TITUS
Biblia Udica: Novum Testamentum (Lucas)
Part No. 22
Previous part

Chapter: 22 
Isusa besbseynaḳ häzirlluġe be͑ġesa
İsusa besbseynak' həzirlluğe běğesa



Verse: 1  Link to udint Link to udint   P̣asxa cila Ä͑yinsuz Śume axsibay iśalainšebaksay.
   
P'asxa śila Ә̌yinsuz Šume axsibay išalainşebaksay.

Verse: 2  Link to udint Link to udint   
Kala be͑incxonq̇a girk camḳalxon Isusa besbseynaḳ yaq̇ṭun qä͑vesay, šoṭaynaḳ ki, ǯamaataxun qi͑ṭunbsay.
   
Kala běinśxonq'a girk śamk'alxon İsusa besbseynak' yaq't'un qə̌vesay, şot'aynak' ki, camaataxun qǐt'unbsay.

Verse: 3  Link to udint Link to udint   
Ṭe vädä Šeytan P̣aśśe šagirdxoy sunṭay, Isḳarioṭ uḳala Iuday boš baneci.
   
T'e vədə Şeytan P'ašše şagirdxoy sunt'ay, İsk'ariot' uk'ala İuday boş baneśi.

Verse: 4  Link to udint Link to udint   
Šoṭinal taci kala be͑inśxoq̇a Buxaʒ́uġoy ḳožin kalaṭoġoxun exlätebi ki, Isusa mani yönen šoṭoġoy kiye tadane.
   
Şot'inal taśi kala běinšxoq'a Buxačuğoy k'ojin kalat'oğoxun exlətebi ki, İsusa mani yönen şot'oğoy kiye tadane.

Verse: 5  Link to udint Link to udint   
Šorox müqṭunbaki, šoṭo tängä tasṭunal iräziṭun baki.
   
Şorox müqt'unbaki, şot'o təngə tast'unal irəzit'un baki.

Verse: 6  Link to udint Link to udint   
Moṭo äyit tadala Iudan Isusa ǯamaataxun č̣äṗḳin šoṭoġoy kiye tasṭuna fürsänt qä͑vesane burqi.
   
Mot'o əyit tadala İudan İsusa camaataxun c'əp'k'in şot'oğoy kiye tast'una fürsənt qə̌vesane burqi.




Axərənǯi biyäsin uksun.
Axırınci biyəsin uksun.



Verse: 7  Link to udint Link to udint   
P̣asxin q̇uzin q̇urban śameġala ġi, Ä͑yinsuz Śume axsibayi ġi hare.
   
P'asxin q'uzin q'urban šameğala ği, Ә̌yinsuz Šume axsibayi ği hare.

Verse: 8  Link to udint Link to udint   
Isusen P̣yoṭraq̇a Ioana be͑ś yaq̇abi pine: "Takinan, yaynaḳ P̣asxin ukuni häzirluġ be͑ġanan".
   
İsusen P'yot'raq'a İoana běš yaq'abi pine: «Takinan, yaynak' P'asxin ukuni həzirluğ běğanan».

Verse: 9  Link to udint Link to udint   
Šoṭoġon isä Isusaxun xavarṭun haq̇i: "Yan maya häzirluġ be͑ġsunan čuresa?"
   
Şot'oğon isə İsusaxun xavart'un haq'i: «Yan maya həzirluğ běğsunan çuresa?»

Verse: 10  Link to udint Link to udint   
Isusen šoṭoġo pine: "Be͑ġanan, vä͑n šähäre baġaṭan ef be͑ś gamaten xe tašala sa amdar č̣egale. Šoṭay bać̣anexun takinan, šo baġala ḳoya bakinan.
   
İsusen şot'oğo pine: «Běğanan, və̌n şəhəre bağat'an ef běš gamaten xe taşala sa amdar c'egale. Şot'ay bač'anexun takinan, şo bağala k'oya bakinan.

