TITUS
Movses Kalankatowaci, Patmowtiwn Alowanic Asxarhi
Part No. 75
Previous part

Chapter: 45  
Page: 299  
Line: 12 
ԳԼՈՒԽ ՜ԽԵ.

Line: 13  Պատասխանի թղթոյն Հոնաց։


Line: 14       "՛Ի Սահակայ Հայոց կաթուղիկոսէ եւ յամենայն
Line: 15    քահանայական ուխտէ եւ ՛ի Գրիգորէ Հայոց
Line: 16    իշխանէ եւ ՛ի համօրէն եկեղեցեացս ժողովրդականաց
Line: 17    ՛ի Տէր խնդալ։

Line: 18       "Վասն կենսատու փրկութեան հասելոյ ՛ի
Line: 19    ձեզ յԱստուծոյ՝ որպէս մեզ պատմեցաւ, անպայման
Line: 20    ուրախութեամբ գոհացաք զանզղջական
Line: 21    պարգեւացն Քրիստոսի. եւ զթուղթն՝ զոր նորընծայ
Line: 22    ծառայիցդ Աստուծոյ գրեալ առ մեզ,
Line: 23    տեսաք. յորմէ իմացաք զբարերարութեան արարչի,
Line: 24    որ ծագեաց յաշխարհդ ձեր զլոյս աստուածանօթութեան՝
Page: 300   Line: 1    որպէս եւ յամենայն աշխարհս.
Line: 2    փառաւորեցաք զմարդասէրն Աստուած,
Line: 3    որ ոչ եթող զձեզ յընդունայն պաշտամունս հարցն
Line: 4    ձերոց առաջնոց, այլ ծանոյց ձեզ զանուն իւր
Line: 5    սուրբ. եւ եղէք ճշմարիտ երկրպագուք արարչին
Line: 6    ձերոյ Աստուծոյ։ Ահա գիտացաք եթէ անուն
Line: 7    նորա տարածեալ ելից զտիեզերս՝ որպէս ՛ի ձերոցդ
Line: 8    գրեցելոց եւ ՛ի պատգամաւորաց լուաք.
Line: 9    եթէ որպէս դարձայք բոլորով սրտիւ ՛ի ձեռն Իսրայելի
Line: 10    եպիսկոպոսի։ Եւ արդ մեք եւ աշխարհս
Line: 11    մեր՝ թէպէտ եւ մարմնով հեռի եմք, սակայն սըրտի
Line: 12    սիրով մերով համարիմք, թէ յանդիման տեսաք
Line: 13    զձեզ։ Այլ զոր խնդրեցիքդ ՛ի մէնջ զեպիսկոպոսդ
Line: 14    Իսրայէլ՝ մեծ է այդ խորհուրդ ձեր, զի
Line: 15    չէ մարթ հօտի առանց հովուի լինել. արդ ծանր
Line: 16    եւ դժուարին է մեզ չկատարել զհայցումն ձեր,
Line: 17    սակայն պատճառք կան, զի ոչ է վիճակեալ նա
Line: 18    մերոյ աթոռոյս, այլ տանն Աղուանից. մեր կամ
Line: 19    է եւ մեծ յօժարութիւն լինել նմա առ ձեզ հանապազ.
Line: 20    այլ այդ հրաման եւ իշխանութիւն աթոռակցին
Line: 21    մերոյ է՝ Եղիազարու հայրապետին Աղուանից.
Line: 22    նորայ է գործդ այդ..** Արդ դուք
Line: 23    ծաներուք զԱստուած կենդանի, որ տայ կեանս
Line: 24    մարդկան, մեռուցանէ եւ կեցուցանէ. եւ նոյն
Line: 25    շնորհք Հոգւոյն Սրբոյ հաստատեսցէ զձեզ յերկիւղն
Page: 301   Line: 1    Աստուծոյ եւ ՛ի պահպանութիւն պատուիրանաց
Line: 2    նորա. եւ մեք կարօտութեամբ սրտի անմոռաց
Line: 3    յիշեսցուք զձեզ ՛ի մեր եկեղեցիս. ողջ
Line: 4    լերուք"։

Line: 5       Իբրեւ դարձան ՛ի Հայոց Զիթգինն Խուրսան
Line: 6    եւ Չաթն Խազր, եւ կացին առաջի կաթուղիկոսին
Line: 7    Եղիազարու եւ իշխանին Վարազ Տրդատայ ՛ի
Line: 8    մայրաքաղաքն Պարտաւ՝ խնդրէին հրաժեշտ ՛ի
Line: 9    նոցանէ եւ տալ զեպիսկոպոսն։ Յայժամ ոչ կամեցան
Line: 10    տալ նոցա զԻսրայէլ յառաջնորդութիւն՝
Line: 11    ասեն. "Ոչ է պարտ դմա զհաւատացեալ դմա
Line: 12    յԱստուծոյ զհօտն իւր թողուլ միանգամայն եւ
Line: 13    լինել ընդ ձեզ. այլ երթալ եւ գալ դմա ըստ կարի
Line: 14    իւրում հրամայեմք ՛ի հաստատել զձեզ ՛ի հաւատս
Line: 15    Քրիստոսի, եւ ողջ պահել զանխախտելի սէր մեր
Line: 16    որ առ միմեանս. այդմ մեք կամակից եմք, զի լինելով
Line: 17    դորա միջնորդ ընդ ձեզ՝ բարձցի թշնամութիւն
Line: 18    ՛ի միջոյ մերմէ եւ տնկեսցի սէր եւ խաղաղութիւն"։
Line: 19    Զայս ամենայն լուեալ իշխանացն
Line: 20    եւ խռովամիտ ընդ իրսն եղեալ՝ զարհուրէին. եւ
Line: 21    անյօժար կամաւորութեամբ հաւանեալ ասեն.
Line: 22    "՛Ի գալ եւ յերթալ առ մեզ մի́ յապաղիսցէ, եւ
Line: 23    զեդեալ հիմն հաւատոյ անդրէն մի́ քակտեսցէ եւ
Line: 24    մի́ թողցէ զմեզ որբս. զի այլում վարդապետի
Line: 25    ոչ անսամք եւ ոչ հնազանդիմք"։ Իսկ երանելի
Line: 26    եպիսկոպոսն ըստ քաղցր բարուցն առնէր շինութիւն
Line: 27    երկոցունց կողմանց, յանձն առնոյր զերթալն
Page: 302   Line: 1    ՛ի Հոնս քաջայօժար կամաւորութեամբ եւ
Line: 2    յանձանձել զնորընծայ հաւատն Քրիստոսի եւ ունել
Line: 3    հաստատուն զուխտ եւ զպայման դաշնաւորութեան
Line: 4    նոցա։ Այսմ հաւանեալ բանի մեծաշնորհ
Line: 5    եպիսկոպոսին՝ լնուին ուրախութեամբ եւ
Line: 6    դառնային խաղաղութեամբ ՛ի տեղի իւրեանց,
Line: 7    փառաւոր առնելով զամենասուրբ Երրորդութիւնն։



Next part


This text is part of the TITUS edition of Movses Kalankatowaci, Patmowtiwn Alowanic Asxarhi.

Copyright TITUS Project, Frankfurt a/M, 23.8.2008. No parts of this document may be republished in any form without prior permission by the copyright holder.