TITUS
Epistulae Pauli georgice (CD)
Part No. 60
Previous part

Chapter: 3  
3
Part: 5 
(ე̂)


Verse: 1   Link to pavleni Link to gnt   ამიერითგან, ძმანო, გიხაროდენ უფლისა მიერ! იგივე მიწერად თქუენდა ჩემდა არა სიცონილ არს, და თქუენდა კრძალულება არს.


Verse: 2   Link to pavleni Link to gnt   ეკრძალებოდეთ ძაღლთა მათგან, ეკრძალებოდეთ ბოროტთა მათგან მუშაკთა, ხედევდით განკუეთილებასა მას,

Verse: 2V     ჰხედევდით IK.


Verse: 3   Link to pavleni Link to gnt   რამეთუ ჩუენ ვართ წინადაცუეთილებაჲ იგი, რომელნი _ სულითა ღმრთისა ვჰმსახურებთ და ვიქადით ქრისტე იესუჲს მიერ და არა ჴორცთა ვესავთ,

Verse: 3V     ქრისტეს T.


Verse: 4   Link to pavleni Link to gnt   და ღათუ მაქუს მე ჴორცთაგანცა სასოებაჲ, უკუეთუ ვინმე ჰგონებდეს სხუად1 სასოებად ჴორცითა, მე _ უფროჲსღა:

Verse: 4V     ვინმე ] + სხუაჲ IK, ჰგონებს IK.

Verse: 4-1N     I-ს აკლია აქედან მე-4 თავამდე (ფილიპ. 3,5 - 3,21).


Verse: 5   Link to pavleni Link to gnt   წინადაცუეთილებაჲ რვა დღისამან, ნათესავით ისრაჱლისაჲ, ტომისაგან ბენიამენისი, ებრაელი ებრაელთაგან, შჯულითა ფარისეველი,

Verse: 5V     ბენიამენისსა TK, სჯულისა FTK, ფარისეველი TK.


Verse: 6   Link to pavleni Link to gnt   შურით ვსდევნიდ ეკლესიათა და სიმართლითა შჯულისაჲთა ვიყავ მე უბრალო.

Verse: 6V     შურითა T, სჯულისაჲთა FTK.


Verse: 7   Link to pavleni Link to gnt   არამედ რომელი-იგი იყო ჩემდა შესაძინელ, ესე შემირაცხიეს ქრისტჱსთჳს ზღვევად.


Verse: 8   Link to pavleni Link to gnt   არამედ და შე-ცა-ვჰრაცხო ყოველივე ზღვევად გარდამატებულისა მისთჳს მეცნიერებისა ქრისტე იესუჲს უფლისა ჩემისაჲთა, რომლისათჳს ყოვლისაგან ვიზღვიე და შემირაცხიეს იგი ნაგევად, რაჲთა ქრისტე შევიძინო.

Verse: 8V     ნაგევად ] ბრედ K.


Verse: 9   Link to pavleni Link to gnt   და ვიპოვო მას შინა, რაჲთა არა მაქუნდეს ჩემი სიმართლე შჯულისაგან, არამედ სარწმუნოებითა ქრისტესითა, ღმრთისა მიერი იგი სიმართლე სარწმუნოებითა,

Verse: 9V     ვიპოვო T, სჯულისაგან FTK.


Verse: 10   Link to pavleni Link to gnt   ცნობად მისა და ძალსა მას აღდგომისა მისისა და ზიარებასა მას ვნებათა მათ მისთასა, თანახატ ქმნად სიკუდილსა მას მისსა,

Verse: 10V     მისსა TK.


Verse: 11   Link to pavleni Link to gnt   რაჲთა მი-ვითარ-რაჲ-ვსწუდე აღდგომასაცა მას მკუდართასა.

Verse: 11V     -ვსწუთე T.


Verse: 12   Link to pavleni Link to gnt   არა თუ ვითარმედ აწვე მომიღებიეს, ანუ თუ აწვე სრულ ქმნულ ვარ; ხოლო ვსდევ ეგრე, რაჲთა ვეწიო, რომლითაცა წევნულ ვიქმენ ქრისტე იესუჲს მიერ.

Verse: 12V     ეგრე ZFTK, წევნილ V.


Verse: 13   Link to pavleni Link to gnt   ძმანო, მე არღარა შემირაცხიეს თავი ჩემი წარწევნულად; ხოლო ერთი ესე: უკუანასა მას დავივიწყებ და წინასა მას მივსწუდები,

Verse: 13V     არღარა ] არა TK, უკანასა TK, მივსწუთები T.


Verse: 14   Link to pavleni Link to gnt   და კრძალულებით ვსდევ გჳრგჳნსა მას ზეცისა ჩინებისა ღმრთისასა ქრისტე იესუჲს მიერ.

Verse: 14V     ჩინებისასა T.


Verse: 15   Link to pavleni Link to gnt   რაოდენნი უკუე სრულნი ვართ, ამას ვზრახვიდეთ; და სხუას თუ რასმე ზრახვიდეთ, და იგიცა ღმერთმან გამო-ვე-გიცხადოს თქუენ.

Verse: 15V     რავდენნი ZF, სხუაჲ TK, რასმე ზრახვიდეთ ] რაჲმე იზრახებოდის TK, და (2) ] -- T, გამოგიცხადოს TK.


Verse: 16   Link to pavleni Link to gnt   გარნა, რომელსა-ესე მივსწუეთით, მასვე ვზრახვიდეთ და მასვე წესსა ზედა ვეგნეთ.

Verse: 16V     მივსწუედით TK.


Verse: 17   Link to pavleni Link to gnt   მობაძავ ჩემდა იქმნენით, ძმანო, და ხედევდით, რომელნი-იგი ესრეთ ვლენან, ვითარცა-ესე ვართ ჩუენ სახე თქუენდა.

Verse: 17V     ჰხედევდით TK, სახედ VT.


Verse: 18   Link to pavleni Link to gnt   რამეთუ მრავალნი ვინმე ვლენან, რომელთათჳს მრავალგზის გეტყოდე თქუენ, ხოლო აწ ტირილით გითხრობ თქუენ მტერთა მათთჳს ქრისტეს ჯუარისათა,


Verse: 19   Link to pavleni Link to gnt   რომელთაჲ აღსასრული წარწყმედაჲ არს, რომელთაჲ ღმერთ მუცელი არს და დიდებაჲ _ სირცხჳლსა შინა მათსა, რომელნი ქუეყანისასა ზრახვენ.

Verse: 19V     რომელთაჲ V.


Verse: 20   Link to pavleni Link to gnt   ხოლო ჩუენი მოქალაქობაჲ ცათა შინა არს, ვინაჲცა-იგი მაცხოვარსა მოველით, უფალსა იესუ ქრისტესა,

Verse: 20V     მოქალქბ̃აჲ VZ, მოქლქობ̃ჲ F, მოქ̃ლქბჲ თ, მოქალაქობ̃ჲ K.


Verse: 21   Link to pavleni Link to gnt   რომელმან გარდაცვალნეს ჴორცნი ესე სიმდაბლისა ჩუენისანი, რაჲთა იყვნენ იგინი თანახატ ჴორცთა მათ დიდებისა მისისათა შეწევნისაებრ ძლიერებისა მისისა და დამორჩილებად მისა ყოველი.

Verse: 21V     სიმდაბლისა ] დამდაბლებისა K, მისსა T.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.