TITUS
Epistulae Pauli georgice (CD)
Part No. 82
Previous part

Chapter: 9  
9


Verse: 1   Link to pavleni Link to gnt   რამეთუ აქუნდა პირველსა მას შჯულსა სამართალი მსახურებათაჲ წმიდაჲ იგი სოფლიოჲ;

Verse: 1V     სჯულსა FT, -- IK, მსოფლიოჲ T.


Verse: 2   Link to pavleni Link to gnt   რამეთუ კარავი შეიმზადა პირველი, რომელსა შინა იყო სასანთლე იგი და ტაბლაჲ და დაგებაჲ იგი პურთაჲ, რომელსა ერქუა "წმიდა".

Verse: 2V     და (2) ] -- F.


Verse: 3   Link to pavleni Link to gnt   ხოლო შემდგომად მეორე იგი კრეტსაბმელი კარვისაჲ, რომელსა ერქუა "წმიდაჲ წმიდათაჲ".

Verse: 3V     მეორისა კრეთსაბმელისა კარავი TIK.


Verse: 4   Link to pavleni Link to gnt   ოქროჲსაჲ აქუნდა სასაკუმევლე და კიდობანი იგი შჯულისაჲ, შემოსილი გარეთ, შინაჲთ ოქროჲთა, რომელსა შინა იყო ტაკუკი იგი ოქროჲსაჲ, სავსე მანანაჲთა, და კუერთხი იგი აჰრონისი, რომელ განედლდა, და ფიცარნი იგი შჯულისანი,

Verse: 4V     სჯულისაჲ FTIK, იგი (2) ] -- TIK, სჯულისანი FTIK.


Verse: 5   Link to pavleni Link to gnt   ხოლო ზედა კერძო მისა ქერობინი დიდებისაჲ, რომელი აგრილობდა სალხინებელსა მას; რომელთათჳს არა არს აწ თითოეულად სიტყუად.

Verse: 5V     მისსა TIK, თითოეულად FIK.


Verse: 6   Link to pavleni Link to gnt   და ესე რაჲ ესრეთ აღმართებულ იყო, პირველსა მას კარავსა მარადის შევლენედ მღდელნი და მსახურებასა მას აღასრულებედ.


Verse: 7   Link to pavleni Link to gnt   ხოლო შინაგანსა მას ერთგზის წელიწადსა მღდელთმოძღუარი იგი ხოლო შევიდის და არა თჳნიერ სისხლისა, რომელი-იგი შეწირის თავისა თჳსისათჳს და ერისა უმეცრებისათჳს.


Verse: 8   Link to pavleni Link to gnt   და ესე უწყებითა სულისა წმიდისაჲთა, რამეთუ არღა გამოჩინებულ იყო წმიდათა იგი გზაჲ, არამედ პირველისა მისდა კარვისაჲ აქუნდა წესი.


Verse: 9   Link to pavleni Link to gnt   რომელი-იგი იგავი იყო ჟამისა მის მოწევნადისაჲ, რომელსა შინა მსხუერპლნი და შესაწირავნი შეიწირვოდეს, რომელნი ვერ შემძლებელ იყვნეს გულითად სრულ-ყოფად შემწირველთა მათ,


Verse: 10   Link to pavleni Link to gnt   გარნა საჭმელთა ხოლო ზედა და სასუმელთა და პირად-პირადთა ბანათა და სამართალითა ჴორცთაჲთა ვიდრე ჟამადმდე განგებისა მის მოწევნადისა.

Verse: 10V     განგებისა მის მოწევნადისა ] განმართვისა ზედა-მდებარეთაჲსა TIK.


Part: 12 
(ი̂ბ)


Verse: 11   Link to pavleni Link to gnt   ხოლო ქრისტე მოვიდა, მღდელთმოძღუარი იგი ყოფადთა მათ კეთილთაჲ, უფროჲსითა მით და უსრულესითა კარვითა, ჴელით უქმნელითა, ესე-იგი არს, არა ამის დაბადებულისაჲთა,

Verse: 11V     იგი ] -- VF, ყოფადთა ] ყოფილთა V.


Verse: 12   Link to pavleni Link to gnt   არცა სისხლითა ვაცთა და ზუარაკთაჲთა, არამედ თჳსითა სისხლითა შევიდა ერთგზის სიწმიდესა მას და საუკუნოჲ გამოჴსნაჲ პოვა.

Verse: 12V     პოა V.


Verse: 13   Link to pavleni Link to gnt   რამეთუ უკუეთუ სისხლი იგი ვაცთა და ზუარაკთაჲ და ნაცარი იგი დიაკეულთაჲ, რომელი ეპკურებოდა შეგინებულთა მათ და განსწმედდა მსგავსად ჴორცთა მათ განწმედისა,

Verse: 13V     დიეკეულთაჲ Z.


Verse: 14   Link to pavleni Link to gnt   რაოდენ უფროჲს სისხლმან ქრისტესმან, რომელმან-იგი სულითა საუკუნოდ თავი თჳსი შეწირა უბიწოდ ღმრთისა, განწმიდნეს გონებანიცა თქუენნი მკუდართაგან საქმეთა მსახურებად ღმრთისა ცხოველისა!

