ||
Line: 70 | -- | [ ... ] |
Line: 70 | Variant: A | Item: Vs._II_1ʼ x[ ... ] ̣̣̣ |
Paragraph: 10ʼʼ | ||
Line: 71 | -- | idālu=m[a ... ] |
Line: 71 | Variant: A | Item: Vs._II_2ʼ i-da-a-lu-m[a ... ] ̣̣̣ |
Paragraph: 11ʼʼ | ||
Line: 72 | -- | nu=z(a)=šta*11 dtelipin[u ... ] |
Line: 72 | Variant: A | Item: Vs._II_3ʼ nu-za-ta dte-li-pí-n[u ... ] |
Line: 73 | -- | nu DIM₄ BAPPIR kūkušt[a] |
Line: 73 | Variant: A | Item: Vs._II_4ʼ nu DIM₄ BAPPIR ku-ú-ku-uš-t[a]*12 |
Line: 74 | -- | [ ... ] parārit |
Line: 74 | Variant: A | Item: Vs._II_4ʼ [ ... ] Item: Vs._II_5ʼ pa-ra-a-ri-it |
Line: 75 | -- | n=ašta āššu[ ... ] |
Line: 75 | Variant: A | Item: Vs._II_5ʼ ⌐na¬-aš-ta a-aš-šu[ ... ] |
Line: 76 | -- | [ ... ] āška kar(a)šta |
Line: 76 | Variant: A | Item: Vs._II_5ʼ [ ... ] Item: Vs._II_6ʼ a-aš-ka kar-aš-ta |
Line: 77 | -- | dtelipinu[ ... ] |
Line: 77 | Variant: A | Item: Vs._II_6ʼ dte-li-pí-nu[ ... ] |
Line: 78 | -- | [ ... ] šanezziš waršula[š ... ] |
Line: 78 | Variant: A | Item: Vs._II_6ʼ [ ... ] Item: Vs._II_7ʼ ša-né-ez-zi-iš wa-ar-šu-la-a[š ... ] |
Line: 79 | -- | wišūriyanza=ma EGIR-pa [ ... ] |
Line: 79 | Variant: A | Item: Vs._II_8ʼ ú-i-šu-u-ri-ya-an-za-ma EGIR-pa [ ... ] ̣̣̣ |
Paragraph: 12ʼʼ | ||
Line: 80 | -- | kāša walḫišnaš wātar[ ... ] |
Line: 80 | Variant: A | Item: Vs._II_9ʼ ka-a-ša wa-al-ḫi-iš-na-aš wa-a-tar[ ... ] |
Line: 81 | -- | nu ŠA dtelipinu ZI-KA [ ... ] |
Line: 81 | Variant: A | Item: Vs._II_10ʼ nu ŠA dte-li-pí-nu ZI-KA x[ ... ] |
Line: 82 | -- | n=ašta ANA LUGAL anda āššul[i nāišḫut] |
Line: 82 | Variant: A | Item: Vs._II_11ʼ na-aš-ta A-NA LUGAL an-da a-aš-šu-l[i ... ] ̣̣̣ |
Paragraph: 13ʼʼ | ||
Line: 83 | -- | kāša galaktar kitta |
Line: 83 | Variant: A | Item: Vs._II_12ʼ ka-a-ša ga-la-ak-tar ki-it-ta |
Line: 84 | -- | [ ... ] galankanza ēštu |
Line: 84 | Variant: A | Item: Vs._II_12ʼ [ ... ] Item: Vs._II_13ʼ ga-la-an-kán-za e-eš-tu |
Line: 85 | -- | kāša parḫ[uenaš kitta] |
Line: 86 | Variant: A | Item: Vs._II_13ʼ ka-a-ša pár-ḫ[u-e-na-aš ... ] |
Line: 86 | -- | karāz=šan talliyē[ddu] |
Line: 86 | Variant: A | Item: Vs._II_14ʼ ka-ra-a-⌐az¬-ša-an tal!*13-li-i-e-e[d-du] ̣̣̣ |
Paragraph: 14ʼʼ | ||
Line: 87 | -- | kāša GIŠšamamma kitta |
Line: 87 | Variant: A | Item: Vs._II_15ʼ ka-a-ša GIŠša-ma-am-ma ki-it-ta |
Line: 88 | -- | [ ... ] šakūwan ēštu |
Line: 88 | Variant: A | Item: Vs._II_15ʼ [ ... ] Item: Vs._II_16ʼ ša-ku-u-wa-an e-eš-tu |
Line: 89 | -- | kāša GIŠPÈŠ [kitta?*14] |
Line: 89 | Variant: A | Item: Vs._II_16ʼ ka-a-ša GIŠPÈŠ [ ... ] |
Line: 90 | -- | [nu GIŠPÈŠ?*15] māḫḫan miliddu |
Line: 90 | Variant: A | Item: Vs._II_16ʼ [ ... ] Item: Vs._II_17ʼ ma-a-aḫ-ḫa-an mi-li-id-du |
Line: 91 | -- | U ŠA dt[elipinu ZI-KA?*16] QĀTAMMA militēšt[u?] |
Line: 91 | Variant: A | Item: Vs._II_17ʼ Ù ŠA dt[e-li-pí-nu ... ] Item: Vs._II_18ʼ QA-TAM-MA mi-li-te-e-eš-t[u?] ̣̣̣ |
Paragraph: 15ʼʼ | ||
Line: 92 | -- | GIŠSERDUM=ma=z māḫḫan Í-ŠU ŠÀ-it [ḫarzi] |
Line: 92 | Variant: A | Item: Vs._II_19ʼ GIŠSE₂₀-ER-DUM-ma-az ma-a-aḫ-ḫa-an Í-ŠU ŠÀ-it [ ... ] |
Line: 93 | -- | [GIŠGEŠTIN.HÁD.DU.A māḫḫan] GEŠTIN-an ŠÀ-it ḫarzi*17 |
Line: 93 | Variant: A | Item: Vs._II_19ʼ [ ... ] Item: Vs._II_20ʼ GEŠTIN-an ŠÀ-it ḫar-zi |
Line: 93 | Variant: B | Item: Vs._II_1ʼ [ ... ] |
Line: 94 | -- | zikk=a dtelipinu [LUGAL-un?] ištanzanit ŠÀ-it QĀTAMMA āššu ḫar(a)[k]*18 |
Line: 94 | Variant: A | Item: Vs._II_20ʼ zi-ik-ka dte-li-pí-nu [ ... ] Item: Vs._II_21ʼ iš-ta-an-za-ni-it ŠÀ-it QA-TAM-MA a-aš-šu ḫar-a[k] ̣̣̣ |
