TITUS
Epistulae Pauli georgice (CD)
Part No. 8
Previous part

Chapter: 8  
8


Verse: 1   Link to pavleni Link to gnt   არამე რაჲ დასაშჯელ არსა აწ ქრისტე იესუჲს მიერ მათა, რომელნი-იგი არა ჴორცთაებრ ვლენან, არამედ სულისაებრ?

Verse: 1V     ვითარმედ არღარა (არღარაჲ IK) სადმე TIK, დასასჯელ VFTEK, არს TIK, იესუჲს მიერ ] იესუჲსთა IK, მათდა ZTIK, რომელნი-იგი ] -- IK, ვლენან ] მავალობაჲ IK.


Verse: 2   Link to pavleni Link to gnt   რამეთუ შჯულმან სულისა ცხორებისამან ქრისტე იესუჲს მიერ განმათავისუფლა მე შჯულისა მისგან ცოდვისა და სიკუდილისა.

Verse: 2V     რჩულმან Z, სჯულმან FTIK, რჩულისა FTIK.


Verse: 3   Link to pavleni Link to gnt   რამეთუ შეუძლებელი იგი შჯულისაჲ, რომლითა უძლურ იყო ჴორცთა მათთჳს, ღმერთმან ძე თჳსი მოავლინა მსგავსად ჴორცთა მათ ცოდვისათა და ცოდვისათჳს და საჯა ცოდვაჲ იგი ჴორცითა თჳსითა,

Verse: 3V     რჩულისაჲ Z, სჯულისაჲ FTIK.


Verse: 4   Link to pavleni Link to gnt   რაჲთა სიმართლე იგი შჯულისაჲ აღესრულოს ჩუენ შორის, რომელნი არა ჴორციელად ვიქცევით, არამედ სულიერად.

Verse: 4V     რჩულისაჲ Z, სჯულისაჲ FTIK.


Verse: 5   Link to pavleni Link to gnt   რამეთუ რომელნი-იგი ჴორციელად არიან, ჴორცთასა ზრახვენ, ხოლო რომელნი-იგი სულიერად არიან, -- სულისასა.


Verse: 6   Link to pavleni Link to gnt   რამეთუ ზრახვაჲ იგი ჴორცთაჲ სიკუდილ არს, ხოლო ზრახვაჲ იგი სულისაჲ ცხორება არს და მშჳდობა.


Verse: 7   Link to pavleni Link to gnt   რამეთუ ზრახვაჲ იგი ჴორცთაჲ მტერობა არს ღმრთისა, რამეთუ შჯულსა მას ღმრთისასა ვერ დაემორჩილების და ვერცა ძალ-უც.

Verse: 7V     რჩულსა Z, სჯულსა FTIK.


Verse: 8   Link to pavleni Link to gnt   რამეთუ რომელნი-იგი ჴორცთა შინა არიან, ღმრთისა სათნო-ყოფად ვერ ძალ-უც.


Verse: 9   Link to pavleni Link to gnt   ხოლო თქუენ არა ხართ ჴორცთა შინა, არამედ სულთა, უკუეთუ სული ღმრთისაჲ დამკჳდრებულ არს თქუენ შორის. უკუეთუ ვისმე სული ქრისტესი არა აქუს, იგი არა არს მისი.

Verse: 9V     აქუნდეს F.


Verse: 10   Link to pavleni Link to gnt   უკუეთუ ქრისტე თქუენ შორის არს, ჴორცნიმცა მკუდარ არიან ცოდვისათჳს, ხოლო სული -- ცხოველ სიმართლისათჳს.

Verse: 10V     ცხოველ ] ცხორება IK.


Verse: 11   Link to pavleni Link to gnt   უკუეთუ სული იგი აღმადგინებელი იესუჲსი მკუდრეთით მკჳდრ არს თქუენ შორის, რომელმან-იგი აღადგინა ქრისტე მკუდრეთით, განაცხოველნეს მოკუდავნიცა ეგე ჴორცნი თქუენნი დამკჳდრებულისა მის მიერ თქუენ შორის სულისა მისისა.

Verse: 11V     უკუეთუ ] უკუ V, ქრისტე ] -- TIK.


Verse: 12   Link to pavleni Link to gnt   აწ უკუე, ძმანო, თანა-გუაც არა ჴორცთაჲ, რაჲთა ჴორციელად სცხოვნდებოდით.

Verse: 12V     არაჲ VZ, სცხოვნდებოდით ZTK.


Verse: 13   Link to pavleni Link to gnt   რამეთუ უკუეთუ ჴორციელად სცხონდებოდით, მოსიკუდიდ ხართ; ხოლო უკუეთუ სულითა ჴორცთა საქმესა მოაკუდინებდეთ, სცხონდეთ.