Verse: 14V     რავდენ ZFIK, რომელმან + იგი ] რომელნი-იგი F.


Verse: 15   Link to pavleni Link to gnt   და ამისთჳს ახლისა აღთქუმისა შუვამდგომელ არს, რაჲთა სიკუდილიღა მოიწიოს გამოსაჴსრად პირველისა მის შჯულისა გარდასრულთა, აღთქუმაჲ იგი მოიღონ ჩინებულთა მათ საუკუნოჲსა მის მკჳდრობისათა.

Verse: 15V     შუვა-მდგომელ Z, სიკუდილითა F, სიკუდილი რაჲ იქმნეს გამოსაჴსნელ TIK, რჩულისა Z, სჯულისა F, აღთქუმისა გარდასლვათა TIK, იგი ] -- TIK, მიიღონ TK, მათ ] -- TIK, მის (2) ] -- V.


Verse: 16   Link to pavleni Link to gnt   რამეთუ სადა-იგი წიგნის წერაჲ არს, სიკუდილი უნებლიად ზედა-აც წიგნის მწერალსა მას,

Verse: 16V     უნებლიად F, უნებელად TIK.


Verse: 17   Link to pavleni Link to gnt   რამეთუ ანდერძი დაწერილი მკუდართა შემდგომადღა მტკიცე არს; უკუეთუ არა, ვერსადა მტკიცე არნ, ვიდრე ცოცხალღა არნ ანდერძის მწერალი იგი.


Verse: 18   Link to pavleni Link to gnt   ვინაჲცა არცა პირველი იგი თჳნიერ სისხლისა განახლდებოდა.


Verse: 19   Link to pavleni Link to gnt   რამეთუ ითქუნეს ყოველნი იგი მცნებანი მსგავსად შჯულისა მოსეს მიერ ყოვლისა მიმართ ერისა, მოიღის სისხლი იგი ზუარაკთაჲ და ვაცთაჲ წყალსა თანა მატყლითა მეწამულითა და უსუპითა, თჳთ მასვე წიგნსა და ყოველსა ერსა აპკურის

Verse: 19V     სჯულისა FTIK, მასვე ] მას ZFTIK.


Verse: 20   Link to pavleni Link to gnt   და თქჳს: ესე სისხლი აღთქუმისაჲ, რომელ გამცნო თქუენ ღმერთმან.(1)

Verse: 20-1Q     Link to mcat Gen. 24,8


Verse: 21   Link to pavleni Link to gnt   თჳთ მას კარავსა და ყოველსა მას ჭურჭელსა სამსახურებელისასა ეგრეთე მსგავსად სისხლი ასხურის.

Verse: 21V     ეგრევე Z, ეგრეთვე მსგავსად ] -- TIK.


Verse: 22   Link to pavleni Link to gnt   და კნინღა ყოველივე იგი სისხლითა განწმიდნებოდა მსგავსად შჯულისა მის, და თჳნიერ სისხლისა დათხევისა არა იყო მოტევებაჲ.

Verse: 22V     და ყოველივე T, განწმინდნებოდა Z, განწმდებოდა T, სჯულისა FTIK


Verse: 23   Link to pavleni Link to gnt   საჭირო არს უკუეთუ ვინაჲთგან სახენი იგი ზეცისათანი ამით განწმდებოდეს, რაჲთა ზეცისანი იგი ამათსა უმჯობესითა მსხუერპლითა განწმდენ.


Verse: 24   Link to pavleni Link to gnt   რამეთუ არა ჴელით ქმნულთა სიწმიდეთა შევიდა ქრისტე სახედ ჭეშმარიტთა მათ, არამედ თჳთ მათ ცათა, აწვე ჩუენებად პირსა ღმრთისასა ჩუენთჳს,


Verse: 25   Link to pavleni Link to gnt   არცა რაჲთა მრავალგზის შეწიროს თავი თჳსი, ვითარცა-იგი მღდელთმოძღუარი იგი შევიდის წელიწადსა ერთგზის სიწმიდესა მას სისხლითა სხჳსაჲთა;


Verse: 26   Link to pavleni Link to gnt   უკუე ჯერ-ვიდრემე-იყო მისა ვნებაჲ მრავალგზის ვნებად სოფლის დაბადებითგან; ხოლო აწ ერთგზის აღსასრულსა ჟამთასა შეურაცხის-ყოფად ცოდვათა მსხუერპლითა თჳსითა გამოჩნდა.

Verse: 26V     მისსა TIK, შეურაცხის-ყოფად V.


Verse: 27   Link to pavleni Link to gnt   და ვითარცა-იგი წინა-უც კაცთა ერთგზის სიკუდილი და მისა შემდგომად საშჯელი,

Verse: 27V     მისსა ZFTK, სასჯელი FTIK.


Verse: 28   Link to pavleni Link to gnt   ეგრეცა ქრისტე ერთგზის შეიწირა მრავალთათჳს აღჴოცად ცოდვათა, ხოლო მეორედ თჳნიერ ცოდვათა გამოეცხადოს, რომელნი-იგი მოელიან მას მაცხოვრად.

Verse: 28V     ეგრეთცა F, ქრისტჱ V, აღჴოცად TIK.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.