TITUS
Movses Kalankatowaci, Patmowtiwn Alowanic Asxarhi
Part No. 71
Previous part

Chapter: 41  
Page: 281  
Line: 1 
ԳԼՈՒԽ Խ՜Ա.

Line: 2  Հաւատալն Հոնաց ՛ի Քրիստոս ՛ի ձեռն եպիսկոպոսին
Line: 3  Իսրայելի եւ կործանումն զոհարանաց եւ կանգնել խաչին
Line: 4  Քրիստոսի։


Line: 5       Քանզի յորդորեալ էին յոյժ յունկնդրութիւն
Line: 6    բանից առնն Աստուծոյ բարեմիտ իշխանն մեծագահ
Line: 7    Աղփիղութուեր հանդերձ բանակօքն, որոց
Line: 8    ախորժաբար լուեալ զծաղկազարդ նորա վարդապետութիւնն
Line: 9    եւ զքաղցրուսոյց խրատն՝ փառաւոր
Line: 10    առնէին զԱստուած եւ ասէին. "Արդ հաւատամք
Line: 11    ճշմարտութեամբ, եթէ առաքեաց Տէր ՛ի ձեռն
Line: 12    սորա զմխիթարութիւն շնորհաց իւրոց առ մեզ,
Line: 13    զի ապրեցուսցէ զմեզ ՛ի խաւարային գործոց
Line: 14    եւ յամենայն սատանայական գնացից"։ Ապա
Line: 15    այնուհետեւ մխիթարութեամբ հնազանդեցուցեալ
Line: 16    զանձինս լծոյ քաղցրութեանն Քրիստոսի, սրբութեամբ
Line: 17    եւ պարկեշտութեամբ զարդարէին զպահս
Line: 18    քառասնորդականս, պահօք եւ աղօթիւք զցայգ եւ
Line: 19    զցերեկ հոգեւոր նախանձու այր քան զայր փութային
Line: 20    յերկրպագութիւն սրբոյ եկեղեցւոյն՝ մոռանալով
Line: 21    զառաջին որկորստութեան մոլորութիւն,
Line: 22    եւ այն՝ շնորհօք լուսատու խրատուց սրբոյ
Line: 23    եպիսկոպոսին, որոյ հրամանին հնազանդելով
Line: 24    յանձն առնոյր աստուածասէր իշխանն՝ իւրով
Line: 25    մօտակաց սուրհանդակաւն զեօթանեսին եօթներորդսն**
Page: 282   Line: 1    ամի ամի սրբութեամբ կատարել. զի
Line: 2    ինքն էր բարեմիտ այր յոյժ, եւ նոյնժամայն
Line: 3    հրամանակատար լինէր աստուածային պատուիրանին,
Line: 4    հալածականս առնէր զորդիսն խաւարի,
Line: 5    հաւատացեալ լուսափայլ վարդապետութեան օր
Line: 6    ըստ օրէ պայծառանայր սիրովն Քրիստոսի, ասպընջական
Line: 7    ցանկալի սուրբ հաւատոցն լինելով,
Line: 8    աշխարհածնունդ հայրենեացն որդի գտանէր շնորհօքն
Line: 9    Աստուծոյ. այլ եւ ուժով պնդութեամբ հարըստութեամբ
Line: 10    քաջ եւ անուանի եղեալ էր ՛ի
Line: 11    մարտս պատերազմաց, որպէս զոլիւմպ ազգն
Line: 12    Յունաց հզօր երեւեալ առ ամենեսեան՝ զհոյակապ
Line: 13    քաջութեան անուն ժառանգէր։ Զի բազում
Line: 14    գործս արութեան ցուցեալ ՛ի Թուրքաստանի առ
Line: 15    Խազրիականն եւ ՛ի սէր իւր գրաւեալ զնա տայ
Line: 16    զդուստր իւր նմա կնութեան. եւ ինքն ՛ի ծերութեանն
Line: 17    բերելով պատիւ՝ փառաւորեալ լինէր ՛ի
Line: 18    մէջ երից աշխարհացն. իբրեւ զպսակ պարծանաց
Line: 19    ընդունէր խրատն լուսաւոր վարդապետութեան
Line: 20    եպիսկոպոսին. առ սակաւ սակաւ ջանայր խափանել
Line: 21    ՛ի վերայ մեռելոցն զմոլեկան լալիսն եւ
