TITUS
Armenian NT (Zohrab Bible)
Part No. 95
Previous part

Chapter: 6  
ԳԼՈՒԽ Զ՜.


Section: 7  
Verse: 1   Link to gnt   Եւ յաւուրսն յայնոսիկ ՛ի բազմանալ աշակերտացն՝ եղեւ տրտո́ւնջ յունացն առ հեբրայեցիսն. զի արհամարհեա́լ լինէին ՛ի պաշտամանն հանապազորդի այրիք նոցա։

Verse: 2   Link to gnt   
Կոչեցին երկոտասանքն զբազմու(թ)ի(ւն) աշակերտա́ցն՝ եւ ասեն. ո́չ է հաճոյ թողուլ մեզ զբանն ա(ստուածո)յ՝ եւ պաշտել զսեղանն։

Verse: 3   Link to gnt   
ընտրեցէ́ք ե́ղբարք վկայեալս ՛ի ձենջ արս եւթն, զորս կացուսցո́ւք ՛ի վերայ պիտոյիցս այսոցիկ.

Verse: 4   Link to gnt   
եւ մեք՝ աղօթի́ց եւ պաշտաման եւ բանի́ն հպատա́կ լիցուք։

Verse: 5   Link to gnt   
Եւ հաճո́յ թուեցաւ բանն առաջի ամենայն բազմու(թ)ե(ան)ն։ եւ ընտրեցին զստեփանոս, այր՝ լի́ հաւատով՝ եւ հոգւով սրբով, եւ զփիլի́պպոս, եւ զպրոքորոն, եւ զնիկանովրա́յ, եւ զտիմովնա́յ, եւ զպարմենա́յ, եւ զնիկողայո́ս զեկն անտիոքացի։

Verse: 6   Link to gnt   
զորս կացուցին առաջի առաքելոցն, եւ աղօթս արարեալ՝ եդին ՛ի վերայ ն(ո)ց(ա) զձեռս։

Verse: 7   Link to gnt   
Եւ բա́նն ա(ստուածո)յ աճէր. եւ բազմանա́յր թիւ աշակերտելոցն յոյժ յե(րուսաղէ)մ։ եւ բազում ժողովք ՛ի քահանայիցն անսայի́ն հաւատոցն։
Section: 8  
Passage: 2-2 
Verse: 8   Link to gnt   
Ստեփանոս այր՝ լի́ շնորհօք եւ զօրութ(եամ)բ, առնէր արուեստս եւ նշա́նս մեծամեծս ՛ի ժողովրդեանն։

Verse: 9   Link to gnt   
Յարեան ոմանք ՛ի ժողովրդենէն, որ կոչէր լիբեացւոց՝ եւ կիւրենացւոց՝ եւ աղեքսանդրացւոց՝ եւ որ ՛ի կիլիկեցւոց՝ եւ յասիա, վիճե́լ ընդ ստեփանոսի.

Verse: 10   Link to gnt   
եւ ո́չ կարէին զդէմ ունել զիմաստութե(ա)ն եւ զհոգւոյն, որով խօսէր։

Verse: 11   Link to gnt   
Յայնժամ հրապուրեցին ա́րս ոմանս ասե́լ զնմանէ, թէ լուաք զդորա խօսել բանս հայհոյութե(ան) ՛ի մովսէս եւ յա(ստուա)ծ։

Verse: 12   Link to gnt   
Եւ խրովեցի́ն զժողովուրդն եւ զերիցունսն եւ զդպիրսն. եւ հասեալ ՛ի վերայ յափշտակեցի́ն զնա՝ եւ ածի́ն յատեանն։

Verse: 13   Link to gnt   
Եւ կացուցին վկայս սո́ւտս որ ասէին, այրս այս ո́չ դադարէ խօսել բանս հայհոյու(թ)ե(ան) զտեղւոյն սրբոյ՝ եւ զօրինացն։

Verse: 14   Link to gnt   
լուա́ք ՛ի դմանէ զի ասէր, թէ յ(իսու)ս նազովրեցի՝ նա́ քակեսցէ զտեղիս զայս, եւ փոխեսցէ զօրէնսս զոր ետ մեզ մովսէս։

Verse: 15   Link to gnt   
Եւ հայեցեալ ՛ի նա ամենեցուն որ նստէին յատենին, տեսին զերեսս ն(ո)ր(ա) իբրեւ զերեսս հրեշտակի։



Next part



This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.