Line: 94 | Variant: B | Item: Vs._II_1ʼ [zi-ig]-⌐ga dte-li¬-p[í-nu ... ] Item: Vs._II_2ʼ [ ... Š]À-it QA-TAM-MA a-aš-š[u .. ] ̣̣̣ |
Paragraph: 16ʼʼ | ||
Line: 95 | -- | kāša GIŠlīti kitta |
Line: 95 | Variant: A | Item: Vs._II_22ʼ ka-a-ša GIŠli-i-ti ki-it-ta |
Line: 95 | Variant: B | Item: Vs._II_3ʼ [ ... ] |
Line: 96 | -- | nu ŠA dtelipinu ZI-[KA? ... ] iškeddu |
Line: 96 | Variant: A | Item: Vs._II_22ʼ nu ŠA dte-li-pí-n[u ... ] Item: Vs._II_23ʼ iš-ke-ed-du |
Line: 96 | Variant: B | Item: Vs._II_3ʼ [ ... dte-l]i-pí-nu ZI-[ ... ] Item: Vs._II_4ʼ [ ... ] |
Line: 97 | -- | DIM₄ BAPPIR ZI-it māḫḫan takšant[a] |
Line: 97 | Variant: A | Item: Vs._II_23ʼ DIM₄ BAPPIR ZI-it ma-a-aḫ-ḫa-an ták-ša-an-t[a] |
Line: 97 | Variant: B | Item: Vs._II_4ʼ [ ... m]a-a-aḫ-ḫa-an ták-[ša-an-ta] |
Line: 98 | -- | [U ŠA dtelipinu] ZI-KA ŠA DUMU.LÚ.U₁₉.LUMEŠ uddanāš QĀTAMMA takšanza ē[šdu] |
Line: 98 | Variant: A | Item: Vs._II_23ʼ [ ... ] Item: Vs._II_24ʼ ZI-KA ŠA DUMU.LÚ.U₁₉.LUMEŠ ud-da-na-a-aš QA-TAM-MA ták-ša-an-za ⌐e¬-[eš-du] |
Line: 98 | Variant: B | Item: Vs._II_4ʼ [ ... ] Item: Vs._II_5ʼ [ ... ] ud-da-n[a-a-aš ... ] |
Line: 99 | -- | [ZÍZ-tar māḫḫ]an*19 parkui |
Line: 99 | Variant: A | Item: Vs._II_24ʼ [ ... ] Item: Vs._II_25ʼ pár-ku-⌐i¬ |
Line: 99 | Variant: B | Item: Vs._II_6ʼ [ ... ma-a-aḫ-ḫa]-an pár-ku-[i] |
Line: 100 | -- | dtelipinuš ZI-ŠU QĀTAMMA parkuēštu |
Line: 100 | Variant: A | Item: Vs._II_25ʼ dte-li-pí-nu-uš ZI-ŠU QA-TAM-MA pár-ku-e-eš-tu |
Line: 100 | Variant: B | Item: Vs._II_6ʼ [ ... ] Item: Vs._II_7ʼ [ ... ] |
Line: 100 | Variant: C | Item: 1ʼ [ ... ]x[ ... ] |
Line: 101 | -- | LÀL-i[t māḫḫan] maliddu |
Line: 101 | Variant: A | Item: Vs._II_25ʼ LÀL-i[t ... ] Item: Vs._II_26ʼ ma-li-id-du |
Line: 101 | Variant: B | Item: Vs._II_7ʼ [L]ÀL-i[t] Item: Vs._II_8ʼ [ ... ] |
Line: 101 | Variant: C | Item: 1ʼ [ ... ] Item: 2ʼ [ ... ma]-li-[id-du] |
Line: 102 | -- | Í.NUN māḫḫan miu |
Line: 102 | Variant: A | Item: Vs._II_26ʼ Í.NUN ma-a-aḫ-ḫa-an mi-ú |
Line: 102 | Variant: B | Item: Vs._II_8ʼ ⌐ͬ.NU[N ... ] Item: Vs._II_9ʼ [ ... ] |
Line: 102 | Variant: C | Item: 2ʼ [ ... ] |
Line: 103 | -- | dtelipinuwašš=a ZI-[ŠU?] QĀTAMMA militišdu |
Line: 103 | Variant: A | Item: Vs._II_26ʼ dte-li-pí-nu-wa-aš-ša ⌐ZI?¬-[ŠU] Item: Vs._II_27ʼ QA-TAM-MA mi-li-ti-iš-du |
Line: 103 | Variant: B | Item: Vs._II_9ʼ [ ... ] |
Vs. II bricht ab. | ||
Line: 103 | Variant: C | Item: 3ʼ [dte-li-pí-n]u-wa-š[a ... ] |
Line: 104 | -- | n=aš QĀTAMMA miyēštu |
Line: 104 | Variant: A | Item: Vs._II_27ʼ na-aš QA-TAM-MA mi-i-e-eš-tu ̣̣̣ |
Line: 104 | Variant: C | Item: 3ʼ [ ... ]*20 ̣̣̣ |
Paragraph: 17ʼʼ | ||
Line: 105 | -- | kāša IŠTU Í.DÙG.GA ŠA dtelipinu KASKALḪI.A-KA papar(a)šḫun |
Line: 105 | Variant: A | Item: Vs._II_28ʼ ka-a-ša IŠ-TU Í.DÙG.GA ŠA dte-li-pí-nu KASKALḪI.A-KA (Rasur) Item: Vs._II_29ʼ pa-pa-ar-aš-ḫu-un*21 |
Line: 105 | Variant: C | Item: 4ʼʼ [ ... I]Š-TU Í.[DÙG.GA ... ] Item: 5ʼʼ [pa-pa-a]r-aš-ḫu-[un] |
Line: 106 | -- | nu=ššan dtelipinuš Í.DÙG.GA-it pappar(a)ššanta Item: Vs._II_30ʼ KASKAL-ša iyanni |
Line: 106 | Variant: A | Item: Vs._II_29ʼ nu-uš-ša-an dte-li-pí-nu-uš Í.DÙG.GA-it pa-ap-pár!*22-aš-ša-an-ta Item: Vs._II_30ʼ KASKAL-ša (Rasur) i-ya-an-ni |
Line: 106 | Variant: C | Item: 5ʼʼ [ ... ] Item: 6ʼʼ [pa-pa-a]r-ša-a[n-ta ... ] |
Line: 107 | -- | GIŠšāḫiš GIŠḫappuriyašaš ḫantiš ēštu |