Line: 22    զդիւական սրակոծութիւնն՝ գարշելի եւ պիղծ համարելով
Line: 23    զհայրենի պաշտամունսն, եւ զայլոց աստուածոց
Line: 24    խափանէր զնուէրս՝ ՛ի պաշտել զԱստուած
Line: 25    կենդանի՝ զարարիչն երկնի եւ երկրի, եւ
Page: 283   Line: 1    զՈրդին միածին եւ զՀոգին համազօր. զամենայն
Line: 2    յաւելուածս չարեաց ՛ի բաց հերքելով ՛ի մտաց՝
Line: 3    իբրեւ զարդի ծնեալ մանուկ անխարդախ կաթինն
Line: 4    փափագէր. շինէր ՛ի տեղիս տեղիս զեկեղեցիս
Line: 5    եւ մեծացուցանէր զպատիւ քահանայիցն Աստուծոյ։
Line: 6    Եւ քանզի ՛ի վարսաւոր ծառոց կաղնեաց
Line: 7    բարձրագունից, զորս ձօնեալ էին Ասպանդիատայ
Line: 8    գարշելւոյ առ ՛ի զոհս մատուցանելոյ նմա
Line: 9    ձիովք, զորոց զարիւնն հեղուին զծառովք, եւ
Line: 10    զգլուխն եւ զկաշին արկանէին զոստովք ծառոցն,
Line: 11    հրամայէր եպիսկոպոսն հատանել զմին, որ գլուխ
Line: 12    եւ մայր էր այլ ամենայն ծառոց, եւ համարէին
Line: 13    զնա աստուածոցն փրկիչ եւ կեցուցիչ եւ տուող
Line: 14    ամենայն բարեաց։ Իբրեւ լսէին, թէ հրամայէր
Line: 15    հատանել զհսկայաձիր դիւցազանց ծառն, որով
Line: 16    գայթակղեալ էին ՛ի կործանումն ամենեցուն,
Line: 17    ճիչ բարձեալ եւ զօձիս հարեալ՝ ՛ի ձայն բարձր
Line: 18    աղաղակէին կախարդքն եւ քաւդեայք եւ վհուկք
Line: 19    քրմապետօքն հանդերձ առ իշխանն Հոնաց եւ առ
Line: 20    մեծամեծս աշխարհին, եւ ասէին. "Եթէ զիա՞րդ
Line: 21    մարթիք եւ իմանայք եւ գիտէք առնել զայդ, զոր
Line: 22    հակառակորդդ մեր եւ թշնամին աստուածոց մերոց
Line: 23    ասէ ձեզ, հատանել զծառն զայն. եւ ընդէ՞ր
Line: 24    իսկ բնաւ անսայք նմա եւ լսէք՝ քանդել աւերել
Line: 25    կործանել զբագինս մեհենաց մերոց, զոր հարքն
Line: 26    մեր կանգնեցին, եւ թագաւորք եւ իշխանք եւ աշխարհս
Line: 27    մեր բոլորովին պաշտեցին մինչեւ ցայժմ,
Page: 284   Line: 1    եւ գտին զպարգեւս բարեաց ՛ի նոյն իսկ ՛ի դիցն
Line: 2    մեհենաց եւ ՛ի ծառոց ձօնելոց, զմարդաշատութիւն
Line: 3    աշխարհիս, եւ զօրաւոր եւ յաղթող լինել
Line: 4    ձեզ ՛ի պատերազմունս թշնամեաց ձերոց։ Արդ
Line: 5    դուք համարիք ինչ զդա եւ լսէք բանի դորա եւ
Line: 6    տայք դմա զիշխանութիւնդ զայդ՝ հանել աւերել
Line: 7    քակտել զմեհեանս աստուածոց ձերոց. ո՞չ ապաքէն
Line: 8    յորժամ պաշտէիք եւ մատուցանէիք զզոհս եւ
Line: 9    զնուէրս առաջի ծառոցն յանուն հսկայազօր քաջին
Line: 10    Ասպանդիատայ, զոր ինչ խնդրէիք առնուիք
Line: 11    եւ գտանէիք զբարիս. զհիւանդս ձեր առողջացուցանէր,
Line: 12    յարեգակնակէզ երաշտից եւ ՛ի տօթախառն
Line: 13    ջերմութեանց անձրեւս ածեալ ձեզ նորա
Line: 14    զօրութեամբն, որք զտապ խորշակին զովացուցանէին.
