TITUS
Avestan Corpus
Part No. 99
Previous part

Chapter: 5 
Paragraph: 1 
Verse: a    nā. tat̰. para.iriϑiieiti.
Verse: b       auui.1 jąfnauuō. raonąm.
Verse: c    ā. tat̰. mərəγəm. uzuuazaite.2
Verse: d       haca. barəṣ̌nauuō.3 gairinąm.
Verse: e       auui.1 jąfnauuō. raonąm.
Verse: f    upa. tąm.4 kəhrpəm. fraŋuharaiti.
Verse: g       yąm. iristahe. maš́iiehe:
Verse: h    5ā. tat̰. mərəγəm. uzuuazaite.2
Verse: i       haca. jąfnauuō.6 raonąm.
Verse: j       auui. barəṣ̌nauuō. gairinąm.5
Verse: k    upa. tąm. vanąm. vazaite.
Verse: l       xraožduuanąmca. varəduuanąmca.7
Verse: m          auui. dim. vaṇta.8
Verse: n          auui. dim. irita.9
Verse: o          auui. dim. patita.10

Paragraph: 2 
Verse: a    nā. tat̰. fraṣ̌usaiti.1
Verse: b       haca. jąfnauuō. raonąm.
Verse: c       auui. barəṣ̌nauuō. gairinąm.
Verse: d    upa. tąm. vanąm. aēiti.2
Verse: e       yąm. hō.3 mərəγō.
Verse: f    āϑre. aēsmąn.4 iṣ̌aiti:5
Verse: g       auui. dim. janaiti.6
Verse: h       auui. dim. ϑβərəsaiti.
Verse: i       auui. dim. tāšti.
Verse: j       auui. dim. aiβi.raocaiieiti.
Verse: k          āϑrō. ahurahe. mazdā̊. puϑrəm.7
Verse: l    kā. hē. asti. ciϑa.

Paragraph: 3 
Verse: a    āat̰. mraot̰. ahurō. mazdā̊:
Verse: b    nōit̰. spō.bərətō.
Verse: c       nōit̰. vaiiō.bərətō.
Verse: d       nōit̰. vəhrkō.bərətō.
Verse: e       nōit̰. vātō.bərətō.
Verse: f       nōit̰. maxṣ̌i.bərətō.
Verse: g          nasuš. narəm. nōit̰. āstriieiti.1

Paragraph: 4 
Verse: a    yezica. aēte. nasāuuō.
Verse: b       yā. spō.bərətaca.
Verse: c       vaiiō.bərətaca.
Verse: d       vəhrkō.bərətaca.
Verse: e       vātō.bərətaca.
Verse: f       maxṣ̌i.bərətaca.
Verse: g          nasuš. narəm. āstriieiṇtīm.1 ā̊ŋhāt̰.
Verse: h    iṣ̌arə.štāitiia. mē. vīspō. aŋhuš. astuuā̊.
Verse: i          iṣ̌asəm. 2jit̰.aṣ̌əm.
Verse: j       xraodat̰.uruua.3 pəṣ̌ō.tanuš.4
Verse: k    frə̄na.5 ā̊ŋhąm. nasunąm.
Verse: l       yā̊. paiti. āiia. zəmā. irīriϑarə.6

Paragraph: 5 
Verse: a    dātarə. gaēϑanąm. astuuaitinąm. aṣ̌āum.
Verse: b    nā. tat̰. āpəm. hiṇcaiti.1
Verse: c       auui. yauuō.carānīm.2
Verse: d    ana. tā.3 vaiδīm.4 aiiā̊.
Verse: e       ana. bitīm. ana. ϑritīm.
Verse: f    pasca. tūirīm. nasāum. auua.karəṣ̌əṇti.5
Verse: g       spānəm. vā. raožəm. vā. vəhrkəm. vā.
Verse: h    kā. hē. asti. ciϑa.

Paragraph: 6 
Verse: a    āat̰. mraot̰. ahurō. mazdā̊:
Verse: b    nōit̰. spō.bərətō.
Verse: c       nōit̰. vaiiō.bərətō.
Verse: d       nōit̰. vəhrkō.bərətō.
Verse: e       nōit̰. vātō.bərətō.
Verse: f       nōit̰. maxṣ̌i.bərətō.
Verse: g          nasuš. narəm. nōit̰. āstriieiti.1

Paragraph: 7 
Verse: a    yezica. aēte. nasāuuō.
Verse: b       yā. spō.bərətaca.
Verse: c       vaiiō.bərətaca.
Verse: d       vəhrkō.bərətaca.
Verse: e       vātō.bərətaca.
Verse: f       maxṣ̌i.bərətaca.
Verse: g          nasuš. narəm. āstriieiṇtīm.1 ā̊ŋhāt̰.
Verse: h    iṣ̌arə.štāitiia. mē. vīspō. aŋhuš. astuuā̊.
Verse: i          iṣ̌asəm. 2jit̰.aṣ̌əm.
Verse: j       xraodat̰.uruua.3 pəṣ̌ō.tanuš.4
Verse: k    frə̄na.5 ā̊ŋhąm. nasunąm.
Verse: l       yā̊. paiti. āiia. zəmā. irīriϑarə.6

