TITUS
Epistulae Pauli georgice (CD)
Part No. 48
Previous part

Chapter: 3  
3


Verse: 1   Link to pavleni Link to gnt   ჵ, უცნობელნო გალატელნო, ვინ გეშურობდა თქუენ ჭეშმარიტებისა არამორჩილებად, რომელთა თუალთა წინაშე პირველვე გამოიწერა თქუენ შორის იესუ ქრისტე ჯუარ-ცუმული?


Verse: 2   Link to pavleni Link to gnt   ესე ხოლო მნებავს თქუენგან უწყებად: საქმეთაგან შჯულისათა სული იგი მიიღეთ ანუ სმენითა მით სარწმუნოებისაჲთა?

Verse: 2V     სჯულისათა FTIK, მოიღეთ T.


Verse: 3   Link to pavleni Link to gnt   ესრეთ უცნობელ ხართ, იწყეთ სულიერად და აწ ჴორციელად აღასრულებთ?


Verse: 4   Link to pavleni Link to gnt   ესოდენი გევნო ცუდად? და თუმცა ცუდად!

Verse: 4V     ესოდენ T.


Part: 5 
(ე̂)


Verse: 5   Link to pavleni Link to gnt   აწ უკუე რომელმან-იგი მოგცა თქუენ სული და იქმს ძალთა თქუენ შორის, საქმეთაგანმე შჯულისათა ანუ სმენითა მით სარწმუნოებისაჲთა?

Verse: 5V     სჯულისათა FTIK.


Verse: 6   Link to pavleni Link to gnt   ვითარცა აბრაჰამს ჰრწმენა ღმერთი და შეერაცხა მას სიმართლედ.(1)

Verse: 6-1Q     Link to mcat Gen. 15,6

Verse: 6V     აბრაჰამსა T.


Verse: 7   Link to pavleni Link to gnt   უწყითმეა, რამეთუ სარწმუნოებისაგანნი იგი არიან შვილნი აბრაჰამისნი?


Verse: 8   Link to pavleni Link to gnt   რამეთუ წინაჲსწარ იცოდა წიგნმან, ვითარმედ სარწმუნოებითა განამართლებს წარმართთა ღმერთი, წინაჲსწარ ახარა აბრაჰამს, ვითარმედ: შენდამი იკურთხეოდიან ყოველნი წარმართნი.(2)

Verse: 8-2Q     Link to mcat Hab. 2,4

Verse: 8V     სარწმუნოებით IK, შენდამი ] შენ მიერ V, იკურთხევდიან T.


Verse: 9   Link to pavleni Link to gnt   აწ უკუე სარწმუნოებისაგანნი იგი იკურთხევიან მორწმუნისა მის აბრაჰამის თანა.


Part: 6 
(ვ̂)


Verse: 10   Link to pavleni Link to gnt   რამეთუ რაოდენნი-იგი საქმეთაგან შჯულისათა არიან, წყევასა ქუეშე არიან. რამეთუ წერილ არს: წყეულ იყავნ ყოველი, რომელი არა დაადგრეს ყოველსა წერილსა წიგნისა ამის შჯულისასა ყოფად მისა.(1)

Verse: 10-1Q     Link to mcat Deut. 27,26

Verse: 10V     სჯულისასა FTIK, მისსა TIK.

Verse: 10V     რავდენნი ZFIK, სჯულისათა FTIK.


Verse: 11   Link to pavleni Link to gnt   და რამეთუ შჯულითა არავინ განმართლდების ღმრთისა წინაშე, ცხად არს, რამეთუ: მართალი სარწმუნოებითა ცხონდეს.((2)

Verse: 11V     რამეთუ ] -- T, სჯულითა FTIK, განმართლდეს T, ცხოვნდეს ZTIK.


Verse: 12   Link to pavleni Link to gnt   ხოლო შჯული არა არს სარწმუნოებისაგან, არამედ, ყოს თუ ვინმე იგი კაცი, ცხონდეს მას შინა.(3)

Verse: 12-3Q     Link to mcat Lev. 18,5

Verse: 12V     სჯული FTIK, არამედ რომელმან ყვნეს იგი TIK, ცხოვნდეს ZFTIK, მას ] მათ TIK.


Verse: 13   Link to pavleni Link to gnt   ქრისტემან ჩუენ გამოგჳყიდნა წყევისა მისგან შჯულისა და იქმნა ჩუენთჳს წყევასა ქუეშე. რამეთუ წერილ არს: წყეულ იყავნ ყოველი, რომელი დამოეკიდოს ძელსა.(4)

Verse: 13-4Q     Link to mcat Deut. 21,23

Verse: 13V     ჩუენ ] -- TIK, სჯულისა FTIK.


Verse: 14   Link to pavleni Link to gnt   რაჲთა წარმართთა მიმართ კურთხევაჲ იგი აბრაჰამისი იყოს იესუ ქრისტე იესუჲს მიერ, რაჲთა აღთქუმაჲ იგი სულისაჲ მოვიღოთ სარწმუნოებითა.

Verse: 14V     ქრისტეს T.


