TITUS
Epistulae Pauli georgice (AB)
Part No. 17
Previous part

Book: 1.Kor.  
Chapter: 1  
Section: 1  
Verse: h1  
პავლე მოციქულისა წიგნი კორინთელთა მიმართ, საკითხავი ა̂
Verse: h1V  
პავლჱ B, საკითხავი ა̂] თავი (- E) პირველი BE.

1


Verse: 1   Link to pavlecd Link to gnt   პავლე, ჩინებული მოციქული ქრისტე იესუჲსი ნებითა ღმრთისაჲთა, და სოსთენე ძმაჲ,

Verse: 1V     პავლჱ B, სუსთენე E.


Verse: 2   Link to pavlecd Link to gnt   ეკლესიათა ღმრთისათა, განწმედილთა ქრისტე იესუჲს მიერ, რომელნი არიან კორინთეს შინა, ჩინებულთა წმიდათა ყოვლითურთ, რომელნი ჰხადიან სახელსა უფლისა ჩუენისა იესუ ქრისტჱსსა, ყოველთა ადგილთა ჩუენთა და თქუენთა:

Verse: 2V     ეკლესიასა ღმრთისასა B, ჩინებულნი წმიდანი A, ხადიან BE, ქრისტესა B, ქრისტჱსა E, თქუენთა და ჩუენთა BE.


Verse: 3   Link to pavlecd Link to gnt   მადლი თქუენდა და მშჳდობაჲ ღმრთისა მიერ მამისა ჩუენისა და უფლისა ჩუენისა იესუ ქრისტჱსა.

Verse: 3V     ჩუენისა] -- BE, ქრისტესა E.


Verse: 4   Link to pavlecd Link to gnt   ვჰმადლობ ღმერთსა ჩემსა მარადის თქუენთჳს მადლსა მას ზედა ღმრთისასა, რომელ მოცემულ არს თქუენდა ქრისტე იესუჲს მიერ.


Verse: 5   Link to pavlecd Link to gnt   რამეთუ ყოვლითავე განჰმდიდრდით მას შინა, ყოვლითა სიტყჳთა და ყოვლითა მეცნიერებითა,

Verse: 5V     ყოვლითა BE, განმსდიდრდით BE, ყოვლითა (2)] -- E.


Verse: 6   Link to pavlecd Link to gnt   ვითარცა წამებაჲ იგი ქრისტჱსი განმტკიცნა თქუენ შორის.

Verse: 6V     ქრისტესი B, შორის] ზედა B.


Verse: 7   Link to pavlecd Link to gnt   რამეთუ არარაჲთ ნაკლულევან ხართ თქუენ არცაღა ერთითა მადლითა და მოელოდეთ გამოჩინებასა მას უფლისა ჩუენისა იესუ ქრისტჱსსა,

Verse: 7V     არაჲთ B, არცა B, ქრისტესა B, ქრისტჱსა E.


Verse: 8   Link to pavlecd Link to gnt   რომელმან-იგი მტკიცე გყვნეს თქუენ სრულიად უბრალონი დღესა მას უფლისა ჩუენისა იესუ ქრისტჱსსა.

Verse: 8V     ქრისტესსა B, ქრისტჱსა E.


Verse: 9   Link to pavlecd Link to gnt   სარწმუნო არს ღმერთი, რომლისა მიერ იწოდენით ზიარებასა მას ძისა მისისა იესუ ქრისტჱს უფლისა ჩუენისასა.

Verse: 9V     ქრისტეს B.



Ms. page: A62R 
Part: 1  
Verse: h2  
თავი ა̂


Verse: 10   Link to pavlecd Link to gnt   გლოცავ თქუენ, ძმანო, სახელითა უფლისა ჩუენისა იესუ ქრისტჱსითა, რაჲთა მასვე იტყოდით ყოველნი, და ნუ იყოფინ თქუენ შორის წვალება, არამედ იყვენით განმტკეცილ მითვე მეცნიერებითა და მითვე გონებითა.