Paragraph: 8 
Verse: a    dātarə. gaēϑanąm. astuuaitinąm. aṣ̌āum.
Verse: b    āfš. narəm. jaiṇti. vā:
Verse: c    āat̰. mraot̰. ahurō. mazdā̊:
Verse: d    āfš. narəm. nōit̰. jaiṇti.
Verse: e    astō. vīδōtuš.1 dim. baṇdaiieiti.
Verse: f    vaiiō. dim. bastəm. naiieiti.
Verse: g       āfš. uzuuazaiti.2
Verse: h       āfš. niuuazaiti.3
Verse: i       āfš. paiti.raēcaiieiti.4
Verse: j    vaiiō. dim. pascaēta. fraŋuharəṇti:
Verse: k       aϑra. aδāt̰. frajasaiti.5
Verse: l       baxta. aδāt̰. nijasaiti.5

Paragraph: 9 
Verse: a    dātarə. gaēϑanąm. astuuaitinąm. aṣ̌āum.
Verse: b    ātarš. narəm. jaiṇti. vā:
Verse: c    āat̰. mraot̰. ahurō. mazdā̊:
Verse: d    ātarš. narəm. nōit̰. jaiṇti.
Verse: e    astaō. vīδōtuš. dim. baṇdaiieiti.
Verse: f    vaiiō. dim. bastəm. naiieiti.
Verse: g    ātarš. haṇdažaiti.1 asta.2 uštānəmca:
Verse: h       aϑra. aδāt̰. frajasaiti.
Verse: i       baxta. aδāt̰. nijasaiti.

Paragraph: 10 
Verse: a    dātarə. gaēϑanąm. astuuaitinąm. aṣ̌āum.
Verse: b    frā. hama. saciṇte.1
Verse: c       aϑa. aiβi.gāme.2
Verse: d    kuϑa. tē. vərəziiąn.
Verse: e       aēte. yōi.3 mazdaiiasna:
Verse: f    āat̰. mraot̰. ahurō. mazdā̊:
Verse: g       nmāne. nmāne.
Verse: h       vīsi. vīsi.4
Verse: i    ϑrāiiō. kata.5 uzdaiϑiiąn.
Verse: j       aētahe. yat̰. iristahe.

Paragraph: 11 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuaṇtō. aŋhən. 1aēte. kata.1
Verse: c       aētahe. yat̰. iristahe:
Verse: d    āat̰. mraot̰. ahurō. mazdā̊:
Verse: e    yat̰. hē. nōit̰. ərəduuō.2 ā̊ŋhanəm. vaγδanəm. upa.janiiāt̰.3
Verse: f       nōit̰. fraṣ̌a.4 pāδaēibiia.
Verse: g       nōit̰. zastaēibiia. vītarəm:5
Verse: h    aēṣ̌ō. zī. asti. dāitiiō. kata.
Verse: i       aētahe. yat̰. iristahe.

Paragraph: 12 
Verse: a    aētaδa. hē. uzbaoδąm. tanūm. nidaiϑiiąn.
Verse: b       bixṣ̌aparəm. vā.
Verse: c       ϑrixṣ̌aparəm. vā.
Verse: d       māzdrājahīm.1 vā.
Verse: e       vīspəm. ā. ahmāt̰.2
Verse: f          yat̰. frā. vaiiō. patąn.
Verse: g          frā. uruuara. uxṣ̌iiąn.3
Verse: h          niiā̊ṇcō. apa.tacin.
Verse: i          us. vātō. ząm. haēcaiiāt̰.

Paragraph: 13 
Verse: a    āat̰. yat̰. hīš.1 frā. vaiiō. patąn.
Verse: b       frā. uruuara. uxṣ̌iiąn.
Verse: c       niiā̊ṇcō. apa.tacin.
Verse: d       us. vātō. ząm. haēcaiiāt̰.
Verse: e    aētaδa. hē. aēte. mazdaiiasna. aētəm. kəhrpəm. huuarə.darəsīm. kərənaot̰.

Paragraph: 14 
Verse: a    yezi. nōit̰. aēte. mazdaiiasna. aētəm. kəhrpəm. huuarə.darəsīm. kərənauuąn.
Verse: b       yārə.drājō.
Verse: c    auuauuaṇtəm. aṣ̌auuaγniiāi.1 tąm. ciϑąm. daēsaiiō.
Verse: d       vīspəm. ā. ahmāt̰. nasunąmca. aiβi.varštanąm.
Verse: e          daxmanąmca.2 aiβi.varštanąm.
Verse: f          hixranąmca.3 aiβi.varštanąm.
Verse: g          vaiianąmca. fraŋuharətanąm.4

Paragraph: 15 
Verse: a    dātarə. gaēϑanąm. astuuaitinąm. aṣ̌āum.
Verse: b    āpəm. zazāhi.
Verse: c          tūm. yō. ahurō. mazdā̊.
Verse: d       zraiiaŋhat̰. haca. vouru.kaṣ̌āt̰.
Verse: e       haϑra. vātəmca. dunmąnca:1

Paragraph: 16 
Verse: a    auui.1 nasūm. vazāhi.
Verse: b          tūm. yō. ahurō. mazdā̊.
Verse: c    upa. daxməm. vazāhi.
Verse: d          tūm. yō. ahurō. mazdā̊.
Verse: e    upa. hixrəm. vazāhi.
Verse: f          tūm. yō. ahurō. mazdā̊.
Verse: g    upa. astəm. frazaiiaiiāhi.2
Verse: h          tūm. yō. ahurō. mazdā̊.
Verse: i    aŋhaiϑīm.3 frafrāuuaiiāhi.
Verse: j          tūm. yō. ahurō. mazdā̊.
Verse: k    tā. haϑra. frafrāuuaiiāhi.
Verse: l       auui. zraiiō. pūitikəm.

