TITUS
Epistulae Pauli georgice (CD)
Part No. 83
Previous part

Chapter: 10  
10


Verse: 1   Link to pavleni Link to gnt   რამეთუ აჩრდილი აქუნდა შჯულსა მერმეთა მათ კეთილთაჲ, არა თჳთ იგი ხატი საქმეთაჲ მათ წლითი წლად მსხუერპლთა მათ, რომელთა შესწირვედ სამარადისოდ, ვერსადა შემძლებელ იყვნეს იგინი შემწირველთა მათ განსრულებად.

Verse: 1V     სჯულსა FTIK, მერმეთა ] ყოფადთა TIK, არა ] + თუ TK, მათვე მსხუერპლთა TK, შესწირვიდეს T, იგინი ] -- IK, იგინი... განსრულებად ] სრულ-ყოფად მათდა, რომელთათჳს შეიწირვოდეს TIK.


Verse: 2   Link to pavleni Link to gnt   უკუეთუ არა, არასადა დასცხრეს შეწირვისაგან, ვინაჲთგან არცა ერთიღამცა რაჲ იჭჳ აქუნდა ცოდვათაჲ შემწირველთა მათ, ერთგზის განწმედილთა,

Verse: 2V     არა ] -- VZF, და ესე თუმცა არა, არამცა (არამც T) დასცხრესა შესაწირავნი იგი, არცა ერთისაღა იჭუსა ქონებითა ცოდვათათჳს ერთ-გზის განწმედილთა მათ TIK.


Verse: 3   Link to pavleni Link to gnt   არამედ მათ შინა კუალად მოჴსენებაჲ ცოდვათაჲ წლითი წლად,


Verse: 4   Link to pavleni Link to gnt   რამეთუ ვერ შემძლებელ არს სისხლი ვაცთაჲ და კუროთაჲ აჴოცად ცოდვათა.

Verse: 4V     კუროთაჲ ] ზუარაკთაჲ TIK, აღჴოცად TI.


Part: 13 
(ი̂გ)


Verse: 5   Link to pavleni Link to gnt   ამისთჳს შემო-რაჲ-ვალს სოფლად, იტყჳს: შესაწირავი და მსხუერპლი არა გთნდა, ხოლო ჴორცნი დამამტკიცენ მე.

Verse: 5V     დამიმტკიცენ K.


Verse: 6   Link to pavleni Link to gnt   საკუერთხი ცოდვათათჳს არა ითხოვე.

Verse: 6V     საკუერთხები T, ცოდვისათჳს F, ინებე ] ითხოვე F.


Verse: 7   Link to pavleni Link to gnt   მაშინ ვთქუ: ესერა მოვალ, თავსა წიგნთასა წერილ არს ჩემთჳს ყოფად, ღმერთო ჩემო, ნებისა შენისა.(1)

Verse: 7-1Q     Link to psa Ps. 39,7-9


Verse: 8   Link to pavleni Link to gnt   ზემო კერძო იტყჳს, ვითარმედ: მსხუერპლი და შესაწირავი და საკუერთხი, და ცოდვათათჳს არა ინებე, არცა სათნო-იყავ, რომელნი-იგი მსგავსად შჯულისა შეიწირვიან,

Verse: 8V     და (2) ] -- TIK, სჯულისა FTIK.


Verse: 9   Link to pavleni Link to gnt   მაშინ თქუა: ესერა მოვალ ყოფად ნებისა შენისა, აღიღებს პირველსა მას, რაჲთა მეორე იგი დაამტკიცოს.

Verse: 9V     მოვალ ] -- E, ესერა მოვალ ] -- K, აღიღებს TIK.


Verse: 10   Link to pavleni Link to gnt   რომლისა ნებითა ჩუენ განწმედილ ვართ შესაწირავითა მით ჴორცითა იესუ ქრისტესითა ერთგზის.


Verse: 11   Link to pavleni Link to gnt   და ყოველი იგი მღდელი დგან დღითი დღედ მსახურებასა მას და მათვე მსხუერპლთა შესწირავნ მრავალგზის, რომელნი-იგი არასადა შემძლებელ არიან აჴოცად ცოდვათა.

Verse: 11V     აღჴოცად T.