Verse: 11  Link to udint Link to udint   
Ṭe kožin q̇onʒ́uġo upanan: "Määlimen vaxun xavare haqsa: <Bez šagirdxoxun sagala P̣asxin ukuna ukala q̇onaġi otaġ maya?>"
   
T'e kojin q'ončuğo upanan: "Məəlimen vaxun xavare haqsa: <Bez şagirdxoxun sagala P'asxin ukuna ukala q'onaği otağ maya?>"

Verse: 12  Link to udint Link to udint   
Ḳožin q̇onʒ́uġon vä͑x alin ḳoya häzirbaki otaġxoxun sa otaġ aḳesṭale. Ṭeṭiya häzirluġ be͑ġanan".
   
K'ojin q'ončuğon və̌x alin k'oya həzirbaki otağxoxun sa otağ ak'est'ale. T'et'iya həzirluğ běğanan».

Verse: 13  Link to udint Link to udint   
Šoṭoġon taci här šeyä Isusen pi ḳinäḳṭun aḳi, P̣asxin ukuneynaḳal häzirluġṭun be͑ġi.
   
Şot'oğon taśi hər şeyə İsusen pi k'inək't'un ak'i, P'asxin ukuneynak'al həzirluğt'un běği.

Verse: 14  Link to udint Link to udint   
Ukuni vaxṭ ṗaṗaṭan Isus aṗosṭolxoxun sulfin bać̣ane areci.
   
Ukuni vaxt' p'ap'at'an İsus ap'ost'olxoxun sulfin bač'ane areśi.

Verse: 15  Link to udint Link to udint   
Isusen šoṭoġo pine: "Zu korux aḳalṭuxun be͑ś me P̣asxin ukuna vä͑xun sagala uksuna gelez čuresay.
   
İsusen şot'oğo pine: «Zu korux ak'alt'uxun běš me P'asxin ukuna və̌xun sagala uksuna gelez çuresay.

Verse: 16  Link to udint Link to udint   
Vä͑x moṭoz nex: P̣asxa Buxaʒ́uġoy Padčaġluġasṭa bex ṗaṗamin Zu šoṭo ene ukalatezu".
   
Və̌x mot'oz nex: P'asxa Buxačuğoy Padçağluğast'a bex p'ap'amin Zu şot'o ene ukalatezu».

Verse: 17  Link to udint Link to udint   
Oša Isusen sa ǯam exṭi šükür bi pine: "Moṭo exṭanan, ef arane paybanan.
   
Oşa İsusen sa cam ext'i şükür bi pine: «Mot'o ext'anan, ef arane paybanan.

Verse: 18  Link to udint Link to udint   
Vä͑x moṭoz nex: Buxaʒ́uġoy Padčaġluġ eġamin ṭule xenaxun u͑ġalatez".
   
Və̌x mot'oz nex: Buxačuğoy Padçağluğ eğamin t'ule xenaxun ǔğalatez».

Verse: 19  Link to udint Link to udint   
Oša Isusen śumane exṭi, sükür bi, šoṭo ǯöybi tanedi šoṭoġo. Šoṭin pine: "Mo vä͑ynaḳ tadeġala Bez bädäne. Moṭo Za eyex basṭeynaḳ banan".
   
Oşa İsusen šumane ext'i, sükür bi, şot'o cöybi tanedi şot'oğo. Şot'in pine: «Mo və̌ynak' tadeğala Bez bədəne. Mot'o Za eyex bast'eynak' banan».

Verse: 20  Link to udint Link to udint   
Haketäräl biyäsin ukunaxun oša ǯama exṭi pine: "Me ǯam vä͑ynaḳ barala Bez ṗiyaxun ġać̣ṗi Täzä Iräziluġe.
   
Haketərəl biyəsin ukunaxun oşa cama ext'i pine: «Me cam və̌ynak' barala Bez p'iyaxun ğač'p'i Təzə İrəziluğe.

Verse: 21  Link to udint Link to udint   
Ama mone, Za xäyänät balo Zaxune, iz kulal me sulfinane boxosṭa.
   
Ama mone, Za xəyənət balo Zaxune, iz kulal me sulfinane boxost'a.