Verse: 13V     სცხოვნდებოდით ZTI; სცხოვნდეთ ZTIK.


Verse: 14   Link to pavleni Link to gnt   რამეთუ რომელნი სულითა ღმრთისაჲთა ვლენან, ესენი არიან ძენი ღმრთისანი.


Verse: 15   Link to pavleni Link to gnt   რამეთუ არა მიგიღებიეს სული იგი მონებისაჲ, რაჲთამცა კუალად გეშინოდა, არამედ მიგიღებიეს სული იგი შვილებისაჲ, რომლითა ვღაღადებთ: აბბა,1 მამაო!

Verse: 15-1N     აშიაზე ტექსტისავე ხელით Ⴃ რედაქციის ხელნაწერებში განმარტებაა: აბბა ებრაულად არს (ებრაულია IK) მამაო TIK.


Verse: 16   Link to pavleni Link to gnt   იგივე სული ეწამების სულსა ამას ჩუენსა, რამეთუ ვართ შვილნი ღმრთისანი.


Verse: 17   Link to pavleni Link to gnt   ხოლო უკუეთუ შვილ, მკჳდრცა, მკჳდრ ღმრთისა თანა და თანამკჳდრ ქრისტესა. უკუეთუ მის თანა ვივნოთ, მის თანაცა ვიდიდნეთ.

Verse: 17V     თანა ] -- TIK, ქრისტესსა IK, უკუეთუ ] + ოდენ TIK, რაჲთა მის TIK.


Part: 12 
(ი̂ბ)


Verse: 18   Link to pavleni Link to gnt   რამეთუ მე ესრე მგონიეს, ვითარმედ ვერ ღირს არიან ვნებანი იგი ამის ჟამისანი მერმისა მის თანა დიდებისა, რომელ გამოჩინებად არს ჩუენდა მომართ.

Verse: 18V     ღირ Z, რომელი TIK, გამოჩინებად ] გამოცხადებად IK, მომართ ] -- TIK.


Verse: 19   Link to pavleni Link to gnt   რამეთუ იჭჳ იგი დაბადებისაჲ გამოჩინებასა შვილთა ღმრთისათა მოელის,

Verse: 19V     რამეთუ მყოვარ მოლოდებაჲ იგი დაბადებულისაჲ გამოცხადებასა ძეთა კაცისათა (ღმრთისათასა IK) მოელის TIK.


Verse: 20   Link to pavleni Link to gnt   რამეთუ ამაოებასა დაემორჩილა დაბადებული არა ნებსით, არამედ მის მიერ, რომელმან-იგი დაამორჩილა, სასოებით,

Verse: 20V     ნეფსით ZFIK.


Verse: 21   Link to pavleni Link to gnt   რამეთუ თჳთ იგიცა დაბადებული გან-ვე-თავისუფლდეს მონებისაგან ხრწნილებისა აზნაურებასა მას დიდებისა შვილთა ღმრთისათა.

Verse: 21V     გან-ვე-თავისუფლებდეს Z.


Verse: 22   Link to pavleni Link to gnt   უწყით, რამეთუ ყოველი დაბადებული თანაკუნესის და თანაელმის მოაქამდე.


Verse: 23   Link to pavleni Link to gnt   არა ხოლო თუ იგი, არამედ თჳთ ჩუენცა, რომელთა-ესე პირველი ნაყოფი სულისაჲ გუაქუს, თჳთ ჩუენცა თავთა შინა ჩუენთა ვკუნესით და შვილებასა მას მოველით, გამოჴსნასა მას ჴორცთა ჩუენთასა,

Verse: 23V     პირველი ] დასაბამი TIK, ნაყოფი ] -- IK.


Verse: 24   Link to pavleni Link to gnt   რამეთუ სასოებით ვცხოვნდებით. ხოლო სასოებაჲ ხილული არა არს სასოება, რამეთუ რომელსა-იგი ვინმე ხედავნ, რაჲსაღამე ესავნ?

Verse: 24V     რამეთუ სასოებით ] რომლითა TIK, ვცხოვნდებით Z, ვცხოვნდით TI, ვცხონდით K, ჰხედავნ T.


Verse: 25   Link to pavleni Link to gnt   ხოლო ჩუენ, რომელსა არა ვხედავთ, ვესავთ, რამეთუ მოთმინებით მოველით.


Verse: 26   Link to pavleni Link to gnt   ეგრეთვე და სულიცა იგი თანაშეეწევის უძლურებათა ჩუენთა, რამეთუ რაჲმცა-იგი ვილოცეთ, ვითარ-იგი ჯერ-არს, არა ვიცით; არამედ თჳთ იგი სული მეოხ არს ჩუენთჳს სულთქუმითა მით უსიტყუელითა.

Verse: 26V     იგი ] იგივე TIK.


