TITUS
Movses Kalankatowaci, Patmowtiwn Alowanic Asxarhi
Part No. 65
Previous part

Chapter: 35  
Page: 258  
Line: 3 
ԳԼՈՒԽ Լ՜Ե.

Line: 4 
ՈՂԲՔ

Line: 5  ՛ի մահն Ջուանշիրի՝ մեծի իշխանին։


Line: 6    Աստուածային բանին արուեստաւոր հոգի,
Line: 7       Յօրինեա իմաստս ՛ի տիրական երգմունս,
Line: 8       Զի սգալի ձայնիւ անդադար ողբասցուք
Line: 9       ՛Ի վերայ դժնդակ կորստեան մերում։

Line: 10    Բեկումն մեծ որ եղեւ արեւելից աշխարհիս
Line: 11       Խաղաղակ կործանման հնչեաց ընդ երկիր
Line: 12       Ազգ ւ՛ազինք լուիցեն զբարբառս իմ,
Line: 13       Երկրածինք ամենայն ողբասցեն ընդ իս։

Line: 14    Գլորեցաւ վէմն կենդանի եւ հզօր
Line: 15       Եւ պարիսպն ամրութեան խորտա̄կեցաւ,
Line: 16       Աշտարակն բանաւոր տապա՟լեցաւ,
Line: 17       Եւ ցանկն շինութեան խրամատեալ քակեցաւ։

Line: 18    Դարձաւ ՛ի դառնութիւն խաղաղաութիւն մեր
Line: 19       Եւ դրունք հինից տեղացին ՛ի մեզ,
Line: 20       Զի մեծասքանչ տէրութիւնն կործա՟նեցաւ
Line: 21       Հրաշալի պետութեան շիջաւ ճառագայթ։

Line: 22    Եկին հասին ՛ի վերայ մեր անէծք,
Line: 23       Զոր կանխագոյն սպառնայր մարգարէն Եսայի,
Page: 259   Line: 1       Զի զաւուրս տօնի տէրունեան նշանին
Line: 2       Դարձուցին մեզ ՛ի սուգ, ՛ի լալիւն դառնութեան։

Line: 3    Զանգիւտ կորստեան փորեցին խորխորատ
Line: 4       Զի զհովիւն բարի ընկլուզեցին ՛ի նմա.
Line: 5       Հոգի մոլորութեան շնչեաց ՛ի նոսա,
Line: 6       ՛Ի նանիր թագուցին զորոգայթն մահու։

Line: 7    Էր նստեալ որպէս առիւծ ՛ի մորւոջ
Line: 8       Եւ լռեալ ՛ի նմանէ սարսէին թշնամիք
Line: 9       Տեարք տոհմից եւ իշխանք ամենայն
Line: 10       Երկիւղիւ եւ սիրով հնազանդէին նմա։

Line: 11    Ընդ ամենայն երկիր ել համբաւ նորա
Line: 12       ՛Ի ծագս աշխարհի ծաւալեցաւ անուն նորա
Line: 13       Զի զհնարիմաց զօրութիւն եւ զհանճարեղ իմաստն
Line: 14       Հանդիսաւոր հնչմամբ գովեցին տիեզերք։

Line: 15    Թագաւորն Յունաց եւ աշխարհն հարաւոյ
Line: 16       Տենչանօք խնդրէին տեսանել զտէրն
Line: 17       Յոգնամեծար ողջունիւ ընդո՟ւնէին
Line: 18       Եւ փառօք պսակեալ պատուէին մեծապէս։

Line: 19    Ժամանեցին առժամայն չարիքն մեր
Line: 20       Եւ անզեղջ մոլորութիւն յանդիմանեաց
Line: 21       Բարկացուցաք զԱրարիչն գործովք մերովք
Line: 22       Եւ մատնեաց ՛ի կորուստ զնախագահ տէրութիւնն։

Line: 23    ՛Ի բաց մեկնեցան պահապանք (նորա),
Line: 24       Օգնութիւնք վերնայինք հրաժարեցան ՛ի նմանէ,
Line: 25       Զի Տէր հեռացաւ յաւուր չարի
Line: 26       Եւ եթող զնա կոխա՟ն ժանտից։

Page: 260  
Line: 1    Լարեաց աղեղն իւր բանսարկու թշնամին
Line: 2       Եւ սրեաց որպէս սուր զնենգիչ սիրոյն
Line: 3       Չարաչար խոցոտմամբ հասոյց ՛ի վերայ
Line: 4       Որպէս յազգին Մովաբու ՛ի գիշերին սատակումն։

Line: 5    Խարդաւանող խորհրդով տարեալ մեկուսի
Line: 6       Անողորմ խոցոտմամբ վիրաւորեաց զվեհազնն...**

Line: 7    Ծնունդ չար որ մեղաւ նմա,
Line: 8       Որդի անօրէնութեան, որ չարչարեաց զնա,
Line: 9       Անիծիւք պարուրեալ գնասցէ ընդ երկիր
Line: 10       Եւ Կայենի երերմամբ վարանեալ շրջեսցի։

Line: 11    Կապեսցին շաւիղք փախստեան նորա
Line: 12       Եւ թռչունք երկնից ճախրեսցեն ՛ի վերայ նորա
Line: 13       Ագռաւք ձորոց սլասցին ՛ի նմա
Line: 14       Եւ գազանք վայրենի սպասեսցեն նմա։

Line: 15    Հուրն Հերովդէի առաքեսցի նմա
Line: 16       Եւ ծնցին ՛ի նմա որդունք եւ մկունք
Line: 17       Աղեկէզ տոչորմունք բորբոքեալ ՛ի նմա
Line: 18       Կերիցեն առժամայն զտիրասպան մարմին նորա։

Line: 19    Ձեռն որ ձգեցաւ ՛ի սպանանել զտէրն,
Line: 20       Ոտք որ կոխեցին զհրաշալի պատկերն
Line: 21       Ուրկածին ախտիւ եռացմամբ գօսացեալ՝
Line: 22       Յարեսցին ՛ի նա ցեցք չարակեղ խոցոտմամբ։

Line: 23    Ղօղեալ հանգիցէ ընդ հովանեաւ դժնկի
Line: 24       Եւ կորիւնք իժից մեղիցեն նմա
Page: 261   Line: 1       Թոյնըք քարբից հեղցին զնովաւ
Line: 2       Սաստկագոյն ուռուցմամբ հերձցեն զնա։

Line: 3    Ճրագ ճշմարիտ խաղաղութեան էր նա մեր,
Line: 4       Նաւապետ ցածուցիչ խռովութեան ալեաց
Line: 5       Անձն քաջին Ջիւանշիրի,
Line: 6       Որ զամենայն գերչաց փարատէր զյուզմունս**։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.