Line: 15    զբոյսս եւ զտունկս դալարեցուցանէին եւ
Line: 16    զպտուղս պարարէին ՛ի վայելումն եւ ՛ի կերակուր
Line: 17    ձեզ։ Նոյնպէս եւ ՛ի սաստիկ անձրեւաց եւ
Line: 18    յամպոց եթերական փայլատակնացայտ օդոց յորոտընդոստ
Line: 19    խռովութեաց՝ խաղաղութիւն առնէր
Line: 20    ձեզ։ Բայց արդ թէ այլ մոլորական բանից դորա
Line: 21    հաւատայք եւ պաշտէք զԱստուածն՝ զոր դայն
Line: 22    քարոզէ ձեզ. սակայն զբնական աստուածսն ձեր,
Line: 23    զորս նախնիք ձեր եւ դուք պաշտեցիք, ոչ է պարտ
Line: 24    ձեզ թողուլ եւ ուրանալ եւ ՛ի բաց ընկենուլ եւ մատնել
Line: 25    ՛ի ձեռս դորա, որ ընդ ոտն արկեալ մանրեսցէ
Line: 26    զնոսա. զի մի́ սրտմտեալ բարկասցին եւ յանդիմանեսցեն
Line: 27    զաշխարհս մեր չարաչար հարուածովք։ Այլ
Page: 285   Line: 1    եւ ո՞վ իսկ իշխեսցէ մօտել հպել եւ մերձենալ ՛ի
Line: 2    վայրն յայն, ուր հսկայազօրին Ասպանդիատայ
Line: 3    մեհեանքն եւ բագինքն շինեալ եւ հաստատեալ են,
Line: 4    կամ ՛ի ծառն գեղեցկաբոյս, որ պահիչ եւ կեցուցիչ
Line: 5    է աշխարհիս այսորիկ. ապաքէն որք անգիտութեամբ
Line: 6    ՛ի ծառոյն յայնմանէ յանկելոց տերեւոց,
Line: 7    կամ ՛ի փայտից ինչ, որ ՛ի նմանէ առնուին
Line: 8    ՛ի պէտս իւրեանց, չարաչար կեղօք եւ այսահարութեամբ,
Line: 9    այլեւ մահուամբ իսկ յանդիմանէր
Line: 10    զնոսա, եւ զտուն եւ զազգն հատանէր. եւ արդ
Line: 11    դա կարէ՞ հպիլ մօտիլ եւ կտրել զնա, կամ աւերել
Line: 12    զմեհեանս աստուածոց մերոց։ Արդ գիտեմք
Line: 13    զայս, զի եթէ յամառեալ պնդի եւ մերձի առ նա՝
Line: 14    յանդիմանի չարաչար ցաւովք, այլ եւ ՛ի կենաց
Line: 15    իսկ հանէ զդա"։

Line: 16       Յայնժամ պատասխանեալ իշխանն Հոնաց
Line: 17    առ քաղդեայսն եւ առ կախարդսն, առ վհուկս եւ
Line: 18    առ պաշտօնեայս բագնեաց եւ ծառոց եւ ասէ.
