TITUS
Physiologus: Wiener Prosa
Part No. 8
Previous part

Chapter: 7   Link to Physiol1 Link to Physiol3 Link to Physiold Link to Physioll
Item: 137v 
Paragraph: 1     So ist ouch ein ander tier unte heizit Onager. Fone deme zellit Phisiologus: An deme finften unte in dem zweinzigstem tage Merzen, so lut er zwelif stunt in deme tage unt sam ofte in der naht; dannen abe bechennet man, daz ebennahte sint.
Paragraph: 2     Der Wildesil bizeichinet den tiefel; wante duo der tiefel daz wisse, daz tag unt naht gebenot waren unt daz heidiniski liut, daz vone suntin in vinstere was, zuo gote bicherit wart unt zuo warim liehte, daz Christus Item: 138r  ist, duo lute der tiefel tag unte naht unt suohte sin muos, daz er duo flos, duo der menniski irlosit wart.
Paragraph: 3     Der Wildesil nelut nieht, newar so er ezzen wile, also der salige Job chod, "daz ist ane sache nieht, daz der Onager lut". Sus chut Sante Paulus: "wachent, wante der tiefal, iuwer widerwarte vert umbe also der rohende Lewe und suochet, wen er verswelechen mege."

   
Paragraph: V1     über 1 Raum für ein Bild W.; Fone: mit Initiale W.; zueizigistem (!) W.; mer-\cen W.; luot W.
Paragraph: V2     uone (!) W.; luote W.
Paragraph: V3     neluot W.; luot W.; nicht Paulus, sondern Petrus (1. Brief 5,8), wohl apostolus im Text Lauchert; und (!) W.



Next part


This text is part of the TITUS edition of Physiologus: Wiener Prosa.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.