TITUS
Epistulae Pauli georgice (AB)
Part No. 8
Previous part

Chapter: 8  
8


Verse: 1   Link to pavlecd Link to gnt   არა-მე რაჲ დასაშჯელ არსა მათა, რომელნი-იგი ქრისტე იესუჲს მიერნი არიან?

Verse: 1V     მათა] + აქ B.


Verse: 2   Link to pavlecd Link to gnt   რამეთუ შჯულმან მან სულისა ცხოვრებისამან ქრისტე იესუჲს მიერ განგათავისუფლა შენ შჯულისა მისგან ცოდვისა და სიკუდილისა.

Verse: 2V     ცხორებისამან B, ქრისტჱ B.


Verse: 3   Link to pavlecd Link to gnt   რამეთუ შეუძლებელი Ms. page: A45R  იგი შჯულისაჲ, რომელი უძლურ იყო ჴორცთა მათგან, ღმერთმან ძჱ თჳსი მოავლინა მსგავსად ჴორცთა მათ ცოდვისათა და ცოდვისათჳს და საჯა ცოდვაჲ იგი ჴორცითა მით,


Verse: 4   Link to pavlecd Link to gnt   რაჲთა სიმართლჱ იგი შჯულისაჲ აღესრულოს ჩუენ შორის, რომელნი არა ჴორციელად ვიქცევით, არამედ სულიერად.


Verse: 5   Link to pavlecd Link to gnt   რამეთუ რომელნი ჴორციელად არიან, ჴორცთასა ზრახვენ, ხოლო რომელნი-იგი სულიერად არიან, -- სულისასა.

Verse: 5V     რომელნი] + იგი B.


Verse: 6   Link to pavlecd Link to gnt   რამეთუ ზრახვაჲ იგი ჴორცთაჲ სიკუდილ არს, ხოლო ზრახვაჲ იგი სულისაჲ -- ცხოვრება და მშჳდობა.

Verse: 6V     ცხორება B.


Verse: 7   Link to pavlecd Link to gnt   რამეთუ ზრახვაჲ იგი ჴორცთაჲ მტერობა არს ღმრთისა, რამეთუ შჯულსა მას ღმრთისასა ვერ დაემორჩილების, ვერცაღა ძალ-უც.


Verse: 8   Link to pavlecd Link to gnt   რამეთუ რომელნი ჴორცთასა შინა არიან, ღმრთისა სათნო-ყოფად ვერ ჴელ-ეწიფების.


Verse: 9   Link to pavlecd Link to gnt   ხოლო თქუენ არა ხართ ჴორცთასა შინა, არამედ სულთასა, უკუეთუ სული ღმრთისაჲ დამკჳდრებულ არს თქუენ შორის. უკუეთუ ვისმე სული ქრისტჱსი არა აქუს, იგი არა არს მისი.

Verse: 9V     ჴორცთა B, აქუს] -- B.


Verse: 10   Link to pavlecd Link to gnt   უკუეთუ ქრისტჱ თქუენ შორის არს, ჴორცნიმცა მკუდარ არიან ცოდ\ვისათჳს, Ms. page: A45V  ხოლო სული -- ცხოველ სიმართლისა.

Verse: 10V     ქრისტე B, სიმართლისათჳს B.


Verse: 11   Link to pavlecd Link to gnt   უკუეთუ სული იგი აღმადგინებელი იესუჲსი მკუდრეთით დამკჳდრებულ არს თქუენ შორის, რომელმან-იგი აღადგინა ქრისტე მკუდრეთით, განაცხოველნეს მოკუდავნიცა ეგე ჴორცნი თქუენნი მის გამო, რომელ-იგი დამკჳდრებულ არს სული მისი თქუენ შორის.

Verse: 11V     მკუდრეთით] -- A, ქრისტჱ B.


Verse: 12   Link to pavlecd Link to gnt   აწ უკუე, ძმანო, თანა-გუაც არა თუ ჴორცთაჲ, რაჲთა ჴორციელად ვცხოვნდებოდით.

Verse: 12V     თანა-გუაც, ძმანო B, ვცხონდებოდით B.


Verse: 13   Link to pavlecd Link to gnt   უკუეთუ ჴორციელად სცხოვნდებოდით, სიკუდიდ ხართ; უკუეთუ სულითა ჴორცთა საქმესა მოაკუდინებდეთ, სცხოვნდეთ.

Verse: 13V     ვცხონებოდით B, სიკუდილდ B, სცხონდეთ B.