Paragraph: 17 
Verse: a    āat̰. mraot̰. ahurō. mazdā̊:
Verse: b    aēuuaϑa. bā. zaraϑuštra.
Verse: c       yaϑa. tūm. ərəzuuō. vaṣ̌aŋhe:1
Verse: d    āpəm. zazāmi.
Verse: e          azəm. yō. ahurō. mazdā̊.
Verse: f       zraiiaŋhat̰. haca. vouru.kaṣ̌āt̰.
Verse: g       haϑra. vātəmca. dunmąnca:2

Paragraph: 18 
Verse: a    auui. nasūm. vazāmi.
Verse: b       azəm. yō. ahurō. mazdā̊.
Verse: c    upa. daxməm. vazāmi.
Verse: d       azəm. yō. ahurō. mazdā̊.
Verse: e    upa. hixrəm. vazāmi.
Verse: f       azəm. yō. ahurō. mazdā̊.
Verse: g    upa. astəm. frazaiiaiiāmi.1
Verse: h       azəm. yō. ahurō. mazdā̊.
Verse: i    aŋhaiϑīm.2 frafrāuuaiiāmi.
Verse: j       azəm. yō. ahurō. mazdā̊.
Verse: k    tā. haϑra. frafrāuuaiiāmi.
Verse: l       auui. zraiiō. pūitikəm.

Paragraph: 19 
Verse: a    tē. hištəṇti.1 γžarə.γžarəṇtīš.2
Verse: b       aṇtarə.3 arəδəm. zraiiaŋhō:
Verse: c    yaoždiia.4 taciṇti.5 āpō.
Verse: d       zraiiaŋhat̰. haca. pūitikāt̰.
Verse: e       auui. zraiiō. vouru.kaṣ̌əm.
Verse: f       auui. vanąm. yąm. huuāpīm:6
Verse: g    aϑra.7 mē. uruuarā̊. raoδəṇti.
Verse: h       vīspā̊. vīspō.sarəδō.
Verse: i          8satauuaitinąm.
Verse: j          hazaŋrauuaitinąm.
Verse: k          baēuuarə.9 baēuuaranąm:10

Paragraph: 20 
Verse: a    tā. haϑra. vīuuāraiiemi.1
Verse: b       azəm. yō. ahurō. mazdā̊.
Verse: c          xvarəϑəmca. naire. aṣ̌aone.
Verse: d          vāstrəmca. gauue. huδā̊ŋhe:2
Verse: e    yauuō.3 mē. maš́iiō. xvarāt̰.4
Verse: f       vāstrəm.5 gauue. huδā̊ŋhe.2

Paragraph: 21 
Verse: a    imat̰. vaŋhō. imat̰. sraiiō.
Verse: b       yaϑa. tūm. ərəzuuō. vaṣ̌aŋhe:1
Verse: c    ā. dim. tā. vaca. rāmaiiat̰.2
Verse: d       ahurō. mazdā̊. aṣ̌auua.
Verse: e          aṣ̌auuanəm. zaraϑuštrəm:
Verse: f    3yaoždā̊. maš́iiāi. aipi.ząϑəm.4 vahišta:5
Verse: g    hā. yaoždā̊.6 zaraϑuštra.
Verse: h       yā. daēna. māzdaiiasniš.7
Verse: i          yō. huuąm.8 aŋhuuąm. yaoždāite.9
Verse: j             humatāišca. hūxtāišca. huuarštāišca.

Paragraph: 22 
Verse: a    dātarə. gaēϑanąm. astuuaitinąm. aṣ̌āum.
Verse: b    cū.1 asti. masiiō.2 vaŋhō. sraiiō.
Verse: c       aētəm. dātəm. yim. vīdōiiūm.3 zaraϑuštri.4
Verse: d          upairi. aniiāiš. srauuāiš.
Verse: e             masanaca. vaŋhanaca. sraiianaca.

Paragraph: 23 
Verse: a    āat̰. mraot̰. ahurō. mazdā̊:
Verse: b    mąnaiiən. bā. spitama. zaraϑuštra.
Verse: c       aētəm. dātəm. yim. vīdōiiūm. zaraϑuštri.1
Verse: d          upairi. aniiāiš. srauuāiš.
Verse: e             masanaca. vaŋhanaca. sraiianaca.
Verse: f       yaϑa. zraiiō. vouru.kaṣ̌əm.
Verse: g          upairi. aniiā̊. āpō.