Line: 107 | Variant: A | Item: Vs._II_30ʼ GIŠša-a-ḫi-iš GIŠḫa-ap-pu-ri-ya-ša-aš ḫa-an-ti-iš*23 Item: Vs._II_31ʼ *24 e-eš-tu |
Line: 107 | Variant: C | Item: 6ʼʼ [ ... ] Item: 7ʼʼ [GIŠḫa-a]p-pu-ri-y[a-ša-aš ... ] |
Line: 108 | -- | GI-az? lazzaiš māḫḫan ḫandānza |
Line: 108 | Variant: A | Item: Vs._II_31ʼ ⌐GI?*25¬-az la-az-za-iš ma-a-aḫ-ḫa-an ḫa-an-da-a-an-za |
Line: 108 | Variant: C | Item: 8ʼʼ [GI?-a]z la-az-z[a-iš ... ] |
Line: 109 | -- | zig!=a! dtelipinuš QĀTAMMA ḫandaḫḫut |
Line: 109 | Variant: A | Item: Vs._II_32ʼ zi!-ga!*26 dte-li-pí-nu-uš QA-TAM-MA ḫa-an-da-aḫ-ḫu-ut ̣̣̣ |
Line: 109 | Variant: C | Item: 9ʼʼ [ ... ]x x[ ... ] |
Text bricht ab. | ||
Paragraph: 18ʼʼ | ||
Line: 110 | -- | dtelipinuš lēlaniyanza wet |
Line: 110 | Variant: A | Item: Vs._II_33ʼ dte-li-pí-nu-uš le-e-la-ni-ya-an-za ú-et |
Line: 111 | -- | uwantiwanta[z] Item: Vs._II_34ʼ titḫ[i]šketta |
Line: 111 | Variant: A | Item: Vs._II_33ʼ ú-wa-an-ti-⌐wa-an¬-ta-a[z] Item: Vs._II_34ʼ ti-it-ḫ[i-i]š-ke-et-ta |
Line: 112 | -- | katta dankui tēkan zaḫḫišk[e]zzi |
Line: 112 | Variant: A | Item: Vs._II_34ʼ kat-ta da-an-ku-i te-e-kán za-aḫ-ḫi-iš-k[e-e]z-⌐zi¬ [] |
Line: 113 | -- | auštat=an dkammarušepaš |
Line: 113 | Variant: A | Item: Vs._II_35ʼ a-uš-ta-ta-an dkam-ma-ru-še-pa-aš |
Line: 114 | -- | nu=za ḫaranašMUŠEN partauw[ar ... ] arnut |
Line: 114 | Variant: A | Item: Vs._II_35ʼ nu-za ḫa-ra-na-ašMUŠEN pár-ta-u-w[a-ar] Item: Vs._II_36ʼ x-x-x*27 ar-nu-ut (Rasur) |
Line: 115 | -- | n=an ar[āet] |
Line: 115 | Variant: A | Item: Vs._II_36ʼ na-an a-r[a-a-et] ̣̣̣ |
Ende von Vs. II. | ||
Paragraph: 19ʼʼ | ||
Line: 116 | -- | karpiš n=an arāet |
Line: 116 | Variant: A | Item: Rs._III_1 ̣̣̣ kar-pí-iš na-an a-ra-a-et |
Line: 117 | -- | kardimiy[az ... ] |
Line: 117 | Variant: A | Item: Rs._III_1 kar-di-mi-y[a?-az ... ] |
Line: 118 | -- | [wašdul] arāet |
Line: 118 | Variant: A | Item: Rs._III_1 [ ... ] Item: Rs._III_2 a-ra-a-et |
Line: 119 | -- | šāwar arāet |
Line: 119 | Variant: A | Item: Rs._III_2 ša-a-u-ar a-ra-a-et [] ̣̣̣ |
Paragraph: 20ʼʼ | ||
Line: 120 | -- | dkamrušepaš DINGIRMEŠ-naš EGIR-pa tēzzi |
Line: 120 | Variant: A | Item: Rs._III_3 dkam-ru-še-pa-aš DINGIRMEŠ-na-aš EGIR-pa te-e-ez-zi |
Line: 121 | -- | īt[ten=wa] DINGIRMEŠ-eš |
Line: 121 | Variant: A | Item: Rs._III_3 i-it-[tén-wa] Item: Rs._III_4 DINGIRMEŠ-eš |
Line: 122 | -- | kāšma dḫapantali dUTU-aš UDUḪI.A-ŠU w[ešiyaten?] |
Line: 122 | Variant: A | Item: Rs._III_4 ka-a-aš-ma dḫa-pa-an-ta-li dUTU-aš UDUḪI.A-ŠU ⌐ú¬-[e-ši-ya-at-te-en?] |
Line: 123 | -- | n=ašta 12 UDU.NÍTAḪI.A kar(a)šten? |
Line: 123 | Variant: A | Item: Rs._III_5 na-aš-ta 12 UDU.NÍTAḪI.A kar-aš-te-en? |
Line: 124 | -- | nu dtelipinuwaš w[ar]kuš=šuš aniyami |
Line: 124 | Variant: A | Item: Rs._III_5 nu dte-li-pí-nu-wa-aš w[a-ar]-⌐ku¬-uš-šu-uš*28 Item: Rs._III_6 a-ni-ya-mi |
Line: 125 | -- | dāḫḫun=za pattar 1 LIM IGIḪI.A-wa |
Line: 125 | Variant: A | Item: Rs._III_6 da-a-aḫ-ḫu-un-za pát-tar 1 LI-IM IGIḪI.A-wa |
Line: 126 | -- | nu=šša[n] kar(a)š ŠA dkamrušepa UDUḪI.A-ŠU išḫūḫḫun |
Line: 126 | Variant: A | Item: Rs._III_6 nu-uš-⌐ša¬-[an] ⌐kar¬-aš Item: Rs._III_7 ŠA dkam-ru-še-pa UDUḪI.A-ŠU iš-ḫu-u-uḫ-ḫu-un ̣̣̣ |
Paragraph: 21ʼʼ | ||
Line: 127 | -- | nu dtelipinui šēr arḫa duwān warnunun |
Line: 127 | Variant: A | Item: Rs._III_8 nu dte-li-pí-nu-i še-e-er ar-ḫa du-wa-a-an wa-ar-nu-nu-un |
Line: 128 | -- | tuwann=a warnunun |
Line: 128 | Variant: A | Item: Rs._III_9 tu-wa-an-na wa-ar-nu-nu-un |