Verse: 27   Link to pavleni Link to gnt   ხოლო რომელი-იგი გამომეძიებელი არს გულთაჲ, იცის, თუ რაჲ არს ზრახვაჲ იგი სულისაჲ, რამეთუ ღმრთისა მიმართ მეოხ არს წმიდათათჳს.

Verse: 27V     ხოლო ] რამეთუ TIK, ზრახვა Z, იგი ] -- T, რამეთუ ღმრთისა მიმართ ] საღმრთოდ TIK.


Verse: 28   Link to pavleni Link to gnt   ესე უწყით, რამეთუ ღმრთისმოყუარეთა ყოველივე განემარჯუების კეთილად, რომელნი-იგი ბრძანებით ჩინებულ არიან.

Verse: 28V     რამეთუ ] ვითარმედ TI, განემარჯუების კეთილად ] თანა-მოქმედ კეთილისა ექმნების TIK, -იგი ] -- IK, ბრძანებით... არიან ] ნებსით (ნეფსით IK) თჳსით წოდებულ არიან TIK.


Verse: 29   Link to pavleni Link to gnt   რამეთუ რომელნი-იგი წინაჲსწარ იცნნა, წინაჲსწარცა განაჩინნა თანამსგავსად ხატისა მის ძისა თჳსისა, რაჲთა იყოს იგი პირმშო მრავალთა შორის ძმათა;


Verse: 30   Link to pavleni Link to gnt   ხოლო რომელნი-იგი წინაჲსწარ განაჩინნა, მათცა უწოდა; და რომელთა-იგი უწოდა, იგინიცა განამართლნა; და რომელნი-იგი განამართლნა, იგინიცა ადიდნა.

Verse: 30V     ხოლო ] რამეთუ TIK.


Verse: 31   Link to pavleni Link to gnt   რაჲმე უკუე ვთქუათ ამისთჳს? უკუეთუ ღმერთი ჩუენ კერძო არს, ვინ არს ძჳრისმყოფელ ჩუენდა?


Verse: 32   Link to pavleni Link to gnt   რომელმან-იგი ძესაცა თჳსსა არა ჰრიდა, არამედ ჩუენ ყოველთათჳს მისცა იგი, ვითარ უკუე არა მითურთ ყოველივე მოგუანიჭოს ჩუენ?


Verse: 33   Link to pavleni Link to gnt   ვინ არს მაბრალობელ რჩეულთა მათ ღმრთისათა? ღმერთი არს განმამართლებელ.


Verse: 34   Link to pavleni Link to gnt   და ვინ არს დამსჯელ? ქრისტე იესუ, რომელი მოკუდა, უფროჲსღა აღდგა; რომელი-იგი არს მარჯუენით ღმრთისა, რომელიცა-იგი მეოხ არს ჩუენთჳს.

Verse: 34V     უფროჲღა K.


Part: 13 
(ი̂გ)


Verse: 35   Link to pavleni Link to gnt   ვინ განმაშორნეს ჩუენ სიყუარულსა მას ქრისტესსა: ჭირმან ანუ იწროებამან, დევნამან ანუ სიყმილმან, შიშულოებამან ანუ ურვამან ანუ მახჳლმან? ვითარცა წერილ არს:

Verse: 35V     შიშულობამან Z, შიშლოებამან T.


Verse: 36   Link to pavleni Link to gnt   რამეთუ შენთჳს მოვსწყდებით ჩუენ მარადღე და შევირაცხებით ჩუენ, ვითარცა ცხოვარნი კლვადნი.(1)

Verse: 36-1Q     Link to mcat Ex. 20,17


Verse: 37   Link to pavleni Link to gnt   არამედ ამას ყოველსა ზედავსძლოთ ჩუენ მის მიერ, რომელმანცა-იგი შემიყუარნა ჩუენ.

Verse: 37V     ზედა-ვსძლევთ ] ზესთა-ვსძლევთ T, ზეშთა-ვსძლევთ IK.


Verse: 38   Link to pavleni Link to gnt   რამეთუ მრწამს მე, ვითარმედ არცა სიკუდილმან, არცა ცხორებამან, არცა ანგელოზთა, არცა მთავრობათა, არცა ძალთა, არცა ამან სოფელმან, არცა მან სოფელმან.


Verse: 39   Link to pavleni Link to gnt   არცა სიმაღლეთა, არცა სიღრმეთა, არცა სხუამან დაბადებულმან შემიძლოს ჩუენ განყენებად სიყუარულსა ღმრთისასა, რომელ არს ქრისტე იესოჲს1 მიერ უფლისა ჩუენისა.

Verse: 39V     სხუამან ] + რამანმე TIK, სიყუარულსა ] + მას TIK, იესოჲს ] ი̃ჳს ZFTIK.

Verse: 39-1N     სრულად სწერია V-ში.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.