Paragraph: 24 
Verse: a    mąnaiiən. bā. spitama. zaraϑuštra.
Verse: b       aētəm. dātəm. yim. vīdōiiūm. zaraϑuštri.1
Verse: c          upairi. aniiāiš. srauuāiš.
Verse: d             masanaca. vaŋhanaca. sraiianaca.
Verse: e       yaϑa. masiiaiiā̊.2 āfš.
Verse: f          kasiiaŋhąm.3 apąm. auui. frādauuaiti:4
Verse: g    mąnaiiən. bā. spitama. zaraϑuštra.
Verse: h       aētəm. dātəm. yim. vīdōiiūm. zaraϑuštri.1
Verse: i          upairi. aniiāiš. srauuāiš.
Verse: j             masanaca. vaŋhanaca. sraiianaca.
Verse: k       yaϑa. masiiaiiā̊.2 vana.
Verse: l          kasiiaŋhąm. vanąm. aiβi.vərənuuaiti.5

Paragraph: 25 
Verse: a    mąnaiiən. bā. spitama. zaraϑuštra.
Verse: b       aētəm. dātəm. yim. vīdōiiūm. zaraϑuštri.
Verse: c          upairi. aniiāiš. srauuāiš.
Verse: d             masanaca. vaŋhanaca. sraiianaca.
Verse: e       yaϑa. imąm. ząm.
Verse: f          āca. pairica. buuāuua.1

Paragraph: 26 
Verse: a    aoxtō. ratuš. aoxtō. sraoṣ̌āuuarəzō.
Verse: b       uzgərəptāt̰. paiti. draonāt̰. nauua. uzgərəptāt̰.1
Verse: c       dātāt̰. paiti. draonāt̰. nauua. dātāt̰.
Verse: d       nisritāt̰.2 paiti. draonāt̰. nauua. nisritāt̰.3
Verse: e       xṣ̌aiieite.4 hē. pascaēta.
Verse: f          aēṣ̌a. yō. ratuš. ϑriṣ̌um.5 aētahe. ciϑā̊. apaŋharštə̄e:6
Verse: g    yezica. hē. aniia. aγa. š́iiaoϑna. frauuaršta.
Verse: h       paitita.7 hē. ciϑa:
Verse: i    āat̰. yezi. ṣ̌ē. aniia. aγa. š́iiaoϑna. nōit̰. frauuaršta.
Verse: j       paititəm.8 ahe. narš.
Verse: k          yauuaēca. yauuaētātaēca.

Paragraph: 27 
Verse: a    dātarə. gaēϑanąm. astuuaitinąm. aṣ̌āum.
Verse: b    yō. narō. hāmō.gātuuō.1 nipaiδiieiṇte.2
Verse: c          hąm. vā. paiti. stairiš.
Verse: d          hąm. vā. paiti. barəziš.
Verse: e       paitica. hē. aniia. duua. vā. nara. aŋhən.
Verse: f          paṇca. vā.
Verse: g          paṇcāsatəm. vā.
Verse: h          satəm. vā. hąm. nāirinąm.
Verse: i    āat̰. aēṣ̌ąm. narąm. aēuuō. iriϑiiāt̰.
Verse: j    cuuat̰. aṇtarə. nərə̄š.3 aēṣ̌a. druxš. yā. nasuš.
Verse: k       axtica. piuuatica.4 āhitica. frāṣ̌naoiti.

Paragraph: 28 
Verse: a    āat̰. mraot̰. ahurō. mazdā̊:
Verse: b    yezi. aŋhat̰. āϑrauua.
Verse: c       frā. zī. duuąsaiti.1
Verse: d             spitama. zaraϑuštra.
Verse: e          aēṣ̌a. druxš. yā. nasuš.2
Verse: f    yezi. aēuuaṇdasō.3 frāṣ̌naoiti.
Verse: g       dasəməm. paiti.raēϑβaiieiti:
Verse: h    āat̰. yezi. aŋhat̰. raϑaēštā̊.
Verse: i       frā. zī. duuąsaiti.
Verse: j             spitama. zaraϑuštra.
Verse: k          aēṣ̌a. druxš. yā. nasuš.
Verse: l    yezi. dasəməm. frāṣ̌naoiti.
Verse: m       nāuməm.4 paiti.raēϑβaiieiti:
Verse: n    āat̰. yezi. aŋhat̰. vāstriiō. fṣ̌uiiąs.
Verse: o       frā. zī. duuąsaiti.
Verse: p             spitama. zaraϑuštra.
Verse: q          aēṣ̌a. druxš. yā. nasuš.
Verse: r    yezi. nāuməm. frāṣ̌naoiti.
Verse: s       aštəməm. paiti.raēϑβaiieiti.

Paragraph: 29 
Verse: a    āat̰. yezi. aŋhat̰. spā. pasuš.hauruuō.
Verse: b       frā. zī. duuąsaiti.
Verse: c             spitama. zaraϑuštra.
Verse: d          1aēṣ̌a. druxš. yā. nasuš.1
Verse: e    yezi. aštəməm. frāṣ̌naoiti.
Verse: f       haptaϑəm. paiti.raēϑβaiieiti:
Verse: g    āat̰. yezi. aŋhat̰. spā. viš.hauruuō.
Verse: h       frā. zī. duuąsaiti.
Verse: i             spitama. zaraϑuštra.
Verse: j          aēṣ̌a. druxš. yā. nasuš.
Verse: k    yezi. haptaϑəm. frāṣ̌naoiti.
Verse: l       xštūm. paiti.raēϑβaiieiti.

