TITUS
Biblia Mcxetica
Part No. 644
Previous part

Chapter: 117 
ალელუაჲ


Verse: 1  Link to psa Link to sept   აუარებდით უფალსა, რამეთუ კეთილ, რამეთუ უკუნისამდე არს წყალობაჲ მისი;

Verse: 2  Link to psa Link to sept   თქუნ სახლმან ისრაჱლისამან, რამეთუ კეთილ, რამეთუ უკუნისამდე არს წყალობაჲ მისი;

Verse: 3  Link to psa Link to sept   თქუნ სახლმან აჰრონისმან, რამეთუ კეთილ, რამეთუ უკუნისამდე არს წყალობაჲ მისი;

Verse: 4  Link to psa Link to sept   თქუედ ყოველთა მოშიშთა უფლისათა, რამეთუ კეთილ, რამეთუ უკუნისამდე არს წყალობაჲ მისი.

Verse: 5  Link to psa Link to sept   ჭირსა ჩემსა ვხადე უფალსა, ისმინა ჩემი და გამომიყვანა მე ფართოდ.

Verse: 6  Link to psa Link to sept   უფალი არს მწე ჩემდა, არა შემეშინოს; რაჲ მიყოს მე კაცმან?

Verse: 7  Link to psa Link to sept   უფალი არს მწე ჩემდა, მე ვიხილნე მტერნი ჩემნი.

Verse: 8  Link to psa Link to sept   კეთილ არს მოსავ-ყოფა უფლისა მიმართ, ვიდრე მოსავ-ყოფა კაცისა მიმართ;

Verse: 9  Link to psa Link to sept   კეთილ არს სასოებაჲ უფლისა მიმართ, ვიდრე სასოებაჲ მთავართა მიმართ.

Verse: 10  Link to psa Link to sept   ყოველი თესლები გარემომადგა მე, და სახელითა უფლისათა ვერეოდი მათ.

Verse: 11  Link to psa Link to sept   გარემომადგეს მე და მომიცვეს მე, და სახელითა უფლისაჲთა ვერეოდე მათ;

Verse: 12  Link to psa Link to sept   მომადგეს მე, ვითარცა ფუტკარნი გოლსა, და აღეტყინნეს, ვითარცა ცეცხლი ეკალთა შორის, და სახელითა უფლისაჲთა ვერეოდე მათ;

Verse: 13  Link to psa Link to sept   მივდერკ ჭენებით დაცემად, და უფალმან ჴელი აღმიპყრა მე.

Verse: 14  Link to psa Link to sept   ძალი ჩემი და გალობაჲ ჩემი უფალი და მეყო მე იგი მაცხოვარ.

Verse: 15  Link to psa Link to sept   ჴმაჲ სიხარულისა და ცხორებისა საყოფელსა მართალთასა: მარჯუენემან უფლისამან ქმნა ძალი,

Verse: 16  Link to psa Link to sept   მარჯუენემან უფლისამან აღმამაღლა მე, მარჯუენემან უფლისამან ქმნა ძალი.

Verse: 17  Link to psa Link to sept   არა მოვკუდე, არამედ ვცხოვნდე და განვთქუნე მე საქმენი უფლისანი.

Verse: 18  Link to psa Link to sept   სწავლით განმსწავლა მე უფალმან და სიკუდილსა არა მიმცა მე.

Verse: 19  Link to psa Link to sept   განმიხუენით მე ბჭენი სიმართლისანი, შევიდე მათ შინა და აუვარო უფალსა.

Verse: 20  Link to psa Link to sept   ესე არს ბჭე უფლისაჲ, და მართალნი შევლენ ამას შინა.

Verse: 21  Link to psa Link to sept   აღგიარო შენ, რამეთუ ისმინე ჩემი და იქმენ ჩემდა მაცხოვარ.

Verse: 22  Link to psa Link to sept   ლოდი, რომელ შეურაცხ-ყვეს მაშენებელთა, ესე იქმნა თავ კიდეთა;

Verse: 23  Link to psa Link to sept   უფლისა მიერ იყო ესე, და არს საკჳრველ წინაშე თუალთა ჩუენთა.

Verse: 24  Link to psa Link to sept   ესე არს დღე უფლისაჲ, რომელ ქმნა უფალმან; ვიხარებდეთ და ვიშუებდეთ ამას შინა.

Verse: 25  Link to psa Link to sept   ჵ, უფალო, მაცხოვნე მე, ჵ, უფალო, წარმიმართე მე.

Verse: 26  Link to psa Link to sept   კურთხეულ არს მომავალი სახელითა უფლისაჲთა; გაკურთხენით თქუენ სახლითა უფლისაჲთა.

Verse: 27  Link to psa Link to sept   ღმერთი უფალი და გამოგჳჩნდა ჩუენ; განმზადეთ დღესასწაული ჟამსა ყუავილთასა ვიდრე რქათამდე საკურთხეველისათა.

Verse: 28  Link to psa Link to sept   ღმერთი ჩემი ხარი შენ, და აღგიარო შენ; ღმერთი ჩემი ხარი შენ, და აღგამაღლო შენ; აღგიარო შენ, რამეთუ ისმინე ჩემი და იქმენ ჩემდა მაცხოვარ.

Verse: 29  Link to psa Link to sept   აუარებდით უფალსა, რამეთუ კეთილ, რამეთუ უკუნისამდე არს წყალობაჲ მისი. დიდებაჲ



კანონი ი̂ზ



Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.