Line: 129 | -- | n=ašta dtelipinui tuggaz=šēt idālu=ššit dāḫḫun |
Line: 129 | Variant: A | Item: Rs._III_9 na-aš-ta dte-li-pí-nu-(Rasur)i Item: Rs._III_10 tu-ug-ga-az-še-e-et i-da-a-lu-uš-ši-it da-a-aḫ-ḫu-un |
Line: 130 | -- | uštul=šet dāḫḫun |
Line: 130 | Variant: A | Item: Rs._III_10 (Rasur) uš-⌐túl?*29¬-ul-še-et Item: Rs._III_11 da-a-aḫ-ḫu-un |
Line: 131 | -- | karpi(n)=ššan dāḫḫun |
Line: 131 | Variant: A | Item: Rs._III_11 kar-pí-iš-ša-an da-a-aḫ-ḫu-un |
Line: 132 | -- | kardimiyatta(n)=⌐ššan¬ dāḫḫun |
Line: 132 | Variant: A | Item: Rs._III_11 kar-di-mi-ya-⌐at-ta-aš-ša-an¬ Item: Rs._III_12 da-a-aḫ-ḫu-un |
Line: 133 | -- | :warku(n)=ššan dāḫḫun |
Line: 133 | Variant: A | Item: Rs._III_12 :wa-ar-ku-uš-ša-an da-a-aḫ-ḫu-un |
Line: 134 | -- | šāuwar dā[ḫḫun] |
Line: 134 | Variant: A | Item: Rs._III_12 ša-a-u-wa-ar da-a-a[ḫ-ḫu-un] ̣̣̣ |
Paragraph: 22ʼʼ | ||
Line: 135 | -- | dtelipinuš=wa kardimiyauwanza |
Line: 135 | Variant: A | Item: Rs._III_13 dte-li-pí-nu-uš-wa kar-di-mi-ya-u-wa-an-za |
Line: 136 | -- | ZI-ŠU karā[z=šiš?] GIŠwaršammaš wišūriyatati |
Line: 136 | Variant: A | Item: Rs._III_13 ZI-ŠU ka-ra-a-a[z?-ši-iš] Item: Rs._III_14 GIŠwa-ar-ša-am-ma-aš ú-i-šu-u-ri-ya-ta-ti |
Line: 137 | -- | nu kūš GIŠwarš[amuš] māḫḫan warnuwēr |
Line: 137 | Variant: A | Item: Rs._III_14 nu ku-u-uš GIŠwa-ar-š[a-mu-uš] Item: Rs._III_15 ma-⌐a¬-aḫ-ḫa-an wa-⌐ar¬-nu-ú-e-er |
Line: 138 | -- | dtelipinuwašš=a karp[iš] kardimiyaz waštul šāwar QĀTAMMA warā[nu] |
Line: 138 | Variant: A | Item: Rs._III_15 dte-li-pí-nu-wa-aš-ša kar-p[í-iš] Item: Rs._III_16 kar-di-mi-ya-az wa-aš-tu-ul ša-a-u-ar QA-TAM-MA wa-ra-a-[nu] |
Line: 139 | -- | [DIM₄?] māḫḫan tepšuš |
Line: 139 | Variant: A | Item: Rs._III_16 [ ... ] Item: Rs._III_17 ma-a-aḫ-ḫa-an te-ep-šu-uš |
Line: 140 | -- | UL=an gimra pēd[anzi] |
Line: 140 | Variant: A | Item: Rs._III_17 Ú-UL-an gi-im-ra pé-e-d[a-an-zi] |
Line: 141 | -- | n=an NUMUN-an iyanzi |
Line: 141 | Variant: A | Item: Rs._III_18 na-an NUMUN-an i-ya-an-zi |
Line: 142 | -- | UL=ma=an NINDA-an iya[nzi] |
Line: 142 | Variant: A | Item: Rs._III_18 Ú-UL-ma-an NINDA-an i-ya-a[n-zi] |
Line: 143 | -- | É NA₄KIŠIB tianzi |
Line: 143 | Variant: A | Item: Rs._III_19 É NA₄KIŠIB ti-an-zi |
Line: 144 | -- | dtelipinuwašš=a karpi[š kardimiyaz] wašdul šāuwar QĀTAMMA tepšawēš[du] |
Line: 144 | Variant: A | Item: Rs._III_19 dte-li-pí-nu-wa-aš-ša kar-pí-i[š ... ] Item: Rs._III_20 wa-aš-du-ul ša-a-u-wa-ar QA-TAM-MA te-ep-ša-u-e-eš-[du] ̣̣̣ |
Paragraph: 23ʼʼ | ||
Line: 145 | -- | dtelipinuš kardimiyauwanza |
Line: 145 | Variant: A | Item: Rs._III_21 dte-li-pí-nu-uš kar-di-mi-ya-u-wa-an-za |
Line: 146 | -- | ZI-ŠU k[arāz=šiš?] uriwaran pāḫḫur |
Line: 146 | Variant: A | Item: Rs._III_21 ZI-ŠU k[a-ra-a-az?-ši-iš] Item: Rs._III_22 ú-ri-wa-ra-an pa!*30-a-aḫ-ḫur |
Line: 147 | -- | nu kī pāḫḫur māḫḫ[an kištari] |
Line: 147 | Variant: A | Item: Rs._III_22 nu ki-i pa-a-aḫ-ḫur ma-a-aḫ-ḫ[a-an ... ] |
Line: 148 | -- | karpiš=a kardimiyaz šāuwar QĀTAMM[A kištaru] |
Line: 148 | Variant: A | Item: Rs._III_23 kar-pí-ša kar-di-mi-ya-az ša-a-u-wa-ar QA-TAM-M[A ... ] ̣̣̣ |
Paragraph: 24ʼʼ | ||
Line: 149 | -- | dtelipinuš karpin tarna |
Line: 149 | Variant: A | Item: Rs._III_24 dte-li-pí-nu-uš (Rasur) kar-pí-in tar-na |
Line: 150 | -- | kardimi[yattan tarna] |
Line: 150 | Variant: A | Item: Rs._III_24 kar-di-mi-[ya-at-ta-an ... ] |
Line: 151 | -- | šāuwar tarna |
Line: 151 | Variant: A | Item: Rs._III_25 ša-a-u-wa-ar tar-na |