Paragraph: 30 
Verse: a    āat. yezi. aŋhat̰. spā. vohunazgō.1
Verse: b       frā. zī. duuąsaiti.
Verse: c             spitama. zaraϑuštra.
Verse: d          aēṣ̌a. druxš. yā. nasuš.
Verse: e    yezi. xštūm. frāṣ̌naoiti.
Verse: f       puxδəm. paiti.raēϑβaiieiti:
Verse: g    āat̰. yezi. aŋhat̰. spā. taurunō.
Verse: h       frā. zī. duuąsaiti.
Verse: i             spitama. zaraϑuštra.
Verse: j          aēṣ̌a. druxš. yā. nasuš.
Verse: k    yezi. puxδəm. frāṣ̌naoiti.
Verse: l       tūirīm. paiti.raēϑβaiieiti.

Paragraph: 31 
Verse: a    āat̰. yezi. aŋhat̰. spā. sukurənō.1
Verse: b       frā. zī. duuąsaiti.
Verse: c             spitama. zaraϑuštra.
Verse: d          aēṣ̌a. druxš. yā. nasuš.
Verse: e    yezi. tūirīm. frāṣ̌naoiti.
Verse: f       ϑritīm. paiti.raēϑβaiieiti:
Verse: g    āat̰. yezi. aŋhat̰. spā. jažuš.
Verse: h       frā. zī. duuąsaiti.
Verse: i             spitama. zaraϑuštra.
Verse: j          aēṣ̌a. druxš. yā. nasuš.
Verse: k    yezi. ϑritīm. frāṣ̌naoiti.
Verse: l       bitīm. paiti.raēϑβaiieiti.

Paragraph: 32 
Verse: a    āat̰. yezi. aŋhat̰. spā. aiβizuš.1
Verse: b       frā. zī. duuąsaiti.
Verse: c             spitama. zaraϑuštra.
Verse: d          aēṣ̌a. druxš. yā. nasuš.
Verse: e    yezi. bitīm. frāṣ̌naoiti.
Verse: f       paoirīm. paiti.raēϑβaiieiti:
Verse: g    āat̰. yezi. aŋhat̰. spā. vīzuš.2
Verse: h       frā. zī. duuąsaiti.
Verse: i             spitama. zaraϑuštra.
Verse: j          aēṣ̌a. druxš. yā. nasuš.
Verse: k    yezi. paoirīm. frāṣ̌naoiti.
Verse: l       paoirīm. paiti.raēϑβaiieiti.

Paragraph: 33 
Verse: a    dātarə. gaēϑanąm. astuuaitinąm. aṣ̌āum.
Verse: b    āat̰. yezi. aŋhat̰. spā. urupiš.
Verse: c    cuuat̰. aēṣ̌ō. spā. yō.1 urupiš.
Verse: d       spəṇtahe. mainiiə̄uš.2 dāmanąm. hąm.raēϑβaiieiti.
Verse: e    3cuuat̰. paiti.raēϑβaiieiti.3

Paragraph: 34 
Verse: a    āat̰. mraot̰. ahurō. mazdā̊:
Verse: b    nōit̰.1 aēṣ̌ō. spā. yō.2 urupiš.
Verse: c       spəṇtahe. mainiiə̄uš. dāmanąm. hąm.raēϑβaiieiti.
Verse: d    3nōit̰. paiti.raēϑβaiieiti.3
Verse: e    aniiō. ahmāt̰. yō.4 janaiti.5
Verse: f       fraca. duṣ̌aiti.5
Verse: g    ā. dim. ā.hišhaxti.6
Verse: h       yauuaēca. yauuaētātaēca.

Paragraph: 35 
Verse: a    dātarə. gaēϑanąm. astuuaitinąm. aṣ̌āum.
Verse: b    āat̰. yezi. aŋhat̰. mairiiō. druuā̊. bizaṇgrō.1
Verse: c       auuaϑa. aṣ̌əmaoγō. anaṣ̌auua.
Verse: d    cuuat̰. spəṇtahe. mainiiə̄uš. dāmanąm. hąm.raēϑβaiieiti.
Verse: e    cuuat̰. paiti.raēϑβaiieiti.

