TITUS
Biblia Udica: Novum Testamentum (Lucas)
Part No. 17
Previous part

Chapter: 17 
Günax, ve͑baksun saal väzifä
Günax, věbaksun saal vəzifə



Verse: 1  Link to udint Link to udint   Isusen Iz šagirdxo metäre pi: "Insanxo pis yaq̇a tašala šeymux mütläk baneksa. Ama vay ṭe amdara ki, morox iz kömäyene eysa.
   İsusen İz şagirdxo metəre pi: «İnsanxo pis yaq'a taşala şeymux mütlək baneksa. Ama vay t'e amdara ki, morox iz köməyene eysa.

Verse: 2  Link to udint Link to udint   Me xuriṭogoy sunṭu pis yaq̇a zapsaxunsa, ṭe amdari q̇oq̇exun kala źomoḳožin źe suruḳbi dänizä boseġain, šoṭaynaḳ samalal šaaṭe bakon.
   Me xurit'ogoy sunt'u pis yaq'a zapsaxunsa, t'e amdari q'oq'exun kala ǰomok'ojin ǰe suruk'bi dənizə boseğain, şot'aynak' samalal şaat'e bakon.

Verse: 3  Link to udint Link to udint   Vä͑x fikir tadanan. Ägär vi vičen va görä günax bayin, šoṭo töhmät ba. Ägär šoṭin tooba bayin, šoṭo baġəšlainša.
   Və̌x fikir tadanan. Әgər vi viçen va görə günax bayin, şot'o töhmət ba. Әgər şot'in tooba bayin, şot'o bağışlainşa.

Verse: 4  Link to udint Link to udint   Ägär sa ġinasṭa vu͑ġ käräm va görä günax bi, vu͑ġ kärämäl vi ṭo͑ġo͑l hari "Toobazbi" uḳain, šoṭo baġəšlainša".
   Әgər sa ğinast'a vǔğ kərəm va görə günax bi, vǔğ kərəməl vi t'ǒğǒl hari "Toobazbi" uk'ain, şot'o bağışlainşa».

Verse: 5  Link to udint Link to udint   Aṗosṭolxon Q̣onćuġo piṭun: "Beš ve͑baksuna avuzba!"
   Ap'ost'olxon Q'onç̌uğo pit'un: «Beş věbaksuna avuzba!»

Verse: 6  Link to udint Link to udint   Q̣onʒ́uġon šoṭoġo metäre pi: "Sa dänä xardali cile q̇ädär efi ve͑baksun bakiyniy, me tutna xoda "Tumexun čeki dänizä biṭbaka" unanḳoy, šoṭinal efi äyitä be͑neġoy.
   Q'ončuğon şot'oğo metəre pi: «Sa dənə xardali śile q'ədər efi věbaksun bakiyniy, me tutna xoda "Tumexun çeki dənizə bit'baka" unank'oy, şot'inal efi əyitə běneğoy.

Verse: 7  Link to udint Link to udint   Efi maṭay sunṭin ezbala nääl ki beli be͑ġala sa nökärä čölöxun qaybakaṭan "Usum baka, eki sulfin besṭa arca" ukon?
   Efi mat'ay sunt'in ezbala nəəl ki beli běğala sa nökərə çölöxun qaybakat'an "Usum baka, eki sulfin best'a arśa" ukon?

Verse: 8  Link to udint Link to udint   Tärsinä, šoṭo "Bez biyäsin ukuna häzzürba, bi͑ġa ġać̣ṗa za q̇ulluġba ki, zu ukaz-u͑ġäz, ošaal hun uka-u͑ġä͑" uteneko?
   Tərsinə, şot'o "Bez biyəsin ukuna həzzürba, bǐğa ğač'p'a za q'ulluğba ki, zu ukaz-ǔğəz, oşaal hun uka-ǔğə̌" uteneko?

Verse: 9  Link to udint Link to udint   Izi äyitmoġo bex ṗaṗesbsuna görä, šoṭin nokärä "dirisṭbaka" unekon?
   İzi əyitmoğo bex p'ap'esbsuna görə, şot'in nokərə "dirist'baka" unekon?

Verse: 10  Link to udint Link to udint   Vä͑nal metär, vä͑x bürüšiṭoġo bex ṗaṗesṗiṭuxun oša upanan: "Yan hiḳḳala nu yarainšala nökärxoyan, šoṭaynaḳ ki, beši äšṗala äšurxoyan äšṗe"".
   Və̌nal metər, və̌x bürüşit'oğo bex p'ap'esp'it'uxun oşa upanan: "Yan hik'k'ala nu yarainşala nökərxoyan, şot'aynak' ki, beşi əşp'ala əşurxoyan əşp'e"».




Ǯuzam azaraxun vic̣ tani q̇olaybaksun
Cuzam azaraxun vis' tani q'olaybaksun



Verse: 11  Link to udint Link to udint   Isus Yerusalima Iz yaq̇a davambsunen Samariin saal Galilein arane bakala zahmanaxune čovaḳsay.
   İsus Yerusalima İz yaq'a davambsunen Samariin saal Galilein arane bakala zahmanaxune çovak'say.