Verse: 14   Link to pavlecd Link to gnt   რამეთუ რომელნი სულითა ღმრთისაჲთა ვლენან, იგინი არიან შვილნი ღმრთისანი.

Verse: 14V     შვილნი ღმრთისანი არიან B.


Verse: 15   Link to pavlecd Link to gnt   რამეთუ არა მიგიღებიეს სული იგი მონებისაჲ, რაჲთამცა კუალად გეშინოდა, არამედ მიგიღებიეს სული იგი შვილებისაჲ, რომლითა ვღაღადებ: აბბა, მამაო!

Verse: 15V     ვღაღადებთ B.


Verse: 16   Link to pavlecd Link to gnt   იგივე სული ეწამების სულსა მას ჩუენსა, რამეთუ ვართ შვილნი ღმრთისანი.


Verse: 17   Link to pavlecd Link to gnt   უკუეთუ შვილ, მკჳდრცა ღმრთისა და თანა-მკჳდრ ქრისტესა.



Part: 12  
Verse: h1  
თავი ი̂ბ


      უკუეთუ მის თანა ვივნოთ, მის თანაცა Ms. page: A46R  ვიდიდნეთ.


Verse: 18   Link to pavlecd Link to gnt   რამეთუ მე ესრე მგონიეს, ვითარმედ ვერ ღირს არიან ვნებანი იგი ამის ჟამისანი მერმისა მის თანა დიდებისა, რომელ გამოჩინებად არს ჩუენდა მომართ.

Verse: 18V     გამოჩინებად] გამოცხადებად B.


Verse: 19   Link to pavlecd Link to gnt   რამეთუ იჭჳ იგი დაბადებისაჲ გამოჩინებასა მას შვილთა ღმრთისათა მოელის,


Verse: 20   Link to pavlecd Link to gnt   რამეთუ ამაოებასა დაემორჩილა დაბადებული არა ნებსით, არამედ მის მიერ, რომელმან დაამორჩილა, სასოებით,

Verse: 20V     ნეფსით B, რომელმან] + იგი B.


Verse: 21   Link to pavlecd Link to gnt   რამეთუ თჳთ იგიცა დაბადებული გან-ვე-თავისუფლდეს კირთებისა მისგან ხრწნილებისა აზნაურებასა მას და დიდებასა შვილთა ღმრთისათა.

Verse: 21V     ჴრწნილებისა B, და] -- B.


Verse: 22   Link to pavlecd Link to gnt   ესე უწყით, რამეთუ ყოველი დაბადებული თანა-კუნესის და თანა-ელმის მოაქამდე.

Verse: 22V     ესე] -- B, ელმის A.


Verse: 23   Link to pavlecd Link to gnt   არა ხოლო თუ იგი, არამედ თჳთ ჩუენცა, რომელთა-ესე პირველი ნაყოფი სულისაჲ მაქუს, თჳთ თავთა შინა ჩუენთა ვკუნესით და შვილებასა მას მოველით, გამოჴსნასა ჴორცთა ჩუენთასა,


Verse: 24   Link to pavlecd Link to gnt   რამეთუ სასოებით ვცხოვნდებით. ხოლო სასოებაჲ ხილული არა არს სასოება: რომელსა-იგი ვინ ხედავნ, რაჲსაღა ესავნ?

Verse: 24V     სასოვებით ვცხონდებით B.


Verse: 25   Link to pavlecd Link to gnt   ჩუენ თუ არა ვხედავთ და ვესავთ, Ms. page: A46V  მოთმინებით მოველით.


Verse: 26   Link to pavlecd Link to gnt   ეგრეთვე სულიცა იგი თანა-შეეწევის უძლურებასა ჩუენსა, რამეთუ რაჲმცა-იგი ვილოცეთ, ვითარ-იგი ჯერ-არს, არა ვიცით; არამედ თჳთ იგი სული მეოხ არს ჩუენთჳს სულ-თქუმითა მით უსიტყუელითა.


Verse: 27   Link to pavlecd Link to gnt   ხოლო რომელი-იგი გამომეძიებელი არს გულისაჲ, იცის ზრახვაჲ იგი სულისაჲ, რამეთუ ღმრთისა მიმართ მეოხ არს წმიდათათჳს.

Verse: 27V     რომელ-იგი B.


Verse: 28   Link to pavlecd Link to gnt   ესე უწყით, რამეთუ ღმრთის მოყუარეთა ყოველივე განემარჯჳს კეთილად, რომელნი-იგი ბრძანებით ჩინებულ არიან.