Paragraph: 36 
Verse: a    āat̰. mraot̰. ahurō. mazdā̊:
Verse: b    yaϑa. vazaγacit̰. viš.huš́ō.
Verse: c       tarō. yārə.1 mərətō:
Verse: d    juuō. zī. spitama. zaraϑuštra.
Verse: e       mairiiō. druuā̊. bizaṇgrō.
Verse: f       auuaϑa. aṣ̌əmaoγō. anaṣ̌auua.
Verse: g          spəṇtahe. mainiiə̄uš. dāmanąm. hąm.raēϑβaiieiti.
Verse: h    juuō. paiti.raēϑβaiieiti:

Paragraph: 37 
Verse: a    juuō. āpəm. jaiṇti.1
Verse: b    juuō. ātrəm.2 frāuuaiieiti.3
Verse: c    juuō. gąm. varatąm.4 azaite.5
Verse: d    juuō. narəm. aṣ̌auuanəm. frazābaoδaŋhəm. snaϑəm. vīkərət̰.uštānəm. jaiṇti.
Verse: e    nōit̰. auuaϑa. mərətō:

Paragraph: 38 
Verse: a    juuō. zī. spitama. zaraϑuštra.
Verse: b       mairiiō. druuā̊. bizaṇgrō.
Verse: c       auuaϑa. aṣ̌əmaoγō. anaṣ̌auua.
Verse: d          narəm. aṣ̌auuanəm. haŋhuš.1
Verse: e             xvarəϑaheca. vastraheca.
Verse: f             draošca. nimataheca.2 aiiaŋheca.3 apa.baraiti.4
Verse: g    nōit̰. auuaϑa. mərətō.

Paragraph: 39 
Verse: a    dātarə. gaēϑanąm. astuuaitinąm. aṣ̌āum.
Verse: b    yōi.1 nmānā̊. hąm.barāmahi.2
Verse: c       aṣ̌āum. ahura. mazda.
Verse: d          ahmi. aŋhuuō. yat̰. astuuaiṇti.
Verse: e             ātrəmca. barəsmaca.
Verse: f             taštaca. haomaca. hāuuanaca.
Verse: g    āat̰.3 pascaēta. ahe. nmānahe.
Verse: h       spā. vā.4 nā. vā. iriϑiiāt̰.
Verse: i    kuϑa. tē. vərəziiąn.
Verse: j       aēte. yōi. mazdaiiasna.

Paragraph: 40 
Verse: a    āat̰. mraot̰. ahurō. mazdā̊:
Verse: b    us. haca. aēibiiō. nmānaēibiiō. baraiiən.1
Verse: c          spitama. zaraϑuštra.
Verse: d       ātrəmca. barəsmaca.
Verse: e       taštaca. haomaca. hāuuanaca.
Verse: f    us. haca. iristəm. baraiiən.
Verse: g       mąnaiiən. ahe.
Verse: h       yaϑa. nā. dāitiiō.
Verse: i          dāitiiaiiāi.2 bairiieteca.3
Verse: j          xvairiieteca.4

Paragraph: 41 
Verse: a    dātarə. gaēϑanąm. astuuaitinąm. aṣ̌āum.
Verse: b    kuϑa.1 tē. aēte. mazdaiiasna.
Verse: c       aētəm. ātrəm. aiti.2 barąn.
Verse: d          auua. aētəm. nmānəm.
Verse: e             yat̰. aēṣ̌ō. nā. para.iriϑiiāt̰.

Paragraph: 42 
Verse: a    āat̰. mraot̰. ahurō. mazdā̊:
Verse: b    nauua.xṣ̌aparəm. upa.mąnaiiən.1
Verse: c       aēte. yōi.2 mazdaiiasna.
Verse: d          aiβi.gāme.
Verse: e          āat̰. hama. māzdrājahīm:
Verse: f    pascaēta. aēte.3 mazdaiiasna.
Verse: g       aētəm. ātrəm. aiti. barąn.4
Verse: h          auua. aētəm. nmānəm.
Verse: i             yat̰. aēṣ̌ō. nā. para.iriϑiiāt̰.

Paragraph: 43 
Verse: a    dātarə. gaēϑanąm. astuuaitinąm. aṣ̌āum.
Verse: b    yezica. aēte. mazdaiiasna.
Verse: c       aētəm. ātrəm. aiti. barąn.1
Verse: d          auua. aētəm. nmānəm.
Verse: e             yat̰. aēṣ̌ō. nā. para.iriϑiiāt̰.
Verse: f                aṇtarāt̰. naēmāt̰. nauua.xṣ̌aparahe.2
Verse: g                aṇtarāt̰. naēmāt̰. māzdrājahīm.
Verse: h    kā. hē. asti. ciϑa.

Paragraph: 44 
Verse: a    āat̰. mraot̰. ahurō. mazdā̊:
Verse: b    aētahe. paiti. pəṣ̌ō.tanuiie.1
Verse: c       duiie. saite.2 upāzananąm. upāzōit̰. aspahe. aštraiia.
Verse: d       duiie. saite.2 sraoṣ̌ō.caranaiia.

Paragraph: 45 
Verse: a    dātarə. gaēϑanąm. astuuaitinąm. aṣ̌āum.
Verse: b    yat̰. ahmi. nmāne. yat̰. māzdaiiasnōiš.
Verse: c       nāirika. upas.puϑrīm.1 jasāt̰.
Verse: d          aēuuō.māhīm. vā. bimāhīm. vā.
Verse: e          ϑrimāhīm. vā. caϑru.māhīm. vā.
Verse: f          paṇca.māhīm. vā. xṣ̌uuaš.māhīm. vā.
Verse: g          hapta.māhīm. vā. ašta.māhīm. vā.
Verse: h          nauua.māhīm. vā. dasa.māhīm. vā.
Verse: i    aētaδa.2 aēṣ̌a. nāirika. taδa.
Verse: j       apuϑrīm.3 nijasāt̰.4 uzuštana.
Verse: k    kuϑa. tē. vərəziiąn.
Verse: l       aēte. yōi.5 mazdaiiasna.