Verse: 12  Link to udint Link to udint   Ayizmoġoy sunṭu baġaṭan Iču vic tan ǯuzamlune iräsṭ hari. Šorox ä͑xil čurpi
   Ayizmoğoy sunt'u bağat'an İçu viś tan cuzamlune irəst' hari. Şorox ə̌xil çurpi

Verse: 13  Link to udint Link to udint   osṭaar harayṭunpi: "Isus, Määlim, yax gorox eki!"
   ost'aar harayt'unpi: «İsus, Məəlim, yax gorox eki!»

Verse: 14  Link to udint Link to udint   ωsusen šoṭoġo aḳi "takinan, vä͑x be͑inśxo aḳesṭanan" pine. Šorox yaq̇ taġamin tämizṭun baki.
   Isusen şot'oğo ak'i «takinan, və̌x běinšxo ak'est'anan» pine. Şorox yaq' tağamin təmizt'un baki.

Verse: 15  Link to udint Link to udint   Šoṭoġoxun soġo isä q̇olaybaksuna aḳi alloy säsen Buxaʒ́uġo alxəšbsun qayebaki.
   Şot'oğoxun soğo isə q'olaybaksuna ak'i alloy səsen Buxačuğo alxışbsun qayebaki.

Verse: 16  Link to udint Link to udint   Šo ćo oq̇a Isusi turmoġosṭa biti Šoṭo "Dirisṭbaka" pine. Me amdar Samariyaluney.
   Şo ç̌o oq'a İsusi turmoğost'a biti Şot'o "Dirist'baka" pine. Me amdar Samariyaluney.

Verse: 17  Link to udint Link to udint   Ṭe vädä Isusen pine: "Q̣olaybakiyorox vic̣ tan teney? P̣oy mandi vuy tan maya?
   T'e vədə İsusen pine: «Q'olaybakiyorox vis' tan teney? P'oy mandi vuy tan maya?

Verse: 18  Link to udint Link to udint   Me Samariyalunaxun bašqal qoš qaybaki Buxaʒ́uġo alxəšbal bateneki?"
   Me Samariyalunaxun başqal qoş qaybaki Buxačuğo alxışbal bateneki?»

Verse: 19  Link to udint Link to udint   Oša ṭe amdara pine: "Turel hayza, taki, vi ve͑baksunen va čarḳesedi".
   Oşa t'e amdara pine: «Turel hayza, taki, vi věbaksunen va çark'esedi».




Buxaʒ́uġoy Padčaġluġ hevaxṭ eġala?
Buxačuğoy Padçağluğ hevaxt' eğala?



Verse: 20  Link to udint Link to udint   Fariseyxon Isusaxun "Buxaʒ́uġoy Padčaġluġ hevaxṭ eġala?" xavar haq̇aṭan Isusen ǯoġabe tadi šoṭoġo: "Buxaʒ́uġoy Padčaġluġ piin aḳsunen tene eġal.
   Fariseyxon İsusaxun «Buxačuğoy Padçağluğ hevaxt' eğala?» xavar haq'at'an İsusen coğabe tadi şot'oğo: «Buxačuğoy Padçağluğ piin ak'sunen tene eğal.

Verse: 21  Link to udint Link to udint   Amdarxon "be͑ġa, šo memiyane" nääl ki "ṭeṭiyane" uḳalateṭun, šoṭaynaḳ ki, Buxaʒ́uġoy Padčaġluġ ef boše".
   Amdarxon "běğa, şo memiyane" nəəl ki "t'et'iyane" uk'alatet'un, şot'aynak' ki, Buxačuğoy Padçağluğ ef boşe».

Verse: 22  Link to udint Link to udint   Isusen Iz šagirdxoval metäre pi: "Ṭetär ġimxo eġale ki, Insani Ġare ġimxoy sunṭu aḳsun čureġalnan, ama aḳalatenan.
   İsusen İz şagirdxoval metəre pi: «T'etər ğimxo eğale ki, İnsani Ğare ğimxoy sunt'u ak'sun çureğalnan, ama ak'alatenan.

Verse: 23  Link to udint Link to udint   Amdarxon vä͑x "be͑ġa, Šo ṭeṭiyane" nääl ki, "memiyane" uḳalṭun. Taci ma bafṭanan šoṭoġoy bać̣anexun!
   Amdarxon və̌x "běğa, Şo t'et'iyane" nəəl ki, "memiyane" uk'alt'un. Taśi ma baft'anan şot'oğoy bač'anexun!

Verse: 24  Link to udint Link to udint   Šoṭaynaḳ ki, c̣ä͑q̇en göye sa täräf duġi ṭi͑yämi täräfäl ciriḳ höndä išiġebsaisä, Insani Ġaral Iz ġinäsṭa haṭetär bakale.
   Şot'aynak' ki, s'ə̌q'en göye sa tərəf duği t'ǐyəmi tərəfəl śirik' höndə işiğebsaisə, İnsani Ğaral İz ğinəst'a hat'etər bakale.