Verse: 22  Link to udint Link to udint   
Insani Ġar be͑śinaxun č̣äḳeci yaq̇ene taysa. Ama vay ṭe amdari hala ki, Insani Ġara xäyänätebsa!"
   
İnsani Ğar běšinaxun c'ək'eśi yaq'ene taysa. Ama vay t'e amdari hala ki, İnsani Ğara xəyənətebsa!»

Verse: 23  Link to udint Link to udint   
Šagirdxon me amdari šu baksuna sun-sunaxun xavar haqsaṭun burqi.
   
Şagirdxon me amdari şu baksuna sun-sunaxun xavar haqsat'un burqi.

Verse: 24  Link to udint Link to udint   
Ičoġoxun šu än kalo hesabbaksuni baradal sa exlätal baneki.
   
İçoğoxun şu ən kalo hesabbaksuni baradal sa exlətal baneki.

Verse: 25  Link to udint Link to udint   
Ama Isusen šoṭoġo pine: "Millätxoy padčaġxon ičoġoy loxol kalaluġebsa, me kalaluġ balṭoġoval havadarṭun nex.
   
Ama İsusen şot'oğo pine: «Millətxoy padçağxon içoğoy loxol kalaluğebsa, me kalaluğ balt'oğoval havadart'un nex.

Verse: 26  Link to udint Link to udint   
Ama vä͑n metär ma bakanan. Ef arane än kalo bakalo än miciko ḳinäḳq̇an baki, kalaluġ balo q̇ulluġči ḳinäḳq̇an baki.
   
Ama və̌n metər ma bakanan. Ef arane ən kalo bakalo ən miśiko k'inək'q'an baki, kalaluğ balo q'ulluğçi k'inək'q'an baki.

Verse: 27  Link to udint Link to udint   
Axər šuva kalo, sulfin bać̣ane arśiyo, yoxsa q̇ulluġ balo? Sulfin bać̣ane arśiyo tene? Zu isä ef arane q̇ulluġči ḳinäḳzu.
   
Axır şuva kalo, sulfin bač'ane aršiyo, yoxsa q'ulluğ balo? Sulfin bač'ane aršiyo tene? Zu isə ef arane q'ulluğçi k'inək'zu.

Verse: 28  Link to udint Link to udint   
Zu č̣ovakesṭi sənaġxosṭa Zaxun sa gala bakiyorox vä͑nnan.
   
Zu c'ovakest'i sınağxost'a Zaxun sa gala bakiyorox və̌nnan.

Verse: 29  Link to udint Link to udint   
Bez Bavan Za sa padčaġluġ tapšurbi ḳinäḳ, Zuval vä͑x sa padčaġluġez tapšurbsa.
   
Bez Bavan Za sa padçağluğ tapşurbi k'inək', Zuval və̌x sa padçağluğez tapşurbsa.

Verse: 30  Link to udint Link to udint   
Metär ki, Bez Padčaġluġasṭa Bez sulfin bel käyi-u͑ġä͑nan, Israiliyal ṗac̣c̣e näsilä kalaluġbseynaḳ taxṭurxo arcanan.
   
Metər ki, Bez Padçağluğast'a Bez sulfin bel kəyi-ǔğə̌nan, İsrailiyal p'as's'e nəsilə kalaluğbseynak' taxt'urxo arśanan.




P̣yoṭri danmišaḳsuna saturbe͑ś avabakesṭun
P'yot'ri danmişak'suna saturběš avabakest'un



Verse: 31  Link to udint Link to udint   
Simon, Simon! Šeytanen vä͑x arum ḳinäḳ xaxalaxun č̣ovakesṭeynaḳ iǯazane čureci.
   
Simon, Simon! Şeytanen və̌x arum k'inək' xaxalaxun c'ovakest'eynak' icazane çureśi.

Verse: 32  Link to udint Link to udint   
Ama Zu vi ve͑baksun maq̇an aći pi vaynaḳ afərəspi. Hunal sa vaxṭ qoš qaybaki vi vičimoġo zor tada".
   
