TITUS
Biblia Udica: Novum Testamentum (Lucas)
Part No. 3
Previous part

Chapter: 3 
Xačzaṗḳal Ioani eysun
Xaçzap'k'al İoani eysun



Verse: 1  Link to udint Link to udint   Imṗeraṭor Ṭiberiin kalaluġbsuni q̇oc̣c̣emǯi useney. Ṭe vädinesṭa P̣onṭi P̣ilaṭ Iudeyani kaloney. Hiroden Galileyana, iz viči Filiṗen Iṭureya saal Ṭraxonṭis oćalxo, Lisaniya Abileniyana kalaluġṭunbsay.
   
İmp'erat'or T'iberiin kalaluğbsuni q'os's'emci useney. T'e vədinest'a P'ont'i P'ilat' İudeyani kaloney. Hiroden Galileyana, iz viçi Filip'en İt'ureya saal T'raxont'is oç̌alxo, Lisaniya Abileniyana kalaluğt'unbsay.

Verse: 2  Link to udint Link to udint   
Xananq̇a Ḳayafa samǯi be͑inśxoney. Ṭe vädä čölö Zäkäriyäy ġar Ioana Buxaʒ́uġoy äyite ṗaṗsa.
   
Xananq'a K'ayafa samci běinšxoney. T'e vədə çölö Zəkəriyəy ğar İoana Buxačuğoy əyite p'ap'sa.

Verse: 3  Link to udint Link to udint   
Šoṭinal Yordan oqe härrämine bakala bütüm oćalo tarapsun amdarxo ičoġoy günaxxo baġišlainšakseynaḳ tooba bi xač zaṗesunane karoozbsay.
   
Şot'inal Yordan oqe hərrəmine bakala bütüm oç̌alo tarapsun amdarxo içoğoy günaxxo bağişlainşakseynak' tooba bi xaç zap'esunane karoozbsay.

Verse: 4  Link to udint Link to udint   
Hetär ki, xavartašal Isaya girke boš cameceney: "Čölö sa tane osṭaar säse č̣eysa: "Q̣onʒ́uġoy yaq̇a häzzürbanan, Šoṭay č̣ovakala ǯəġərxo düz banan.
   
Hetər ki, xavartaşal İsaya girke boş śameśeney: «Çölö sa tane ost'aar səse c'eysa: "Q'ončuğoy yaq'a həzzürbanan, Şot'ay c'ovakala cığırxo düz banan.

Verse: 5  Link to udint Link to udint   
Här därä ala e͑qe͑ġale, Här buruxq̇a täpä oq̇a ciġale, Yaq̇e ḳori ganxo düz bakale, Ala-oq̇a ganxo hamavar bakale.
   
Hər dərə ala ěqěğale, Hər buruxq'a təpə oq'a śiğale, Yaq'e k'ori ganxo düz bakale, Ala-oq'a ganxo hamavar bakale.

Verse: 6  Link to udint Link to udint   
Bütüm amdarxon Buxaʒ́uġoy čarḳesṭuna aḳale"".
   
Bütüm amdarxon Buxačuğoy çark'est'una ak'ale"».

Verse: 7  Link to udint Link to udint   
Ionanen xač zaṗeseynaḳ iz ṭo͑ġo͑l eġala amdarxo nexey: "Ay gürzäy näsil! Ef ćoyel eġala äǯuġoxun ef elmoġo čarḳesṭuna ef beyinä šina bape?
   
İonanen xaç zap'eseynak' iz t'ǒğǒl eğala amdarxo nexey: «Ay gürzəy nəsil! Ef ç̌oyel eğala əcuğoxun ef elmoğo çark'est'una ef beyinə şina bape?

Verse: 8  Link to udint Link to udint   
Häysä toobina layiġlu barurxo tadanan. Ef üḳe boš "Beš bava Abrahame" upsa burmaqanan. Zu vä͑x nexsu ki, Buxaʒ́uġon me źeyurxoxun Avrahameynaḳ äylux yaraṭmišes baneko.
   
Həysə toobina layiğlu barurxo tadanan. Ef ük'e boş "Beş bava Abrahame" upsa burmaqanan. Zu və̌x nexsu ki, Buxačuğon me ǰeyurxoxun Avrahameynak' əylux yarat'mişes baneko.

Verse: 9  Link to udint Link to udint   
Ene tavar xodurxoy tume bitene. Metärluġen, šaaṭ bar nu tadala här xod boṭeci aruġone bosesa".
   
Ene tavar xodurxoy tume bitene. Metərluğen, şaat' bar nu tadala hər xod bot'eśi aruğone bosesa».

Verse: 10  Link to udint Link to udint   
Ǯamaaten Šoṭoxun xavare haq̇say: "P̣oy yan ḳä ben?"
   
Camaaten Şot'oxun xavare haq'say: «P'oy yan k'ə ben?»

Verse: 11  Link to udint Link to udint   
Ioanen šoṭoġo metäre ǯoġab tadi: "P̣ä͑ guraṭ bakalṭin sunṭu nu bakalṭuq̇an tadi. Haketäräl, iz ukun bakala amdarenal nu bakalṭuxun ǯöybeq̇an".
   
