TITUS
Old-Prussian Corpus
Part No. 24
Previous part

Part: Tab.Scr.  
Paragraph: Inc.   Link to aprdt Link to aprdt Link to apreuss Link to alett Link to vilentas Link to lysius
Page: 85  
Line: 16  Stai Buttas Ta=
Line: 17  pali *98 Delli billíſna *99 pra wiſſans
Line: 18  Swintans Enteikúſnans bhe bouſenniens
Line: 19  prakawídans ſtanſſubbans / káigi per ai=
Line: 20  nan *100 mukínſnan tenneiſon perſtal=
Line: 21  líſnas bhe ſchluſiſnas prei
Line: 22  poſkulít.

Paragraph: Episc.   Link to aprdt Link to aprdt Link to apreuss Link to alett Link to vilentas Link to lysius
Page: 85  
Line: 23  Steimans Bíſkopins Pappans
Line: 24  bhe Preddikerins.

Line: 25  J iij Ein


________________________________


Page: 87  
- 87 -

Line: 1     Ains Bíſkops turei niebwinúts búton / Aina=
Line: 2    ſſei gennas wijrs / Alkíns / Ráms / Auláikings / Rei=
Line: 3    dewaiſines / Mukinewis / Kai ains Butſargs Dei=
Line: 4    was ni ains rundijls / ni grénſings / ni niteiſíngiſkan
Line: 5    díſeitiſkan *101 guntwei / Schláit preitlángus / niríge=
Line: 6    wings / ni áúgus *102 / kas ſwaiáſmu ſupſei buttan lab=
Line: 7    bai perſtallé / kas bokluſmans *103 malnijkans turei / ſen
Line: 8    wiſſan teiſiwingiſkan ni ains nauníngs kas noſtan
Line: 9    wirdan láiku / kawíds arwis aſt / bhe mukint maſſi /
Line: 10    noſtan kai tans ſparts aſtits prei paſkulíton / pra=
Line: 11    ſtan Rettíweniſkan mukinſnan / bhe pro pobaiint
Line: 12    ſtans emprijki waitiaintins / I. Timot. 3. Tito. 1.


Paragraph: Ausc.   Link to aprdt Link to aprdt Link to apreuss Link to alett Link to vilentas Link to lysius
Page: 87  
Line: 13  Ka ſtai Crixtianai ſwáimans
Line: 14  Mukinnewingins bhe Dú=
Line: 15  ſaiſurgawingi *104 preiſeg=
Line: 16  gít ſkellántai aſt.

Line: 17     Jdaiti bhe poieiti ka tennei turri / beggi ains
Line: 18    dílants aſt ſwaiſei álgas werts / Lucas en deſſimton
Line: 19    palaſinſnon. Stas Rikijs aſt polaipinnons / kai
Line: 20    ſtai quai ſtan Ebangelion pogerdawie / Turei ſien
Line: 21    eſſeſtan Ebangelion maitátunſin / I. Corint. 9.
Line: 22     Kas pomukints wírſt ſen ſteſmu wirdan / ſtes
Line: 23    dellieis ſteſmu kas ſtan mukinna / ni kurteiti ains án-
Line: 24    tran / Deiws ni daſt ſien bebbint / Gallat. 6.
Line: 25     Stans Vraiſans / quai labbai perſtalle / láiku=
Line: 26    tei dwigubbus teiſis werts / bhe Schkláits quai
Line: 27    ſtwi gewinna en wirdan / bhe enſtan mukinſnan /