Ama Zu vi věbaksun maq'an aç̌i pi vaynak' afırıspi. Hunal sa vaxt' qoş qaybaki vi viçimoğo zor tada».

Verse: 33  Link to udint Link to udint   
Šoṭin Isusa ǯoġabe tadi: "Ay Q̣onʒ́ux, zu Vaxun zindanal, bisunal taysuna häzirzu".
   
Şot'in İsusa coğabe tadi: «Ay Q'ončux, zu Vaxun zindanal, bisunal taysuna həzirzu».

Verse: 34  Link to udint Link to udint   
Ama Isusen pine: "P̣yoṭr, va moṭoz nex ki, ġe dadalen elḳalṭuxun be͑ś hun Za čalxsuna xib käräm danmišakalnu".
   
Ama İsusen pine: «P'yot'r, va mot'oz nex ki, ğe dadalen elk'alt'uxun běš hun Za çalxsuna xib kərəm danmişakalnu».

Verse: 35  Link to udint Link to udint   
Oša šagirdxone pi: "Zu vä͑x toraysuz, möšüksuz saal toroḳalsuz yaq̇abaṭan sa šeyaxun koruġ aḳenan?" Šoṭoġon ǯoġabṭun tadi: "Sal sa šeyaxun".
   
Oşa şagirdxone pi: «Zu və̌x toraysuz, möşüksuz saal torok'alsuz yaq'abat'an sa şeyaxun koruğ ak'enan?» Şot'oğon coğabt'un tadi: «Sal sa şeyaxun».

Verse: 36  Link to udint Link to udint   
Ṭe vädä Isusen šoṭoġo pine: "Häysä isä torayq̇a möšük bakalṭin šoṭoġo exṭeq̇an. Q̣ələnǯ nu bakalṭinal iz paltara toydi q̇ələnǯq̇an haq̇i.
   
T'e vədə İsusen şot'oğo pine: «Həysə isə torayq'a möşük bakalt'in şot'oğo ext'eq'an. Q'ılınc nu bakalt'inal iz paltara toydi q'ılıncq'an haq'i.

Verse: 37  Link to udint Link to udint   
Šoṭaynaḳ ki, vä͑x nexsu: me cameci bakalo "Üsyankarxoxun taye baki" äyit Zasṭa tam bex ṗaṗine buq̇on. Šoṭaynaḳ ki, Bez barada cameciyorox tamame baksa".
   
Şot'aynak' ki, və̌x nexsu: me śameśi bakalo "Üsyankarxoxun taye baki" əyit Zast'a tam bex p'ap'ine buq'on. Şot'aynak' ki, Bez barada śameśiyorox tamame baksa».

Verse: 38  Link to udint Link to udint   
Šoṭoġon pine: "Ay Q̣onʒ́ux, mone, memiya ṗä͑ qələnǯ bune". Šoṭin isä šoṭoġo pine: "Mo bäse".
   
Şot'oğon pine: «Ay Q'ončux, mone, memiya p'ə̌ qılınc bune». Şot'in isə şot'oğo pine: «Mo bəse».




Isusen Zeytun buruġoy bel afərənne
İsusen Zeytun buruğoy bel afırınne



Verse: 39  Link to udint Link to udint   
Isus č̣eri Iz ädäten Zeytun buruġone taci. Iz šagirdxoval Iz bać̣anexunṭun taci.
   
İsus c'eri İz ədəten Zeytun buruğone taśi. İz şagirdxoval İz bač'anexunt'un taśi.

Verse: 40  Link to udint Link to udint   
Ṭiya ṗaṗaṭan Isusen šoṭoġo pine: "Afərəpanan ki, sinäinš baksuna nu bafṭanan".
   
T'iya p'ap'at'an İsusen şot'oğo pine: «Afırıpanan ki, sinəinş baksuna nu baft'anan».

Verse: 41  Link to udint Link to udint   
Isus isä šoṭoġoxun sa źe bosala q̇ädär aralainšaki, diz čökṭi afərənepi.
   
İsus İç isə şot'oğoxun sa ǰe bosala q'ədər aralainşaki, diz çökt'i afırınepi.