Part: 7 
(ზ̂)


Verse: 15   Link to pavleni Link to gnt   ძმანო, კაცობრივ ვიტყჳ, ვითარმედ: კაცისა დამტკიცებული წიგნი არავინ შეურაცხ-ყვის, გინა სხუაჲ ბრძანებაჲ ბრძანის მის ზედა.

Verse: 15V     ვითარმედ ] რამეთუ TIK, მის ] მ̃ს T.


Verse: 16   Link to pavleni Link to gnt   ხოლო აბრაჰამისა მიმართ ითქუნეს აღთქუმანი ესე და ნათესავისა მისისა. არა ეტყჳს: "და ნათესავთა", ვითარცა მრავალთასა, არამედ ვითარცა ერთისათა: "და ნათესავისა შენისა", რომელ არს ქრისტე.

Verse: 16V     ქრისტჱ F.


Verse: 17   Link to pavleni Link to gnt   ხოლო ამას ვიტყჳ წიგნად აღთქუმისა, დამტკიცებულად ღმრთისა მიერ ქრისტეს მიმართ, რომელ შემდგომად ოთხას ოცდაათისა წლისა იყო შჯული, არა დაუმტკიცებელ ჰყოფს, რაჲთამცა განაქარვა აღთქუმაჲ იგი.

Verse: 17V     სჯული FTIK.


Verse: 18   Link to pavleni Link to gnt   რამეთუ უკუეთუ შჯულისაგან არს მკჳდრობაჲ იგი, არღარა აღთქუმისაგან არს; ხოლო აბრაჰამს აღთქუმისა მიერ მოჰმადლა ღმერთმან.

Verse: 18V     რამეთუ ] ხოლო TIK, სჯულისაგან FTIK.


Verse: 19   Link to pavleni Link to gnt   აწ უკუე რაჲ შჯული? გარდასლვისათჳსმე მოეცა, ვიდრემდის მოვიდეს ნათესავი იგი, რომელ აღთქუმულ არს, ბრძანებული ანგელოზთაგან ჴელითა შუამდგომელისაჲთა?

Verse: 19V     სჯულისა F, რაჲმე უკუე არს სჯული? გარდასლვისა მიზეზისათჳს მოეცაა (მოეცა IK) TIK, შუვამდგომელისაჲთა F.


Verse: 20   Link to pavleni Link to gnt   ხოლო შუამდგომელი ერთისაჲ არა არს, ხოლო ღმერთი ერთ არს.

Verse: 20V     შუვამდგომელი Z.


Verse: 21   Link to pavleni Link to gnt   აწ უკუე შჯული მტერმე არსა აღთქუმათა მათ ღმრთისაჲთა? ნუ იყოფინ! რამეთუ უკუეთუმცა მოცემულ იყო შჯული, შემძლებელი ცხორებად, ნანდჳლვე სამე შჯულისაგანმცა იყო სიმართლე.

Verse: 21V     სჯული FTIK, -მე ] -- VTIK, ღმრთისათაჲ TIK, ნამდჳლვე FTIK, სჯულისაგანმცა FTIK.


Verse: 22   Link to pavleni Link to gnt   არამედ შეაყენა წიგნმან ყოველივე ცოდვასა ქუეშე, რაჲთა აღთქუმაჲ იგი სარწმუნოებისაგან იესუ ქრისტესისა მოეცეს მორწმუნეთა.

Verse: 22V     შეაყენნა T.


Verse: 23   Link to pavleni Link to gnt   ხოლო პირველ მოწევნადმდე სარწმუნოებისა შჯულსა ქუეშე მოცვულ ვიყვენით და შეყენებულ მერმისა მისთჳს სარწმუნოებისა გამოჩინებადმდე.

Verse: 23V     სჯულსა FTIK.


Verse: 24   Link to pavleni Link to gnt   ვინაჲცა შჯული იგი მზარდულ გუექმნა ჩუენ ქრისტეს მიმართ, რაჲთა სარწმუნოებითა განვმართლდეთ.

Verse: 24V     სჯული FTIK.


Verse: 25   Link to pavleni Link to gnt   ხოლო მო-რაჲ-იწია სარწმუნოებაჲ, არღარა მზარდულთა ქუეშე ვართ.


Verse: 26   Link to pavleni Link to gnt   რამეთუ ყოველნი შვილნი ღმრთისანი ხართ სარწმუნოებითა ქრისტე იესუჲსითა.

Verse: 26V     იჳ̃ჲსითა ZFK, ი̃ჳსითა TI.


Verse: 27   Link to pavleni Link to gnt   რამეთუ რაოდენთა ქრისტეს მიმართ ნათელ-იღეთ, ქრისტე შეიმოსეთ.

Verse: 27V     რვდენთა ZFIK.


Verse: 28   Link to pavleni Link to gnt   არა არს ჰურიაება, არცა წარმართება; არა არს მონება, არცა აზნაურება; არა არს რჩევა მამაკაცისა, არცა დედაკაცისა, რამეთუ თქუენ ყოველნი ერთ ხართ ქრისტე იესუჲს მიერ.

Verse: 28V     არცა (3) ] გინა T.


Verse: 29   Link to pavleni Link to gnt   ხოლო უკუეთუ თქუენ ქრისტესნი ხართ, აბრაჰამისნი ვიდრემე შვილნი ხართ და აღთქუმისა მისგან მკჳდრნი.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.