Line: 28  Denn


________________________________


Page: 89  
- 89 -

Line: 1     Beggi ſtwi bille ſtai peiſálei tu turei ſteſmu kur=
Line: 2    wan kas arrien tláku ni ſtan áuſtin perréiſt bhe ains
Line: 3    dílants aſt ſwaiſei álgas werts / En pirmonnien /
Line: 4    I. Timoth. 5.
Line: 5     Mes madlimai wans mílai bratríkai / kai ioús
Line: 6    erſinnati / quai énwans gewinna / bhe ioumas per=
Line: 7    ſtallé / enſteſmu Rikijan bhe wans poſkuléwie / turri-
Line: 8    ti dins ſte mijls ſtéiſon dílas paggan / bhe ſeíti packa-
Line: 9    wingi ſen ſtéimans I. Teſſalon. 5.
Line: 10     Klauſieiti ioúſons mukinnewins / bhe rípaiti
Line: 11    tennéimans / beggi tennei budé kirſcha iouſan Du=
Line: 12    ſin / kai quai ſtwi reckenauſnan pérſtan dát turri /
Line: 13    Noſtan kai tennei ſtan ſen tuldíſnan ſeggé / bhe ni
Line: 14    ſen nádewiſin / Beggi ſta ioumas ni aſt labban.


Paragraph: Mag.   Link to aprdt Link to aprdt Link to apreuss Link to alett Link to vilentas Link to lysius
Page: 89  
Line: 15  Eſſe Swítewiſkan
Line: 16  Auckſtimiſkan.

Line: 17     Erains boúſei pokluſman ſteiſei Aucktimmi=
Line: 18    ſkan / quoi warein *105 kirſa din turri / beggi ſtwi aſt ni=
Line: 19    ainá aucktimmiſikai *106 / ſchláits eſſe Deiwan / Quei
Line: 20    adder aina aucktimmiſkú aſt / ſtai aſt eſſe Deiwan
Line: 21    Enteikúton. Kas ſien teinu príki ſtan Auktimmi=
Line: 22    ſkan ſedinna / ſtas empríki ſtallé Deiwas enteikú=

Line: 23  ſnan / Quai adder empríki ſtalle / wírſt kerſcha
Line: 24  ſien ainan lijgan gauuns. Beggi ſtai ni
Line: 25  pídai ſtan kalbían enſus / ſtai aſt
Line: 26  Deiwas ſchlúſnikai / aina Trinta-
Line: 27  winni prei ſúndin / noſtan kas
Line: 28  wargan / ſegge / Roma. 13.
Line: 29 

Line: 30  K Von

________________________________


Page: 91  
- 91 -
Paragraph: Subj.   Link to aprdt Link to aprdt Link to apreuss Link to alett Link to vilentas Link to lysius
Page: 91  
Line: 1  Eſſe Steimans Pokluſmingins.

Line: 2     Dáiti ſteſmu Keiſerin / ka ſteiſei Keiſerin aſt /
Line: 3    Matthe. 22.
Line: 4     Tít ſeiti ténti is nautin pokluſman / niains ſte=
Line: 5    ſſei ſúndis paggan / ſchlaits digi ſteiſei Powaiſen=
Line: 6    nis paggan / Steſſepaggan turriti ious dígi kaſſin
Line: 7    dát / beggi ſtái aſt Deiwas ſchlúſinikai / quai ſtawi=
Line: 8    dan abſergíſnan turri erlaikút / Tít daiti teinu erai=
Line: 9    neſmu / kai ioús ſkellánts aſtai / Kaſſin / kaſmu ſtas
Line: 10    kaſſchis perlánki / Tollin kaſmu ſtas Tols perlánki
Line: 11    Teiſin kaſmu ſtai teiſi perlánki / Roma. 13.

Line: 12     Tít paſkulé as teinu / kai dei pirſdau wiſſan po-
Line: 13    wijſtin / En pirmannin ſegge / Madlan Pra madlin *107
Line: 14    bhe Dínkauſegíſnan / per wiſſans ſmunentins / pér=
Line: 15    ſtans Wáldnikans bhe Per wiſſan Aucktimmiſkan /
Line: 16    Noſtan kai mes ainan packíwingiſkan bhe tuſnan
Line: 17    gíwan weſt maſſimai / en wiſſan Deiwutiſkan / bhe
Line: 18    Teiſiſkan / Beggi ſta aſt labban / bhe dijgi enimumne *108
Line: 19    príki Deiwan / nouſeſmu pogálbenikan / I. Timo. 2.