Verse: 28V     განემარჯჳს კეთილად] კეთილად წარემართოს + რამეთუ B.


Verse: 29   Link to pavlecd Link to gnt   რამეთუ რომელნი-იგი წინაჲსწარ იცნნა, და წინაჲსწარცა განაჩინნა თანა-მსგავსად ხატისა მის ძისა თჳსისა, რაჲთა იყოს იგი პირმშო მრავალთა შორის ძმათა;

Verse: 29V     იცნო B.


Verse: 30   Link to pavlecd Link to gnt   და რომელნი-იგი წინაჲსწარ იჩინნა, მათცა უწოდა; და რომელთა-იგი უწოდა, იგინიცა განამართლნა; და რომელნიცა განამართლნა, იგინიცა ადიდნა.

Verse: 30V     წინაჲსწარ] წინაჲს B.


Verse: 31   Link to pavlecd Link to gnt   რაჲ-მე უკუე ვთქუათ ამისთჳს? უკუეთუ ღმერთი ჩუენ კერძო არს, ვინ არს ძჳრისმეტყუელ ჩუენდა?


Verse: 32   Link to pavlecd Link to gnt   რომელმან-იგი ძესა თჳსსა არა ჰრიდა, არამედ ჩუენ ყოველთათჳს მისცა იგი, ვითარ არა მითურთით1 ყოველივე მოგუანიჭოს ჩუენ?

Verse: 32V     ძესა] + ცა B.

Verse: 32-1N     ასეა ნუსხებში.


Verse: 33   Link to pavlecd Link to gnt   Ms. page: A47R  ვინ არს მაბრალებელ რჩეულთა ღმრთისათა? ღმერთი არს განმამართლებელ.

Verse: 33V     რჩეულთა] + მათ B.


Verse: 34   Link to pavlecd Link to gnt   და ვინ არს დამშჯელ? იესუ ქრისტჱ, რომელ-იგი მოკუდა, უფროჲსღა აღდგა; რომელი ზის მარჯუენით ღმრთისა და მეოხ არს ჩუენთჳს.

Verse: 34V     ქრისტე იესუ B, რომელი ზის] რომელი-იგი არს B, და (2)] + რომელ-იგი B.



Part: 13  
Verse: h2  
თავი ი̂გ


Verse: 35   Link to pavlecd Link to gnt   ვინ განმაშოვრნეს ჩუენ სიყუარულსა მას ქრისტჱსსა: ჭირმან ანუ იწროებამან, დევნამან ანუ სიყმილმან, შიშულობამან ანუ ურვამან ანუ მახჳლმან? ვითარცა წერილ არს:

Verse: 35V     განმაშოვრნეს] განმაყენნეს B, ჩუენ] -- A, ქრისტესსა B, ურვამან] უძლურებამან B.


Verse: 36   Link to pavlecd Link to gnt   შენთჳს მოვწყდებით ჩუენ მარადღე და შევირაცხებით ჩუენ, ვითარცა ცხოვარნი კლვადნი(1).

Verse: 36-1Q     Link to psa Ps. 43,23

Verse: 36V     მოვსწყდებით A, მარადღჱ B.


Verse: 37   Link to pavlecd Link to gnt   არამედ ამას ყოველსა ზედა-ვსძლოთ ჩუენ მის მიერ, რომელმანცა-იგი შემიყუარნა ჩუენ.

Verse: 37V     ვსძლოთ] შეუძლოთ B, რომელმან-იგი B.


Verse: 38   Link to pavlecd Link to gnt   მრწამს მე, რამეთუ არცა სიკუდილმან, არცა ცხოვრებამან, არცა ანგელოზთა, არცა მთავარანგელოზთა, არცა ამან სოფელმან, არცა მან სოფელმან.

Verse: 38V     ცხორებამან B, მთავარანგელოზთა] მთავრობამან B.


Verse: 39   Link to pavlecd Link to gnt   არცა სიმაღლეთა, არცა სიღრმეთა, არცა სხუამან დაბადებულმან შემიძლოს ჩუენ განყენებად სიყუარულსა მას ღმრთისასა, რომელ არს ქრისტე იესუჲს მიერ უფლისა ჩუენისა.

Verse: 39V     არცა ძალთა, არცა სიმაღლეთა B, ქრისტჱ B.



Next part


This text is part of the TITUS edition of Epistulae Pauli georgice (AB).

Copyright TITUS Project, Frankfurt a/M, 3.4.2021. No parts of this document may be republished in any form without prior permission by the copyright holder.