Paragraph: 46 
Verse: a    āat̰. mraot̰. ahurō. mazdā̊:
Verse: b    1yat̰. ahmi. nmāne. yat̰. māzdaiiasnōiš. fraēštəm.
Verse: c       yaoždātō.zəmōtəməmca. huš́ō.zəmōtəməmca.
Verse: d       kambištəmca. aēte. paϑā̊. fraiiąn.
Verse: e          pasuuasca.2 staorāca.
Verse: f          ātrəmca. ahurahe. mazdā̊.
Verse: g          barəsmaca. aṣ̌aiia. frastarətəm.3
Verse: h          narəmca. yim. aṣ̌auuanəm.

Paragraph: 47 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. drājō. haca. āϑrat̰.
Verse: c    cuuat̰. drājō. haca. apat̰.
Verse: d    cuuat̰. drājō. haca. barəsmən.1 frastairiiāt̰.
Verse: e    cuuat̰. drājō. haca. nərəbiiō. aṣ̌auuabiiō.

Paragraph: 48 
Verse: a    āat̰. mraot̰. ahurō. mazdā̊:
Verse: b    ϑrisata.gāim. haca. āϑrat̰.
Verse: c    ϑrisata.gāim. haca. apat̰.
Verse: d    ϑrisata.gāim. haca. barəsmən.1 frastairiiāt̰.
Verse: e    ϑrigāim. haca. nərəbiiō. aṣ̌auuabiiō.

Paragraph: 49 
Verse: a    aētaδa. hē. aēte. mazdaiiasna.
Verse: b       aiŋ́hā̊.1 zəmō. pairi.daēząn.2 pairi.daēzaiiąn.3
Verse: c          xvarəϑaēibiiō. pascaēta. āstaiiaṇta.
Verse: d             aēte. yōi. mazdaiiasna.
Verse: e          4vastraēibiiō. pascaēta. āstaiiaṇta.
Verse: f             aēte. yōi. mazdaiiasna.4

Paragraph: 50 
Verse: a    dātarə. gaēϑanąm. astuuaitinąm. aṣ̌āum.
Verse: b    ciš. aēṣ̌a. nāirika.
Verse: c       paoirīm. xvarəϑanąm. xvarāt̰.1

Paragraph: 51 
Verse: a    āat̰. mraot̰. ahurō. mazdā̊:
Verse: b    gə̄uš. maēsmana.1 ātriiō.paiti.iristəm.
Verse: c       ϑriš.2 vā.3 ṣ̌āmąn.4
Verse: d       yat̰. vā. xṣ̌uuaš.
Verse: e       yat̰. vā. nauua.
Verse: f    aēte.5 daxma. upaŋharəzaēta.6
Verse: g       aṇtarāt̰. naēmāt̰. barəϑriṣ̌uua. uruϑβō.huua:

Paragraph: 52 
Verse: a    āat̰. pascaēta. aipi.γžauruuatąm.1
Verse: b       aspaiianąmca.2 paiiaŋhąm.
Verse: c       gāuuaiianąmca.3 maēṣ̌inanąmca.4 buziianąmca.5
Verse: d       hąm.vaoirinąm. us.vaoirinąm.6
Verse: e       gąmca. xvāstəm. anāpəm.
Verse: f       yaomca. aṣ̌əm. anāpəm.
Verse: g       maδuca. anāpəm.

Paragraph: 53 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. drājō. upa.mąnaiiən.1
Verse: c    cuuat̰. drājō. upa.maitīm.2 āste.3 xvarəṇti.4
Verse: d       gąmca.5 yaomca. maδuca.

Paragraph: 54 
Verse: a    āat̰. mraot̰. ahurō. mazdā̊:
Verse: b    ϑrixṣ̌aparəm.1 upa.mąnaiiən.2
Verse: c    ϑrixṣ̌aparəm.1 upa.maitīm.3 āste.2 xvarəṇti.
Verse: d       gąmca. yaomca. maδuca:
Verse: e    āat̰. pasca. ϑrixṣ̌aparāt̰.
Verse: f       us. tanūm. snaiiaēta.
Verse: g       us. vastrāt̰.4
Verse: h          gə̄uš. maēsmana.
Verse: i          apāca. nauua. upa. maγəm. paiti.
Verse: j    auuaϑa. yaoždaiiąn.

Paragraph: 55 
Verse: a    dātarə. gaēϑanąm. astuuaitinąm. aṣ̌āum.
Verse: b    cuuat̰. drājō. upa.mąnaiiən.1
Verse: c    cuuat̰. drājō. upa.maitīm.2 āste.3
Verse: d       pasca. ϑrixṣ̌aparāt̰.
Verse: e          yūtō. gātuš.
Verse: f          yūtō. xvarəϑa.
Verse: g          yūtō. vastra.
Verse: h          yūtō. aniiaēibiiō. mazdaiiasnaēibiiō.