Verse: 42  Link to udint Link to udint   
Šoṭin metäre pi: "Ay Bava, ägär Vi čuresuna düz enesa isä, me ǯama Zaxun ä͑xilba. Ama Bez , barta Vi čureġala ḳinäḳq̇an baki".
   
Şot'in metəre pi: «Ay Bava, əgər Vi çuresuna düz enesa isə, me cama Zaxun ə̌xilba. Ama Bez tə, barta Vi çureğala k'inək'q'an baki».

Verse: 43  Link to udint Link to udint   
Göynuxun sa angel Isusa aḳeci Iču zore tadi.
   
Göynuxun sa angel İsusa ak'eśi İçu zore tadi.

Verse: 44  Link to udint Link to udint   
Isusen kala äzyäti boš samalal üḳen afərənney. Šoṭay aṗ oq̇a bitala ṗiye ḳaṭurxo ošq̇arey.
   
İsusen kala əzyəti boş samalal ük'en afırınney. Şot'ay ap' oq'a bitala p'iye k'at'urxo oşq'arey.

Verse: 45  Link to udint Link to udint   
Isus afərənaxun hayzeri Iz šagirdxoy ṭo͑ġo͑le hari, šoṭoġo därdäxun mandaḳ baki, neṗaxe aḳi.
   
İsus afırınaxun hayzeri İz şagirdxoy t'ǒğǒle hari, şot'oğo dərdəxun mandak' baki, nep'axe ak'i.

Verse: 46  Link to udint Link to udint   
Šoṭin Iz šagirdxo pine: "Heṭaynaḳnan basḳe? Hayzanan, afərəpanan ki, sinäinš baksuna nu bafṭanan".
   
Şot'in İz şagirdxo pine: «Het'aynak'nan bask'e? Hayzanan, afırıpanan ki, sinəinş baksuna nu baft'anan».




Isus biq̇esa
İsus biq'esa



Verse: 47  Link to udint Link to udint   
Isusen Iz äyitä čarḳinuṭ sa däsṭä amdare aḳeci. P̣aśśe šagirdxoxun soġo, Iuda c̣ila sa amdar, šoṭoġoxun be͑śe taysay. Šo Isusa mučbseynaḳ iśalainše baki.
   
İsusen İz əyitə çark'inut' sa dəst'ə amdare ak'eśi. P'ašše şagirdxoxun soğo, İuda s'ila sa amdar, şot'oğoxun běše taysay. Şo İsusa muçbseynak' išalainşe baki.

Verse: 48  Link to udint Link to udint   
Ama Isusen šoṭo pine: "Iuda, hun Insani Ġara sa mučbsunenen toysṭa?"
   
Ama İsusen şot'o pine: «İuda, hun İnsani Ğara sa muçbsunenen toyst'a?»

Verse: 49  Link to udint Link to udint   
Isusi härrämine bakalṭoġon ḳä baksuna aḳaṭan Šoṭo piṭun: "Ay Q̣onʒ́ux, bärkä qələnǯen duġayan?"
   
İsusi hərrəmine bakalt'oğon k'ə baksuna ak'at'an Şot'o pit'un: «Ay Q'ončux, bərkə qılıncen duğayan?»

Verse: 50  Link to udint Link to udint   
Šoṭoġoy sunṭin kala be͑inśi nökärä duneġi, iz sa u͑moġoval čuneki.
   
Şot'oğoy sunt'in kala běinši nökərə duneği, iz sa ǔmoğoval çuneki.

Verse: 51  Link to udint Link to udint   
Ama Isusen pine: Bäsä, ma banan". Oša nökäri u͑moġo kuldi šoṭo q̇olayebi.
   
Ama İsusen pine: Bəsə, ma banan». Oşa nökəri ǔmoğo kuldi şot'o q'olayebi.

Verse: 52  Link to udint Link to udint   
Isusen Iz loxol eġala kala be͑inśxo, Buxaʒ́uġoy ḳožin q̇arolčiġoy kalaṭoġo saal aġsaq̇q̇alxo pine: "Heṭaynaḳ amdar fu͑q̇ḳali loxol taġalṭullariḳ q̇ələnǯenq̇a maqennan hare?
   