Line: 152 | -- | nu māḫḫan GIŠŠEN-aš ā[ppa parza] UL aršiēzzi |
Line: 152 | Variant: A | Item: Rs._III_25 nu ma-a-aḫ-ḫa-an GIŠŠEN-aš ⌐a¬-[ap-pa ... ] Item: Rs._III_26 Ú-UL ar-ši!*31-e-ez-zi |
Line: 153 | -- | dtelipinuwašš=a k[arpiš kardimiyaz] šāuwar āppa QĀTAMMA lē w[ezzi] |
Line: 153 | Variant: A | Item: Rs._III_26 dte-li-pí-nu-wa-aš-ša k[ar-pí-iš kar-di-mi-ya-az] Item: Rs._III_27 ša-a-u-wa-ar a-ap-pa QA-TAM-MA le-e ⌐ú¬-[ez-zi] ̣̣̣ |
Line: 153 | Variant: B | Item: Rs._III_1ʼ [ ... ]x x[ ... ] ̣̣̣ |
Paragraph: 25ʼʼ | ||
Line: 154 | -- | DINGIRMEŠ-eš GIŠḫatalkišni kattan tuli[yaš pedi?] |
Line: 154 | Variant: A | Item: Rs._III_28 DINGIRMEŠ-eš GIŠḫa-tal-ki-iš-ni kat-ta-an tu-li-[ya-aš*32 ... ] |
Line: 154 | Variant: B | Item: Rs._III_2ʼ [ ... GIŠḫ]a-tal-ki-i[š-ni ... ] |
Line: 155 | -- | GIŠḫatalkišnaš=a kattan talugay[a? ... ] |
Line: 155 | Variant: A | Item: Rs._III_29 GIŠḫa-tal-ki-iš-na-ša kat!-ta!-an ta-lu-ga-y[a? ... ] |
Line: 155 | Variant: B | Item: Rs._III_3ʼ [GIŠḫa-tal-ki-i]š-na-ša kat*33-t[a-an ... ] |
Line: 156 | -- | DINGIRMEŠ-ešš=a ḫūmanteš ašanzi |
Line: 156 | Variant: A | Item: Rs._III_30 DINGIRMEŠ-eš-ša ḫu-u-ma-an-te-eš a-ša-an-zi |
Line: 156 | Variant: B | Item: Rs._III_4ʼ [DINGIRMEŠ-eš-š]a ḫu-u-ma-an-te-eš [ ... ] |
Line: 157 | -- | d[papayaš? dišt]uštayaš dgulšeš DINGIR.MAḪMEŠ dḫalkiš dmiyatanzipaš dtelipinuš dLAMMA dḫapantal[iyaš d...-m]iš |
Line: 157 | Variant: A | Item: Rs._III_30 d[ ... ] Item: Rs._III_31 dgul-še-eš DINGIR.MAḪMEŠ dḫal-ki-iš dmi-⌐ya¬-[ta-an-zi-pa-aš] Item: Rs._III_32 dte-li-pí-nu-uš dLAMMA dḫa-pa-an-ta-l[i-ya-aš ... ] |
Line: 157 | Variant: B | Item: Rs._III_4ʼ [ ... ] Item: Rs._III_5ʼ [diš-t]u-uš-ta-ya-aš dg[ul-še-eš ... ] Item: Rs._III_6ʼ [dmi-y]a-ta-an-zi-pa-aš dt[e-li-pí-nu-uš ... ] Item: Rs._III_7ʼ [d_-m]i-iš |
Line: 158 | -- | nu DINGIRMEŠ-aš katta[n] talugaš MUKAM.ḪI.A-aš ḫim[uš?] ani[y]anun |
Line: 158 | Variant: A | Item: Rs._III_33 nu DINGIRMEŠ-aš kat-ta ta-lu-ga-aš MUKAM.ḪI.A-aš ḫi?-m[u?-uš] Item: Rs._III_34 a-ni-[y]a-nu-un |
Line: 158 | Variant: B | Item: Rs._III_7ʼ nu DINGIRMEŠ-aš kat-ta-a[n ... ] Item: Rs._III_8ʼ [DÙ-nu-u]n |
Line: 159 | -- | nu dtelipinun parkununu[n] |
Line: 159 | Variant: A | Item: Rs._III_34 na-an pár-ku-nu-nu-[un] ̣̣̣ |
Line: 159 | Variant: B | Item: Rs._III_8ʼ nu dte-li-pí-nu-un [ ... ] ̣̣̣ |
Paragraph: 26ʼʼ | ||
Line: 160 | -- | [ ... ]dtelipinui idālu t[uggaz=šit daḫḫun] |
Line: 160 | Variant: A | Item: Rs._III_35 [ ... ]x x x x[ ... ] |
Line: 160 | Variant: B | Item: Rs._III_9ʼ [ ... ]⌐d¬te-li-pí-nu-i i-da-a-lu t[u-ug-ga-az-ši-it ... ] |
Rs._III bricht ab. | ||
Line: 161 | -- | [karpi(n)=šš]an dāḫḫun |
Line: 161 | Variant: B | Item: Rs._III_10ʼ [kar-pí-iš-š]a-an da-a-aḫ-ḫu-un |
Line: 162 | -- | kardim[iyatta(n)=ššan dāḫḫun] |
Line: 162 | Variant: B | Item: Rs._III_10ʼ kar-di-m[i-ya-at-ta-aš-ša-an ... ] |
Line: 163 | -- | [ušdul=š]it*34 dāḫḫun |
Line: 163 | Variant: B | Item: Rs._III_11ʼ [uš-du-ul-ši]-it da-a-aḫ-ḫu-un |
Line: 164 | -- | šāuwa[r daḫḫun] |
Line: 164 | Variant: B | Item: Rs._III_11ʼ ša-a-u-wa-a[r ... ] |
Line: 165 | -- | [idalun] EME-an dāḫḫun |
Line: 165 | Variant: B | Item: Rs._III_12ʼ [ ... ] EME-an da-a-aḫ-ḫu-un |
Line: 166 | -- | id[alun patalḫan dāḫḫun*35] |
Line: 166 | Variant: B | Item: Rs._III_12ʼ i-d[a-lu-un ... ] ̣̣̣ |
Paragraph: 27ʼʼ | ||
Line: 167 | -- | [ ... ] |
Line: 167 | Variant: B | Item: Rs._III_13ʼ [ ... ]x x x |
Line: 168 | -- | nu=za? ŠUM? [ ... ] |
