TITUS
Biblia Mcxetica
Part No. 638
Previous part

Chapter: 111 
ალელუაჲ, წარწერისათჳს ანგეასა და ზაქარიასა


Verse: 1  Link to psa Link to sept   ნეტარ არს კაცი, რომელსა ეშინის უფლისა, მცნებათა შინა მისთა ინებოს ფრიად;

Verse: 2  Link to psa Link to sept   ძლიერ იყოს ქუეყანასა ზედა ნათესავი მისი, და თესლი წრფელთა იკურთხოს;

Verse: 3  Link to psa Link to sept   დიდებაჲ და სიმდიდრე სახლსა მისსა, და სიმართლე მისი ეგოს უკუნითი უკუნისამდე.

Verse: 4  Link to psa Link to sept   გამოუბრწყინდა ბნელსა შინა ნათელი წრფელთა, მოწყალე, და შემწყნარებელ და მართალ.

Verse: 5  Link to psa Link to sept   ტკბილსა კაცსა ეწყალინ და ავასხის და განაგნეს სიტყუანი მისნი სასჯელსა შინა;

Verse: 6  Link to psa Link to sept   რამეთუ უკუნისამდე არა შეირყიოს,

Verse: 7  Link to psa Link to sept   საჴსენებელად საუკუნოდ იყოს მართალი. ჰამბავისაგან ბოროტისა არა ეშინოდის;

Verse: 8  Link to psa Link to sept   განმზადებულ არს გული მისი სასოებასა უფლისასა. განმტკიცებულ არს გული მისი და არა შეეშინოს, ვიდრემდის იხილოს მტერთა მისთა.

Verse: 9  Link to psa Link to sept   განაბნია და მისცა გლახაკთა, და სიმართლე მისი ჰგიეს უკუნითი უკუნისამდე, რქაჲ მისი ამაღლდეს დიდებითა.

Verse: 10  Link to psa Link to sept   ცოდვილმან იხილოს და განრისხნეს, კბილთა თჳსთა იღრჭენდეს და დადნეს, და გულისთქმა ცოდვილისა წარწყმდეს. დიდება



Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.