Line: 19    "Մեք հաւանեալ հաւատացաք առնս այսմիկ եւ
Line: 20    պաշտեմք եւ երկրպագանեմք Աստուծոյն, զոր դա
Line: 21    քարոզէ մեզ. եւ ոչ արգելումք զդա յաւերելոյ եւ
Line: 22    ՛ի քանդելոյ զմեհեանս, եւ ՛ի խլելոյ եւ կտրելոյ
Line: 23    զծառն եւ յայրելոյ ՛ի հուր։ Արդ եթէ դուք կարող
Line: 24    ինչ էք բագնեօք եւ մեհենօք եւ ծառովք ձօնելովք
Line: 25    զարհուրեցուցանել ինչ զդա, կամ ՛ի ցաւս
Line: 26    ծանրութեան ախտի ինչ արկանել, եւ կամ մահ
Line: 27    իսկ հասուցանել դմա, հաւատամք ՛ի ձեզ եւ հաստատիմք
Page: 286   Line: 1    անդրէն շինել եւ պաշտել զմեհեանս եւ
Line: 2    զբագինս եւ զանդրիագործ պատկերս. երկրպագեմք
Line: 3    ծառոց եւ մատուցանեմք զոհս եւ նուէրս
Line: 4    որպէս մինչեւ ցայժմ։ Ապա եթէ դուք ոչ կարէք
Line: 5    յանդիմանել զդա եւ զարհուրեցուցանել ինչ, եւ
Line: 6    դա աւերեալ քակէ զբագինս եւ զմեհեանս, հատանէ
Line: 7    զծառս եւ ՛ի հուր այրէ, եւ ոչ ցաւք ինչ
Line: 8    հասանեն դմա եւ ոչ մահ՝ մեք նոյնպէս հաւանեալ
Line: 9    հաւատամք ՛ի դա, եթէ յԱստուծոյ առաքեցաւ
Line: 10    դա մեզ. եւ երկիրպագանեմք միոյն Աստուծոյ,
Line: 11    որ արար զերկինս եւ զերկիր եւ զարեգակն
Line: 12    եւ զլուսին եւ զաստեղս, եւ զձեզ կապեալ
Line: 13    ոտիւք եւ ձեռօք մատնեցից ՛ի ձեռս դորա, որ
Line: 14    ընդ նոյն ծառովք եւ մեհենեօք զձեզ այրեսցէ"։

Line: 15       Յայնժամ քաղդեայքն եւ կախարդք եւ վհուկք
Line: 16    Ափրոդիտեայ մոլեկան կախարդութեամբ սկսան
Line: 17    դիւթութիւնս առնել ստապաճոյճ գետնակոչութեամբք,
Line: 18    ուռոյցս եւ բարբաջմունս իմն յօրինէին,
Line: 19    եւ ոչ ինչ կարէին գործել ՛ի սուտ եւ ՛ի
Line: 20    մոլար արուեստից իւրեանց. զի երբեմն յառաջ
Line: 21    քան զայս կապէին զմարդիկ անյայտ կապանօք,
Line: 22    եւ զոր կամէին՝ ՛ի ծանր ցաւս արկանէին՝ այսս
Line: 23    առաքելով ՛ի նոսա, եւ ապա քարոզէին նոցա
Line: 24    փաստապատիր բանիւք, եթէ պարտ էր ձեզ զոհս
Line: 25    եւ նուէրս մատուցանել մեհենեաց եւ ծառոց եւ ոչ
Line: 26    մատուցիք, փոխանակ այնորիկ եղեւ այդ առ ձեզ
Line: 27    յանդիմանութիւն ՛ի մեծէ աստուծոյն մերմէ։
Page: 287   Line: 1    Բայց արդ առէք զոհս եւ նուէրս եւ մատուցէք
Line: 2    առաջի ծառոց եւ մեհենեաց. ապա ապրիք ՛ի
Line: 3    ցաւոց եւ ՛ի հարուածոց այտի։ Եւ որպէս ասէինն՝
Line: 4    նոյնպէս առնէր եւ կատարէր սատանայ։ Այլեւ երբեմն
Line: 5    առ աչօք եւ ցնորիւք անձրեւս սաստիկս երեւեցուցանէին.