Verse: 12   Link to pavleni Link to gnt   ხოლო თავადმან ერთგზის შეწირა მსხუერპლი ცოდვათათჳს სამარადისოდ და დაჯდა იგი მარჯუენით ღმრთისა


Verse: 13   Link to pavleni Link to gnt   და მიერითგან მოელის, ვიდრემდის დაისხნენ მტერნი მისნი ქუეშე ფერჴთა მისთა.

Verse: 13V     დაისხნეს FT.


Verse: 14   Link to pavleni Link to gnt   რამეთუ ერთი მსხურპლი სრულ იქმნა სამარადისოდ განწმედილთა მათთჳს,


Verse: 15   Link to pavleni Link to gnt   ხოლო მეწამების ჩუენ სულიცა წმიდაჲ, რამეთუ შემდგომად სიტყჳსა მის,

Verse: 15V     წმიდაჲ T.


Verse: 16   Link to pavleni Link to gnt   ვითარმედ: ესე არს აღთქუმაჲ ჩემი, რომელი აღუთქუა მათ შემდგომად მიმართ დღეთა მათ, იტყჳს უფალი: მივსცნე შჯულნი ჩემნი გულთა მათთა, და გონებათა ზედა მათთა გამოვწერნე იგინი

Verse: 16V     მათა ] მათდა ZTIK, სჯულნი FTIK, ზედა ] -- TIK.


Verse: 17   Link to pavleni Link to gnt   და უშჯულოებანი და ცოდვანი მათნი არღარა მოვიჴსენნე.(1)

Verse: 17-1Q     Link to mcat Jer. 31,33-34

Verse: 17V     ურჩულოებანი Z, უსჯულოებანი FTIK.


Verse: 18   Link to pavleni Link to gnt   ხოლო სადა ამათი მოტევებაჲ არს, არღარა ჴამს მსხუერპლი ცოდვათათჳს.


Verse: 19   Link to pavleni Link to gnt   გუაქუს უკუე, ძმანო, კადნიერებაჲ შესლვად სიწმიდეთა მათ სისხლითა იესუჲსითა,

Verse: 19V     შესლვად... სისხლითა ] შესავალისა მიმართ წმიდათაჲსა სისხლითა TIK.


Verse: 20   Link to pavleni Link to gnt   რომელ-იგი განგჳახლა ჩუენ გზაჲ ახალი და ცხოველი კრეტსაბმელითა მით, ესე-იგი არს ჴორცთა მისთაჲთა,

Verse: 20V     ცხოელი V.


Verse: 21   Link to pavleni Link to gnt   და მღდელთმოძღუარი დიდი სახლსა შინა ღმრთისასა,


Verse: 22   Link to pavleni Link to gnt   მოუჴდეთ მას ჭეშმარიტითა გულითა და გულსავსებითა სარწმუნოებისაჲთა, სხურებულნი გულითა იჭჳსაგან ბოროტისა

Verse: 22V     გულითა ] გონებითა V.


Verse: 23   Link to pavleni Link to gnt   და განბანილნი გუამითა წყლითა წმიდითა,შევიკრძალოთ აღსარებაჲ იგი სასოებისაჲ მოუდრეკელად, რამეთუ სარწმუნო არს, რომელმან-იგი აღმითქუა.

Verse: 23V     აღსაარებაჲ TIK, მიუდრეკელად TI, აღმითქუა ] + ჩუენ T.


Part: 24 
(ი̂დ)


Verse: 24   Link to pavleni Link to gnt   და განვიცდიდეთ ურთიერთას აღბაძვებად სიყუარულისა და კეთილთა საქმეთა.

Verse: 24V     განვიცადეთ V, ურთიერთას IK, სიყუარულისა TK.


Verse: 25   Link to pavleni Link to gnt   ნუ დაუტევებთ შესაკრებელსა თჳსსა, ვითარცა-იგი ჩუეულებაჲ არს ვიეთიმე, არამედ ნუგეშინის-სცემით და ესოდენ უფროჲს, რაოდენ-ესე ჰხედავთ მოახლებულსა ამას დღესა.

Verse: 25V     ნუ... დღესა ] -- IK, დაუტეობთ T, რავდენ-ესე ZF, ვხედავთ V, ჰხედავთ T.


Verse: 26   Link to pavleni Link to gnt   რამეთუ ნებსით შეცოდებათა ჩუენთათჳს,შემდგომად მოღებისა მის ცნობისა ჭეშმარიტებისა, არღარა ცოდვათათჳს მოაკლდების მსხუერპლი,

Verse: 26V     ნებსით TIK, ჭეშმარიტისა F, მოაკლდების ] დაგჳშთების IK.