İoanen şot'oğo metəre coğab tadi: «P'ə̌ gurat' bakalt'in sunt'u nu bakalt'uq'an tadi. Haketərəl, iz ukun bakala amdarenal nu bakalt'uxun cöybeq'an».

Verse: 12  Link to udint Link to udint   
Nalog girbalxonal xač zaṗeseynaḳ šoṭay ṭo͑ġo͑l hari xavarṭun haq̇say: "Määlim, yan ḳä ben?"
   
Nalog girbalxonal xaç zap'eseynak' şot'ay t'ǒğǒl hari xavart'un haq'say: «Məəlim, yan k'ə ben?»

Verse: 13  Link to udint Link to udint   
Ioanen šoṭoġo pine: "Vä͑x tapšurbi q̇ädäräxun gele nalog ma girbanan".
   
İoanen şot'oğo pine: «Və̌x tapşurbi q'ədərəxun gele nalog ma girbanan».

Verse: 14  Link to udint Link to udint   
Bäzi äsḳärxonal hari šoṭoxun xavarṭun haq̇i: "P̣oy yan ḳä ben?" Ioanenal šoṭoġo ǯoġabe tadi: "Šuḳḳalaxun zoren tängä ma haq̇anan, nahaq gala taxsərlainš mabanan, ef haq̇ala maašaxun iräziläinšakanan".
   
Bəzi əsk'ərxonal hari şot'oxun xavart'un haq'i: «P'oy yan k'ə ben?» İoanenal şot'oğo coğabe tadi: «Şuk'k'alaxun zoren təngə ma haq'anan, nahaq gala taxsırlainş mabanan, ef haq'ala maaşaxun irəziləinşakanan».

Verse: 15  Link to udint Link to udint   
Amdarxon umuden yaq̇ebe͑ġsay, bitoṭinal Ioani barada ičoġoy üḳe boš ičin-ičuxun xavare haq̇say: "Mo Xrisṭose ola?"
   
Amdarxon umuden yaq'eběğsay, bitot'inal İoani barada içoğoy ük'e boş için-içuxun xavare haq'say: «Mo Xrist'ose ola?»

Verse: 16  Link to udint Link to udint   
Ioanen šoṭoġo bütümä metäre ǯoġab tadi: "Zu vä͑x xenenez xač zaṗe. Ama zaxun gele Zorbone eysa. Zu Šoṭay toroḳali baġa šadbsunal layiġ tezu. Šoṭin vä͑x ω͑vel Urufenq̇a aruġon xač zaṗḳale.
   
İoanen şot'oğo bütümə metəre coğab tadi: «Zu və̌x xenenez xaç zap'e. Ama zaxun gele Zorbone eysa. Zu Şot'ay torok'ali bağa şadbsunal layiğ tezu. Şot'in və̌x Ǐvel Urufenq'a aruğon xaç zap'k'ale.

Verse: 17  Link to udint Link to udint   
Iz eč̣a tämizbi taxəla ambara topbseynaḳ yaba iz kiyel häzire. Kolośa isä nu ačala aruġoy boš boḳosṗale".
   
İz ec'a təmizbi taxıla ambara topbseynak' yaba iz kiyel həzire. Kološa isə nu açala aruğoy boş bok'osp'ale».

Verse: 18  Link to udint Link to udint   
Ioanen gele q̇eräz ögüd-näsyät tasṭun, amdarxo Mu͑q Xavara ṗaṗesebsay.
   
İoanen gele q'erəz ögüd-nəsyət tast'un, amdarxo Mǔq Xavara p'ap'esebsay.

Verse: 19  Link to udint Link to udint   
Ama Ioanen kalaluġbala Irodi iz vičey čuux Hirodiya haq̇suna saal iz biq̇i här ǯür pis äšurxo görä pisläinšaṭan
   
Ama İoanen kalaluğbala İrodi iz viçey çuux Hirodiya haq'suna saal iz biq'i hər cür pis əşurxo görə pisləinşat'an

Verse: 20  Link to udint Link to udint   
Iroden iz biq̇i bütüm pis äšurxoy loxol soġoval hari, Ioana zindanane bosesṭi.
   
İroden iz biq'i bütüm pis əşurxoy loxol soğoval hari, İoana zindanane bosest'i.




Isusi xač zaṗesun
İsusi xaç zap'esun



Verse: 21  Link to udint Link to udint   
Bito amdarxo xač zaṗeġaṭan, Isusal xač zaṗeci. Šoṭin afərəḳaṭan göy qayeci.
   
Bito amdarxo xaç zap'eğat'an, İsusal xaç zap'eśi. Şot'in afırık'at'an göy qayeśi.

Verse: 22  Link to udint Link to udint   
ω͑vel Uruf, iz bädän göyärčini šikilen, Iz loxole ciri. Göynuxun sa säse hari: "Hun Bezi čureġala Ġarnu, Vaxun iräzizu".
   