Line: 6    եւ երբեմն երաշտիւք ցամաքեցուցանէին
Line: 7    դիւակործան եւ սատանայական մոլորութեամբք.
Line: 8    եւ այնու ամենայնիւ գայթակղեցուցանէին
Line: 9    եւ կործանէին զաշխարհն նոցա, զի մոլորեալ
Line: 10    էին եւ մոլորեցուցանէին զյողդողդամիտս։ Ապա
Line: 11    յայնժամ ոչ կարացեալ յայնցանէ ինչ մի ՛ի գործ
Line: 12    եւ ՛ի կիր արկանել կամ զարհուրեցուցանել զայրն
Line: 13    Աստուծոյ եւ յաղթել նմա, կապեցան եւ փակեցան
Line: 14    ՛ի նշանէ սրբոյ խաչին ամենայն զօրութիւնք
Line: 15    նոցա։ Ապա սկսաւ խօսել եպիսկոպոսն սուրբ եւ
Line: 16    օրէնսուսոյցն առ իշխանն Հոնաց եւ առ մեծամեծս,
Line: 17    "Եթէ ոչինչ զարհուրիմ եւ երկնչիմ, կամ
Line: 18    զմտաւ ինչ ածեմ վասն դոցա չարախօսութեանցդ.
Line: 19    զի են իսկ դոքա անյոյսք ՛ի ճշմարիտ կենացն
Line: 20    Աստուծոյ, որք կամին դիւցապաշտ կախարդութեամբ
Line: 21    զարհուրեցուցանել զիս՝ որպէս եւ զայլս
Line: 22    ՛ի մարդկանէ մորոսամիտս. եւ ոչ ՛ի ծառոցդ
Line: 23    բարձրագունից մեհենեաց զմտաւ ինչ ածեալ
Line: 24    զանգիտեմ կերպ ՛ի կերպս լինելով առաջի իմ,
Line: 25    այլ ես յայտ յանդիման ամենեցուն ձեր գործեմ
Line: 26    աներկիւղաբար յուսալով ՛ի շնորհս սուրբ խաչին
Line: 27    Քրիստոսի եւ բառնամ զկարծիսդ ՛ի սրտից ձերոց
Page: 288   Line: 1    եւ զծառագոդի մոլորութիւնդ, որ ոչինչ իսկ
Line: 2    են եւ ոչ չար ինչ կամ բարի առնել կարեն, եւ
Line: 3    ոչ անարգել զօրեն զթշնամադիրս իւրեանց, զոր
Line: 4    այժմ դուք աչօք ձերովք տեսանէք առ կուռս
Line: 5    համերս, թէ որպէս փշրեսցին ՛ի ձեռաց իմոց,
Line: 6    եւ ընդ ոտս անկեալ կոխեսցին ՛ի գնացս
Line: 7    աշխարհի"։

Line: 8       Յայնժամ հրամայէր եպիսկոպոսն քահանայից
Line: 9    առնուլ փայտատ ՛ի ձեռն, դնել ծունր եւ
Line: 10    աղօթել՝ կարդալով առ Աստուած զսաղմոսս զայս.
Line: 11    "Յարիցէ Աստուած եւ ցրուեսցին ամենայն թըշնամիք
Line: 12    նորա. փախիցեն ատելիք յերեսաց նորա".