Verse: 27   Link to pavleni Link to gnt   არამედ საშინელი რაჲმე მოლოდებაჲ საშჯელისაჲ და ცეცხლისა შური შეშჭამდეს მტერთა მათ.

Verse: 27V     სასჯელისაჲ FTIK, შესჭამდეს FTIK.


Verse: 28   Link to pavleni Link to gnt   უკუეთუ ვინმე შეურაცხ-ყოს შჯული მოსესი, თჳნიერ წყალობისა, ორითა ანუ სამითა მოწამითა, მოკუდების,

Verse: 28V     შეურაცხ-ყოს V, სჯული FTIK.


Verse: 29   Link to pavleni Link to gnt   რაოდენ ჰგონებთ უძჳრესისა ტანჯვისა ღირს-ყოფად, რომელმან ძე ღმრთისაჲ დათრგუნოს და სისხლი იგი აღთქუმისაჲ არაღირსად შეჰრაცხოს, რომლითა განწმიდნა, და სული იგი მადლისაჲ აგინა?

Verse: 29V     რავდენ ZFIK, ძჱ F, შეჰრცხოს V.


Verse: 30   Link to pavleni Link to gnt   რამეთუ ვიცით, რომელმან-იგი თქუა: ჩემი არს შურის-გებაჲ, და მე მივაგო, იტყჳს უფალი. და კუალად იტყჳს, რამეთუ: განიკითხოს უფალმან ერი თჳსი.(1)

Verse: 30-1Q     Link to mcat Deut. 32,35-36


Verse: 31   Link to pavleni Link to gnt   საშინელ არს შევრდომაჲ ჴელთა ღმრთისა ცხოველისათა.


Part: 15 
(ი̂ე)


Verse: 32   Link to pavleni Link to gnt   მოიჴსენებდით პირველთა მათ დღეთა, რომელთა-იგი შინა ნათელ-იღეთ და მრავალი ღუაწლი დაითმინეთ ვნებათაჲ,


Verse: 33   Link to pavleni Link to gnt   ესე არს, ყუედრებათა და ჭირთა შინა სოფლის სახილველ იქმნენით და ესე, რამეთუ ეზიარენით თქუენ მათ, რომელნი-იგი მათ შინა იქცეოდეს;

Verse: 33V     ესე არს ] რომელიმე TIK, იქმნენით... ეზიარენით მათ ] ქმნითა და რომელიმე ესრეთ მყოფთა მათ თანა ზიარებითა TIK.


Verse: 34   Link to pavleni Link to gnt   რამეთუ კრულებათა მათ ჩემთათჳს გელმოდა, და იავარის-ყოფაჲ იგი მონაგებთა თქუენთაჲ სიხარულით შეიწყნარეთ; უწყით, რამეთუ გაქუს თავისა თქუენისა საუნჯე უმჯობესი ცათა შინა დადგრომილი.

Verse: 34V     და რამეთუ TIK.


Verse: 35   Link to pavleni Link to gnt   ნუ განიშორებთ განცხადებულებასა მაგას თქუენსა, რომელსა აქუს დიდი სასყიდლისა მოგებაჲ.


Verse: 36   Link to pavleni Link to gnt   რამეთუ მოთმინებაჲ გიჴმს თქუენ, რაჲთა ნებაჲ ღმრთისაჲ ჰყოთ და მოიღოთ აღნათქუემი იგი.


Verse: 37   Link to pavleni Link to gnt   რამეთუ მცირედ, წუთერთღა, და მომავალი იგი მოვიდეს და არა ყოვნოს.

Verse: 37V     და (1) ] -- ZFIK.


Verse: 38   Link to pavleni Link to gnt   ხოლო მართალი სარწმუნოებითა ცხონდეს; და უკუეთუ იჯმნეთ მისგან, არა სთნავს სულსა ჩემსა მას შინა.(1)

Verse: 38-1Q     Link to mcat Hab. 2,3-4

Verse: 38V     ხოლო ] რამეთუ K, ცხოვნდეს ZT, იჯმნათ T.


Verse: 39   Link to pavleni Link to gnt   ხოლო ჩუენ არა ვართ ჯმნულებისანი მის წარსაწყმედელად, არამედ სარწმუნოებისანი შესაწევნელად სულისა.

Verse: 39V     სულისა ] ღმრთისა F.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.