İsusen İz loxol eğala kala běinšxo, Buxačuğoy k'ojin q'arolçiğoy kalat'oğo saal ağsaq'q'alxo pine: «Het'aynak' amdar fǔq'k'ali loxol tağalt'ullarik' q'ılıncenq'a maqennan hare?

Verse: 53  Link to udint Link to udint   
Zu här ġi Buxaʒ́uġoy ḳoya vä͑xun sagala bakaṭan vä͑n Za kul tenan alabi. Ama isä efi vaxṭe, bainq̇luġi padǯaġluġe".
   
Zu hər ği Buxačuğoy k'oya və̌xun sagala bakat'an və̌n Za kul tenan alabi. Ama isə efi vaxt'e, bainq'luği padcağluğe».




P̣yoṭren Isusaxun danmiše baksa
P'yot'ren İsusaxun danmişe baksa



Verse: 54  Link to udint Link to udint   
Isusa biq̇i taṭunšeri, kala be͑inśi koyaṭun ečeri. P̣yoṭr isä ä͑xiläxun bać̣anexune taysay.
   
İsusa biq'i tat'unşeri, kala běinši koyat'un eçeri. P'yot'r isə ə̌xiləxun bač'anexune taysay.

Verse: 55  Link to udint Link to udint   
Mälin bi͑yex aruxe boksay. P̣yoṭr hari šoṭay härrämine arciṭoġoy arane areci.
   
Məlin bǐyex aruxe boksay. P'yot'r hari şot'ay hərrəmine arśit'oğoy arane areśi.

Verse: 56  Link to udint Link to udint   
Q̣ulluġči čupuġoy sunṭin aruġoy išiġa arci P̣yoṭra aneḳi. Šoṭo yönbäri be͑ġi pine: "Me amdaral Isusaxun sagalaney".
   
Q'ulluğçi çupuğoy sunt'in aruğoy işiğa arśi P'yot'ra anek'i. Şot'o yönbəri běği pine: «Me amdaral İsusaxun sagalaney».

Verse: 57  Link to udint Link to udint   
Ama P̣yoṭren "Ay čuux, Zu koṭo čaltezxsa" pi, Šoṭoxun danmiše baki.
   
Ama P'yot'ren «Ay çuux, Zu kot'o çaltezxsa» pi, Şot'oxun danmişe baki.

Verse: 58  Link to udint Link to udint   
Samal oša q̇eräz sa amdaren šoṭo aḳi pine: "Hunal koṭoġoxunnu?" Ama P̣yoṭren pine: "Ay išq̇ar, zu tezu! "
   
Samal oşa q'erəz sa amdaren şot'o ak'i pine: «Hunal kot'oğoxunnu?» Ama P'yot'ren pine: «Ay işq'ar, zu tezu! »

Verse: 59  Link to udint Link to udint   
Sa saadal ciriḳ vaxṭ č̣ovaki q̇eräz sa amdaren inaden pine: "Düzäl ki, me amdar Šoṭoxuney, šoṭaynaḳ ki, Galileyalune".
   
Sa saadal śirik' vaxt' c'ovaki q'erəz sa amdaren inaden pine: «Düzəl ki, me amdar Şot'oxuney, şot'aynak' ki, Galileyalune».

Verse: 60  Link to udint Link to udint   
Ama P̣yoṭren pine: "Ay išq̇ar, vi uḳalṭu q̇amiš tez baksa". Haṭe äyiṭḳala vaxṭesṭa dadalen elepi.
   
Ama P'yot'ren pine: «Ay işq'ar, vi uk'alt'u q'amiş tez baksa». Hat'e əyit'k'ala vaxt'est'a dadalen elepi.

Verse: 61  Link to udint Link to udint   
Ṭe vädä Q̣onʒ́uġon fərəpi P̣yoṭri loxole be͑ġi. P̣yoṭri eyex bafedi ki, Q̣onʒ́uġon šoṭo peney: "Ġe dadalen elḳalṭuxun be͑ś hun Zaxun xib käräm danmišakalnu".
   