Verse: 10V     ქრისტესითა B, წვალებაჲ B, მეცნიერებითა] სარწმუნოებითა B.


Verse: 11   Link to pavlecd Link to gnt   რამეთუ მეუწყა მე თქუენთჳს, ძმანო, ქლოველთა მათგან, ვითარმედ ჴდომა რაჲმე არიან თქუენ შორის.

Verse: 11V     მჴდომ E.


Verse: 12   Link to pavlecd Link to gnt   ხოლო ვიტყჳ ამას, რამეთუ კაცად-კაცადი თქუენი იტყჳს: მე პავლჱსი ვარ, მე აპოლოჲსი ვარ, მე კეფაჲსი ვარ, მე ქრისტჱსი ვარ.

Verse: 12V     ხოლო] -- B, პავლესი BE, მე კეფაჲსი ვარ, მე ამპოლოჲსი ვარ E.


Verse: 13   Link to pavlecd Link to gnt   გან-მე-ყოფილ არსა ქრისტჱ? ანუ პავლე ჯუარს-ეცუა თქუენთჳს? ანუ სახელისა მიმართ პავლჱსისა ნათელ-იღეთ?

Verse: 13V     ქრისტე E, პავლჱ B, ჯუარს-ეცჳა E, პავლესისა BE, ნათელ-იღეთა E.


Verse: 14   Link to pavlecd Link to gnt   ვჰმადლობ ღმერთსა, რამეთუ არავის თქუენგანსა ნათელ-ვეც, გარნა კრისპეს და გაიოსს,

Verse: 14V     გაიოზს B.


Verse: 15   Link to pavlecd Link to gnt   რაჲთა არავინ სთქუათ, რამეთუ სახელითა ჩემითა ნათელ-იღეთ.

Verse: 15V     რამეთუ] ვითარმედ BE.


Verse: 16   Link to pavlecd Link to gnt   ხოლო ნათელ-ვეც სტეფანაჲსსაცა სახლსა; მერმე არა ვიცი, უკუეთუ ვისმე ნათელ-ვეც სხუასა.

Verse: 16V     სხჳსა E.


Verse: 17   Link to pavlecd Link to gnt   რამეთუ არა მომავლინა მე უფალმან ნათლის-ცემად, არამედ სახარებად, არა სიბრძნისა სიტყჳთა, რაჲთა არა ცალიერად იყოს ჯუარი იგი ქრისტჱსი.

Verse: 17V     სიტყუათა E, ქრისტესი B.


Verse: 18   Link to pavlecd Link to gnt   რამეთუ სიტყუაჲ იგი ჯუარისაჲ წარწყმედულთა მათ სიცოფე არს, ხოლო ცხოვრებულთა მათ ძალ ღმრთისა არს.

Verse: 18V     მათე] + თჳს BE, სიცოფჱ BE, ცხორებულთა BE.


Verse: 19   Link to pavlecd Link to gnt   ვითარცა წერილ არს: წარვწყმიდო სიბრძნჱ იგი ბრძენთაჲ და მეცნიერებაჲ იგი მეცნიერთაჲ შეურაცხ-ვყო(1).

Verse: 19-1Q     Link to mcat Is. 29,14

Verse: 19V     ვითარცა] რამეთუ BE, სიბრძნე BE.


Verse: 20   Link to pavlecd Link to gnt   სადა არს ბრძენი? ანუ სადა არს მწიგნობარი? სადა არს გამომეძიებელი იგი ამის სოფლისაჲ? გან-რაჲ-მე-აცოფა ღმერთმან სიბრძნჱ იგი ამის სოფლისაჲ?

Verse: 20V     გამომეძიებელი] გამომეტყუელი B, სიბრძნე B, იგი (2)] -- E.


Verse: 21   Link to pavlecd Link to gnt   რამეთუ სიბრძნითა მით ღმრთისაჲთა ვერ იცნა სოფელმან სიბრძნითა თჳსითა ღმერთი, ჯერ-უჩნდა ღმერთსა ქადაგებითა მით სისულელისაჲთა ცხოვრებად მორწმუნეთა მათ.