Line: 168 | Variant: B | Item: Rs._III_13ʼ ⌐nu?¬-za ŠUM? x[ ... ] |
Rs bricht ab. | ||
Line: 169 | -- | [ ... ] |
Line: 169 | Variant: B | Item: Rs._III_1ʼʼ x[ ... ]*36 |
Line: 170 | -- | [ ... ] |
Line: 170 | Variant: B | Item: Rs._III_2ʼʼ x[ ... ] |
Rs._III_3ʼʼ enthält, soweit erhalten, keine Zeichen. | ||
Line: 171 | -- | [ ... ] |
Line: 171 | Variant: B | Item: Rs._III_4ʼʼ x[ ... ] |
Rs._III bricht ab. | ||
Paragraph: 28ʼʼʼ | ||
Line: 172 | -- | [nu=šš]i=šta šukšugan ḫuēzta |
Line: 172 | Variant: A | Item: Rs._IV_1 ̣̣̣ [nu-uš-ši]-iš-ta ⌐šu-uk-šu¬*37-ga-an ḫu-e-ez-ta |
Line: 173 | -- | UDU-uš=ta=kkan katti=tti arḫa [paizz]i |
Line: 173 | Variant: A | Item: Rs._IV_1 UDU-uš-ták-kán ⌐kat-ti-it¬-ti ar-ḫa Item: Rs._IV_2 [pa-iz-z]i |
Line: 174 | -- | nu=š[š]i=šta SÍGēšri ḫuēzta |
Line: 174 | Variant: A | Item: Rs._IV_2 nu-uš-[š]i-iš-ta SÍGe-eš-ri ḫu-e-ez-ta |
Line: 175 | -- | dtelipini=ya=kan [ka]rpin kardimiyattan wašdul šāwar ḫuitti |
Line: 175 | Variant: A | Item: Rs._IV_2 dte-li-pí-ni-ya-kán Item: Rs._IV_3 [ka]r-pí-in kar-di-mi-ya-at-ta-an waՙ-aš՚-du-ul ša-a-u-ar ḫu!*38-it-ti ̣̣̣ |
Paragraph: 29ʼʼʼ | ||
Line: 176 | -- | dIM-aš lēlaniya[n]za wezzi |
Line: 176 | Variant: A | Item: Rs._IV_4 dIM-aš le-e-la-ni-ya-a[n]-za ú-ez-zi |
Line: 177 | -- | n=an LÚ dIM arāezzi |
Line: 177 | Variant: A | Item: Rs._IV_4 na-an LÚ dIM Item: Rs._IV_5 a-ra-a-ez-zi |
Line: 178 | -- | DUGÚTUL=ma=kan wezzi |
Line: 178 | Variant: A | Item: Rs._IV_5 DUGÚTUL-ma-kán ⌐ú¬-ez-zi |
Line: 179 | -- | n=an GIŠtīpaš arāezzi |
Line: 179 | Variant: A | Item: Rs._IV_5 na-an GIŠti-i-pa-aš a-ra-a-ez-zi |
Line: 180 | -- | [nam]ma=ya ammel ŠA DUMU.LÚ.U₁₉.LUMEŠ uttanānteš dtelipinui [k]arpin kardimiyattan šāwar QĀTAMMA arandu |
Line: 180 | Variant: A | Item: Rs._IV_6 [nam]-ma-ya am-me-el ŠA DUMU.LÚ.U₁₉.LUMEŠ ut-ta-na-a-an-te-eš dte-li-pí-nu-i Item: Rs._IV_7 [k]ar-pí-in kar-di-mi-ya-at-ta-an ša-a-u-ar QA-TAM-MA a-ra-an-du ̣̣̣ |
Paragraph: 30ʼʼʼ | ||
Line: 181 | -- | paiddu dtelipinuwaš karpiš kardimiyaz wašdul šāuwar |
Line: 181 | Variant: A | Item: Rs._IV_8 pa-id-du dte-li-pí-nu-wa-aš kar-pí-iš kar-di-mi-ya-az wa-aš-du-ul Item: Rs._IV_9 ša-a-u-wa-ar |
Line: 182 | -- | parnanz=at tarnau |
Line: 182 | Variant: A | Item: Rs._IV_9 pár-na-an-za-at tar-na-ú |
Line: 183 | -- | ištarniyaš=at annašnanza [t]arnau |
Line: 183 | Variant: A | Item: Rs._IV_9 iš-tar-ni-ya-ša-at an-na-aš-na-an-za Item: Rs._IV_10 [t]ar-na-ú |
Line: 183 | Variant: B | Item: Rs._IV_1ʼ [an-n]a-aš-⌐na¬-a[n-za ... ] |
Line: 184 | -- | GIŠluttanz=at tarnau |
Line: 184 | Variant: A | Item: Rs._IV_10 GIŠlu-ut-ta-an-za-at tar-na-ú |
Line: 184 | Variant: B | Item: Rs._IV_1ʼ [ ... ] |
Line: 185 | -- | wawarkima ištarniyaš=at ḫilaš tarnau |
Line: 185 | Variant: A | Item: Rs._IV_10ʼ wa-wa-ar-ki-ma iš-tar-ni-ya-ša-at Item: Rs._IV_11 [ḫ]i-la-aš tar-na-ú |
Line: 185 | Variant: B | Item: Rs._IV_2ʼ [wa]-wa-ar-k[i-ma iš-tar-ni-ya-ša-a]t ⌐ḫi-la-aš¬ x x[ ... ] |
Line: 186 | -- | KÁ.GAL=at tarnau |
Line: 186 | Variant: A | Item: Rs._IV_11 KÁ.GAL-at tar-na-ú |
Line: 186 | Variant: B | Item: Rs._IV_2ʼ [ ... ] Item: Rs._IV_3ʼ [t]ar-na-ú |
Line: 187 | -- | ḫilamnanz=at tarnau |
Line: 187 | Variant: A | Item: Rs._IV_11 ḫi-lam-na-an-za-at tar-na-ú |
Line: 187 | Variant: B | Item: Rs._IV_3ʼ [ ... ta]r-na-ú |
Line: 188 | -- | KASKAL.LUGAL=at tarnau |
Line: 188 | Variant: A | Item: Rs._IV_12 ⌐KASKAL¬.LUGAL-at tar-na-ú |