Line: 20     Poſkuleis tennans / kai ſtai ſteſmu Miſtran
Line: 21    bhe ſteiſe Auktimmiſkan pokluſmai bhe poſeggíwin=
Line: 22    gi *109 boúſei / Tito. 3.

Line: 23     Seíti pomettíwingi / wiſſai ſmúneniſku entei=
Line: 24    kúſnan / eſſe ſteſſe Rikijas paggan Sta bouſei ſte=
Line: 25    ſmu Waldniku káigi ſteſmu Aucktimmien / adder
Line: 26    ſteſmu Hoͤfftmannin / Káigi ſteſmu / pertengnin=


Line: 27  K ij geſandten


________________________________


Page: 93  
- 93 -

Line: 1    pertengninton *110 eſſe ſteſmu pri trinſnan noſtans war=
Line: 2    guſeggíentins / bhe prei girſnan ſteimans labbans /
Line: 3    I. Petri am 2.


Paragraph: Vir.   Link to aprdt Link to aprdt Link to apreuss Link to alett Link to vilentas Link to lysius
Page: 93  
Line: 4  Steimans Sallúbaiwírins.

Line: 5     Jaús Wijrai buwinanti *111 prei ioúſans gennans
Line: 6    ſen iſſpreſnán bhe dáiti ſteiſmu genneniſkan / káigi
Line: 7    ſteſmu vcka kuſlaiſin dijlapagaptin / ſwaian teiſin
Line: 8    kaige ſendraugiwéldnikai ſteiſei etníſtin / ſteſſe gí=
Line: 9    was / noſtan kai iouſá madliſna ni andeiánſts *112 wírſt
Line: 10    I. Petri 3. Bhe ni aſtai kártai kríki *113 tennans / Colo. 3.


Paragraph: Uxor.   Link to aprdt Link to aprdt Link to apreuss Link to alett Link to vilentas Link to lysius
Page: 93  
Line: 11  Steímans Sallúbi gennámans.

Line: 12     Stai Gennai boúſei poklúſmingi ſwaiſei Wí=
Line: 13    rans / káigi ſteſmu Rikijan / kai Sara Abraham po=
Line: 14    klúſmai bhe bebillé *114 din Rikijs / kawijdſa duckti *115 ious
Line: 15    poſtáuns aſti / ikai ious labban ſeggéti / bhe ni tijt
Line: 16    búrai aſti / I. Petri 3.


Paragraph: Par.   Link to aprdt Link to aprdt Link to apreuss Link to alett Link to vilentas Link to lysius
Page: 93  
Line: 17  Stéimans Vraiſins.

Line: 18     Jous Tawai ni tenſeiti ioúſans malnikans
Line: 19    prei nertien / kai ſtai ni dúrai poſtánai / Schlait po=
Line: 20    auginneiti ſtans / en Kanxtiſku preiſtan Rikijan /
Line: 21    Ephe. 6.


Paragraph: Lib.   Link to aprdt Link to aprdt Link to apreuss Link to alett Link to vilentas Link to lysius
Page: 93  
Line: 22  Eſſe Steimans Malneijkans.

Line: 23     Joús Malnijkai ſeiti pokluſmingi ioúſmu
Line: 24    vraiſin en Rikijan / beggi ſta aſt preiſtallíwingi /


Line: 25  K iij Ehre


________________________________


Page: 95  
- 95 -

Line: 1    Smuninais Tawan bhe Mutien / Sta aſt ſtas pir=
Line: 2    monnis pallaips kuwijds *116 potaukíſnan turei iſſpret-
Line: 3    tíngi / kai tebbei labben éit / bhe ilga gíwaſi noſem=
Line: 4    mien / Ephe. 6.


Paragraph: Serv.   Link to aprdt Link to aprdt Link to apreuss Link to alett Link to vilentas Link to lysius
Page: 95  
Line: 5  Steimans Waikammans Mer=
Line: 6  gúmans Deináalgenika=
Line: 7  mans bhe Dílnikans.

