და მას ჟამსა შინა თქუა უფალმან ჩემდამო: გამოთალენ თავისა შენისა ორნი ფიცარნი ქვისანი, ვიტარ-იგი პირველნი, და აღმოვედ ჩემდამო მთად და ჰქმნე თავისა შენისად კიდობანი ძელისაჲ.
და დავწერნე ფიცართა ზედა სიტყუანი, რაოდენნი იყვნეს ფიცართა ზედა პირველთა, რომელნი შეჰმუსრენ, და შთასხნე იგინი კიდობანსა.
და ვჰქმენ კიდობანი ძელთაგან ულპოლავთა, და გამოცთალენ ორნი ფიცარნი ქვისანი, ვითარ-იგი პირველნი, და აღვედ მთად და ორნი ფიცარნი ორთა შენა ჴელთა ჩემთა.
და დაწერა ფიცართა ზედა მსგავსად წერილისა პირველისა ათნი სიტყუანი, რომელთა იტყოდა უფალი თქუენდა მიმართ მთასა ზედა საშუალით ცეცხლისაჲთ, და მომცნა უფალმან იგინი მე.
და მოვიქეც და გარდამოვედ მთით და შთავსხენ ფიცარნი კიდობანსა, რომელი შევქმენ, და იყვნეს მუნ, ვითარცა მამცნო მე უფალმან.
და ძენი ისრაელისანი Page of ms. Ga: 229v ისტრნეს ბოროთით ძეთა იაკიმისთა მისადაჲთ. მუნ მოკუდა აარონ და დაეფლა მუნ და მღდელობდა ელეაზარ ძე მისი მის წილ.
მიერ ისტრნეს ღადღად და ღადღადით -- იეტავათად ქუეყანასა წყალთა ღუარისასა.
მას ჟამსა შინა განაჩინა უფალმნა ტომი ლევისი აღღებად კიდობანი აღთქუმისა უფლისაჲ, წარდგომად წინაშე უფლისა, მსახურებად და ლოცვად სახელითა უფლისაჲთა ვიდრე ამის დღისამდე.
ამისთჳს არა არს ლევიტელთა კერძი, არცა ნაწილი ძმათა შორის მათთა, უფალი ღმერთი ნაწილ მისსა, ვითარცა ჰრქუა მას.
და მე ვიყავ მთასა ზედა ორმეოცთა დღეთა და ორმეოცთა ღამეთა. და შეისმინა უფალმან ჩემი ამას ჟამსა შინა და არა ინება უფალმან მოსრვაჲ თქუენი.
და თქუა უფალმან ჩემდამო: ვიდოდე, ისტრვოდე წინაშე ერისა ამის. და შევიდენ და დაიმკჳდრონ ქუეყანაჲ, რომელსა ვეფუცე მამათა მათთა მიცემად მათდა.
და აწ, ისრაელ, რასა უფალი ღმერთი შენი ეძიებს შენგან? არამედ რაჲთა გეშინოდის უფლისა ღმრთისა შენისა, ხჳდოდი ყოველთა გზათა მისთა და გიყუარდეს იგი და ჰმსახურებდე უფალსა ღმერთსა შენსა ყოველითა გულითა შენითა და ყოვლითა სულითა შენითა
დაცვად მცნებათა უფლისა ღმრთისა შენისათა და სამართალთა მისთა, რაოდენთა მე გამცნებ შენ დღეს, რაჲთა კეთილ იყოს შენდა.
აჰა, უფლისა ღმრთისა შენისაჲ არს ცაჲ და ცაჲ ცისაჲ და ქუაყანაჲ და ყოველნი, რაოდენნი არიან მათ შორის.
გარნა მამანი თქუენნი წინა-აღირჩინა უფალმან შეყუარებად იგინი და გამოირჩინა უფალმან თესლი მათი მათ თანა, თქუენ უფროჲს ყოველთა წარმართთასა მსგავსად დღისა ამის.
და წინა-დაიცჳთეთ გულფიცხელობაჲ თქუენი და ქედი თქუენი არა განიფიცხოთ მერმე.
Page of ms. Ga: 230r რამეთუ უფალი ღმერთი თქუენი ესე არს ღმერთი ღმერთთაჲ და უფალი უფალთაჲ, ღმერთი დიდი და ძლიერი და საშინელი, რომელსა არა დაუკჳრდების პირი კაცისაჲ, არცა მიიღებს ქრთამსა.
ჰყოფს მსჯავრსა მწირსა და ობლისა და ქურივისასა, და უყუარს მწირი, მიცემად მისსა პური და შესამოსელი.
და შეიყუარეთ მწირი, რამეთუ მწირ იყვენით ქუეყანასა ეგჳპტისასა.
უფლისა ღმრთისა შენისა გეშინოდენ და მას მხოლოსა ჰმსახურებდ და მისსა მიმართ შედგომილ იყავ და სახელსა მისსა ფუცევდი.
იგი არს სიქადული შენი და იგი ღმერთი შენი, რომელმანცა გიყვნა შენ დიდნი ესე და დიდებულნი, რომელნი იხილნეს თუალთა შენთა,
სამეოცდაათნი სულნი შთავიდეს მამანი შენნი ეგჳპტედ, ხოლო აწ გყო შენ უფალმან ღმერთმან შენმან ვითარცა ვარსკუ\ლავნი Page of ms. Ga: 230v ცისანი სიმრავლითა.