Line: 188 | Variant: B | Item: Rs._IV_3ʼ KASKAL.LUGAL-at tar-n[a-ú] |
Line: 189 | -- | miyantili A.ŠÀ-ni GIŠKIRI₆-ni GIŠTIR-ni lē paizzi |
Line: 189 | Variant: A | Item: Rs._IV_12 mi-ya-an-ti-li*39 A.ŠÀ-ni GIŠKIRI₆-ni GIŠTIR-ni Item: Rs._IV_13 le-e pa-iz-zi |
Line: 189 | Variant: B | Item: Rs._IV_4ʼ mi-ya-an-[ti-li ... ] GIŠKIRI₆-ni GIŠTIR-ni le-e pa-⌐iz-zi¬ |
Line: 190 | -- | taknaš=at dUTU-aš KASKAL-an paiddu |
Line: 190 | Variant: A | Item: Rs._IV_13 ták-na-ša-at dUTU-aš KASKAL-an pa-id-du ̣̣̣ |
Line: 190 | Variant: B | Item: Rs._IV_5ʼ ták-na-š[a-at dUTU]-aš KASKAL*40-⌐ša¬-an pa-id-du ̣̣̣ |
Paragraph: 31ʼʼʼ | ||
Line: 191 | -- | ḫāšta LÚNI.DUḪ 7 GIŠIG |
Line: 191 | Variant: A | Item: Rs._IV_14 ḫa-a-aš-ta LÚNI.DUḪ 7 GIŠIG |
Line: 191 | Variant: B | Item: Rs._IV_6ʼ ḫa-a-a[š-ta LÚNI.DU]Ḫ 7 GIŠIG |
Line: 192 | -- | āppa ḫuittiyat 7 GIŠḫattalu |
Line: 192 | Variant: A | Item: Rs._IV_14 a-ap-pa ḫu-it-ti-ya-at 7 GIŠḫa-at-ta-lu |
Line: 192 | Variant: B | Item: Rs._IV_6ʼ a-ap-pa ḫu-it-ti-ya-at Item: Rs._IV_7ʼ ⌐7*41¬ GI[Š*42ḫa-at-ta-l]u |
Line: 193 | -- | kattan dankui taknī ZABAR palḫi arta |
Line: 193 | Variant: A | Item: Rs._IV_15 kat-ta-an da-an-ku-i ták-ni-i ZABAR pal-ḫi ar-ta |
Line: 193 | Variant: B | Item: Rs._IV_7ʼ kat-ta-an da-⌐an¬-ku-wa-i ták-ni-i pal-ḫi ZABAR Item: Rs._IV_8ʼ ⌐ar¬-[ta] |
Line: 194 | -- | ištappulli=šmet A.BÁR-aš |
Line: 194 | Variant: A | Item: Rs._IV_15 iš-tap-pu-ul-li-iš-me-et Item: Rs._IV_16 A.BÁR!*43-aš |
Line: 194 | Variant: B | Item: Rs._IV_8ʼ [i]š-tap-pu-li-iš-me-e[t] ⌐A¬.BÁR!*44-aš |
Line: 195 | -- | zakkiš=šmiš AN.BAR-aš |
Line: 195 | Variant: A | Item: Rs._IV_16 za-ak-ki-iš-me-iš AN.BAR-aš |
Line: 195 | Variant: B | Item: Rs._IV_8ʼ za-ak-ki-iš-me-iš AN.BAR-aš |
Line: 196 | -- | kwit andan paizzi |
Line: 196 | Variant: A | Item: Rs._IV_16 ku-it an-da-an pa-iz-zi |
Line: 196 | Variant: B | Item: Rs._IV_9ʼ [k]u-i[t an-d]a-an pa-iz-zi |
Line: 197 | -- | n=ašta namma šarā UL wezzi |
Line: 197 | Variant: A | Item: Rs._IV_16 na-aš-ta Item: Rs._IV_17 nam-ma ša-ra-a Ú-UL ú-ez-zi |
Line: 197 | Variant: B | Item: Rs._IV_9ʼ n[a-aš-ta] nam-ma ša-ra-a Ú-UL ú-ez-zi |
Line: 198 | -- | anda=ad=an ḫar(a)kzi*45 |
Line: 198 | Variant: A | Item: Rs._IV_17 an-da-da-an ḫar-ak-(Rasur)zi |
Line: 198 | Variant: B | Item: Rs._IV_10ʼ [an]-d[a-da-a]n ḫar-ak-zi |
Line: 199 | -- | U ŠA dtelipinu karpin kardimiyattan wašdul šāuwar anda ēpdu |
Line: 199 | Variant: A | Item: Rs._IV_18 Ù ŠA dte-li-pí-nu kar-pí-in kar-di-mi-ya-at-ta-an Item: Rs._IV_19 wa-aš-du-ul ša-a-u-ar an-da e-ep-du |
Line: 199 | Variant: B | Item: Rs._IV_10ʼ ⌐Ù¬ [ _ dt]e-li-pí-nu kar-pí-in Item: Rs._IV_11ʼ [kar-di-mi-y]a-at-ta-an wa-a[š-du-ul š]a-⌐a¬-u-wa-ar an-da e-ep-du |
Line: 200 | -- | n=at āppa lē wezzi |
Line: 200 | Variant: A | Item: Rs._IV_19 na-at a-ap-pa le-e ú-ez-zi ̣̣̣ |
Line: 200 | Variant: B | Item: Rs._IV_12ʼ [ ... E]GIR-pa le-⌐e¬ [ú-e]z-zi ̣̣̣ |
Paragraph: 32ʼʼʼ | ||
Line: 201 | -- | dtelipinuš āppa parna=šša wet |
Line: 201 | Variant: A | Item: Rs._IV_20 ⌐d¬te-li-pí-nu-uš a-ap-pa pár-na-aš-ša ú-et |
Line: 201 | Variant: B | Item: Rs._IV_13ʼ [dte-li-pí-nu]-⌐uš EGIR¬-pa pár-na-⌐aš-ša¬ ú-et |
Line: 202 | -- | nu=za KUR-SU kappuwēt |
Line: 202 | Variant: A | Item: Rs._IV_20 nu-za KUR-SÚ kap-pu-u-⌐e¬-et |
Line: 202 | Variant: B | Item: Rs._IV_13ʼ nu-za KUR-S[Ú ... ] |
Line: 203 | -- | GIŠluttai kammaraš tarnaš |
Line: 203 | Variant: A | Item: Rs._IV_21 GIŠlu-ut-ta-i kam-ma-ra-aš tar-na-aš |