Paragraph: 56 
Verse: a    āat̰. mraot̰. ahurō. mazdā̊:
Verse: b    nauua.xṣ̌aparəm. upa.mąnaiiən.1
Verse: c    nauua.xṣ̌aparəm. upa.maitīm.2 āste.2
Verse: d       pasca. ϑrixṣ̌aparāt̰.
Verse: e          yūtō. gātuš.3
Verse: f          yūtō. xvarəϑa.
Verse: g          yūtō. vastra.
Verse: h          yūtō. aniiaēibiiō. mazdaiiasnaēibiiō:
Verse: i    āat̰. pasca. nauua.xṣ̌aparāt̰.
Verse: j       us. tanūm. snaiiaēta.
Verse: k       us. vastrāt̰.4
Verse: l          gə̄uš. maēsmana.
Verse: m          apāca. paiti.
Verse: n    auuaϑa. yaoždaiiąn.

Paragraph: 57 
Verse: a    dātarə. gaēϑanąm. astuuaitinąm. aṣ̌āum.
Verse: b    kat̰. tā. vastra. hąm.yūta.
Verse: c       pasca. yaoždāiti.1 frasnāiti.2
Verse: d          zaoϑre. vā. hāuuanāne. vā.
Verse: e          ātrauuaxṣ̌e.3 vā. frabərəϑre.4 vā.
Verse: f          ābərəte. vā. āsnāϑre.5 vā.
Verse: g          raēϑβiškare.6 vā. sraoṣ̌āuuarəze. vā.
Verse: h          aϑaurune. vā. maš́iiāi. raϑaēštāi. vā.
Verse: i          vāstriiāi. vā. fṣ̌uiiaṇte.7

Paragraph: 58 
Verse: a    āat̰. mraot̰. ahurō. mazdā̊:
Verse: b    nōit̰. tā. vastra. hąm.yūta.
Verse: c       pasca. yaoždāiti.1 frasnāiti.2
Verse: d          zaoϑre. nōit̰. hāuuanāne.
Verse: e          nōit̰. ātrauuaxṣ̌e.3 nōit̰. frabərəϑre.4
Verse: f          nōit̰. ābərəte.5 nōit̰. āsnāϑre.
Verse: g          nōit̰. raēϑβiškare.6 nōit̰. sraoṣ̌āuuarəze.
Verse: h          nōit̰. aϑaurune.7 maš́iiāi. 8nōit̰. raϑaēštāi.8
Verse: i          nōit̰. vāstriiāi.9 fṣ̌uiiaṇte.

Paragraph: 59 
Verse: a    yat̰. ahmi. nmāne. yat̰. māzdaiiasnōiš.
Verse: b       nāirika. daxštauuaiti. aŋhat̰.
Verse: c    yat̰. vā. skəṇdō. aipi.jatō.
Verse: d       pištrō. aipi.iritō.1 gātuš.
Verse: e    aētaδa.2 aētahe.3 *āste.4
Verse: f       stairišca.5 barəzišca.6 hąm.vərənā̊ṇte.7
Verse: g          vīspəm. ā. ahmāt̰.
Verse: h             yat̰. hąm. ci.8 zastō. frīne.9 nižbarāt̰.

Paragraph: 60 
Verse: a    nōit̰. zī. ahurō. mazdā̊.
Verse: b       yā̊ŋhuiianąm.1 auuarətanąm. paiti.riciia.2 daiϑe.
Verse: c    nōit̰. aspərənō.mazō.
Verse: d    nōit̰. auuacinō.mazō.3
Verse: e       yauuat̰. aēṣ̌a. carāitika.
Verse: f          auui. mąm. harəkə̄.4 harəcaiiāt̰.5

Paragraph: 61 
Verse: a    yezica. aēte. mazdaiiasna. upairi. aētəm. iristəm.
Verse: b       auui. mąm. *harəkə̄.1 hərəziiāt̰.2
Verse: c    yauuat̰. aēṣ̌a. carāitika.
Verse: d       auui. mąm. harəkə̄.3 harəcaiiāt̰.4
Verse: e    juuascit̰. nōit̰. buuat̰. aṣ̌auua.
Verse: f    məṣ̌ascit̰.5 nōit̰. baxṣ̌aiti.6 vahištahe. aŋhə̄uš:7

Paragraph: 62 
Verse: a    təm. ahūm. paiϑiiāiti.1
Verse: b       yim. druuatąm.2 təmaŋhaēnəm.3
Verse: c       təmasciϑrəm.3 təmaŋhəm.
Verse: d    təm. vā̊.4 ahūm. druuaṇtō.
Verse: e       š́iiaoϑnāiš. xvāiš. xvā.daēna.5
Verse: f          nisirinuiiāt̰.6 acištāi. aŋuhe.7:

Verse: Q1a    aṣ̌əm. vohū. vahištəm. astī::
Verse: Q1b    uštā. astī. uštā. ahmāi.
Verse: Q1c    hiiat̰. aṣ̌āi. vahištāi. aṣ̌əm.::


Next part


This text is part of the TITUS edition of Avestan Corpus.

Copyright TITUS Project, Frankfurt a/M, 10.9.2023. No parts of this document may be republished in any form without prior permission by the copyright holder.