TITUS
Biblia Udica, Versio Nizhensis: Vetus Testamentum
Part No. 40
Previous part

Chapter: 40 

ω͑vel čadəra girbsun q̇a šoṭo ə͑velbsun
Ǐvel çadıra girbsun q'a şot'o ı̌velbsun


Verse: 1  Link to rat Oša Q̣ONƷ́UĠON Moiseya pine:
   Oşa Q'ONČUĞON Moiseya pine:

Verse: 2  Link to rat "Samǯi xaše samǯi ġine ə͑vel čadəra, yäni iräziluġi čadəra girba.
   "Samci xaşe samci ğine ı̌vel çadıra, yəni irəziluği çadıra girba.

Verse: 3  Link to rat Iräziluġi sanduġa čadəri boš laxi pärdinen iz be͑śṭan buṭḳa.
   İrəziluği sanduğa çadıri boş laxi pərdinen iz běšt'an but'k'a.

Verse: 4  Link to rat Oša isṭola ečeri iz loxol lazəm bakala šeyurxo laxa. Pisosa eča, čiraġxoval iz loxol laxa.
   Oşa ist'ola eçeri iz loxol lazım bakala şeyurxo laxa. Pisosa eça, çirağxoval iz loxol laxa.

Verse: 5  Link to rat Buxur boḳospseynaḳ bakala q̇əzəli q̇urban ečala ganu iräziluġi sanduġi be͑ś laxa. Čadəri baġala gala pärdinäl suruḳṗa.
   Buxur bok'ospseynak' bakala q'ızıli q'urban eçala ganu irəziluği sanduği běš laxa. Çadıri bağala gala pərdinəl suruk'p'a.

Verse: 6  Link to rat Boḳospsuni q̇urbanxoynaḳ bakala q̇urban ečala ganu ə͑vel čadəri - iräziluġi čadəri baġala gane be͑ś laxa.
   Bok'ospsuni q'urbanxoynak' bakala q'urban eçala ganu ı̌vel çadıri - irəziluği çadıri bağala gane běš laxa.

Verse: 7  Link to rat Läänä ə͑vel čadəri q̇a ṭe q̇urban ečala gane arane laxa, iz bošal xe bapa.
   Ləənə ı̌vel çadıri q'a t'e q'urban eçala gane arane laxa, iz boşal xe bapa.

Verse: 8  Link to rat Čadəri härrämine määlä düzba, baġala gane pärdinäl suruḳṗa.
   Çadıri hərrəmine məələ düzba, bağala gane pərdinəl suruk'p'a.

Verse: 9  Link to rat Oša lä͑ä͑msṭeynaḳ bakala č̣äyinä exṭi ə͑vel čadəra saal iz bona bakala här šeya lä͑ä͑mda. Metär, šoṭo saal bütüm iz lazəm bakala šeyurxo ə͑velba ki, šoroxal ə͑velq̇aṭun baki.
   Oşa lə̌ə̌mst'eynak' bakala c'əyinə ext'i ı̌vel çadıra saal iz bona bakala hər şeya lə̌ə̌mda. Metər, şot'o saal bütüm iz lazım bakala şeyurxo ı̌velba ki, şoroxal ı̌velq'at'un baki.

Verse: 10  Link to rat Boḳospsuni q̇urbanxoynaḳ bakala q̇urban ečala ganu, šoṭo lazəm bakala šeyurxoval lä͑ä͑mdi ə͑velba ki, šo ə͑velxoy ə͑veloq̇an baki.
   Bok'ospsuni q'urbanxoynak' bakala q'urban eçala ganu, şot'o lazım bakala şeyurxoval lə̌ə̌mdi ı̌velba ki, şo ı̌velxoy ı̌veloq'an baki.

Verse: 11  Link to rat Läänä saal šoṭay laxala ganu č̣äyin lä͑ä͑mdi ə͑velba.
   Ləənə saal şot'ay laxala ganu c'əyin lə̌ə̌mdi ı̌velba.

Verse: 12  Link to rat Oša Aarona saal šoṭay ġarmoġo ə͑vel čadəri baġala gala ečeri xenen oc̣ḳa.
   Oşa Aarona saal şot'ay ğarmoğo ı̌vel çadıri bağala gala eçeri xenen os'k'a.

Verse: 13  Link to rat Aarona ə͑vel paltarxo lapesṭa. Šoṭo č̣äyin lä͑ä͑mdi ə͑velba ki, Zaynaḳ be͑yinśluġq̇anbi.
   Aarona ı̌vel paltarxo lapest'a. Şot'o c'əyin lə̌ə̌mdi ı̌velba ki, Zaynak' běyinšluğq'anbi.

Verse: 14  Link to rat Oša Aaroni ġarmoġo ečeri šoṭoġo guraṭ lapesṭa.
   Oşa Aaroni ğarmoğo eçeri şot'oğo gurat' lapest'a.