Verse: 25  Link to udint Link to udint   Ama süfṭä Šoṭin gele äzyät aḳale, saal häysäṭin näsili amdarxoy täräfäxun ä͑xil bakalane.
   Ama süft'ə Şot'in gele əzyət ak'ale, saal həysət'in nəsili amdarxoy tərəfəxun ə̌xil bakalane.

Verse: 26  Link to udint Link to udint   Noy bakala ġimxosṭsa höndä bakenesa, Insani Ġar bakala ġimxosṭaal haṭetär bakale.
   Noy bakala ğimxost'sa höndə bakenesa, İnsani Ğar bakala ğimxost'aal hat'etər bakale.

Verse: 27  Link to udint Link to udint   Noye gäminä baci ġinal cirik insanxon käyi-u͑ṭu͑nxsay, laśḳoyṭun baksay, išq̇araṭun taysay. Oša sel hari bitova äfčinebi.
   Noye gəminə baśi ğinal śirik insanxon kəyi-ǔt'ǔnxsay, lašk'oyt'un baksay, işq'arat'un taysay. Oşa sel hari bitova əfçinebi.

Verse: 28  Link to udint Link to udint   Luṭe ġimxosṭal hametärey. Insanxon käyi-u͑ṭu͑nxsay, haq̇i-toyṭunsṭay, biṭunsṭay, biṭunq̇say.
   Lut'e ğimxost'al hametərey. İnsanxon kəyi-ǔt'ǔnxsay, haq'i-toyt'unst'ay, bit'unst'ay, bit'unq'say.

Verse: 29  Link to udint Link to udint   Ama Luṭ Sodonaxun č̣eri ġine göynuxun aruxq̇a kükürde bari, bitoval äfčinebi.
   Ama Lut' Sodonaxun c'eri ğine göynuxun aruxq'a kükürde bari, bitoval əfçinebi.

Verse: 30  Link to udint Link to udint   Insani Ġare eġala ġiyal hametär bakale.
   İnsani Ğare eğala ğiyal hametər bakale.

Verse: 31  Link to udint Link to udint   Ṭe ġinasṭa ič č̣öš, iz šeymux isä ḳožin boš bakala amdar šoṭoġo exsṭaynaḳ bona maq̇an baci. Haketäräl čölö bakalo qoš maq̇an hari.
   T'e ğinast'a iç c'öş, iz şeymux isə k'ojin boş bakala amdar şot'oğo exst'aynak' bona maq'an baśi. Haketərəl çölö bakalo qoş maq'an hari.

Verse: 32  Link to udint Link to udint   Luṭe čuġo ef eyex badanan!
   Lut'e çuğo ef eyex badanan!

Verse: 33  Link to udint Link to udint   Iz elmoġo čarḳesṭun čureġalṭin šoṭo aćesṗale, ama šiin iz elmoġo aćesṗain, šoṭin iz elmoġo yäšäinšesṭale.
   İz elmoğo çark'est'un çureğalt'in şot'o aç̌esp'ale, ama şiin iz elmoğo aç̌esp'ain, şot'in iz elmoğo yəşəinşest'ale.

Verse: 34  Link to udint Link to udint   Vä͑x nexsu: ṭe üše sa gane boš bakala ṗä͑ tani soġo e͑qeġale, ṭesoġo isä mandale.
   Və̌x nexsu: t'e üşe sa gane boş bakala p'ə̌ tani soğo ěqeğale, t'esoğo isə mandale.

Verse: 35  Link to udint Link to udint   Sagala dän berxala ṗä͑ čuġoy soġo e͑qeġale, ṭesoġo isä mandale.
   Sagala dən berxala p'ə̌ çuğoy soğo ěqeğale, t'esoğo isə mandale.

Verse: 36  Link to udint Link to udint   Čölö bakala ṗä͑ tani soġo e͑qeġale, ṭe soġo isä mandale".
   Çölö bakala p'ə̌ tani soğo ěqeğale, t'e soğo isə mandale».

Verse: 37  Link to udint Link to udint   Šoṭoxun xavarṭun haq̇i: "Ay Q̣onʒ́ux, me äšurxo maya bakala?" Šoṭin isä pine šoṭoġo: "Leš mayanesa, q̇irġiyoxal ṭiyane gireġon".
   Şot'oxun xavart'un haq'i: «Ay Q'ončux, me əşurxo maya bakala?» Şot'in isə pine şot'oğo: «Leş mayanesa, q'irğiyoxal t'iyane gireğon».



Next part


This text is part of the TITUS edition of Biblia Udica: Novum Testamentum (Lucas).

Copyright TITUS Project, Frankfurt a/M, 11.4.2021. No parts of this document may be republished in any form without prior permission by the copyright holder.