TITUS
Epistulae Pauli georgice (AB)
Part No. 18
Previous part

Chapter: 2  
2


Verse: 1   Link to pavlecd Link to gnt   ხოლო მე, ძმანო, მოვედ თქუენდა, მოვედ არა მეტნობისა სიტყჳთა სიბრძნისაჲთა მითხრობად თქუენდა წამებაჲ იგი ღმრთისაჲ.

Verse: 1V     მოვედ] -- E, არა მოვედ G.


Verse: 2   Link to pavlecd Link to gnt   რამეთუ არარაჲ სხუაჲ დავიდევ გულსა ჩემსა უწყებად თქუენდა, გარნა ქრისტე იესუ და იგიცა ჯუარს-ცუმულივე.

Verse: 2V     სხუაჲ] -- AG, თქუენდა] თქუენ შორის B, იესუ ქრისტჱ B, ჯუარ-ცუმულივე GE.


Verse: 3   Link to pavlecd Link to gnt   მე უძლურებასა შინა და შიშსა და ძრწოლასა მრავალსა ვიყავ თქუენდა მიმართ.

Verse: 3V     ძწოლასა + შინა BG, ვიყავ მრავალსა G.


Verse: 4   Link to pavlecd Link to gnt   და სიტყუაჲ ჩემი და ქადაგებაჲ ჩემი არა რწმუნებითა მით სიბრ\ძნისა Ms. page: A63V  სიტყჳთა, არამედ გამოცხადებითა სულისა წმიდისაჲთა და ძალითა,

Verse: 4V     მით] -- B.


Verse: 5   Link to pavlecd Link to gnt   რაჲთა სარწმუნოებაჲ ეგე თქუენი არა იყოს სიბრძნითა კაცთაჲთა, არამედ ძალითა ღმრთისაჲთა.   



Part: 1-2  
Verse: h1  
თავი ბ̂, ა̂-განვე
Verse: h1V  
ა̂-განვე] -- BG.


Verse: 6   Link to pavlecd Link to gnt   ხოლო სიბრძნესა მას ვიტყჳ სრულთა მათ მიმართ, სიბრძნესა არა ამის სოფლისასა, არცაღა მთავართასა მას ამის სოფლისასა, რომელნი განქარვებად არიან,

Verse: 6V     სიბრძნისა B, სოფლისათა G, მთავრობასა B.


Verse: 7   Link to pavlecd Link to gnt   არამედ ვიტყჳ ღმრთისა სიბრძნესა, საიდუმლოსა მას დაფარულსა, რომელ-იგი პირველადვე გამოაჩინა ღმერთმან უწინარჱს საუკუნეთა სადიდებელად ჩუენდა,

Verse: 7V     ვიტყჳთ BG, რომელი-იგი E, გამოაჩინა BE, უწინარეს BE.


Verse: 8   Link to pavlecd Link to gnt   რომელ-იგი არავინ მთავართაგანმან ამის სოფლისამან იცნა; უკუეთუმცა იცნეს, არამცა უფალი იგი დიდებისაჲ ჯუარს-აცუეს.

Verse: 8V     რომელი-იგი E, ეცნა E, ჯუარს-ეცჳა.


Verse: 9   Link to pavlecd Link to gnt   არამედ ვითარცა წერილ არს: რომელი თუალმან არა იხილა, და ყურსა არა ესმა, და გულსა კაცისასა არა მოუჴდა, რომელი განუმზადა ღმერთმან მოყუარეთა თჳსთა(1).

Verse: 9-1Q     Link to mcat Is. 64,4

Verse: 9V     არამედ] -- G, რომელი (1) + იგი E. თჳსთა] მისთა E.


Verse: 10   Link to pavlecd Link to gnt   რამეთუ ჩუენ გამოგჳცხადა ღმერთმან სულითა თჳსითა; რამეთუ სული ყოველსავე გამოეძიებს, და სიღრმესაცა ღმრთისასა.

Verse: 10V     რამეთუ] ხოლო E, გამოგუცხადა E, სულითა] + მით E, გამოიძიებს G.


Verse: 11   Link to pavlecd Link to gnt   ვინ-მე უკუე იცის კაცმან კაცისაჲ, გარნა სულმანვე Ms. page: A64R  კაცისამან, რომელ არს მის თანა? ეგრეცა ღმრთისაჲ არავინ იცის, გარნა სულმანვე ღმრთისამან.

Verse: 11V     რომელ არს მის თანა] -- B, რომელი GE, ეგრევე B.


Verse: 12   Link to pavlecd Link to gnt   ხოლო ჩუენ არა სული ამის სოფლისაჲ მოგჳღებიეს, არამედ სული იგი, რომელ არს ღმრთისაგან, რაჲთა ვიცოდით ღმრთისა მიერ მონიჭებული ჩუენდა;

Verse: 12V     სული არა ამის E, მოგუღებიეს E, მონიჭებული] + იგი E.


Verse: 13   Link to pavlecd Link to gnt   რომელსაცა-ესე ვიტყჳთ არა სწავლულებითა კაცთა სიბრძნისა სიტყჳთა, არამედ სწავლითა სულისა წმიდისაჲთა სულიერთა მათ თანა სულიერსა შევატყუებთ.

Verse: 13V     რომელსა-ესე G, ვიტყჳ E, სწავლულთა G, სულისასა B.


Verse: 14   Link to pavlecd Link to gnt   ხოლო მშჳნვიერმან მან კაცმან არა შეიწყნარის სულისა მისგან ღმრთისაჲსა, რამეთუ სიცოფე უჩნ მას, და ვერ შემძლებელ არნ ცნობად, რამეთუ სულიერად განიკითხვინ.

Verse: 14V     მშუმინვიერმან B, არს E, განიკითხავნ B.


Verse: 15   Link to pavlecd Link to gnt   სულიერმან მან განიკითხის ყოველი, ხოლო იგი არავისგან განიკითხვის.

Verse: 15V     განიკითხოს E.


Verse: 16   Link to pavlecd Link to gnt   ვინ-მე უკუე ცნა გონებაჲ უფლისაჲ, ანუ ვინ-მე თანა-მზრახვალ ეყო მას?(1) ხოლო ჩუენ გონებაჲ ქრისტჱსი გუაქუს.

Verse: 16-1Q     Link to mcat Is. 40,13

Verse: 16V     ვინ-მე (1)] ვინ B, უკუე] -- B, ცნა] იცის E, ვინ-მე (2)] ვინ BGE, თანამზრახვ̃ლ A] თანა-მზრუნველ B, ეყოს GE, ქრისტესი B, გუაქჳს E.



Next part


This text is part of the TITUS edition of Epistulae Pauli georgice (AB).

Copyright TITUS Project, Frankfurt a/M, 3.4.2021. No parts of this document may be republished in any form without prior permission by the copyright holder.