Ǐvel Uruf, iz bədən göyərçini şikilen, İz loxole śiri. Göynuxun sa səse hari: «Hun Bezi çureğala Ğarnu, Vaxun irəzizu».




Isusi äsil
İsusi əsil



Verse: 23  Link to udint Link to udint   
Isusen Iz q̇ulluġa burqaṭan täxmini otuz yäšṭäney. Amdarxoy fikiren, Šo Iosifi Ġar Elin Ġar
   
İsusen İz q'ulluğa burqat'an təxmini otuz yəşt'əney. Amdarxoy fikiren, Şo İosifi Ğar Elin Ğar

Verse: 24  Link to udint Link to udint   
Maṭṭati Ġar Leviin Ġar Melkiin Ġar Yannay Ġar Iosifi Ġar
   
Mat't'ati Ğar Leviin Ğar Melkiin Ğar Yannay Ğar İosifi Ğar

Verse: 25  Link to udint Link to udint   
Maṭṭafiyay Ġar Amosi Ġar Naumi Ġar Eslii Ġar Naq̇q̇eyi Ġar
   
Mat't'afiyay Ğar Amosi Ğar Naumi Ğar Eslii Ğar Naq'q'eyi Ğar

Verse: 26  Link to udint Link to udint   
Maafi Ġar Maṭṭafiyay Ġar Semiyeyi Ġar Iosifi Ġar Iuday Ġar
   
Maafi Ğar Mat't'afiyay Ğar Semiyeyi Ğar İosifi Ğar İuday Ğar

Verse: 27  Link to udint Link to udint   
Ioannay Ġar Risay Ġar Zoravaveyi Ġar Salaifieli Ġar Nirii Ġar
   
İoannay Ğar Risay Ğar Zoravaveyi Ğar Salaifieli Ğar Nirii Ğar

Verse: 28  Link to udint Link to udint   
Melxin Ġar Addin Ġar Kosami Ġar Elmodami Ġar Ire Ġar
   
Melxin Ğar Addin Ğar Kosami Ğar Elmodami Ğar İre Ğar

Verse: 29  Link to udint Link to udint   
Iosii Ġar Eliyeazarii Ġar Iorimi Ġar Maṭfaṭii Ġar Levin Ġar
   
İosii Ğar Eliyeazarii Ğar İorimi Ğar Mat'fat'ii Ğar Levin Ğar

Verse: 30  Link to udint Link to udint   
Simeoni Ġar Iudii Ġar Iosifi Ġar Ioannanii Ġar Eliakimi Ġar
   
Simeoni Ğar İudii Ğar İosifi Ğar İoannanii Ğar Eliakimi Ğar

Verse: 31  Link to udint Link to udint   
Melai Ġar Mennay Ġar Maṭṭatii Ġar Nafanii Ġar Davidi Ġar
   
Melai Ğar Mennay Ğar Mat't'atii Ğar Nafanii Ğar Davidi Ğar

Verse: 32  Link to udint Link to udint   
Yesseyi Ġar Ovedi Ġar Boazi Ġar Salmoni Ġar Naxšoni Ġar
   
Yesseyi Ğar Ovedi Ğar Boazi Ğar Salmoni Ğar Naxşoni Ğar

Verse: 33  Link to udint Link to udint   
Aminadavi Ġar Admini Ġar Arnin Ġar Xesroni Ġar Peresi Ġar Iudin Ġar
   
Aminadavi Ğar Admini Ğar Arnin Ğar Xesroni Ğar Peresi Ğar İudin Ğar

Verse: 34  Link to udint Link to udint   
Iakovi Ġar Isaki Ġar Avrahami Ġar Terani Ġar Naxori Ġar
   
İakovi Ğar İsaki Ğar Avrahami Ğar Terani Ğar Naxori Ğar

Verse: 35  Link to udint Link to udint   
Seruxi Ġar Ragavi Ġar Faleki Ġar Everi Ġar Šelaxi Ġar
   
Seruxi Ğar Ragavi Ğar Faleki Ğar Everi Ğar Şelaxi Ğar

Verse: 36  Link to udint Link to udint   
Kaynani Ġar Arfaksadi Ġar Šeti Ġar Noye Ġar Lemeḳi Ġar
   
Kaynani Ğar Arfaksadi Ğar Şeti Ğar Noye Ğar Lemek'i Ğar

Verse: 37  Link to udint Link to udint   
Meṭušelaxi Ġar Enoši Ġar Yenoxi ġar Mahalaleli Ġar Kaynani Ġar
   
Met'uşelaxi Ğar Enoşi Ğar Yenoxi ğar Mahalaleli Ğar Kaynani Ğar

Verse: 38  Link to udint Link to udint   
Enoši Ġar Šeti Ġar Adami Ġar Buxaʒ́uġoy Ġarey.
   
Enoşi Ğar Şeti Ğar Adami Ğar Buxačuğoy Ğarey.



Next part



This text is part of the TITUS edition of Biblia Udica: Novum Testamentum (Lucas).

Copyright TITUS Project, Frankfurt a/M, 11.4.2021. No parts of this document may be republished in any form without prior permission by the copyright holder.