T'e vədə Q'ončuğon fırıpi P'yot'ri loxole běği. P'yot'ri eyex bafedi ki, Q'ončuğon şot'o peney: «Ğe dadalen elk'alt'uxun běš hun Zaxun xib kərəm danmişakalnu».

Verse: 62  Link to udint Link to udint   
Koto göräl ṭeṭiin č̣eri hönkür-hönkür o͑no͑nepi.
   
Koto görəl t'et'iin c'eri hönkür-hönkür ǒnǒnepi.

Verse: 63  Link to udint Link to udint   
Isusa biq̇i efala amdarxon Šoṭo laġa haqsun ṭaṗṭunney.
   
İsusa biq'i efala amdarxon Şot'o lağa haqsun t'ap't'unney.

Verse: 64  Link to udint Link to udint   
Šoṭay pulmoġo ġać̣ṗi Iz ćoyel duġi xavarṭun haqsay: "Xavartašalluġba be͑yn, Va šina duġi?"
   
Şot'ay pulmoğo ğač'p'i İz ç̌oyel duği xavart'un haqsay: «Xavartaşalluğba běyn, Va şina duği?»

Verse: 65  Link to udint Link to udint   
Šoṭo q̇eräz äyitmux pi, gele böhṭanṭun bosṭay.
   
Şot'o q'erəz əyitmux pi, gele böht'ant'un bost'ay.




Isus Kala Šurin be͑ś
İsus Kala Şurin běš



Verse: 66  Link to udint Link to udint   
Käybakaṭan azuḳi aġsaq̇q̇alxo, kala be͑inśxo, ḳanun camḳalxo girṭunci, Isusa ičoġoy Kala Šurinaṭun ečeri.
   
Kəybakat'an azuk'i ağsaq'q'alxo, kala běinšxo, k'anun śamk'alxo girt'unśi, İsusa içoğoy Kala Şurinat'un eçeri.

Verse: 67  Link to udint Link to udint   
Šoṭoġon piṭun: "Yax upa, Xrisṭos Hunnu?" Isusen pine šoṭoġo: " Ägär vä͑x uḳaiz, ve͑tenan bakal.
   
Şot'oğon pit'un: «Yax upa, Xrist'os Hunnu?» İsusen pine şot'oğo: « Әgər və̌x uk'aiz, větenan bakal.

Verse: 68  Link to udint Link to udint   
Ägär vä͑xun xavar haq̇aiz, Za ǯoġab tenan tadal.
   
Әgər və̌xun xavar haq'aiz, Za coğab tenan tadal.

Verse: 69  Link to udint Link to udint   
Moṭoxun oša isä Insani Ġar zorba Buxaʒ́uġoy yön täräf arcale".
   
Mot'oxun oşa isə İnsani Ğar zorba Buxačuğoy yön tərəf arśale».

Verse: 70  Link to udint Link to udint   
Šoṭoġoy bitoṭin pine: "Yäni Hun Buxaʒ́uġoy Ġarnu?" Isusen šoṭoġo ǯoġabe tadi: "Ef pi ḳinäḳ Šo Zuzu".
   
Şot'oğoy bitot'in pine: «Yəni Hun Buxačuğoy Ğarnu?» İsusen şot'oğo coğabe tadi: «Ef pi k'inək' Şo Zuzu».

Verse: 71  Link to udint Link to udint   
Ṭe vädä šoṭoġon piṭun: "Ene ćoyel čurṗsuna he ehtiyäǯäbu? Axəri yanǯä Iz źomoxun iyanbaki".
   
T'e vədə şot'oğon pit'un: «Ene ç̌oyel çurp'suna he ehtiyəcəbu? Axıri yancə İz ǰomoxun iyanbaki».



Next part



This text is part of the TITUS edition of Biblia Udica: Novum Testamentum (Lucas).

Copyright TITUS Project, Frankfurt a/M, 11.4.2021. No parts of this document may be republished in any form without prior permission by the copyright holder.