Verse: 15  Link to rat Ičoġoy bava č̣äyin lä͑ä͑mdi ḳinäḳ šoṭoġoval č̣äyin lä͑ä͑mda ki, Zaynaḳ be͑yinśluġq̇aṭunbi. Me lä͑ä͑msṭun šo \ upsune ki, be͑yinśluġbsun šoṭoġoy näsilä hämišäluġe tadece".
   İçoğoy bava c'əyin lə̌ə̌mdi k'inək' şot'oğoval c'əyin lə̌ə̌mda ki, Zaynak' běyinšluğq'at'unbi. Me lə̌ə̌mst'un şo \ upsune ki, běyinšluğbsun şot'oğoy nəsilə həmişəluğe tadeśe".

Verse: 16  Link to rat Moiseyenal Q̣ONƷ́UĠON iču ämirbi ḳinäḳ bine.
   Moiseyenal Q'ONČUĞON içu əmirbi k'inək' bine.

Verse: 17  Link to rat Israilluġoy Misiräxun č̣eysun ṗä͑mǯi usena baġaṭan, ṭe useni samǯi xaše samǯi ġine ə͑vel čadər laxeci.
   İsrailluğoy Misirəxun c'eysun p'ə̌mci usena bağat'an, t'e useni samci xaşe samci ğine ı̌vel çadır laxeśi.

Verse: 18  Link to rat Moiseyen čadəra girebi: čärčivoġo ičoġoy oq̇a bakala laxala ganxoxun osṭaarebi, pešṭuvanxo saal sütünxone alabi.
   Moiseyen çadıra girebi: çərçivoğo içoğoy oq'a bakala laxala ganxoxun ost'aarebi, peşt'uvanxo saal sütünxone alabi.

Verse: 19  Link to rat Ošaal ə͑vel čadəri looxun buṭḳi iz looxun ṗä͑mǯi saal xibimǯi q̇atal lanexi. Q̣ONƷ́UĠON Moiseya ämirbi ḳinäḳäl baneki.
   Oşaal ı̌vel çadıri looxun but'k'i iz looxun p'ə̌mci saal xibimci q'atal lanexi. Q'ONČUĞON Moiseya əmirbi k'inək'əl baneki.

Verse: 20  Link to rat Moṭoxun oša šoṭin Iräziluġi cama exṭi sanduġi boše laxi. Duruṭxo sanduġa laveḳi, baġəšlayinšbsuni q̇apaġal sanduġi loxole laxi.
   Mot'oxun oşa şot'in İrəziluği śama ext'i sanduği boşe laxi. Durut'xo sanduğa lavek'i, bağışlayinşbsuni q'apağal sanduği loxole laxi.

Verse: 21  Link to rat Sanduġa ə͑vel čadəri boš ečeri ə͑vel ganu än ə͑vel ganuxun ǯöybala pärdinä suruḳṗi iräziluġi sanduġi be͑śṭan bineq̇i. Q̣ONƷ́UĠON Moiseya hetär ämirbeneysa haṭetäräl baneki.
   Sanduğa ı̌vel çadıri boş eçeri ı̌vel ganu ən ı̌vel ganuxun cöybala pərdinə suruk'p'i irəziluği sanduği běšt'an bineq'i. Q'ONČUĞON Moiseya hetər əmirbeneysa hat'etərəl baneki.

Verse: 22  Link to rat Isṭola ečeri ə͑vel čadəri boš, q̇uzey täräf, pärdin be͑ś lanexi.
   İst'ola eçeri ı̌vel çadıri boş, q'uzey tərəf, pərdin běš lanexi.

Verse: 23  Link to rat Šumal šoṭay loxol, Q̣ONƷ́UĠOY be͑ś lanexi. Q̣ONƷ́UĠON Moiseya ämirbi ḳinäḳäl baneki.
   Şumal şot'ay loxol, Q'ONČUĞOY běš lanexi. Q'ONČUĞON Moiseya əmirbi k'inək'əl baneki.

Verse: 24  Link to rat Pisosa isä ə͑vel čadəri boš, isṭolaxun ćobaćo, čadəri güneyi täräfe laxi.
   Pisosa isə ı̌vel çadıri boş, ist'olaxun ç̌obaç̌o, çadıri güneyi tərəfe laxi.

Verse: 25  Link to rat Čiraġxoval pisosi loxol, Q̣ONƷ́UĠOY be͑ś lanexi. Q̣ONƷ́UĠON Moiseya ämirbi ḳinäḳäl baneki.
   Çirağxoval pisosi loxol, Q'ONČUĞOY běš lanexi. Q'ONČUĞON Moiseya əmirbi k'inək'əl baneki.

Verse: 26  Link to rat Q̣əzəli q̇urban ečala ganuval ə͑vel čadəri boš, pärdin be͑ś laxi
   Q'ızıli q'urban eçala ganuval ı̌vel çadıri boş, pərdin běš laxi

Verse: 27  Link to rat šoṭay loxol adeġala buxure boḳosṗi. Q̣ONƷ́UĠON Moiseya ämirbi ḳinäḳäl baneki.
   şot'ay loxol adeğala buxure bok'osp'i. Q'ONČUĞON Moiseya əmirbi k'inək'əl baneki.