Line: 13    եւ ապա արարեալ զնշան խաչին ՛ի վերայ ծառոցն
Line: 14    բարձրագունից, զորս ձօնեալ էր յանուն
Line: 15    Ասպանդիատայ գարշելւոյ. եւ դիմեալ ՛ի ներքս
Line: 16    քահանայիցն առ հասարակ կտրեցին զծառսն. եւ
Line: 17    նոյնժամայն հրամայէր բերել ՛ի քաղաքն Վարաչան։
Line: 18    Եւ կոչեալ առ ինքն ՛ի ճարտարագործ հիւսանց
Line: 19    քաղաքին, հրամայէր առնել զնա խաչ պայծառակշիռ
Line: 20    բոլորագուլ յօրինուածովք նկարակերպ,
Line: 21    եւ պէսպէս կենդանագիրս հաստատէր սոսընձեալս
Line: 22    ՛ի վերայ բոլորովին, գեղեցիկ պատկերագործ
Line: 23    նմանութեամբ ճշգրտեալ ՛ի ծայրից
Line: 24    մինչեւ ՛ի խոնարհ համանման դեղովք պաճուճեալ։
Line: 25    Նոյն օրինակ եւ յաջոյ կողմանէ գեղեցկագոյն
Line: 26    իմն լուսեղէն խաչս մի զմիոյ զկնի ՛ի վերուստ
Line: 27    ՛ի վայր տողեալս պնդէր հաստահեղոյս
Page: 289   Line: 1    բեւեռօք, եւ առ ՛ի ստորեւն դռնակ մի երկբացիկ
Line: 2    քանդակագործ շուշանաձեւ չորեքկուսի, յորում
Line: 3    կայր խաչ մի արծաթեղէն մասնաւորեալ ՛ի տէրունական
Line: 4    խաչէն։ Այսպիսի օրինակաւ կարգեալ
Line: 5    եւ յարմարեալ զանազան հրաշալի գեղեցկութեամբ
Line: 6    կանգնէր զնա յՈւխտի եւ ՛ի խնդրուածոց անուն
Line: 7    յարքունական դրանն ընդ արեւելս, եւ ասէր.
Line: 8    "Առաջի այսր ամենակեցոյց նշանիս երկրպագեցէք
Line: 9    Տեառն արարչին ձերոյ, զի որ սովորն էիք
Line: 10    երկրպագել ծառոյդ այդմիկ մոլեկան մտածութեամբ
Line: 11    եւ սովորական ընդելութեամբ, երկրպագէք
Line: 12    խաչիդ եւ անտեսանելւոյ պատկերի աստուածութեանն։
Line: 13    Քանզի ուտէիք եւ ըմպէիք զմիս եւ
Line: 14    զարիւն զոհիցն անասնոց, զոր դիւաց առաջի
Line: 15    ծառոյն մատուցանէիք, վասն այնորիկ փոխանակ
Line: 16    նուիրեալ ծառոյն զխաչն իւր կանգնեաց ՛ի
Line: 17    մէջ տիեզերաց, եւ փոխանակ արեանցն զոհից
Line: 18    զարիւն իւր ետ ՛ի քաւութիւն մեզ ամենեցուն։
Line: 19    Եւ ես գիտեմ, որ անգիտութեամբ արարիք, զոր
Line: 20    ինչ արարիքն։ Բայց արդ այսուհետեւ մատուցէք
Line: 21    զանձինս ձեր առաջի աթոռոյ շնորհացն Աստուծոյ,
Line: 22    թօթափելով ՛ի բաց զամենայն ախտս չարեաց
Line: 23    անօրէնութեան ձերոյ եւ զփառացն լուսոյ
Line: 24    պատմուճան արժանի լիջիք զգենուլ յանձինս
Line: 25    ձեր"։ Իսկ բարեպաշտ իշխանն Հոնաց Իլութուեր**
Page: 290   Line: 1    իբրեւ լսէր զայն, մեծամեծօք հանդերձ յորդորեալ