Line: 8     Jous Waikai ſeiti pokluſmai / iouſon kerme=
Line: 9    neniſkans Rikijans / ſen biáſnan bhe dirbinſnan / bhe
Line: 10    Lángiſeiliſkan iouſai ſíras káigi / Chriſto ſubbſmu /
Line: 11    ni ſen ſchluſien terains pirſchdau ackins / káigi ſtei=
Line: 12    mans ſmunentins prei podingan / ſchláits kaigj *117 ſtai
Line: 13    waikui *118 Chriſti / kai ious ſtawidan quáitin Deiwas
Line: 14    ſeggítei eſſe ſíran / ſen labban quáitin / Daiti ioumas
Line: 15    pomírit / kai ious ſteſmu Rikijan / bhe ni ſteimans
Line: 16    ſmunentins ſchlúſiti / bhe waiditi / kai erains labban
Line: 17    ſegge / ſtan wírſt tans pogauuns / ſtas bouſai waix
Line: 18    adder powírps.


Paragraph: Fam.   Link to aprdt Link to aprdt Link to apreuss Link to alett Link to vilentas Link to lysius
Page: 95  
Line: 19  Steimans Butta Rikians bhe
Line: 20  Bnttas *119 waiſpattin.

Line: 21     Jous Rikijai / ſeggíta ſtanſubban Deigi prí=
Line: 22    kin tennans / bhe powiérptei iouſon trénien / bhe wai-
Line: 23    diti / kai ioús dijgi ainan Rikijan endangon turriti /
Line: 24    bhe aſt pirſdau ſteſmu ni aina endiriſna ſteiſon
Line: 25    ſmúni *120.

Line: 26  Der


________________________________


Page: 97  
- 97 -
Paragraph: Juv.   Link to aprdt Link to aprdt Link to apreuss Link to alett Link to vilentas Link to lysius
Page: 97  
Line: 1  Steiſmo Perónin Maldúnin.

Line: 2     Jous Maldai ſeiti pokluſman ſteimans vrai=
Line: 3    ſins / bhe powaidinneiti en ſteſmu ſtan láuſtíngiſkan
Line: 4    beggi Deiws empríkiſtallaé *121 ſteimans labbatíngins /
Line: 5    Adder ſteimans Láuſtingins daſt tans etníſtin /
Line: 6    Steſſepaggan lauſtineiti wans teinu / póſtan ware=
Line: 7    wingin ránkan Deiwas / kai tans wans erlángi prei
Line: 8    ſwaian kérdan / I. Petri 5.


Paragraph: Vid.   Link to aprdt Link to aprdt Link to apreuss Link to alett Link to vilentas Link to lysius
Page: 97  
Line: 9  Steimans Widdewúmans.

Line: 10     Kawida aina tickra widdewú bhe ainaſeilin=
Line: 11    gi *122 aſt / ſtai ſaddinna ſwaian auſchaudiſnan no
Line: 12    Deiwan / bhe polínka en madlin / deinan bhe nackti=
Line: 13    en / kawida adder en labbaiquoitíſnan giwa / ſta aſt
Line: 14    giwántei aulauſe / I. Teſſalo. 5.


Paragraph: Comm.   Link to aprdt Link to aprdt Link to apreuss Link to alett Link to vilentas Link to lysius
Page: 97  
Line: 15  Steiſmu Piru.

Line: 16     Mijlis twaian Tawiſen kai tien ſubban enſteſ-
Line: 17    mu wirdai aſt wiſſai pallaipſai entenſítei / Rom. 3.
Line: 18    Bhe enláikuti ſen madlan prei wiſſans ſmunenti=
Line: 19    naus *123 / I. Timoth. 2.


Line: 20  Erains mukinſuſin *124 ſwaian mukinſnan /
Line: 21  Tít wírſt labbai ſtalliuns enſtan buttan.

Line: 22  L Ein


________________________________


Page: 99  
- 99 -
Next part


This text is part of the TITUS edition of Old-Prussian Corpus.

Copyright TITUS Project, Frankfurt a/M, 10.12.2008. No parts of this document may be republished in any form without prior permission by the copyright holder.