Verse: 28  Link to rat Čadəri baġala gala pärdäne suruḳṗi.
   Çadıri bağala gala pərdəne suruk'p'i.

Verse: 29  Link to rat Boḳospsuni q̇urbanxoynaḳ bakala q̇urban ečala ganuval exṭi ə͑vel čadəri, yäni iräziluġi čadəri baġala ganu ə͑śa lanexi; šoṭay loxol boḳospsuni q̇urbanxo q̇a taxəli payurxone ečeri. Q̣ONƷ́UĠON Moiseya ämirbi ḳinäḳäl baneki.
   Bok'ospsuni q'urbanxoynak' bakala q'urban eçala ganuval ext'i ı̌vel çadıri, yəni irəziluği çadıri bağala ganu ı̌ša lanexi; şot'ay loxol bok'ospsuni q'urbanxo q'a taxıli payurxone eçeri. Q'ONČUĞON Moiseya əmirbi k'inək'əl baneki.

Verse: 30  Link to rat Läänä ə͑vel čadəri saal q̇urban ečala gane arane laxi iz boš be͑yinśxoy pak bakseynaḳ xene bapi.
   Ləənə ı̌vel çadıri saal q'urban eçala gane arane laxi iz boş běyinšxoy pak bakseynak' xene bapi.

Verse: 31  Link to rat Moiseyen, Aaronen saal iz ġarmoġon ṭeṭiya ičoġoy kula-turaṭun oc̣ksay.
   Moiseyen, Aaronen saal iz ğarmoğon t'et'iya içoğoy kula-turat'un os'ksay.

Verse: 32  Link to rat Šoṭoġon ə͑vel čadəra baġaṭan saal q̇urban ečala ganu ə͑śalayinšakaṭan moṭo bsaṭuniy. Q̣ONƷ́UĠON Moiseya ämirbi ḳinäḳäl baneki.
   Şot'oğon ı̌vel çadıra bağat'an saal q'urban eçala ganu ı̌šalayinşakat'an mot'o bsat'uniy. Q'ONČUĞON Moiseya əmirbi k'inək'əl baneki.

Verse: 33  Link to rat Moiseyen čadəri q̇a q̇urban ečala gane härräminä bineq̇i, määlin baġala gane pärdinäl suruḳebi. \ Metärluġen, Moiseyen äšurxo čareḳi
   Moiseyen çadıri q'a q'urban eçala gane hərrəminə bineq'i, məəlin bağala gane pərdinəl suruk'ebi. \ Metərluğen, Moiseyen əşurxo çarek'i



ω͑vel čadəri loxol eġala asoy
Ǐvel çadıri loxol eğala asoy



(Amc̣i oć. 9:15-23Link to udntv)
(Ams'i oç̌. 9:15-23Link to udntv)


Verse: 34  Link to rat Ṭe vädine asoyen iräziluġi čadəra bäč̣ürepi, Q̣ONƷ́UĠONAL Izi tamtaraġen q̇a kalaluġen ə͑vel čadəra buyebi. *
   T'e vədine asoyen irəziluği çadıra bəc'ürepi, Q'ONČUĞONAL İzi tamtarağen q'a kalaluğen ı̌vel çadıra buyebi. *

Verse: 35  Link to rat Moisey iräziluġi čadəra bayes tene baki, šoṭaynaḳ ki, asoy čadəri loxoley, Q̣ONƷ́UĠON Izi \ tamtaraġen q̇a kalaluġen čadəra buybeney.
   Moisey irəziluği çadıra bayes tene baki, şot'aynak' ki, asoy çadıri loxoley, Q'ONČUĞON İzi \ tamtarağen q'a kalaluğen çadıra buybeney.

Verse: 36  Link to rat Israilluyox ṭe asoy čadəri loxolxun ala e͑qeġaṭanṭun yaq̇ č̣eysay; *
   İsrailluyox t'e asoy çadıri loxolxun ala ěqeğat'ant'un yaq' c'eysay; *

Verse: 37  Link to rat Q̣ONƷ́UĠOY asoy nu e͑qeġaṭan isä, yaq̇ teṭun č̣eysay, ṭe asoyi e͑qesunaṭun yaq̇be͑ġsay.
   Q'ONČUĞOY asoy nu ěqeğat'an isə, yaq' tet'un c'eysay, t'e asoyi ěqesunat'un yaq'běğsay.

Verse: 38  Link to rat Metärluġen, ġenaxun me asoy čadəri loxoley, üše isä ṭe asoyi boš aruxe boksay, israilluġonal moṭo ičoġoy piin aṭunksay. Heq̇ädär ki šorox amc̣i oćalaṭuniy, mo metärey.
   Metərluğen, ğenaxun me asoy çadıri loxoley, üşe isə t'e asoyi boş aruxe boksay, israilluğonal mot'o içoğoy piin at'unksay. Heq'ədər ki şorox ams'i oç̌alat'uniy, mo metərey.





Next part


This text is part of the TITUS edition of Biblia Udica, Versio Nizhensis: Vetus Testamentum.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.