Line: 2    ՛ի սէր եւ յերկիւղն Աստուծոյ, եւ զայն եւս
Line: 3    տեսանէր թէ ոչ յայնցանէ զոր քաղդեայքն ասէին
Line: 4    յանդիմանել ինչ նմա ՛ի ծառոցն մեհենից
Line: 5    եւ անկանիլ ՛ի ցաւս եւ հասանիլ ՛ի մահ, ոչ ինչ
Line: 6    դիպեալ նմա յայսցանէ չար, այլ եւս առաւել քան
Line: 7    զեւս պայծառացեալ զուարթանայր եւ զօրանայր
Line: 8    ՛ի գործ մշակութեանն Քրիստոի, առաւել եւս
Line: 9    հաստատէին ՛ի հաւատս եւ լսէին զբան վարդապետութեան
Line: 10    նորա։ Ապա յայնժամ մեծասաստ
Line: 11    իշխանութեամբ հրաման տայր զսատանայակուր
Line: 12    եւ զդիւամոլ ազգ կախարդացն եւ քաղդեայց գըլխաւոր
Line: 13    քրմապետօքն հանդերձ ունել, եւ կապեալ
Line: 14    ոտիւք եւ ձեռօք ածել առաջի առնն Աստուծոյ եւ
Line: 15    տալ ՛ի ձեռս նորա։ Իսկ նա հրամայէր զոմանս
Line: 16    ՛ի հուր ընկենուլ ՛ի յանցս ճանապարհաց, յել եւ
Line: 17    ՛ի մուտս փողոցաց առ ՛ի զերծուլ զաշխարհն
Line: 18    ամենայն յունայնակրօն պաշտամանց եւ հնազանդել
Line: 19    ամենահեշտ լծոյ ծառայութեանն Քրիստոսի։
Line: 20    Եւ զոմանց, որոց կապեալ ունէին յանձինս
Line: 21    իւրեանց զոսկեղէն հեթանոսական ձուլածոյսն
Line: 22    հրամայէր զերծուլ եւ հանել ՛ի նոցանէ, եւ
Line: 23    ինքն իւրովք ձեռօք խորտակէր յանդիման ամենեցուն՝
Line: 24    առնելով եւ զայնս նշան տէրունական
Line: 25    խաչի։ Այսպէս եւ այսու օրինակաւ ցուցանէր առ
Line: 26    ամենեսեան զիւրն աստուածպաշտութիւն։ Եւ
Line: 27    կարգեցաւ այս ամենայն կարգաւորութիւնս ՛ի
Page: 291   Line: 1    սուրբ քառասներորդսն ՛ի բիւրաւոր արքունական
Line: 2    Հոնաստանեայցն բանակի. կազմեցաւ եւ
Line: 3    պատրաստեցաւ կամօք Տեառն Աստուծոյ ՛ի ձեռն
Line: 4    եպիսկոպոսին եւ ազդեցութեամբ Հոգւոյն Սրբոյ.
Line: 5    որով ծաւալէր շնորհք պարգեւաց անպատում փառացն
Line: 6    Քրիստոսի։

Line: 7       Իսկ ծագումն արփիափայլ լուսոյ պասեքին
Line: 8    սրբոյ իբրեւ հասանէր՝ բազումք ՛ի քրմապետացն
Line: 9    եւ ՛ի գլխաւոր կախարդասար քաղդէիցն դեռեւս ՛ի
Line: 10    դժնդակ կապանս անկեալ դնէին։ Եւ ապա հաւանութեամբ
Line: 11    իշխանին Իլիթուերոյ ժողովեալ բոլոր
Line: 12    քաղաքայնոցն հրաման լինէր ատեան դնել եւ
Line: 13    հրապարակ յօրինել եւ տալ ցեղից երկաքանչիւրոց
Line: 14    պայքար՝ յանդիման կաճառախիտ բազմութեանն։
Line: 15    Յայնժամ սկսաւ եպիսկոպոսն յաստուածային
Line: 16    Գրոց ձեռն ՛ի գործ արկանել վարդապետութեան.
