TITUS Texts: Physiologus: Millstaetter Handschrift (Verse arrangement)

TITUS
Physiologus: Millstaetter Handschrift (Verse arrangement)
Part No. 8

Chapter: 7

Der Onager

Paragraph: 1
Strophe: 52
Verse: 1    So ist ein tier ander,   daz heizzet Onager.
Verse: 2    von dem Phisiologus beginnet sagen,   in dem Merzen an dem funf und zweinzigistem tage
Verse: 3    so lut er zwelfstunt   unde sam ofte in der naht.
Verse: 4    da von bechennet man sint,   daz ebennaht beliuhtet ir sunne unde wæt ir wint.

Verse: V2    52,2 Von: mit Initiale M.
Verse: V2-4    52,2-4 neben 2-4 ein Bild M.; Merzzen M.
Verse: V3    52,3 luot M.; zwelstunt M.
Verse: V4    52,4 belohtet M.

Paragraph: 2
Strophe: 53
Manuscript Page: 89v_(Ka._83)
Verse: 1    Der wilde Esel   bezeichent den tievel.
Verse: 2    wan do der tievel wesse die aht,   daz gebenot waren tage unde naht
Verse: 3    unde diu heideniske dict   in die vinstir geriet
Verse: 4    unde sich ze gote becherte   unde widir sinnet ze dem warem liehte,
Verse: 5    daz Christus ist geheizzen,   do lut der tievil agelaizze
Verse: 6    beidiu tage unde naht   mit ubilicher chraft
Verse: 7    unde suochot sin muos,   daz er da vlos.
Verse: 8    do der mennisc, der got was zart,   von noten erloset wart.

Verse: V5    53,5 luot M.

Paragraph: 3
Strophe: 54
Verse: 1    Der wilde Esil lut niht vil,   wan so er ezzen wil,
Verse: 2    also der sælige Job quit:   "daz ist ane sache niht,
Verse: 3    daz der Onager lut".   Sanctus Paulus uns chunt tuot:
Verse: 4    "wachet, wan der tievil, der da ist harte   iur widirwarte
Verse: 5    vert umbe also der rohunde Lewe,   suochet, wen er verslichen mege."

Verse: V1    54,1 esil (!) M.; luot M.
Verse: V2    54,2 chod M.
Verse: V3    54,3 luot M.; Sanctus mit Initiale M.

This text is part of the TITUS edition of Physiologus: Millstaetter Handschrift (Verse arrangement).

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.