Line: 203 | Variant: B | Item: Rs._IV_14ʼ [ ... ]⌐tar-na¬-[aš] |
Line: 204 | -- | É-er tuḫḫuiš tarnaš |
Line: 204 | Variant: A | Item: Rs._IV_21 É-er túḫ-ḫu-⌐iš¬ tar-na-aš |
Line: 204 | Variant: B | Item: Rs._IV_14ʼ ⌐É-er tu¬-[uḫ-ḫu-iš ... ] |
Rs._IV bricht ab. | ||
Line: 205 | -- | ištanani=ššan DINGIRMEŠ-naš ḫandantati |
Line: 205 | Variant: A | Item: Rs._IV_22 iš-ta-na-ni-išՙ-ša-an՚ DINGIRMEŠ-na-aš ḫa-an-da-an-ta-ti |
Line: 206 | -- | GUNNI kalmin tarnaš |
Line: 206 | Variant: A | Item: Rs._IV_22 GUNNI kal-mi-in tar-na-aš |
Line: 207 | -- | ANA TÙR a[nd]an UDUḪI.A tarnaš |
Line: 207 | Variant: A | Item: Rs._IV_23 ⌐A¬-NA TÙR a[n-d]a-an UDUḪI.A tar-na-aš |
Line: 208 | -- | INA É.GU₄ andan GU₄ḪI.A tarnaš |
Line: 208 | Variant: A | Item: Rs._IV_23 I-NA É.GU₄ an-da-an GU₄ḪI.A Item: Rs._IV_24 ⌐tar¬-na-aš |
Line: 209 | -- | nu=za annaš DUMU-ŠU penništa |
Line: 209 | Variant: A | Item: Rs._IV_24 nu-za an-na-aš DUMU-ŠU pé-en-ni-iš-ta |
Line: 210 | -- | UDU-uš SILA₄-SU penništa |
Line: 210 | Variant: A | Item: Rs._IV_24 UDU-uš SILA₄-SÚ pé-en-ni-iš-ta |
Line: 211 | -- | GU₄ AMAR-ŠU penništa |
Line: 211 | Variant: A | Item: Rs._IV_25 GU₄ AMAR-ŠU pé-en-ni-iš-ta |
Line: 212 | -- | dtelipinuš=a LUGAL MUNUS.LUGAL ՙ ՚ |
Line: 212 | Variant: A | Item: Rs._IV_25 dte-li-pí-nu-ša LUGAL MUNUS.LUGAL ՙ ՚ |
Line: 213 | -- | n=uš=za ḫuišwanni innarauwani EGIR.UD-MI kappuwēt |
Line: 213 | Variant: A | Item: Rs._IV_25 nu-uš-za Item: Rs._IV_26 ⌐ḫu¬-iš-wa-an-ni in-na-ra-u-wa-ni EGIR.UD-MI kap-pu-u-e-et ̣̣̣ |
Paragraph: 33ʼʼʼ | ||
Line: 214 | -- | dtelipinuš=za LUGAL-un kappuwet |
Line: 214 | Variant: A | Item: Rs._IV_27 dte-li-pí-nu-uš-za LUGAL-un kap-pu-u-et |
Line: 215 | -- | dtelipinuwaš peran GIŠeya arta |
Line: 215 | Variant: A | Item: Rs._IV_27 dte-li-pí-nu-wa-aš pé-ra-an Item: Rs._IV_28 GIŠe-ya ar-ta |
Line: 216 | -- | GIŠeyaz=kan UDU-aš KUŠkuršaš kankanza |
Line: 216 | Variant: A | Item: Rs._IV_28 GIŠe-ya-az-kán UDU-aš KUŠkur-ša-aš kán-kán-za |
Line: 217 | -- | n=ašta anda UDU-aš Í-an kitta |
Line: 217 | Variant: A | Item: Rs._IV_28 na-aš-ta Item: Rs._IV_29 an-da UDU-aš Í-an ki-it-ta |
Line: 218 | -- | n=ašta anda ḫalkiaš dGÍR-aš GEŠTIN-aš kitta |
Line: 218 | Variant: A | Item: Rs._IV_29 na-aš-ta an-da ḫal-ki-aš dGÍR-aš Item: Rs._IV_30 ⌐GEŠTIN¬-aš ki-it-ta |
Line: 219 | -- | n=ašta anda GU₄ UDU kitta |
Line: 219 | Variant: A | Item: Rs._IV_30 na-aš-ta an-da GU₄ UDU ki-it-ta |
Line: 220 | -- | n=ašta [a]nda MUKAM GÍD.DA DUMUMEŠ-latar kitta |
Line: 220 | Variant: A | Item: Rs._IV_30 na-aš-ta Item: Rs._IV_31 [a]n-da MUKAM GÍD.DA DUMUMEŠ-la-tar ki-it-ta ̣̣̣ |
Paragraph: 34ʼʼʼ | ||
Line: 221 | -- | n=ašta anda SILA₄-aš miyuš ḫalugaš kitta |
Line: 221 | Variant: A | Item: Rs._IV_32 na-aš-ta an-da SILA₄-aš mi-i-uš ḫa-lu-ga-aš ki-it-ta |
Line: 222 | -- | n=ašta anda [n]ūš tūmantiyaš kitta |
Line: 222 | Variant: A | Item: Rs._IV_32 na-aš-ta an-da Item: Rs._IV_33 [nu]-⌐ú¬-uš tu-u-ma-an-ti-ya-aš ki-it-ta |
Line: 223 | -- | n=ašta anda d[ ... ] KI.MIN |
Line: 223 | Variant: A | Item: Rs._IV_33 na-aš-ta an-da dx-x KI.MIN |
Line: 224 | -- | [n]=ašta anda kunnaš wallaš kitta |
Line: 224 | Variant: A | Item: Rs._IV_34 [na]-aš-ta an-da ku-un-na-aš wa-al-la-aš ki-⌐it-ta¬ |
Line: 225 | -- | n=ašta [and]a [šalḫa]nt[i]š m[annittiš išpiyatarr=a kitta] |
Line: 225 | Variant: A | Item: Rs._IV_34 na-aš-ta [an-d]a Item: Rs._IV_35 [šal-ḫa-a]n-t[i-i]š m[a-an-ni-it-ti-iš ... ] |
Rs._IV bricht ab. |