Page of ms. P: _ Page of ms. L: 323R და იყო, შემდგომად აღსრულებისა მის მოსესისა, მონისა უფლისა, ეტყოდა უფალი ისუს, ძესა ნავესსა, მსახურსა მას მოსესსა, და Page of ms. L: 323V ჰრქუა:
მოსე, მონაჲ ჩემი, აღესრულა, აწ აღდეგ და წიაღჴედ შენ იორდანესა, შენ და ერი შენი. ქუეყანასა, რომელ-იგი მივეც მამათა თქუენთა.
ყოველსა ადგილსა რომელსა დადგეს კუალი ფერჴთა თქუენთაჲ, თქუენ მიგცე იგი, ვითარცა ვარქუ მოსეს.
და უდაბნოი წინაშე ლიბანისა ვიდრე მდინარედ დიდად ევფრატად და ვიდრე ზღუამდე დასასრულისა და მზისა აღმოსავალით იყოს საზღვარი შენი.
არა წინააღგიდგეს თქუენ კაცი თქუენ წინაშე ყოველთა დღეთა ცხორებისა შენისათა. ვითარცა-იგი ვიყავ მოსეს თანა, ეგრეცა ვიყო შენ თანა; და არა დაგიტეო შენ და არცა უგულებელს-გყო შენ.
განძლიერდი და მჴნე იყავ დამარხვად და ყოფად, ვითარცა-იგი გამცნო შენ მოსე, მონამან ჩემმან, და Page of ms. L: 324R არღა გარდააქციო მათგანი არცა მარჯუენით, არცა მარცხენით, რაჲთა გულისხმა-ჰყოფდე ყოველთა შინა.
მაშინ წარგემართნენ გზანი შენნი და მაშინ გულისხმა-ყო.
აჰა, ეგერა, გიბრძანე შენ, განძლიერდი, მჴნე იყავ და ნუ შეძრწუნდები, რამეთუ შენ თანა არს უფალი ღმერთი შენი ყოველსა ადგილსა, ვიდრეცა ხუიდოდი. {1}