Line: 17    սաստկագոյնս յանդիմանէր զնոսա եւ ՛ի
Line: 18    նախատինս դսրովանաց արկանէր. եւ կռապարիշտ
Line: 19    թշուառական քուրմքն յամօթ եղեալ ՛ի տէրունական
Line: 20    խաչէն, զոր միշտ ՛ի ձեռին ունէր եպիսկոպոսն,
Line: 21    պակուցեալ սրտաբեկ լինէին եւ ինքեանք
Line: 22    իսկ զանձինս դսրովէին։ Եւ խոստովանեալ զիւրեանց
Line: 23    մեղս՝ դարձան ՛ի հաւատս ճշմարիտս. զորոց
Line: 24    զքուէս կորուսիչս հմայից ՛ի ձեռն առեալ
Line: 25    եպիսկոպոսին ՛ի նիւթ հրոյ ծախէր, եւ արժանի
Line: 26    առնէր զնոսա վերստին ծննդեանն ՛ի ձեռն սրբոյ
Line: 27    աւազանին։ Իսկ իբրեւ ետես զայն իշխանն Հոնաց
Page: 292   Line: 1    ամենայն բազմութեամբն հանդերձ, առաւել
Line: 2    եւս հաստատեցան ՛ի սէր հաւատոցն Քրիստոսի՝
Line: 3    հեռացեալ ՛ի սնոտիագործ պղծութենէ պաշտամանցն։
Line: 4    Իսկ յաւուր նաւակատեաց նորոգազարդ
Line: 5    նշանի խաչին, զոր կանգնեալ էր եպիսկոպոսին
Line: 6    յարքունական դրանն, արարեալ իշխանին եւ ամենայն
Line: 7    մեծամեծացն զենմունս պատարագաց,
Line: 8    մինչդեռ զօրհնութիւնսն կամէին երգել քահանայքն
Line: 9    ՛ի վերայ ընծայիցն առաջի խաչին, ասէ
Line: 10    եպիսկոպոսն ցիշխանն. "Ահա զխոստմունս սիրոյ
Line: 11    քո, զոր ունիս առ Աստուած՝ այսօր հատո Տեառըն
Line: 12    հաշտեցուցանել զնա ընդ ձեզ՝ ՛ի բաց բառնալով
Line: 13    զանօրէնութիւնս ՛ի ձէնջ, զի յայսմհետէ
Line: 14    մի լիցի խէթ եւ խութ ընդ ոտն. մանաւանդ զայդոսիկ
Line: 15    քրմապետսդ յայսմ նուագի փորձէ Հոգին
Line: 16    Սուրբ, որով դուք եղերուք կատարեալ որպէս
Line: 17    Հայրն ձեր երկնաւոր կատարեալ է։ Արդ հաւանեցարուք
Line: 18    այսմ բանի, զի որոտընդոստ չոփայիցդ
Line: 19    շիրիմք՝ Դարքունանդ կոչեցեալ՝ նախ նա
Line: 20    այրեսցի յայսմ աւուր ՛ի ձեռն խոստովանող քըրմապետացդ
Line: 21    այդոցիկ, որոց երթեալ նզովելով
Line: 22    նզովեսցեն եւ այրեսցեն եւ ապա ճաշակեսցեն կերակուր"։
Line: 23    Իբրեւ լուաւ զայս բարեպաշտ իշխանն
Line: 24    Հոնաց՝ փութով տայր ՛ի ձեռս նորա քանդել զմեհեանսն։
Line: 25    Եւ յայնժամ առաքեաց եպիսկոպոսն
Line: 26    զՄովսէս՝ զայր հմուտ արուեստական շնորհի՝
Line: 27    հանդերձ այլովք քահանայիւք քանդել եւ այրել
Page: 293   Line: 1    զմեհեանսն. որք գործակցելով քրմապետացն դասուց
Line: 2    զդիւցազնեայ զպղծանոցսն բոցակէզ սպառէին
Line: 3    առհասարակ։ Եւ ինքնին եպիսկոպոսն ելեալ
Line: 4    ՛ի բարձրաւանդակ տեղի հանդէպ կռոցն՝ եդեալ
Line: 5    ծունր եւ արարեալ զնշան խաչին տէրունական՝
Line: 6    հողմն ուժգին սաստկապէս հասեալ վառէր զայրեցումն
Line: 7    բարձու մեհենին եւ զչափայսն զազիր
Line: 8    մորթովք հանդերձ։ Եւ ՛ի զոհարանաց անտի դարձեալ
Line: 9    մեծաւ ուրախութեամբ ՛ի քաղաքն՝ լուսազգեստ
Line: 10    մկրտութեամբն լինէին. եւ զօրն զայն տօնից
Line: 11    տօն եւ ժողովոց ժողով առնէին իշխանն եւ
Line: 12    մեծամեծքն։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.