Verse: 21V     ცხორებად BE.


Verse: 22   Link to pavlecd Link to gnt   რამეთუ ჰურიანიცა სასწაულსა ითხოვენ, და წარმართნი სიბრძნესა ეძიებენ.

Verse: 22V     ჰურიანი G, ითხოენ A.


Verse: 23   Link to pavlecd Link to gnt   ხოლო ჩუენ ვქადაგებთ ქრისტესა ჯუარს-ცუმულსა: ჰურიათა სამე საცთურ და წარმართთა სისულელე.

Verse: 23V     ქრისტჱსა G, ჯუარ-ცუმულსა G, ჯუარ-ცმულსა BE, წარმართა E, სისულელჱ B.


Verse: 24   Link to pavlecd Link to gnt   ხოლო მათვე ჩინებულთა ჰურიათა და წარმართთა ქრისტე ღმრთისა ძალ არს და ღმრთისა სიბრძნე.

Verse: 24V     წარმართა E, სიბრძნჱ BGE.


Verse: 25   Link to pavlecd Link to gnt   რამეთუ სულელი იგი ღმრთისაჲ უბრძნეს კაცთა არს, და უძლური იგი ღმრთისაჲ უძლიერჱს კაცთა არს.

Verse: 25V     უბრძნჱს G, კაცთასა GE, უძლიერეს BE, კაცთასა GE.


Verse: 26   Link to pavlecd Link to gnt   აწ იხილეთ-ღა ჩინებულებაჲ ეგე თქუენი, Ms. page: A63R  ძმანო: არა მრავალნი ბრძენ არიანა ჴორციელად, არა მრავალნი ძლიერ არიანა, არა მრავალნი აზნაურ არიანა?

Verse: 26V     არიან (1) BE, ჴორციელად A, არიან (2) E, (3) GE.


Verse: 27   Link to pavlecd Link to gnt   არამედ სულელნი იგი სოფლისანი გამოირჩინა ღმერთმან, რაჲთა არცხჳნოს ბრძენთა, და უძლურნი იგი სოფლისანი გამოირჩინა ღმერთმან, რაჲთა არცხჳნოს ძლიერთა.

Verse: 27V     გამოირჩინნა B.


Verse: 28   Link to pavlecd Link to gnt   და უაზნონი იგი სოფლისანი და შეურაცხნი გამოირჩინა ღმერთმან და არა-არსნი იგი, რაჲთა არსნი იგი განაქარვნეს.

Verse: 28V     გამოირჩინნა B.


Verse: 29   Link to pavlecd Link to gnt   რაჲთა არა იქადოს ყოველმან ჴორციელმან წინაშე ღმრთისა.

Verse: 29V     წინაშე ღმრთისა ყოველმან ჴორციელმან B.


Verse: 30   Link to pavlecd Link to gnt   მისგან თქუენ ხართ ქრისტე იესუჲს მიერ, რომელი იქმნა ჩუენდა სიბრძნე ღმრთისა მიერ და სიმართლე და სიწმიდე და გამოჴსნა.

Verse: 30V     რომელი] + იგი E, სიბრძნჱ ABGE, და (1)] -- E, სიმართლჱ G, სიწმიდჱ BGE.


Verse: 31   Link to pavlecd Link to gnt   რაჲთა, ვითარცა წერილ არს: რომელი-იგი იქადოდის, უფლისა მიერ იქადოდენ(1).

Verse: 31-1Q     Link to mcat Jer. 9,24

Verse: 31V     რაჲთა] -- B, რომელ-იგი B, -იგი] -- G, იქადოდენ] იქადოდის B.



Next part


This text is part of the TITUS edition of Epistulae Pauli georgice (AB).

Copyright TITUS Project, Frankfurt a/M, 3.4.2021. No parts of this document may be republished in any form without prior permission by the copyright holder.